المساعد الشخصي الرقمي

مشاهدة النسخة كاملة : مجاراه بين سالم الريسي والسولعيه

بدويه وافتخر
18-10-2009, 11:50 PM
فرسان الشعر حبيت انقل لكم المجاراه اللي بين الشاعر سالم الريسي والشاعره السولعيه بصراحه اعجبني طرحهم ومجاراتهم لبعض وحبيت ادرجهن لكم بالتتالي اليكم القصائد.....



هذه القصيده اعجبت شاعرنا سالم الريسي وهي للشاعره السولعيه وجاراها بقصيده لا تقل عنها جماليه

7
7
7
7



غرس العذوق
________________________________________




هـلا باللي له إبقلــبي وثـــوق ****** وله طنـــب ٍ وثيــــــق ٍ بالحـــــنايا ...

وله بأقصى مضامين الخـفوق ****** حقــــــوق ولــه وثيــقات الدعايـــا ...

أشـــرّع له أحاسيس ٍ تــتوق ****** بوصـــل ٍ به مصـاديــق الـــــنوايـا ...

غرست الود له غرس العذوق ****** وأشواقي لغرســــــي هن سقايـــا ...

له أوفي والوفا شان الصدوق ****** كريم الحـــــــب ما باعــه هوايــــا ...

فــلابي يستمع هــرج الطفـوق ****** حقــــود الجــاش نقــــال الوشايـــا ...

وبيـــني والنيــا حالة عقــــوق ****** فلا اصـــغي لنســــاج الوهـــايـــــا ...

انا اللــي يا مــلا بوده غـــبوق ****** غــروب وفي صبــاحي والمسايـــا ...

عيوني لــه كما نزف الصــفوق ****** وارى كثــــرت حوالـيه النعـــــايـــا ...

انا اشهد انيـه لوصله شفــوق ****** ولكـــن دونيـــــه حالــت دهـــايــــــا ...

بعـــيد الدار ويســـري بالعـــروق ****** كمـا تســري الدما باقصى عضايـــا ...

عسى تمسي على داره الودوق ****** سحـــــوج المزن مــزرات العطايـــا ...

عليها يــــبات رماس الــــبروق ****** يــــــزاغي برقــــها كــــل النحـــــايـا ...



الطنب:هو ما تشد به الخيام

الخفوق: القلب
العذوق:غزر الزرع وأقصاه

الغبوق:الممتلئ

الصفوق:الرشا او القربه

الطفوق:صاحب الاخلاق الذميمه

الودوق:السحب الممتلئه بالمطر

سحوج:السحب الممتلئه

يزاغي : بمعنى يلاعب


مع جل احترامي.......
______________________________________________________


ولا تزعل
_________

يشرفني أن أواصل نزفي معكم بقصيدة ولاتزعل مجاره للشاعره السولعيه علي قصيدة غرس العذوق حيث قالت الشاعره

هلا بلي له بقلبي وثوق************وله طنبٍ وثيقٍ بالحنايا
وله باقصي مضامين الخفوق*******حقوق وله وثيقات الدعايا





و لا تـــــــــزعــــــــــــــــــــــــل


إلـي مــن قـال لـعـيـون الـصـفـوق
أجـــي وشنــاص بــكملهــا معــــــايا

ولا تزعل علي شــــــانك حــــقوق
أسـوق الـقاف وأعـلـنـهـا الـنـوايـا

وسجــــــــــل كيف ما يــحلي ويـروق
نــحب نمـــوت لــعيـــون الصــبــايا

إذا الــغـــالــي عــلـي دربــي يــتــــوق
عـطـيـته الـقـــلب وأكـثرت العـطايا

فــقـولـوا له عـن أحـوال الـخفوق
مـوصـي عـلـّهـا تـفـيــد الـوصـايـا

حـبـيـبي مــاسـكـن بـيــن الـعـروق
ولـكــنّــه سـكــن وســط الـحـنـايـا

ومــالــه ف الـشـبـه وجـهٍ يــفــوق
جـمـالــه فـــاق وتــعــدى المزايـا

عــطــاه الله مـــن حسن الــبروق
وصـانـه عـن حـكـي أهل الوشـايا

إذا أقــبــل تــقــول الــنــّاس ذوق
قــليــل الــذوق لــعــيـون المــرايا

لا أجـلـه رحــت مـتـعـنـي سـبوق
تـسـابــق خـطــوتـي سـير المطايـا

ولـه بـالـشـعر شـديـت الـوثـوق
وقــول الــواش خـلّـيـــتـه ورايـــا

عـسـى تـرضـي بـهـا ريـم الـشـّروق
وتـنـبـت أرضــهـا عـطـر وهدايــا

إلـى مـــن قــال لـعـيـون الـصـفــوق
أجـــــي وشـــناص بــكملها معـايا

ســــــــــــالــــــــــــم الريــــــــــــســـــــــــــي_____________________________________________



