خربشات احساس

[خليفة الصائغ]

(1)
صباحك خير ..

ياااوجه الخير .. يأغلى

من سكن قلبي ..
ينوووح الطير .. وأنا اكتب

تعابيري .. يفيض الشوق ..

وينفض قلبي أسكوته ..

صباحك خير ..

[خليفة الصائغ]

(2)
شروق الشمس .. فـ عيوني ..

يصور وجهك المفعم ..
نشاط و حب ..

يأجمل كل .. ورود الأرض ..

يأجمل .. أنثى في كونى ..
ومحيطاتي ..

صباحك غير .. صباحك لحن
يشدو به جميع الطير ..

صباحك عطر .. في ثوبي ..
أشمه وافقد التفكير ..

أحبك ..
احبك موت

[خليفة الصائغ]

أنا الكذاب .. !

تقولي للملاء أحباب ..

وأنا الكذاب .. !
بعد ما فاقت النخوة ..

وصارت فـ البلاد أحزاب ..

أنادي بصوت أحزاني ..

وافتح باب .. واقفل باب ..

في وجهي القفول أبواب ..

فوانيس الشعر عندي ..

تضوي غربة الأغراب ..

أنا في داري الغائب ..
بلا عنوان ..

على كتفي الهموم كتاب..

وكل ما اكتب أشعوري ..

يبوح الصمت وأتنفس ..

عطر وخضاب ..

واعزف نايي المكسور ..

على شرفة ظلال الحب ..
وأتنفس اه اه

أنا الكذاب في حبك
وفي بيتي .. وفي أشعار جلبابي ..

انا الكذاب ..

[خليفة الصائغ]

(3)
واغني كل ما شفتك

" احبك والقمر يشهد "

وأطبطب قلبي المشتاق ..

في كل لحظه من شعوري ..

واحضن دفتر الذكرى ..

ويولع شعر فانوسي ..

ويتذكر ..

[خليفة الصائغ]

(4)
على أطراف نهر النيل
..........نتذكر حكـــــــــــــاوينا

بلا منه ولا تمثيــــــــل
..........تبرهنها خطـــــــــاوينا

ونأخذ منحــــى التأويل
..........على دفــــــــه حزاوينا

ومضامين الغلا تفصيل
..........وكلمه حــــــــب تروينا

[خليفة الصائغ]

هئيه عيونك في حيـــاتي تحليك
يا من تركت الروح حالك عطيه

جرحت قلبي من مشاعر تناجيك
ومن حبر دمي خط ضلعي وصيه

إن كان موتي وبعد حبـي يكّفيْك
مآبي حياتي خــــــذها مني هديه

العمر عيا وما تقبل تجـــــــافيك
والقلب ينزف مـ الليـالي الشجيه

[خليفة الصائغ]

صــــداع

من فلسفة أشعـــــار وهموم وصداع
اقطف ثمر شعـــــري وينبت لي ثمر

واعد فـ البيداء تفاصيــــــل الضياع
وتهوجس أفكـــاري وتعطيني صور

ودي مع العالم في محراب الصراع
باشخبــــــــط أوراقي وأترسها حبر

وارتب خطـــوطي وأركز فـ الدفاع
باشرذم العاهات وهجـــــــومي فكر

تسلسل أحــلامي من أوساط النخاع
وتنساب كلمــــاتي على وزن الشعر

تبحر على الحــــدا وافتح لك شراع
وتهيج قيفاني وتتســـــــــــاقط مطر

ما للمحب من بعد طعنـــك ارتجاع
والهجر ماله غير بس معنــى الهجر

كم قلب عانى من حـــراره وارتفاع
وكم طبيب ِ قادر يســـــــــوي الأمر

خلاص ما ودي أعيد الانصيــــــاع
ودي امسّــــــــــح كل فكري واستمر

امسح ولا افتـــــــــح ملف ِ كل ساع
وأرسل عبارات وتحيـــــــات وشكر

الله يجــازي من هو ناوي الاستماع
والله يجــــــازي من يخليني فـ سهر

لن شفتني هايم واشكــــي مالصداع
اعرف بان الشعـــــــر ينبت لي ثمر

[خليفة الصائغ]

