أكتب ورصع الحروف الموضوع عن الرحيل

[صالح السنيدي]

هنا أخوتي .. أخواتي .. سنضع بين يديكم كل أسبوع مصطلح أو كلمة .. ونترك المجال للمبدعين أمثلكم .. أن يرصعوها شعرا رائعاً .. والحرية للشاعر في أن يعبر بالمقفى أو التفعيلة في حدود بيتن أو ثلاثة او أربعة أوخمسه او حتى قصيدة كاملة إن أستطاع ذلك .. وفي التفعيلة كذلك .. والشرط الوحيد أن تكون من إبداع الشاعر وليس من منقولة ..

هذا الاسبوع الموضوع هو (( الرحيل )) بكل أشاكله ولكم الحريه ...





لا ..

لا .. تهاجر

لو تمد الريح سافر

لا تهاجر

الهجر لا للرجوع

والسفر فيه الأماني

يجمع أدروب المواني

من مواعيد الرحيل

أو هتافات الرجوع ..

.....

آه ... ما لذ الرجوع ..

ورد في أعذب موارد

من بعد صحراء وهجير ..

تلتحف فل وغدير ..

في ربيع الذكريات ..

من يبات ....

غير من مل الشقى ...

يا .. الشقى ..

: دولة في وسط قلبي ..

لو تبي ؟!!

خذلك تذاكر ..

تنفتح كل المعابر.. لك فقلبي ...

صالح السنيدي

[محمد الحجري]

من رحلتي وانا ذابحني غيـــابك ******* كل جمر الشوق في قلبي شعلتيالحزن والضيق والوحده سبابك ****** وكل عرق ً من شرايني سكــنتي
ما بقالي غــير اتنــفس عــتابك ******* يعني عادي لو رحلتي وما سالتي

[سالم الوشاحي]

عندما نتحدث عن الرحيل يبتدتي طريق ألا عودة

في مشوار بعيد ومتاهات تضيق بها الدروب

شكراً أستاذ صالح السنيدي

كلماتي تتحدث عن الرحيل والأبتعاد .فأرجوا تقبلها



عــزّمــت عــن دربــك أخــوز بـرضـايـا*****مـقـدر أكـمـل هـالـطـريـق الـغـريـبـي

أفـسـح مـجـال اخـيـر مــن اسمع هذايـا*****قـولٍ يـهـز الـراح وامــْنـه لـهـيــبــي

يـاكـيـف أقــوى فــي نــزيــف الـحـنايــا*****جـازيـتـني بــالـجـرح وانــتـه طـبـيبي

وانـتـه الـعـزيــز ولـك رفـيـع الـسـجايــا*****داخــل سـويــدا القلب دارت قـريـبي

لاريــب تـسـري مـع دفــوق الــدمـــايـــا*****أسـمـع صـداهـا فـي خـفـوقي حبيبـي

مـاظــنّـــتي فـــيـكـم . أذوق الــبـــلايــــا*****قـصــدك عـرفـتـه اليوم ياهو غريبي

مــاهـكـــذا لافـــعــال تـعـــطـي جــــزايــا*****هــذي مــشـاعـر نـاس مـاهي لـعيبي

سـلك الـعـرب مـعـروف وفــق امــعـنـايا*****مـاشيتكم بـالـطـيـب واكـثـر تــريـبــي

أمـسـح خــطــاك ودوم تـمـسك خـطــايــا*****مــاحــد يـسـوّي لــي شـراتـك لـبيـبي

والله حـسـبـتـك صـرح شــامــخ ورايـــــا*****أثــرك بــقــايــا مــن رمــال وقـبـيبـي

أكـــــوام ســـــوّتــهــا ريـــاح الــذرايـــــا*****حكمي صدر بالوقف واسمح تـجـيـبي

بــاقــي الـصــور واللـي كـتـبـتـه روايــــا*****قـصـة حـيـاتــي مـن هـمـوم ونحيـبـي

تــرجـمـتـهـا بـحـسـاس قــلـب ونــــوايـــا*****عـطني وروح الله يـسـهّـل نـصـيـبــي

هــذا خــطــاك الـيــوم واقــبــل عــــزايـــا***** ولــكـم أمــان الله راجــــي طلــيــبــي

[محمد سالم الشعيلي]

تطري الرحيــــــل وتظنين المعـــــاني خفـــاف
يا بنــــــت ذي وقعـــــها مثل الجبــــــــل واثقل
قلبـــــي تعود على حــــس وهـــــــوى مولاف
وانتــــــي تعيــــــدينها أرحــــــل أبا أرحـــــــل
خفـــــــي علينــــــا ترانا بالأصــــــــل أشراف
إلا الهــــــــوى يستــــــــــغل الحــــــال ويكمل
لا تجبـــــــــــرينا علــــــى آلامنا .. تنشـــــاف
صعبـــــــه على العاشــــــق الولهان يتعــــلل

[خليل عفيفي]

هذه هي الأفكار التي تثري مخزوننا الشعري بكل أمانة

تستفزك الفكرة لتكون في تحدٍ مستمر مع الذات للتنويع

والكتابة بموضوعات شتى

أخي صالح .....

تجعلنا في تحد مستمر مع النفس ، ويا له من شعور في قمة الروعة !!

فبارك الله فيك أخي الغالي :

كتبت على المتصفح بيتين متواضعين :


آه مـ الرحيلْ وغيابٍ يجرح احساسي

غنى على فراقنا يا عينِ يا ليلــــــي

المشكله في غيابه هو جفا وناســـي

يا كيف ابصبر وانا مهدود به حيلـي

[صالح السنيدي]

تجيني آخر الرحلة

تقول الرّحْـل ... شـــدّ الرّحْـل ..

