سوالفنــــــــــــــــــــــــــــــــــــــــــــا

[ضي]

مساء الخير ...صباح الورد ...
موضوعي اليوم معطربعطر وجودكم ..
حبيت اطرح موضوع سميته "سوالفنا "
نسولف فيه عن مواقف صار لنا في حياتنا اليومية ...
سواء كانت مضحكة ...محرجة ...
مواقف تعلمنـــــــــــــــا منها ...
مواقف علمتنا دروووس فالحياة ....
موقف وانت مار شــد انتباهكــ...
ربما موقف من مواقفكم قد يسعد شخص ما ...
او كلمة قد تغير مسار حياة شخص ما ...
كل واحد منا يسولف شو صار له من مواقف اليوم ....


هنا ننتظركـــــــم وننتظر سواااالفكــــــــــــــــــــــــــــــــــم .

[سالم الريسي]

اسيرة البدر



ما شاء الله فكرة جميله أحيك عليها


مــــــــــــــــــــــثــــــــــــــــــــــــــــــــــبــــــــــــــــــــــــــــــــت


انا بقول موقف حصل معى بالدوام ,,,,،،،

طبعا انا اشتغل بقسم الأطفاء وفي مرة المدير جاب زوار معاة وقال تفضلوا ياشباب

ابي أحد يشرح للضيوف طريقة أستخدام خرطوم المياة الموجود بالمكاتب وكيف استعماله

تبرع أحد الشباب والزوار عاد كلهم بنات وهو يشرح ويعطيهم خرطوم الماي عشان يتعرفوا علية

وطبعا الخرطوم مليان ماى فقط لمسة وحده وينفجر وفي وحده من البنات جالسة تتعبث وبلمسة سريعه الماي ماصدق

خبر ، سبح البنات ومسؤلنا وأحنا نموت من الضحك وهم يصيحوا ويصرخوااااا,,,,,,,,,,,,,


أنشاء الله عجبتكم

[صمت الهنائي]

اسيرة البدر



ما شاء الله فكرة جميله أحيك عليها


مــــــــــــــــــــــثــــــــــــــــــــــــــــــــــبــــــــــــــــــــــــــــــــت


انا بقول موقف حصل معى بالدوام ,,,,،،،

طبعا انا اشتغل بقسم الأطفاء وفي مرة المدير جاب زوار معاة وقال تفضلوا ياشباب

ابي أحد يشرح للضيوف طريقة أستخدام خرطوم المياة الموجود بالمكاتب وكيف استعماله

تبرع أحد الشباب والزوار عاد كلهم بنات وهو يشرح ويعطيهم خرطوم الماي عشان يتعرفوا علية

وطبعا الخرطوم مليان ماى فقط لمسة وحده وينفجر وفي وحده من البنات جالسة تتعبث وبلمسة سريعه الماي ماصدق

خبر ، سبح البنات ومسؤلنا وأحنا نموت من الضحك وهم يصيحوا ويصرخوااااا,,,,,,,,,,,,,


أنشاء الله عجبتكم




:eek: موقف حماسي بصراحة
ما أتصور يصير معي

[جمعه المخمري]

ما شالله عليك اختي اسيرة البدر

موضـــــــ يجنـن ــــــوع

كنت مره رايح اخلص جمرك بضاعة من مركز الحدود

وصلت هناك

وما حبيت انتظر في الخارج

كانت اول مرة اروح فيها المركز

دخلت مكتب التخليص وسلمت وقاموا الجماعه وسلموا

المهم قعدنا وسولفنا وواحد من الجماعه مركز علي وايد

قام وجاب لي عصير وشكرته

واحنا قاعدين نسولف سألني وين تشتغل سيدي على باله ضابط وجاي اراقب

خبرته اني ما اداوم في الشرطة

قال فكرتك ضابط

وانا اضحك من داخلي

قعدنا نص ساعة والجماعة مطنشيني

ضحكت اكثر وقلت شوف حال الدنيا

بالاول سوالف واحترام وعصير

صحيح الدنيا مظاهر


ولي عودة في موقف ثاني

[صمت الهنائي]

