ديرة وطن
عشان الحب والغيرة وعشانك ديرة العشاق
فحول الشعر واللا شعر تكتب لك دواوينا
ألا يــا درة الأوطــان مــاجــفت ولا تــنطـاق
بـحور الـشوق من بعدك ولا لبعدك تخلينا
ألا يـا أطـهر بلاد.ن عـرفـها قـلبـي الـخفـاق
سلام الـعشـق يـاعـشق السلام بكل مافينا
لـجل ديـرة وطـنا سـيدي جـينا على الإطلاق
نـحيـي بلاد قـابـوس.ن بـناهـا للوفاء دينا
يـأكـبر مـملـكة نحل وعصافير.ن لها نشتاق
ويـأجمل ملحمة شعر.ن من الإبداع تأتينا
كــتبـنا لـين بـكيـنا الـجمـال بـساحة الأوراق
عـجزنـا نـرسـم الـدهشة وتوصفها أيدينا
عمان إللي لها مجد.ن / لها ما يعتنق بفراق
عـمان إلـلي لها شهم.ن / تعلى في فيافينا
لـها كـل الولاء / الأمر والطاعة من الأخلاق
ومـن الـحب الـمقدس روح تتمنى تباهينا
تـراى يـاسـيدي جـينـا نـغار لـديـرة الـعشاق
وتـمنـينـا نـموت لـحبـها ولا عـاد يـكفـينا
تـراي عـمان مـا جـينـا نـحبك بالهوى بعناق
نـحن جـينـا نـحاول نوصل لحبك بما جينا
