مسامح

مـن بـاب قوة ولا من ضعف أنا مسامح        تـستـاهـل أغـضي ولو من قلّة الحيلة

طـبعـي كـذا من رصيدي بك وأنا الرابح        لا تـعتـقدنـي ضـعيف الخير أسعي له

مو مشكلة الدمـع لو شفته ترى فاضح        خـلّيـه يـغسـل هـمومي وحرقة الليلة

مـو مـشكـلة أنـته إذا بـتشـوفـني سارح        الصمت يشفي الجرح لو خيّم ْضليله

أشــعلــت قــلبــي عــذاب ْبـليـلة الـبارح        والـيوم أنا ْنسيت مابي روحي ْسليله

مـن يصمد أكثر ترى راعي الفكر راجح        الـلي إحتضنك ْبغلا يا كيف ما ْتجيله

قـلبـي يـفرّق مـا بـين الصالح .. الطالح        مـنهـو يـحضـنك بـطيـبة بـالغلا شيله

مـظهـَرك مُـبهـم وأنـته فـي الـزعـل فالح        لـو مـال قـلبـي فـهل تقدر على ميله؟

بـايـن شـعوري على سعدك وأنا الطامح        عـاشـق يـنالـه جـفا مـا عـنده ْدلـيلـه

ضـمّرتـك بـروف خـالـص خـيلي الجامح        والـمفـترض يلتقي الترحيب من خيله

وأن الأكــيد الــمحــبة ْلــها طــعم مـالـح        بـعد الـرخـا دنـيتـي هـي باتت محيلة

الــلي صــلح حــن نؤكــد أنــه الــصالـح        والــلي تـكبـر حـسافة نـقول يـا ويـله