صباح الخير من مواقفي اللي صارت معي
كنت سابقا عضوة في جمعية المرأة العمانية بالرستاق
وكان معنا حفل بمناسبة يوم الأسرة
الأدارة طلبت مني أقدم في الحفل خاطرة بهذي المناسبة
وأنا كانت ذيك الخطوة بدايتي في طلوع المسرح فطبعا كنت خايفة ومتوترة
المهم وصلنا ليوم الحفل وقررت أروح المكان قبل الموعد بنصف ساعة
وبعدين جلست وسط الجمهور أسلم على هذي وأكلم الثانية أسولف معهم
وكان الهدف أتأقلم مع الوضع وأخلي الخوف على جانب
بدأ الحفل وأختفيت من وسط الجمهور وطلعت على المسرح
وأنا وألقي خاطرتي حسيت بتفاعل الجمهور معي لأني جالسة وسطهم
فكانوا مفكرين أني من الجمهور وبعد ما خلصت كان التسفيق لي جدا حار
وبعد فترة كان عندنا حفل نهاية العام الدراسي وأنا ما شاركت في الحفل
لكن كنت من المنضمين وأثناء الحفل وحدة من الجمهور قامت تسألني
ما أتقدمي اليوم في الحفل فخبرتها لا وقالت حرام مشتاقين نسمع خواطرك
هذي الكلمة زادت من ثقتي في نفسي ولما رجعت البيت عطول جلست أكتب
موقفي فيه حكمة أتمنى الكل يستفيد منها

[ضي]

اسعدني تواجدكــــــــــــــــــــــــــم ....

أظن كل الموضوع بيصير سوالف ضحك ههههههه....

مرة كنا رايحين السيب مووووول وصلنا وشفنا حرمة كبيرة فالعمر ومعها بناتها وهم يريدوا يروحوا الدور 2 ...المهم هذي الحرمة تبا تطلع وكل ما تحط رجلها فالدرجة وتشوف الدرجة تتحرك ترجعها ..ونحن نبا نطلع جلت لها خالتي تبي اطلعي جالت ابا اطلع بنتي بس اخاف هالدرجة تقص لي ريووولي ...هههههههههههههه
انا مسكت عمري م الضحك عيل هالعالم كله ما صار له شئ انتي غير عاد الله يهديك ....

[صمت الهنائي]

على طاري الدرج المتحرك :)
كنت فيه مره رايحة العمرة وكنا خلاص في المدينه
ودورات المياة في المسجد فيها درج متحرك وطبعا المكان مليان ناس
فأحنا كنا نازلين وأسمع صريخ حريم من جنسيات مختلفة ما راح أذكرهم تحديدا
فسألتهم خير ليش تصرخوا شو صاير
فقالت وحده منهم أخاف أطلع في الدرج
عاد انا فكرت صاير شيء على ذاك الصراخ
وخبرتها توكلي على ربك وطلعي ما أيستويلك شيء وهي لا جالسة تصارخ مكانها
عالم غريب كيف يخافوا من درج متحرك :confused:

[أم أفنان الرطيبيه]

مره كنا رايحين عزا
ووحده من خواتي عاد اول مره تروح العزا
سلمنا على الحريم
وعازينا اهل الميت
اختي عاد هنا فشلتنا
بدل لا تقولهم احسن الله عزاكم :(
قالت كل عام وانتوا بخير:eek:

على بالها العيد

مشكوره على الموضوع الحلو

لي عوده

[جاسم القرطوبي]

شكرا لك أستاذتي لهذه المساحة

مرة كنت كاتب قصيدة عن الأم ولصدقها دخلت فتاة علي قائلة كنت أكرهك ولا تسألني السبب ، ولكن عندما قرأت قصيدتك هذه دخلت معتذرة، فقلت لها لا بد أن هذا يتعلق بالأم ، فردت رحم الله أمي ، ثم قلت لها ما أجمل موقف لك معها ، قالت في المستشفى أساؤونا بخبر إصابتي بمرض خطير فأغشي على أمي ، فلما أفاقت قالت : أعيدوا الفحص ، فأعادوا فطلع أنها ليس فيها شي وأن التحليل الأول خاطي ..

