الشعر الشعبي : همهـ.. للشاعر : محمد بن مرزوق بن ضحي

 همهـ..

للشاعر : محمد بن مرزوق بن ضحي


لا للقهر .. والذل ؛ بحرق دمه
لا قلت ؛ ماني راجع بأقوالي..!!

(الأجودي) زاين بزين الذمه
محفور فعله: الأولي والتالي

والا (الذميم): ان ذمني؛ ما اذمه
اجر ولفاني .. من قفا عذالي

يا ناس: بعض الناس صارت: \"رمه\"
دبت .. وتنهش في عرض آمالي

اللي نوى بالشر ؛ خير يخمه
ربي (حكيم) ونيتي أعمالي

ربي (حكيم) وخاطري (ما همه)
مؤمن بأن: \"اللي يكتبه جالي\"

كم عاذل ن فجر (سكوتي) غمه
كم (انتكاسه) ارفعتني عالي

كم هاجس ن (واهي) قدرت ادمه
يا كم أنا دميت .. خيب فالي

بي \"همه\" تناطح سحاب الأمه
و\"رياح عذلي\" م قدرت ع جبالي

اللي يبي \"قدام\" مش بكمه
دمع المواقف والزمان الخالي

واللي يبي \"البيرق\" عرقه يشمه
موته ولا حرة كلام رجالي

واللي يبي \"أمه\" خذوه لأمه
يمكن معاها ما يهاب العالي