رد على مجاراة الشاعر سالم الريسي مع خالص احترامي0000

هلا بك 000

هــــــلا ما نـش نسناسن عبــوق
من بعيــدن ونسناســه جــدايـــا

تداعب نسمته فكـــرن يســـــوق
تراحيبـــن تشيـــد إبها البــرايــا

رفيــع الجـــد والخاطــر طلــوق
نرحــب بــه ونثنيهــا التحــايـــا

هـــلا بك يا هــلا ما لاح فــوق
من بروق ورعودن والروايــا

وبهـا نهلي ولها رمشي رفـوق
لها الموطى عيوني والدعايــا

شناص اللي حوت زين الخلوق
كريمـين المعــاني والسجايـــــا

نزيلين الحشا اسياد الخفــــوق
ننقيهــــم عن البـــاقي نقايـــــا

ومسمعنا عن الواشي مغلوق
يا سالـــم فدوتك كل السعايـــا

كريمن صغت له الاشعار ذوق
اكيـــد انه معه تفيد الوصايـــا

عســاه يــرق ويهدي لمعلوق
ويترك عنه غلجــات الوزايــا

نجيب الجـــد يا سالـــم يتــوق
الى من ساق له حسـه هدايـا

ف وقت شح به حب الصـدوق
وذهين اللب 00يفهمها النوايا
__________________
صهيــل خيــل ٍ مع جهــام ٍ عراميس **** شديتــها لك مرخـــيات اللـــجـــامــا
تاصــل عجل ثم ٍ تفـل ّ المطاريــس **** وترمــي التحـــايا مع منيف السلاما
أخــن من طيــب الورود المغــــاريس **** شــم النــفل والبخـتري والخـزامـا
شيمه وحشيمه للردى أبدا ً وليس **** نــاس ٍ لهم ذرب الطــواري الكرامــــا

... الســولعيه...::

________________________________________________

بن ســـــولـــع


ردا علي قصيدة الشاعره السولعيه ......مع التحيه

إلي بن سولع الوافي السبوق
أسوق الشعر لك سوق المطايا

ولي فكـــرٍ عن الباقي يروق
تعـــــــشم بة قليلين العطايا

وأنتي فــــوق وأفعــالك تفوق
تعــدى رجال ذربيــن السجايا

ي بن سولع ترى وجهك طلوق
ولك بلـــــــــقـــاف ترنيم وصايا

كتبت الشــعر من قلبٍ صدوق
عسى ما خاب شعري والنوايا

شنــــــاص بكل ما فيها تتوق
من أقصـاها إلي أقصاها هدايا

فخـــذ كــل المـدائن لـك حـقـوق
وعيــــش براح وانعـــم بالمزايا

مـن الريسي إلي الشهم الطُلوق
فـــــهـمت القول وأثني بالتــحايا....


سالم الريسي
[/center] _________________________________________________

رد الشاعره السولعيه على شاعرنا سالم....


هـــلا ما لــــج في كوني مخلوق
ومـــا صفت عصــافير النـــوايا

ومــا بنت ازاهيــــــر بعبـــــوق
من خزامـــــى وقيصوم وكذايا

بكم جـزل الشعر صابه وهـــوق
يا عم الشعر يا السحب السرايا

ومن ســاق الشعر بابداع سوق
حشى ما خاب وأجزلها العطـايا
__________________
صهيــل خيــل ٍ مع جهــام ٍ عراميس **** شديتــها لك مرخـــيات اللـــجـــامــا
تاصــل عجل ثم ٍ تفـل ّ المطاريــس **** وترمــي التحـــايا مع منيف السلاما
أخــن من طيــب الورود المغــــاريس **** شــم النــفل والبخـتري والخـزامـا
شيمه وحشيمه للردى أبدا ً وليس **** نــاس ٍ لهم ذرب الطــواري الكرامــــا

... الســولعيه...::

__________________________________________________
[SIZE="6"]
الي الشاعره السولعيه مع التحيه
أنا ماعندي كلام أقوله غير أنتي شاعره يا السولعيه ولك مستقبل كبير وتستحقي كل خير وأمثالج قليل وتسوي بلاد وتكوني شيخه عليهم .............