ففي شهر مارس ألف مرسي ماما

[جاسم القرطوبي]

مره كنا رايحين عزا
ووحده من خواتي عاد اول مره تروح العزا
سلمنا على الحريم
وعازينا اهل الميت
اختي عاد هنا فشلتنا
بدل لا تقولهم احسن الله عزاكم :(
قالت كل عام وانتوا بخير:eek:

على بالها العيد

مشكوره على الموضوع الحلو

لي عوده
وحصل لي قلت للمصاب عظم الله مصيبتكم :d

[سالم الوشاحي]

الأخت الفاضله أسيرة البدر

السلام عليكم ورحمة الله وبركاته

موضوع جميل راقئ أحييكِ عليه

من المواقف المضحكه التي أرويها لكم ..لما كنا نعمل في أحد الدول المجاوره

وفي أزمة الخليج بالضبط ,,,كان الجيش في طوارئ وقد أرهقنا الأيام ونحن نمني النفس

بالخروج من هذا المعسكر الذي ضقنا به ذرعا

وكل يوم ننتظر الأفراج أو البشير فقد هدنا التعب وذقنا الأمرين في ذاك الوقت

ولم تتح لنا الفرصه إلا في يوم من الأيام وقد كنا في طابور الصباح

وإذا بالقائد ياتي إلينا مستبشرنا كل يوم يظهر فيصل من السريه الفلانيه

وجاء الدور والحظ على فصيلنا والحمدالله رب العالمين

أعطونا بعض الساعات حتى نسلم على أهلنا ونرجع في ذاك اليوم

الشاهد بالذكر بإن الجميع خرج مسرعاً حتى يتدارك تلك السويعات التي منحونا إليها

نركب سيارتنا وإلى الدار .. حتى السيارت كانت مكتضه بالربع

وصاحبنا هلال معه 6 أشخاص وهو 7 وهو يصيح بالربع يالله تأخرنا وينكم ماشي وقت

وبسرعة البرق نرى بإن هلال

سبقنا إلى محطة الوقود التي بعد المعسكر ومن فرط السرعة تذكر هلال وهو في المنعطف

بإنه نسي تعبئة الوقود ويلف السياره بسرعه وإذا بها تنقل بجنب المحطه والأطارت تدور... شفنا هذا

الموقف والأخوه يظهروا من السياره والحمدالله مافيهم شي ولكن بداء عليهم الضحك بشكل هستيري ..

وهم يتكلموا باللهجه العمانيه يالله هلال عبي تراك جنب المحطه اللحين والغريب في الأمر بإن خرطوم

البترول جنب خزان الوقود بالضبط .

[أم الدرة]

من المواقف التي احزنتني كثيرا جدااا
ضياع ابنتي البالغة من العمر ثلاث سنوات في دولة الإمارات والمصيبة رايحين عرس وأثناء التجهيزات والإستعداد للعرس ارادت الذهاب للدكان المجاور من المنزل ونظل لمدة أربع ساعات متواصلة نبحث عنهااا ولم يبقى في اي شدة وتباطئ النبض عندي وواني فقدتها للأبد علماً بان الجيران من جنسيات مختلفة واخذنا جميعا نبحث دون فائدة وبعد ان انقطعت السبل بنا وانهكنا التعب اتتنا القدرة الإلهية فوجدناها قد سارت مسافات تقدر بخمس كيلو متر تقريبا وقطعت شوارع مزدوجة مكتظة بالسيارات وعلما في مدينة أبو ظبي لا أعلم كيف مرت وأيضا أنهكها التعب والعطش ...ربنا يحفظ فلذات أكبادنا ...والله لا أعلم ما حدث لي ربي وحده يعلم ما حدث لي ....كنت بيني وبين الجنون و الموت شعرة ...


