الشيله

[خثمان العيسائي]

شيلي الشيله عن الوجـه الخجــــول
وأشرقي شمس السعاده بسـمـتــك
بعثـرينـي فـي الـهوى عـرض وطـول
وأجــمـعــيـنـي يـوم تـنـهي نضـرتـك
الـقـلـب فـي حـبـكـم مـايـل مــيـول
يــتـبـعـك ظـلـك وقـلـبـي يـتـبــعــك
مــغـرم حـالـي وطـيـفـك مــا يــزول
وأبتسم لا شـفـت لـمـحـة صـورتــك
كل زهـر الأرض فـي الـمـاضي ذبول
وأنـتـعـش مـن يـوم شـابـه وجـنـتـك
أتـركـي قـول الـمـواشـي والـعــذول
وألبـسـي ثـوب السـعـاده بـدنـيـتـك
يـعـل دارك مـن هـطـل وبـل السيول
يـســكــب ويـــروي مـفـالـي ديـرتـك
أطـلـبـك طـلـبـه دخـيـلـك يـالـخجول
أطـلـبـك والــكـل يـرقـب مـشـيـتــك
أطـلـبـك بـاللـه حـــــبــــي لا يـــزول
شـــاركــي حــبــي بجوجل صفحتك

[عبدالله الراسبي]

اخي العزيز مقناص الحب ابيات جميله جدا ورائعه
فقط ملاحظه بسيطه يوجد في قصيدتك تكرار في القافيه
تسلم على هذه القصيده الطيبه
واصل ابداعك
وننتظر جديدك هنا بكل شوق
تقبل تحياتي

[خالد الكويلي]

شي من الكلام تحسة يدخل القلب ويجبرك ترجع تقراة مرة ثانية وثالثة ورابعة
تأكد راح ارجع مرة ثانية لقراة هذا النص الجميل

صح لسانك كلام جميل جدا ما عليك زود

تقبل مروري

[راشد المشرفي]

يا سلام عليك....صح لسااااانك مليوووووووووووووووووون...اشهد انك شاعر والقفلة رائعه.... تسلم اخوي ونتمنى منك الاستمرار في هطولك الشعري... بس عندي ملاحظتين و فنفس البيت ..اتمنى منك انه تعمل فيهن فالقادم لصالحك//
الـقـلـب فـي حـبـكـم مـايـل مــيـول
يــتـبـعـك ظـلـك وقـلـبـي يـتـبــعــك..........(( اولاً انته هنا ضيعت القافية الي هيه كانت على التاء و الكاف..نضرتك بسمتك وجنتك..وهكذا..فانته تشوف انه هالكلمه يتبعك سبب ربكه فالقصيدة))...

.ثانياً ::

القلب في حبّكم مايل ميول..هنا جمعت.... بس فالشطر الي عقبه قلت وقلبي يتبعك هنا مفرد!!.......... ماكان له داعي تقول حبكم,,كان بامكانكك تقوووووووول (( القلب حبك ولك مايل ميول)) مثل كذا يعني...

لك الود اخوي واسمحلي...بس انته شاااااااااااااااااعر وابصم ع العشره..و هالملاحظات صدّقني افاده مب
مضرّة..و ننتظر ابداعاتك بكل شوق..

[زهرة النوير]

تعجبني النصوص الشعرية هكذا


كم هي مدهشة برغم بساطتها

صح لسانك

[سالم الوشاحي]

أخي العزيز مقناص الحب

السلام عليكم ورحمة الله وبركاته

صح السانك ماعليك زود

الشعر هنا أروى ذائقتنا

واصل التألق ولاحظ

النقاط التي أشار إليها الأخوان

فقط ننتظر جديدك وأسمك الحقيقي

يعتلي هذه الأبيات .