إحساس شاعرة : نسايم السادة ( نوال سالم )

 السلطنة : إحساس شاعرة -الشاعره الإماراتية نسايم السادة ( نوال سالم )


من مثل قلبي يحبك اسأل الشوق اللي فيني
ما أصدق يا حبيبـي كـل هالغيبـه تغلّـي

غبت خانتني الليالي واجرحت قلبي وعيني
وانطفت شمعة حياتي وابتدا دمعـي يهلّـي

الله العالم بحالي لابتـدا شوقـي وحنينـي
وإنت تدري يا حبيبي في مدا هالكون من لي

صرت في سجنك أقاسي والفرح جافى يديني
تحكم لقلبي التعاسه ليت بس تحكم بقتلـي


------------------------

ما عاد لي شي اخسره يا ذي الحياة
درب الأمان اظلم طريقـه وْضيّعـه

ما لي سوى باقـة ألـم والذكريـات
والحق قطـار العمْـر قبـل آودّعـه

يا ما ضْحكت لي دنيتي والأمنيـات
كاس الهموم احلى ابتسامي اتجرّعه

واحلى السوالف عن عيوني ساليات
تصحا على ذكـرى أليمـه موجعـه


----------------------


على كثر القلوب اللي أحبها ما بكـى لـي قلـب
على كثر الشعور اللي ذرفته مـا بقـى إحسـاس

مشاعر من قسا وقتي قست ع العاشق اللي حَـب
أسمّمهـا عباراتـي وأسقيـه المـرار بـكـاس

قفلته بابي اللي كـان وعفتـه والخَيـار اصعـب
واهدم ما انبنى بيني وبينه من عـروق السـاس

وكلٍ عاتبـه قلبـي وقلبـي مـا هَـوى يعتـب
ونومي حاربه جفنـي وعاشـق حـرّة الأنفـاس



--------------------

بديـت اشتـاق لفراقـك ولا اضيّـع عناوينـي
كفا ما ضاع من عمري وانا أروي الشجر صبري

عمر واحـلام اصوّرهـا ويهنـا لـك تبكينـي
يجيني منْك يا ساتر طعون الغدر فـي ظهـري

نسيت اجمل عباراتي وكلامـك فـي دواوينـي؟
سهل هذا الهوى بشرعك تخونه وتبتدي بغـدري

إذا بندم على شي ٍ.. أسف إنـك وسـط عينـي
تضحي بي سهل عندك وانا اللي لابسك عمـري