نلتقي معكم في مواقف أخرى ....وااااااااااااااااااايد عندي مواقف ....:p

[صمت الهنائي]

من مواقفي المضحكة واللي لحد مليون سنه ما أنساها هذا اذا عشت لحد مليون سنة:rolleyes:
في مرة قبل عيد الأضحى طالعين أنا وأختي نمشي بالقرب من البيت وطبعا العيد قريب
يعني العالم كله عندهم ثيران عشان يذبحوا للعيد ....
وجارتنا الثيران مالها اتفلتن وكان أثنين ..
وكانن يركضن صوبنا أختي تقول نرجع البيت قلت لا ما أيجين صوبنا
وبالفعل واحد غير مساره لكن الثاني حاط عينه علينا وصارت أختي تركض صوب البيت وتصرخ
وانا واقفه أشوف الثور يركض صوبي ولا تحركت تجمدت مكاني
عقلي الباطن ما أشتغل وأتصرف:o
وصار بيني وبين الثور قاب قوسيين أو أدنى :eek:
عاد لما شفت ولد الجيران يركض صوبي عشان يبعد الثور شيختكم همس ذيك لحين عقله الباطن
أشتغل وصرت أركض صوب البيت وأول ما وصلت البيت جلست أضحك على نفسي
يعني فعلا ما ينتسى نصيحة لا تمشيوا قرب العيد :D

[جمعه المخمري]

ههههههههه حلوه ياهمس

انا عندي موقف ما بنساه ابدا ابدا.. مره كنت طالع مع زميلي وكانت ايام الثانوية

شردنا من المدرسة وقلت خلنا نروح صوب المجمع الصحي وكانت الزحمة ماخذها دورها
المهم لما وصلنا شاف وحده متنقبه وقعد يلف وراها وانا معاه.. انا خفت وسحبته ولكنه طلع مو خوّاف مثلي.. راح وراها ولما مشينا مسافة 50 متر البنت عصبت وطالعت صوبنا
واول شي قالته: ماعليك ياحمود بتشوف شغلك
وقف صاحبي وكأن الكهربا ف جسمه.. قال وا الفشيله هذي اختي الكبيرة(....) عاد انا من الضحك ماقدرت امشي من الموقف

دواه يستااااااااااهل حمودي
ولحد اليوم اخته تذكرني بذاك الموقف وارجع اضحك.

[أم الدرة]

ما اجمل القلوب الطيبة عندما تكون البسمات روحها
وشعارهااااا ...
بصراحة اثلجتم صدورنا ورقصت قلوبنا من تلك المواقف إلا موقفي أنااا ...وبنتي ...كل الحزن والمأسي فيه ..
بس للعلم بعد ما إرتحنا وبكم يوم جلسنا نتذكر مجريات الأحداث والحركات اللي صارت فعلا مواقف مضحكة بس ذاك الساع الواحد في وقتها ما يلاحظ ....

أكاليل من الإبتسام لقلوبكم

[صمت الهنائي]

أم الدرة لمواقف الحزن الحضور دائما ربما أتينا هنا بما يضحك قلوبنا
ولكن لا بد أن يكون لها حضور

من مواقفي السيئة واللي ما احب انها تتكرر مرة ثانية
فترة جلوسي في مستشفى السلطاني
كانت من أتعس أيام حياتي طول الفترة وأنا كله أشعات منظار
اللي يعرف المنظار تراه يعرفه واللي ما يعرفه ان شاء الله طول عمره ما يشوفه
ثلاث ايام وانا كل يوم أشعة منظار وفي اليوم الثاني مرتين
صحيح كنت تحت تأثير المخدر لكن كنت أشوف كل شيء
وأذكر اني بعد الاشعة رفعت صوتي ع الممرض وأمي تقول أني ضربته
لكن انا ما مذكره كنت تحت تأثير المخدر
واليوم الثاني وفي أشعة المنظار نفس الممرض واول ما شافني ابتسم
وانا حالتي على الله المهم اني أعتذرت منه
ومن يومها لحد لحين مستشفى السلطاني ما زرته ولغيت كل مواعيدي عندهم
هذا من أسوء مواقفي

[ضي]

وباااااااااااااااااك عودة لسوالفنــــــــــــــــــــــا

مرة ف ايام الجامعة معنا دكتور اردنــــــــــــي وكان هالدكتور شديد بس طيب ..المهم انا كنت احب مادته وايد"مادة الشبكات" ..المهم انا كنت شاطرة فالمادة وفي يوم م الايام قال بعد باكر معكم اختبار جلت له دكتور ما مستعدين ومعنا ضغط اختبارات ..المهم ما رضى ..
وانا متعودة اجول كلمة "فديتك "للبنات ...
المهم رحنا مع الدكنور المكتب عسى يغير موعد الاختبار يلسنا نتحايل عليه دكتور المادة الفلانية معنا اختبار فيها والمادة 2 معنا اختبار نفس اليوم وانت اختبارك نفس اليوم ..