قســــــم بالله قويتـــي الوثـــــوق
وجيت أمشي واقدامـــــي حفايـا

أنا وقومي نسوق الشعر سوق
عســـى ينبت حوالينك هدايـــــا

لانك بالفعـــل بنتٍ سبـــــــوق
رفعتي أعلام في كل الزوايــا

ومثلك ينعطي حق وحقـــوق
ولجلك جيت واقدامي حفايــا

سالم الريسي

________________________________________________
سالم الريسي تسلم على الاطراء اللي ما استحقه انا ماني الا تلميذه عندك 000اليك نثري المتواضع

ســـــلام الله مـا لاح الشــــروق
على ديــار الكـريمين الزهايــــا

عزيزين النسب واصلن شهوق
عـرب بالشعر افطــان و درايــا

نسطــر مالشعر ما هو يــروق
ونهـــدي من ثمينات الخفايـــــا

عسى مالخول والجهب الدفوق
على ديارك يا ســالم بالتلايـــا

وبه يرتــاح من بالـــه ضيوق
وترتــع به اليــوازي والمهايــا
__________________
صهيــل خيــل ٍ مع جهــام ٍ عراميس **** شديتــها لك مرخـــيات اللـــجـــامــا
تاصــل عجل ثم ٍ تفـل ّ المطاريــس **** وترمــي التحـــايا مع منيف السلاما
أخــن من طيــب الورود المغــــاريس **** شــم النــفل والبخـتري والخـزامـا
شيمه وحشيمه للردى أبدا ً وليس **** نــاس ٍ لهم ذرب الطــواري الكرامــــا

... الســولعيه...::
سالم الريسي
19-10-2009, 02:05 AM
الي الشاعره السولعيه مع التحيه
أنا ماعندي كلام أقوله غير أنتي شاعره يا السولعيه ولك مستقبل كبير وتستحقي كل خير وأمثالج قليل وتسوي بلاد وتكوني شيخه عليهم .............




قسم بالله قويتي الوثوق
وجيت أمشي واقدامي حفايا

أنا وقومي نسوق الشعر سوق
عسى ينبت حوالينك هدايا

لانك بالفعل بنتٍ سبوق
رفعتي أعلام في كل الزوايا

ومثلك ينعطي حق وحقوق
ولجلك جيت واقدامي حفايا

سالم الريسي
هيثم العيسائي
19-10-2009, 08:48 AM
يا لهذا الجمال هنا

بكل صراحة أثلجتم صدورنا


يثبت


تحية وشكرا لشاعر / سالم الريسي
والشاعره / السولعية


متابع لكم عن قرب
السولعيه
19-10-2009, 01:04 PM
سالم الريسي تسلم على الاطراء اللي ما استحقه انا ماني الا تلميذه عندك 000اليك نثري المتواضع

ســـــلام الله مـا لاح الشــــروق
على ديــار الكـريمين الزهايــــا

عزيزين النسب واصلن شهوق
عـرب بالشعر افطــان و درايــا

نسطــر مالشعر ما هو يــروق
ونهـــدي من ثمينات الخفايـــــا

عسى مالخول والجهب الدفوق
على ديارك يا ســالم بالتلايـــا

وبه يرتــاح من بالـــه ضيوق
وترتــع به اليــوازي والمهايــا
بدويه وافتخر
19-10-2009, 01:53 PM
الشاعر سالم الريسي
الشاعره السولعيه

تقبلوا تقديري لكم بس عندي طلب فديتكم لو تلغون مشاركتكم بالردود على بعض لاني ادرجتها فوق مع كافة الردود 00تقبلوني بود
محمود النبهاني
19-10-2009, 07:39 PM
تصفيق حار للشاعرين الكبيرين
استمتعت بهذه المجاراة وتعلمت منها الكثير
أدامكما الله للإبداع
سالم الريسي
19-10-2009, 08:25 PM
محمود النبهاني

شكرا للمتابعه ومرورك يضيف جمالا علي هذا النقا

سالم الريسي
سالم الريسي
19-10-2009, 08:51 PM
هيثم العيسائي

شكرا علي متابعتك واستمتاعك بجديد وابداع الاخت الشاعرة السولعيه.
أنور السيفي
19-10-2009, 08:54 PM
متابع لهذا الجمال وهذا التميّز
وارقى ياشعر
احترامي
سالم الريسي
20-10-2009, 12:00 AM
أحسنت يا أنور السيفي ع المتابعه
دمت متواصلا

