[ همبــل ] مقصــودنـا جـــزل الفعـــايـل ..

[ابوحميد المعمري]

السلام عليكم ورحمة الله وبركاته ..
بســم الله الرحمن الرحيــم ..




فــي القائـــد ..
على فـــن الهمبــل ( همبـــل البــوش ) ..









بــديــت بســــم الله مثـــــايـل
الــواحـــد الــي ننحـنــــي لـه

ربّــ(ـن) وهبنــا بالـوســــايـل
فـي ردّ معــروفـ(ـن) نشيــلـه

مقصــودنـا جـــزل الفعـــايـل
لــي غيمتـــه تمطــر هميــلـه

حــلّال عســرات المســــايـل
و الديــن شرعــه و الوسيـلـه

سلطــاننـا صـــفّ القبــــايـل
مـوحـــده بصفـــة قــبــيـــلـه

سلطــاننـا خــــبّ الــــذلايـل
متنــومســه بـنسمــه عليــلـه

قابــوس يــا نعـــم الســلايـل
قابــوس يــا نعـــم المــخيلـه

يــا شمــس عــزً فالــقـوايـل
يــا بــدر نــوّر كـــل لـيــلـه

وفّيــت يــا عــذب الــزلايـل
بـك ترتوي الأرض المحيلـه

وفّيــت يــا هيــــل الــدلايـل
بـك طابــت النفـــس العليلـه

سلطـــاننـا راعِ الطــــوايـل
يــالله مـــدّه بـــالــطــويـلـه











احمد بن عزيز بن حميد المعمري ..

..

[عبدالله الراسبي]

اخي العزيز ابو حميد جميله جدا هذه الكلمات لهمبل البوش تسلم يمينك على هذه الابيات الجميله ويستاهل مولانا القائد الفذ سلطان عمان حفظه الله واصل ابداعك ونحن متابعون لك دائما وبمشاركاتكم الجميله انتم تثرون هذا القسم وننتظر جديدك بكل شوق تقبل تحياتي يستاهل التثبيت

[ابوحميد المعمري]

اخي العزيز ابو حميد جميله جدا هذه الكلمات لهمبل البوش تسلم يمينك على هذه الابيات الجميله ويستاهل مولانا القائد الفذ سلطان عمان حفظه الله واصل ابداعك ونحن متابعون لك دائما وبمشاركاتكم الجميله انتم تثرون هذا القسم وننتظر جديدك بكل شوق تقبل تحياتي يستاهل التثبيت

الله يسلمك و يعزك ويعطيك الصحه والعافيه اخوي عبدالله ..
يستاهل القائد حفظه الله .. وشكراً للمتابعه والتشجيع الجميل ..
وانتم تثرون القريحه بردودكم الطيبه .. بارك الله فيكم ..

[سالم الوشاحي]

أخي العزيز أبوحميد المعمري

السلام عليكم ورحمة الله وبركاته

ابدعت بهالنص الوافي وانا اخوك

لله درك وصح لسانك ملاين

يستاهل القائد هذه الكلمات

واصل التألق فنحن من متابعينك

[ابوحميد المعمري]

أخي العزيز أبوحميد المعمري

السلام عليكم ورحمة الله وبركاته

ابدعت بهالنص الوافي وانا اخوك

لله درك وصح لسانك ملاين

يستاهل القائد هذه الكلمات

واصل التألق فنحن من متابعينك

وعليكم السلام ورحمة الله وبركاته ..
صح بدنك يا اخوي الوافي سالم ..
نعم يستاهل .. الله يرفع قدرك وشانك ..

[صالح البلوشي]

كلام جميل يا بو حميد والله يدومك
=============

يــا شمــس عــزً فالــقـوايـل
يــا بــدر نــوّر كـــل لـيــلـه
__________________

تسلم

[ابوحميد المعمري]

كلام جميل يا بو حميد والله يدومك
=============

يــا شمــس عــزً فالــقـوايـل
يــا بــدر نــوّر كـــل لـيــلـه
__________________

تسلم

مرورك الأجمل .. الله يسلمك ويرفع شانك ..

[أبو مسلم الصلتي]

ماشاء الله
قول وافي
من شاعر وافي
في قائد وافي
صح لسانك
أخي أبو حميد
دمت بود

[ابوحميد المعمري]

ماشاء الله
قول وافي
من شاعر وافي
في قائد وافي
صح لسانك
أخي أبو حميد
دمت بود

ورد وافي من معلمـن وافي ..
صح بدنك سيدي ..
شكراً جداً على المرور الطيب ..