ومن هنا وهناك ووافق ومن الفرحة هههههههههههه الاخت لا شعوريا جلت له فديتك "ههههه موقف محرج مررررررررة ...البنات مسغربات اني اتفدااااه هههههههههه ...

[عاشقة الصمت]

سوالف حلوووه

أما أني مرره كنت ما نايمه لمدة يومين من ارجع البيت اجهز الاكل وانظف واذاكر حج اليهال والخدامه في اجازه واني وحدي .
والمساء مناوبه دوام المهمممم تعبت ورحت وبدون أحساس نمت في وقت الدوام واني جالسه في الكرسي ما حسيت بنفسي وانا طايحه من فوق ويا الفشله الدكتور جالس يجومني وانا هذيك الساعه في سابع نومه ههههههه

[ضي]

ربي يسعدك قلووووبكـــــــــــــــــــم دوووووم مب يـــــــــــــــــــوم ...

ف انتظار سوالفـــــــــــــــــــكم

[سالم الريسي]

موقف يضحكنى من اربع سنوات كلما اتذكر الموقف مرة الأبتسامة تشق الوجه

يوم من الأيام يونا ضيوف وهما بدوا وشواب وناس تحب المعازم 3اشخاص كل حد من مكان واحد معاه

سيارة والباقين جاين مشي ،ما يكالوا لو تحلف يقولوا شبعنا وهما

يوعانين المهم (تقهوا معنا وعزمهم واحد من الحارة شوي بعيد عن بيتنا والضيف معه بكم غمارتين

مديل خلها على الله أول ما طلعوا من المجلس الجماعه يتسابقوا على الركبة برع بالبدى

أو نهم عاد احترام ،وهذا يحلف انت روح جدام وهذا يحلف انت روح جدام عاد تخيلواااااا كلهم ركبوا

خلف بالبدى وراعى السيارة يقول تعالوا ياجماعه السيارة توسع تعالواااا لا تحلفوا، وانا أضحك

تصدقوا طحت بالارض أتقلب من الضحك،ولا قادر أنسى الموقف والجماعه ركبوا ورا حتى السايق

راح يركب وراهم وتدخلوا حد من الجيران وساق السيارة المهم أكثر من ساعه يتعازمون ويحلفون

شفتوا مثل هالموقف....

[صمت الهنائي]

موقف جميل استاذ سالم فعلا يضحك

من مواقفي الطازجة هذي المرة لأنه صار أمس مو من زمان
طالعين نمشي أنا وامي نعمل رياضة قرب البيت على الساعة سبعة ونص تقريبا المساء
وخلاص بعد ما رجعنا صادفنا في الطريق جارتنا بعد طالعة تمشي
وقالت لأمي رجعي مشي معي وأنا عاد خلاص وصلت حدي من المشي
فخبرت امي روحي وانا برجع البيت
عاد شو اللي صار أنا أصلا من طلعت من البيت لحد ما رجعت وتلفوني ما سكت كله مسجات
الله يخلي الواتساب
المهم رجعت البيت بروحي وأنا أمشي جالسة أرد على المسج
فأنحرفت من الشارع وتعرفوا وين مشيت :rolleyes:
في شجر صغير كله أشواك وحصى وما أدري شو بعد وكله أرد على المسج
ولأنه الشوك عورني صرخت وعاد جلست أشوف حد هنا يمشي غيري وشاف الموقف الفظيع
لكن الحمدلله كنت بروحي في الطريق
لا تردوا على المسجات وانتوا تمشيوا تعلموا من أخطائي:p

[ضي]