وأنا داكي على يمناي ..

بديت أحسب مسافات الرحيل ... وآخري معهم ؟!!

واشدّ ... بالترّحالْ

وأنا ماجاز لي أسأل

وناداني نفير القوم

وأنا آخر رحال القوم

أجَمّـــع كل متساقط

فتات .. بنات .. بقايا عـيـر

كل متساقـط .... رحَـلْ !!

وزهم به.. على راعيه

وأشيل البعض من باقي ثياب الشيخ ..

تتساقط ذهب ..؟!!

من عائدات النفط ..!؟

وأشيل بكل أمانة ..

بكل أمانة .!

ما بقى .... ورّحَـلْ

يكرر لي الندى ... ويزيد

وأنا حملي كسر كاهل

ولا لي كاهلٍ يحمل ..!!

وأنا في أثرهم باقي

وأنا في أثرهم باقي

على عهدي !!؟


صالح السنيدي

[الخليل بن أحمد]

دانةٌ من داناتِ الجمالِ تُنثرُ هُنا

أكتفي بالمُتابعة للإستمتاع بالنزفِ هُنا:rolleyes:

[نرجسية]

وجــا وقت الرحيل وما بقى إلا دموع وصمت
وشي ن بين ظلمات الظلوع يئن في حسرة"



وانا وكل المشاعر والاماني نرتجي هالوقت
يناظر دمعة ن سالت على خد الأمل جمرة"


يلملمني الحزن مرة ...وينثرني رحيلك إنت
وانا مابين حزني والرحيل...أصيح منكسرة"

[صالح السنيدي]

للذوق الرائع هذا الرحيل .. والعبور إلى عالم اللقاء ..


عــابــــــــر ســــبــــيـــل


عــــــــــابــر ســـــــبـيــل وغـــربـــــــــة أهــــــلي والأحــبـــــــاب

الـيـــــوم راحـــــــل عـــــــــن ديــــــــــــــــــارك لـــــــــــــداري

عـــــــــابــر ســـــــبــيــل ولا بــقــــــــــى فــيـــــــك أصحـــــــاب

والــــنــفــــــــس مــــــا تــشــــره عــــلى نـــــجــــــم ســــــــاري

عـــــــابــر ســـــبــيــل وكــــل جــــيــفـــــة لــهـــا غـــــــــــراب

والــــنــفـــــــس عـــــافــــتْ.. دائــــــــمــــــــاً فـ نــــكـــــســاري

خــــــــيـــط الــوهـــــــن ينــســــج وتـــلــبــــس بــــه ثـــيـــاب

وللــعــنــكـــبـــــوت خـــــــــــــيــوط لـــيــــــــــل ونــهــــــاري

عــــــشــنــا واشـــفــنــا كـــــــل ســـــــبــه لــهـــا أســـبـــاب

وأســــــــــــــبـــاب (فـ) الـــــــــدنــيـــا تــعــــــدت مــــــداري

أحـــــــــلامــــــنــا تــــــــرقى عـــــــلى كـــــــل ســــحـــاب

أحـــــــــلام تــــــســـحـــــــــب والأمــــــــــــانــي ســـــواري

نــظـــــرات عـــيــنــــــــي تــشـــتـــهـــي كـــل ما طــــــــاب

والــيــــــــــد تــعــجـــــــــز عــن عــيــــــــوبـي تــــــــداري

يـــــــا قـــــلــــب لا تـــــــشــــره لــــــنــــا رب تـــــــــواب

غـــــفـّـــــار ذنـــــــــب وعــــــــالــم الـــســــــــــر... داري


صـــالـــح الــــســـنـــيـــدي

[محمد الحجري]

عايش(ن) فيـــــها ولكــني رحــــــيل


مـــن تعلق في وهـــــم ولا ســـــراب



مــن كتــاب الــله ناخــــــذها دلــــيل


ومن رسوله والسنــن خــير الثـــواب



عيش فيها مـــثل ما عـــابر ســبـيـــل


أو غريب(ن) ما عرف أهل وصحاب



أو كما شخــــص(ن) تظلل فـي مجيل


ثـــم ودعـــها واعـــــــلن لــغـــتــراب



مشيدين اقصـــــور وبيـــوت وظلـــيل


مــن يـــشيد قــصـر فــي دنيا خـراب

[محمد الراسبي]

إن رحلت ومن على الدنيا مشيت........ كمّلو هالصرح عنّي كمّلوه

القدر مكتوب .. هذا ما عطيت ............. بإيدكم أنتم تقدرو ترتقوه

[السعدية]

ابي ارحل ولكن رحيلي عن البقيه مختلف..
ابي ارحل من لهيبي الى صدرك الدافي...

ابي ارحل من بروده ودور انفاسك لحف..
وبي حضنك وبي حضنك يكون لي الحافي.


ابي اعوض سنين برد وجفاف وجحف
وبي دفائك يكون لي الشافي.....


عطشانه بردانه وكلي وكلي ارتجف..
اسقني من نهر حبك الصافي...


ما ابي من غير نهرك ولو غيرك الف..
ابي اشرب من نهر حبك شرب العوافي.

[صالح السنيدي]

روح الجمال هنا تسامت

كل الشعراء مبدعون أيها الحرف كن جوهرة الخيال فيها التسامي

للجميع الشكر مع التقدير

تحياتي / صالح السنيدي