من لبان الفكر ومن صـافي العقول
ومن سنام المجد وصفـــوات الشعر

كتبت شعري ومن يقـــل خله يقول
وكلها قوافي الشعــــر تتساقط عطر

الشوق في قلبي مقيد بالقفـــــــــــول
وبعد يا خلي جفــــــــــــــايه مستمر

ما يدور إن القلب لن صابه الخمـول
يمسي شرى ارضٍ مجافنها المطـــر

وارقصي يابياتي مع قـــرع الطبول
وانثري الياسمين في ســــــوق التبر

وقومي هـ الليلة نسابقها الفصــــول
ونعزف القيثارهْ ونلم الصــــــــــور

ونزمل الأوجاع صهـــوات الخيول
وندثر الآهات فـ أعمـــــــــــاق القبر

ونسطر الأفراح ونكيـــــــد العذول
ونلملم الأوراق ونعيـــــــــــد الدهر

[خليفة الصائغ]

فن ابو الزلف

برق ومطر وغيوم ... برق ومطر وغيـــوم

بنثر ســــــــلام الله ... عـ القلب بو مختـــوم

يا غزال فرعـــوني ... وسكنك في الفيـــوم
قلبــــــــي ترى وده ... يسكن معــــاك فيوم

يوم طــــــابت الليلة ... وتخافتت للهمــــوم
من شافتـــــك عيني ... زانت سماي نجــوم

مثل الزهــر غادي ... والنحل حـــوله يحوم
وانا بعد فـــــرقاك ... ما جاها عيني النــوم

وفالخــــاتمه خلي ... خليتني محمـــــــــــوم

[خليفة الصائغ]

أنا والشــــــــــــوق والغربة ندون للمحبة كتاب
يسيل الشــــــــوق في دفتر وأنا ما جفت آلامي

وأغرقني بسود الهم وأســـــدل فالعيـون حجاب
ومرني طيفك الـــــــوردي وبعثر دفتر أحلامي

على هودج قوافي الشعــر صفينا القلوب أحباب
و أنصبنا خيام العشق وساس عمــودها عظامي

دفنا كل بذور حب وتنبت فالأراضــــي أعشاب
تعالي وشـــــــــوفي الدنيا وشمي ورود انسامي

على مطلع شواطئ القلــــــب نفتح لك كذا أبواب
ونرسم لك بحبر الـــــــــود ونار الغربه هندامي

[خليفة الصائغ]

تفداك روحــــي يا غلا الروح تفداك
ويفداك عمري وكل مراحل سنيني

الحب ميناء وانته القلـــــــب مرساك
وكل شي حبيبي صار منك يحتويني

وتهيج الإحســـــاس من بسمة شفاك
ويا ما حضنتك وسط صدري ويديني

لا من غبت لحظه عن العين ترجاك
جزل المشــــاعر تبقي قلبي حزيني

ولن جفيت الــــــدار وخليت ذكراك
متعوض الذكرى شعوري وحنيني

ابكي علــــــى الأيام وفي قلبي بكاك
لأنك حبيبي ودم قلبي و أوكسجيني

وحتى في نومي وأنا أتمنــــــى لقاك
واكتب على المسحوب ماهو هجيني

تفداك روحــــي يا غلا الروح تفداك
ويفداك عمــري وكل مراحل سنيني

[خليفة الصائغ]

يا غيمةِ حبلى تطفــــــي البراكين
بالله تعالي طفــــــي بركان شوقي

ورمي رثام الشعر وسط البساتين
تنبت قوافي الشعــر داخل خفوقي

تزهر ورود الشـوق بين الرياحين
وتخنق أهات القلــــــوب الخنوقي

قل للذي ينوي بطعـــــن السكاكين
سكينته وصــــلت لقلبي وعروقي

جل المشاعر تنشـــري مالدكاكين
والحر حر(ن) ما يقيد بطــــــوقي

يا كيف يمسي الريم بين السراحين!
ويطلع عليه الصبح حيٍ طلـــوقي

ويشرب العصفور من سم الثعابين
ويطير طول اليوم من غير عوقي

[خليفة الصائغ]