أيام الجامعة يمكن قبل 3 سنوات كان يوم الاربعاء والجامعة شبه خالية ...وع حدود الساعة 2 تقريبا ..
انا وصديقتي مرينا السوبرماركت واشترينا ما لذ وطاااب ...
فالبداية جلنا بنمر المطعم وبناكل هناك بعدين جلنا ما لنا بارض ازعاج فالمطعم بنجلس ف قاعات التأسيسي فاضية ...
المهم اول ما فتحت باب القاعة اشوف الباب ينغلق وكل ما افتح الباب يرجع فجلت اكيد المسجل عشان التأسيسي معهم محاضرة استماع اكيدهذا المسجل وراء الباب ...
والاخت فضولية لابعد الحدود وانا افتح الباب جلت بشوف شو وراء الباب ؟؟؟
تتوقعوا من حصلت ؟؟؟
ولد يالس وراء الباب انا ما شفت الشكل بس شفت شي ابيض ...سكرت الباب ورحت اركض واصرخ ع طول الممر ...هههههههههههههه... المهم ربيعتي شافتني ع هالحالة جامت الاخت تركض وتصرخ مثلي ما شايفة شو وراء الباب بس مؤازرة هههههههههههه..
هالموقف مستحيل انسااااه ...

[ضي]

وين سواااالفكم ؟؟؟؟؟

[صمت الهنائي]

رجعنا للسوالف أسيرة البدر

وهذي المره معي موقف صار يوم الخميس يعني بعده جديد الحدث
طلعنا أنا والأهل صوب العين نتمشى
وكان معنا في الرحلة أختي وزجها وخواته
وروحنا صوب مدينة الألعاب الهيلي خوات زوج أختي أول مره يروحن هناك
وانا ما شاء الله علي كثير أروح وأحب ألعب خاصة الألعاب الخطيرة
قلت حال خوات زوج اختي نطلع هذي اللعبة اللي كانت ما أدري اذا تعرفوها
"اعصار الجبل" لعبة حماسية وتعور صح
فهن يسألن تخوف اللعبة قلت لا مال صغار ما تخوف أبدا
المسكينات صدقن وطلعنا أنا وخواتي في العربة الأولى وهنا في العربة الثانية
صح كنت أصرخ لكن مال عيورية ماشي صدق
ولما تحركت العربة مالهن يصرخن والدموع تنزل وينادين بصاحب اللعبة وقفها
ويتوعدن علي وأنا مايته من الضحك عليهن
وعاد لما نزلن من اللعبة شردت عنهم لأنهن عصبن علي :D
وما صدقني أبدا على كل لعبة أريدهن يلعبنها معي
شفتوا كيف سويت المقلب فيهن :p

[جمعه المخمري]

هههههههههههههههه

حرام عليج ياهمس
اكيد حصلتي دعاوي

مسكينات الله يعينهن

تسلمي

[جمعه المخمري]

موقف ما راح انساه واحد من الربع
كنا داخلين مسجد وقت المغرب ومتأخرين والامام يقرا في سورة بعد ما خلص من الفاتحة
وكان الميكرفون متعطل المهم دخلنا ومسرعين نبي نلحق على الصلاة معهم الا وعلى دخلتي اسمع الامام يقول ( ضالين )
وعلى دخلتنا كبرنا وقال زميلي أمين
لا واللي في الصف الاخير ماتوا من الضحك وقطعوا صلاتهم ...
واحنا نحسب الامام في الفاتحه وهو يقرا سورة ثانية ...
وسكت الامام شوي وكأن وده يضحك ...
واما انا كنت شوي وبطيح من الضحك.


هههههههههههههههههه

[ضي]

وين سوالفكـــــــــــــــــــــــــــــم؟؟؟

[ضي]

ننتظــــــــــــــــــــــــركــــــم هنا ....

[yasmeen]

اليوم طحت بالموضوع الفتاك :)

عندي أخت تصغرني بـــ ثلاث سنوات

مشاغبة وملسونة والين اليوم مشهورة بشراستها

المهم من زمان وأيام الطفولة السحيقة

خرجت أختي من البيت

(نسيت أقول إنها حواطة يعني تأخذ جولات خارج البيت ودومها في بيوت الجيران )


خرجت الصباح وجات حزة الغدى ومارجعت توقعت أمي إنها بيت أحد أعمامي أو الجيران

متعودة لكن لما جات فترة المغرب ومارجعت

بالعادة ترجع على فترات طوال اليوم تشتكي لأمي أنه أحد ما ضربها (وتستاهل ) لكن هاليوم محد

