يالذارفة

لـولا الـعشق ما طاب للساري نجوم وبيده      ولا ازفـرت مـن عـبرةٍ بـين الـحنـايـا طـاحت

ولا جـاوبـت ريـح الصبا تنهيده ب تنهيده      ولا طـاولـت مـسيـارهـا فـجا النحور وناحت

في صحصحٍ خالٍ من النبت ومن الترديده      اعـوي عـلى قاف الورق من دمعتينٍ ساحت

يـا الـذارفة لـيل الـعنا حدك على التسهيده      حـتى ربـيبـات السهر اخفت ضياها وشاحت

الـعي عـلى حـال الـشعـر يرزم وحز بقيده      فـي هـودجـه مـستـعرسـاتٍ من عياله ياحت

يـا قـاطـفٍ بـستـان غيره ما ظفر بحصيده      تـسهـل عـلى قـفايـها لـين اقـبلت ون راحت

 والـلي زبـن رجـع الصدا متأنسه واتفيده      من حيث ما مال الهوى مالت معاه وصاحت

الـواهـم بـقّنـيصـته تـلقى الـذمـيمة صـيده      تـلهـث يـلو حـملـتهـا وتـلهث كثر م أرتاحت

اذيـك مـا تـطوي الـمسـير ولا تجيب بعيده      يـا كـود ثـقلٍ مـن هـموم اتـهايمت وانداحت

يـا حـي مـطراشٍ لـفانـي يـا بـشارة عـيده      مــسبـوكةٍ رجـزيةٍ خـاوت شـروقـه ولاحـت

مـحمـله اغـلى الـدرر والـقحـويـان نضيده      ومــعادلــه هــم اغـتيـالٍ لـلقـصيـد اجـتاحـت

مـن عممت راس القصيد بنظمه وتجويده      لـو مـا نـصفـها وقـتهـا متزحزحت ومتاحت

تلاقى الـقصـيدة بصدرها تمجيده وتغريده      تـشبـك طلاسـم طـرقـها وبـسرهـا مـا باحت

لــن رصــعت طــاروقــها مـتفـردٍ تـفنـيده      عـليـه مـن سـتر الـشرف جـلبـابها ما زاحت

يــا قــبة الــشعـار يـا رمـزه ويـا تـوحـيده      هـجيـر مـن يـقرأ ل هـجيـر الـعنبرة لا فاحت