همسات شاعر : عبدالعزيز المالكي -السعودية

 همسات شاعر : الشاعر عبدالعزيز المالكي




أسافـر ..
والطريق أوشك عبث يتريق أقدامـي

عُمر و أحلامي تتساقط عرق ./ واجفف ايديني .!


،،،،،،،

أحس صدري قفص ضيق وهذي الروح به عصفور
أمانه فكـي أبـواب الظلام ./ وأطلقي روحـي .!


أخاف الوحده [ يا زينب ] تعشش فـي ثقوب النور
وأظل أحفر تراب أرض الخيال ./ وتنزف جروحي


أنا مخنوق ./ والشاعر تعب يضرم فـ قلبي شعور
عشانـي شققـي دفتر دواته ./ واسكِتـي بوحـي


،،،،،،


قبل بغته من إيماء النعاس وحلم تيه النوم
دبة دمعة على خد الفراش ./ ونمتي يا بلادي

وأنا ظليتني اتأمل وحـي تفاحـة المقسوم
و أفكـر كيف أقسم بس عليها أفـواه أولادي


،،،،،،،،،،،،،

رتبت عينـي ./ قبل شوفتك بـ اْشهر
واللحظـه اللـي شفتها فيـك دنقت .!

كان الكلام أوراق فـ الغصـن مـزهر
صار السكوت [ يتك ] من رهبت الوقت

،،،،،،


يا كثر مـا كنت افتعـل لك غيابـي
واتوهم انك خايفه بـِ صـدق هـ الحين

وان الحنين اوشك فـِ قلبـك يحـابي
لـِ الموت من شوقك علـى ضمتـي لين

كنت اعتقد لا غبت مـره ./ ودرابي
نبضك ./ بيغـرس جوف صدري سكاكين