شافها


أمرتني أمي بالذهاب للبحث عنها مع العلم اني كنت اروح بدون تأمير

ورحت أبحث بداية ببيوت أعمامي والجيران المقربين

ومالقيتها

وأمتد بحثي ليشمل كافة بيوت الحارة والوقت ليل وأنا خايفة أرجع بدونها وخايفة أتوغل بين بيوت

الحارات ولكن عشان خاطر عيونها وخوفي عليها كان أكبر

رحت الحارة القريبة وأخيرا لقيتها شعرها منشول وحالتها مبهدلة وتلعب مع شلة أولاد


وكنت مرعوبة بشكل فضيع وخايفة عليها ومن شفتها ضربتها وركلتها وطلعت كل الغيظ اللي بيه عليها

وسحبتها البيت و

الأن بعد تلك السنوات كل مرة تقولي أنتي ما تحبيني كنتي دوم تضربيني

ودي بعض الأحيان أصفعها نفس أول بس مشكلة كبرنا وشخصيتها صارت أقوى من شخصيتي

وتسكتني بكلمتين

[أم أفنان الرطيبيه]

ياسمين والله سوالفك حلوه ضحكتيني

ترى اختك هذي مثل اختي الصغيره شيماء مشاغبه للحين حتى المعلمات في المدرسه ما سلموا منها

اذكر لها موقف كانت راجعه متأخره يعني نفس الشيء حواطه

وعاد الوالده الله يرحمها معصبه منها وتريد تضربها

ولما رجعت وشافت امي معصبه راحت تركض ودخلت تحت السرير

وتقول للوالده

امي ما يجوز تضربيني انا صغيره واذا ضربتيني بتدخلي النار الله ما يحبك

صارت امي تضحك عليها وخلتها


ومره كنا راجعين من معرض الكتاب وهي ماخذه مجموعه قصصه للاطفال

أسمها القرد سعدون

وصارت طول الوقت ليل ونهار تقرالنا سعدون وسعدون

لحد ما كرهنا هالسعدون من كثر ما تقرالنا اياهم

خذت امي هالقصص ورمتهم فالزباله

واسترحنا من سالفة سعدون

[أم أفنان الرطيبيه]

سالفه الحين تذكرت عن شيماء

مره جات معها وحده من بنات الجيران

والبنيه على نياتها قالت لشيماء : شيماء ايش تسوي حال شعرك عشان حلو وناعم
آنا شعري غير ما حلو مثل شعرك.

( عاد شوفوا الدعاية والاعلان)

ردت عليها شيماء : استخدمي شامبو كلير ترى نحنه نسوي شامبو كلير
حال شعرنا وصار حلو

وعليها سوالف كثيره بخبركم عنها وقت ثاي

[غموض~]

موضوع حلو كثيير ,
بخبركم موقف صار أمس ..

في الكلية , كان يوم تعريفي .. و طبعا عبارة عن مُحاضرة يكلمونا فيها عن طبيعة الدراسة و كذا .. المهم القاعة فيها اكثر من 70 طالب ,
و المُحاضر عماني ..

الأكشن :

و هو يشرح لنا و احنا مندمجين معاه ..
فجأه ..
انقلب الكرسي ع ورا و طااح بقوووة :eek:

عاد انا أريد امسك نفسي ما اضحك .. ما قدرت ههههههههههههههههههه
و القهر كل ما جيت انسّي نفسي السالفة .. يجيني عقلي الباطن يعيد لي الموقف ف عقلي و ااضحك مرة ثانية :D هههههههه مسكين انحرج كثير , بس كيف انقلب الكرسي هذا اللي كلنا مستغربين منه :eek:

[yasmeen]

هذا موقف من سنوات الطفولة البريئة


كنتُ مع صديقي (ناصر) نلعب (جلولو) أو (التيلة)




وكالعادة تنتهي اللعبة بفوز واحد منا وكان الفوز دوما حليفه


مرة كنا نلعب بالشارع ولمحت أبوي جاي من بعيد لوالدي هيبة ووقار وهيئة مميزة تشبه هيئة الملوك :(


وركضت له (كنت وأخواني نتسابق لمن يعانقه أولا)