سالم الريسي
بدويه وافتخر
20-10-2009, 10:21 PM
مشكورييييييييييييييييييييييييييين على المرور السنع
السولعيه
20-10-2009, 11:40 PM
عشتي يا بنت العم على هالمجهود وماااااااااااااااجصرتي
فارس المنتدى
21-10-2009, 07:29 AM
عين الحسود فيها عود 000 سالم 00السولعيه 00شو ذا الابداع بصراحه غيرانين منكم نبغي شرواكم بس يا ترى بنكون بجزالتكم 00عموما سلمتوا على هذا الابداع النادر 00الف تحيه شعرانا 00
سلطان السيفي
21-10-2009, 11:31 PM
كتبت الشعر وبيوته تفوق
سرايا الازد وجيوشه ورايا
تجاري بالشعر اسبق سبوق
تصف البيت وجيوش السرايا
اداري زحفها عند الشروق
وأنظر عن يميني اذا معايا
تبادى زحفها ناشل بروق
وهزيم الرعد يأتبها وصايا
وأعلنها علن يأهل الحقوق
يمين الله أثلجتوا خفايا



كفو ماعليكم زود جميع
دمتم بخير وعافيه
بدويه وافتخر
21-10-2009, 11:57 PM
كتبت الشعر وبيوته تفوق
سرايا الازد وجيوشه ورايا
تجاري بالشعر اسبق سبوق
تصف البيت وجيوش السرايا
اداري زحفها عند الشروق
وأنظر عن يميني اذا معايا
تبادى زحفها ناشل بروق
وهزيم الرعد يأتبها وصايا
وأعلنها علن يأهل الحقوق
يمين الله أثلجتوا خفايا


كفو ماعليكم زود جميع
دمتم بخير وعافيه

السيفي مجاراتك قمه الابداع تسلم يمينك شاعريتك كلها ذوووووووووووووق
أبو وله
23-10-2009, 01:18 PM
سالم الريسي "

موغريب عليك هذا الإبداع

دام شناص للحرف ملهمة

دام النزف شعارك وتوهجك

دمت صديقي
أبو وله
23-10-2009, 01:19 PM
السولعية :

كم نفتقد لهذه اللغة الجميلة

كم نحتاج لهذا الصباح القادم

كم وكم وكم


ولم نجد سواك



دمت بهذا الرقي
محمد الضامري
23-10-2009, 01:30 PM
ما شاء الله

يعجز اللسان عن الكلام

امام جمالية هذه المجارة

بارك الله فيكم وإلى الأمام دائماً

تقبلوا ودي
إبراهيم الرواحي
24-10-2009, 10:06 AM
سالم الريسي



السولعية



تعلمنا منكم الكثير هنا



شكرا لكما


وبانتظار مجاراة أخرى بينكما


أو بين شاعرين آخرين
سالم الريسي
25-10-2009, 04:27 PM
الاخ محمد الضامري
:::::::::::::::::::::::::::::::::
ما شاء الله

يعجز اللسان عن الكلام

امام جمالية هذه المجارة

بارك الله فيكم وإلى الأمام دائماً

تقبلوا ودي
_________

شكرا علي المرزر الجميل تقبل تحياتي

سالم الريسي
سالم الريسي
25-10-2009, 04:31 PM
هلا بمدير التحرير
الاخ ابراهيم الرواحي
..................................................
سالم الريسي



السولعية



تعلمنا منكم الكثير هنا



شكرا لكما


وبانتظار مجاراة أخرى بينكما


أو بين شاعرين آخرين

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــتتت

أنا أتمني مجاره أخري لشعراء رائعين امثالك

فلك الود والاحترام والتقدير

سالم الريسي
سالم الريسي
25-10-2009, 04:38 PM
الشاعر خالد العلوي

....................................................
سالم الريسي "

موغريب عليك هذا الإبداع

دام شناص للحرف ملهمة

دام النزف شعارك وتوهجك

دمت صديقي


تسلم علي المرور الجميل يا مبدع تعلمنا منكم
أبوراشد العيسائي
26-10-2009, 11:03 AM
جميل أن نرى مثل هذه المحاورات الرائعة
فالشكر موصول للشعراء على إثرائهم هذه الساحة وتقبلوا مروري
بدويه وافتخر
22-02-2010, 10:31 PM
اشكر كل اللي مر هنا وانتظروني جريب
وليد الحضرمي
24-02-2010, 06:58 PM
ربما اتيت متأخرا ولكن ما ابهرني جميل المجاراة بين شاعرين لهم وزنهم ومكانتهم في الشعر وليس بالغريب عليهم صنع الابداع
تصفيييييييييييييييييييييييييييييييييييق حار من القلب قبل اليدين للشاعر الكبير سالم الريسي والمتألقة دوما الشاعرة السولعية
سالم الوشاحي
25-02-2010, 09:18 AM
السولعيه و سالم الريسي / اللسان يقف

عاجز أمام هذا الجمال ، لكما جلى أحترامي

(( أبوسامي))