لعنة الشوق ..

[فاطمه القمشوعيه]

\


لعنة الشوق



سرقني الشوق من بين الاحبه يلعنه من شوق
وخبـيت ارتعاشت كفي وغصيت باشواقي

ذكرتك يوم تسالني بعمرك مر بك معشوق
قدر مثلي يخلي الشعر يضحك؟ ردت اوراقي

ولا قبلك تسيل هالقصايد رقته والذوق
ولا بعدك يجي أنسان يسكن لب خفاقي

غريبه كيف كانت هالمشاعر جاريه بعروق-
فؤادي قبل!!مدري كم سنه مرت على فراقي ؟!

احاول ما تمر البال لكن تذكرك هالموق
وتتساقط على خدى صورك وتجهش امواقي

رحلت وما بقي من ذكرياتك غير هذا العوق
ولازالت ملامح طعنتك والجرح باعماقي

رحلت وتعرف انك كثر حزني لفرحتي محقوق
كثر ما كنت اخبيلك فرح واحساس باحداقي

رحلت وشابت الضحكه حنت قد الغلا الممشووق
وغصت دمعتي,مدت يديها ,وماتت اشواقي

جلس قلبي على صدر القصيد يراجعك وبشوق :
وخليته يعد اللي بقى له... مالقى باقي

خذيت اللي خذيته من سنين العاشق المحروق

من احلامي ملامح بكره اللي يتوق لعناقي

عطيتك كل ما املك وش يحدك بعد للبوق؟!

يا ليت انك سرقت الحزن مني لحظة فراقي


إياد المريسي

[سالم الوشاحي]

الأخت الفاضله فاطمه القمشوعيه

السلام عليكم ورحمة الله وبركاته

حضور جميل ونص شامخ لاهنتي

نقل رائع لشاعر مميز إياد المريسي

جزل ماتجيبي الا الجزله

بارك الله فيكِ تواصلكِ راقئ

[عبدالله الراسبي]

الاخت الفاضله فاطمه القمشوعيه تسلمي
على هذا النقل الجميل والرائع
ابيات جميله جدا ورائعه
تقبلي تحياتي

[الديمه]

عطيتك كل ما املك وش يحدك بعد للبوق؟!
يا ليت انك سرقت الحزن مني لحظة فراقي

أبيات راقت لي كثير
تسلمين أختي على روعه الإنتقاء
كُل الود لكِ