حتى لو كان جاي من مسجد الحارة

وعندما عدت لمواصلة اللعب مع ناصر وجدته فاغرا فاه وقال من هين جاي أبوش


قلت له أبوي جاي من السوق وفجآة شفت أبوه جاي من المزرعة

قلت له هو أبوك جاي


ومسكين جا يقلدني وراح يركض لأبوه عشان يحضنه


ولكن


:eek:






أبوه دفعه بعيد


وطاح ناصر


وأنا في قمة الدهشة والأستغراب ولسان حالي يقول

أكيد ناصر مسوي شئ وأبوه معصب عليه لكن مهما كان الغلط اللي سواه ما يستاهل يدفره كذا

:(



يحليله ناصر والحمدلله أنه أبوي مختلف عن أبوه

[yasmeen]

منذ زمن بعيد في زمن كنا بلا عقول


وفي موسم الوديان والسيول

كان آبائنا يتجادلون حول نزول الوادي أو لا


ذلك اليوم قررنا نحن ابناء العمومة الذهاب الى منبع الوادي


اتجهنا جنوبا كان الوقت ضحىً

ومشينا ومشينا ومشينا ومشينا ومشينا ومشينا ومشينا ومشينا


ثم ضعنا في السيوح


وطبعا افتقدونا ظهرا عند حلول موعد الغداء

وعندما تبعنا الاهل وجدونا ليلاً

كنا جالسين تحت سمرة وباقي شوي وبنموت عطش وخوف


وأنطبقت علينا مقولة



(ياالله بوادي عقول)

[آلاء]

مرررحبااا ..

متهجلين الجماعة .. :rolleyes:

عاد الله يسلمكم أنا من عشاق المقالب .. ومقالبي أشكال الوان ..
مرة كنت مع بنت خالتي وجاء وقت صلاة المغرب ..
وطبعا أنا كنت أصلي سفر فأنا توضيت وخلصت وصليت فريضة
المغرب والأخت بعدها تتوضأ ( مطوعة ) الموهيم وأنا أخلص
هي تدخل فجاتني فكرة مقلب أول ما دخلت هي الغرفة سويت نفسي
أطيح اغماء ..
وجات هي ترركض وتصرخ وتبدأ تصيح .. أنا من شفت الحالة
انبزجت ضحك .. ووقفت هي مبهته قرابة الـ5 دقايق وطاحت
فيي ضرب .. ههههههههه ..

بجد أحلى ما عندي المقالب :cool:

[yasmeen]

هيوا متهجلين وماناقص غير كل حد يعق سالفته

وسرى الليل وحنا ماسرينا


هذه سالفة صارت لي

يوم مولود اخوي رحنا نزور امي في مستشفى الرستاق وهناك وفي قاعة الانتظار ما يدخلوا حد لين يحين الموعد وبعد اللي صغار مايدخلون ونحن ننتظر قال ابوي برجع لك جلسي هنا وانا اشوف الرايح والجاي شفت واحد هيئته تشبه هيئة ابوي قمت وتبعته

ولين خارج عند موقف السيارات اركض وراه ومسكت يده انتزق الرجال ويوم انتبهت لوجهه جلست اتلفت يمين يسار

مسك يدي يسألني (لمن أنا) وأنا معرفت أتكلم خوفا وإرتباكا

والإ أبوووووووووووووي جاي يركض صارووخ شافني يوم أركض ورى الرجال

وحّرم الوالد يخليني بروحي *

[yasmeen]

كنت اقتل اللغيغ مفرد لغّة

واسمها بالعربية الفصحى الوزغ

والاحقهن في كل مكان

وفي يوم من الايام كان الوالد حاط تنكر ماي ودخلت تحته ادورهن

وحصلت ثعبان وكان ع بالي وحدة منهن جيت امسكه من راسه وفجأة انتبهت انه ليس لغّة

صرخت

ثعباااااااااااااااااان أصبت بالرعب وناديت أبووووووووووووووووي غوووووول غول

وجاء الوالد جاب قدف (القدف هو الطرف الاعلى من زورة النخيل )

(الزورة ) هي ورقة النخلة (على طولها ورقه )

نزين وقااام الوالد مشكووورا بإنهاء حياته ومن يومها لم اعد لقتل اللغيغ
^_^






ملاحظة نشرت هذه المقتطفة في مكان آخر ولكن مع اضافة بعض التفاصيل هنا