" حكاية حب "

بدايتا ًحكاية حب ..
على دفتر شعور الصمت ..
آنيين وماضي وأسرار ..
تغطيها ظلام الليل ..
هواجيس الغرام ..
وتولع كل فوانيسي ..
الين الحلم في وجهي
صرخ .. وباح فأعماقي
" صدى الإحساس "
ويتردد بآهاته ..
موسيقى وشعر ..
وتوزن لي معاناتي ..
خرايبها ..
تفلسف في شذي النسيان ..
بعد ما فاقت اذكر البطولة ..
و نخوة الإنسان ..
جلست فصومعة ذاتي ..
اطلع صورتك وابوووح ..
على عكس المرايا صورتكِ ..
كذب ونفاق ..
وتختم لك حكايتنا ً..
“ الم وفراق “

[خليفة الصائغ]

احترام

ما كملت من بعد حبـــــــك غير عام
وقمت ترسل لي من عيونك سهـــام

يوم ِلبست الضيق من همك ورحت
اقطف من ورود الكـــــرامة احترام

واستغربت منك المشــــاعر لي ربت
داخل خفـــــوقي بكل معزه واهتمام

هرجت لك صافي كلامي واكتشفت!
باني مغفل يوم كنت أرسـل ســــلام

وش هو ذنبي لأني في حبـك وثقت
وش هو ذنبي لأني أبديت انسجـــام

من جنوني طيف بأحــــلامي صنعت
وتخيلت طيفك على صـــدري وسام

استنكر إحســـاسي وأنا عنك بحثت
من بين أوساط المشــــاعر ازدحام

ولمت لك أجزاء روحـــي وازدحمت
متسلح الذكــرى على وسطــي حزام

لين جاتني منك رسالة وانصـــدمت !
انخطبت فـــــــــلان من واحد همام!

انخطبت اليــــــــــوم والله انخطبت!
تعرف محمــــــد معه قروش ومقام!

وأنت عنــــــــدي مثل لعبه وانتهت!
والحين ما بيني وبينك أي كـــــــلام!

وتناثرت أشلا روحـــــــــي وختفت
كل الملامح لي يغطيها الغـــــــرام

كنها سحابه غطت أنفاسي ورضت
وطارت أحلامي مع أسراب الحمام

وش همني يوم ِعلى أرضك ذبحت
كل الشعور وما بقى غير الظـــلام

يوم ِلبست الضيق من همك ورحت
البس من ورود الكـــــرامة احترام

خليفه الفارسي
30/5/2012

[خليفة الصائغ]

كم واحدن فالفيس سوون إعجاب
ما غيرك انتي يا بنيه علامك

ما تذكري كنا على عز واحباب
ولا نسيتي كل حرف ف كلامك


ما تذكري يوم كان في يدينك خضاب
وتبقى فيديني ريحته من سلامك

من يومها وآنا أعطر لك كتاب
وأبني تفاصيل الوله في مقامك

سويت في دفتر شعوري لك حساب
واكتبك وأحسب ضحايا سهامك

ولو يستوي صيد المشاعر بنشاب
لا طيحت كل المشاعر أمامك

ضو الشمس لا شق فالفجر سحاب
تسحب خيوطه كل ملامح ظلامك

وآنا على م أنا أسوي لك حجاب
يمكن يصير ف يوم واظفر غرامك

وتخيلي لا صرت ف الدهر حطاب
أجمع من شعوري شظايا حطامك

يا بنت لا تنسي تسوين إعجاب
أما بكلمه ولا بصمة بهامك

خليفه الصائغ

[خليفة الصائغ]

ياليتني اصبح مثل شرطي المرور
تشرق عيوني في شوارع جيتك

ولو يستوي وقف الإشارة بالشعور
ﻻ وقفت حمر الإشارة لطلتك

شفت الندى اللي على كل الزهور
يجمد مكانه من ملامح نظرتك

ذي حالتي وانا انتظر وقت النشور
والشمس تنشر من حواجب جبهتك

من مر نيسانك وانا قلبي يثور
واترك مواترهم واقفي خطوتك

[خليفة الصائغ]

كل عام وانتي يا " حبي " بالف خير
جيتك "مقاود" فرحتي ،،،ومالعايدين

يا كم امني النفس ،،، بالعيد الصغير
لو نلتقي بخدود ،،،،،، وصفاح اليدين

والروج بشفاتك ،،،، وانا قلبي يغير
ممكن تخلينا بداله ~~~~ساعتين

تلقيني من كثر الفرح طائر ،، واطير
ﻻني ذايق من شفاتك ~~ سكرتين

وانا عشقت الحنا في ،،،،،يدينك كثير
هي كثر م عيني وقلبي ~~عاشقين

ثوب الفرح والعب في ،، عيال الفقير
مع فرحة الدنيا ،،،،،،ورضى الوالدين

صرنا نجاهر بالفرح ~~ وين الضمير
واخواننا واهل العروبه ~~~ميتين

م العطش ، والجوع ، والبرد العسير
متشردين ، متشردين ، متشردين

خليفه الصائغ

[خليفة الصائغ]

العيد قرب بنتحرى ~~~~ هلالك
شكلت لك ياخل ~~~ لجنه تحري

منظار شعري عم كل ~~ الممالك
بس ينتظر من ~~جزء طيفك يمري

قناص يقنص مالهوى ~~ما بدالك
هالطير طيري والشعر صار وكري

شفت الجمر اللي عليها ~~ دﻻلك
الجمر صدري والواهيب ~~قدري

طفي لهيب الشوق ، سكبي وصالك
مده شهر والشوق يغتاب ،،صدري

خلا على صحنه ~~~مﻻمح خيالك
وثارت فقاقيع اﻻمل فيه ~~تجري

برخي حبالي ،،،،وانتي ارخي حبالك
عن تنقطع مالشد ،،،، اوتار شعري

كل عام ~~~وانا كل حياتي حلالك
وكل عام وانتي لي،،هﻻلي وقمري

خليفة الصائغ

[خليفة الصائغ]

لو الكرم اصبح مثل ،،،،، ما يقولون
كثر اللحم والعيش ،،،وقت العزيمه

بياض الوجه ماهو مثل ما يشوفون
بياض الوجه يرقى ويرقى نعيمه

بعض العرب للفشخره بس يعزمون
وللفشخره نظرات جدا ،،،، عقيمه

اخواننا ياهل العروبه ،،،،، يموتون
من كثر ما ذاقو ،، القهر والظليمه

هم في المجاعه والملاجئ يعيشون
متلحفين الجوع ،،،، واجواء عتيمه

هم في المجاعه والمﻻجئ يعيشون
هم ياكلون الذل مثل ~~~ البهيمه

هم في المجاعه والملاجئ يعيشون
لو حصلو عصفور يصبح ~~ غنيمه

هم في المجاعه والمﻻجئ يعيشون
وحنا في راحه وعز وعيشه كريمه

ياهل العقول الباليه شوفو وشلون
كيف عايش اﻻنسان من دون قيمه؟!

شف قصرهم خيمه وبرع ،، ينامون
كيف يحتضن الاطفال عيشه آليمه

هذي هي الدنيا مثل ،ما تشوفون
ما تصير للمسكين قسمه سليمه

لو خلدت الاموال ما مات ،، قارون
وما صار له فرعون موته عظيمه

العز لو هو قوه ما مات ،، شارون
من بعد ما فالقدس سوى الجريمه

خلف ثكالا والثكالا ~~ما ينسون
يا كيف ينسو كل ،، نكبه وخيمه

لو بدلو كبر العزايم ~~~وسون
ﻻهل الملاجئ م العزيمه قسيمه

ما صارت الدنيا مثل ما ،،تسمعون
بس يلبسو اهل العزومات شيمه

خليفة الصائغ 4/8/2013