رسائل عاجلة !

[أبو مسلم الصلتي]

هنا
سألتقي بكم ايها الأحبة
هنا
ساكتب رسائلي العاجلة
للحـبـيـــب
للصــــديق
للوالــدين
للأســـرة
للمجتمـع
للوطـــــن
للـــ -----

هنا
سأهرب من .....!؟
وهنا
سألجأ إليكم حيث
الهدوووووووء
والأمــــــــــــــن
والأمـــــــــــان
والاســـــتقرار

هنا
ستجدونني
فلا تنسوا المرور من هنا
"
"
"

[أبو مسلم الصلتي]

حلـّـق ياحمـــــام الزاجـل
وصلــــها الرساله عاجل

بلغــــــها إلى المحبــوبي
يللي في قصــــر ٍ منيـــف

قــولـّـه ماتحـمّــــل آجـــل
جــــوفه يغــلي كالمراجل

من شوقه العقل منهوبي
والقــــلب جـــرحه نزيف

[أبو مسلم الصلتي]

سمعنا عن البحـر مارد فيه
لو تزمـر الريـــح مانطبعي

لو ساكن البحر جن وجــن
نمشي براحه على مواجـه

ولدك بلا عقل جن وجــــن
ضاري وتعوّد على مواجه

أملك عـــــزايم ونبــراسي
انته براسـك وانا براســي

الأمر الذي يكون مارد فيــه
ذا معدني واصل من طبعي

[أبو مسلم الصلتي]

اقطف من الأزهار وردي

واختار لك احمر وقاني :: من دم قلــــــبي مستمـــدّي

وأحلى واجملها التهاني :: لتشابكت يـــــــدّك بيــــــدّي

وابادلك ليــــلة لقــــــانا :: أشواق ماتحصى وتعــــدّي

والعاب واهـــدافٍ كثيره :: لي ما تصــــد ولا تــــردّي

والخاتمه ياليل طــــــوّل :: ومن سرعتك ياوقت هدّي

[أبو مسلم الصلتي]

عبر الهواتف رســــــلنا رسائل
وعلى لحينه ماجــــانا جــــواب
قالوا لنا تو صعـــــيبه المسائل
يوم ماتشارك على الواتساب !

[أبو مسلم الصلتي]

يوصفوا لنا بخت في البيــعه
وعجبه من البخت بســـنامي

ماتطحن رحــــــاك ياحـــــبي
بعرضـــــك فلمزاد ياحـــــبي

يمكن لنا بخـــــت في البـيعه
ياعيني كفى سهاد بس نامي

[أبو مسلم الصلتي]

تروح الأمس وتاتي اليوم
وانا وانــته عــلى ماهـــو

وبكره وبعـــــدها اجمــــل
ولكن غـــــــيرنا تاهــــوا

حبــيبي أنـــت لي تبــــقى
خــزى حسادنا وشاهـــوا

[أبو مسلم الصلتي]

داركم جنـّــــــــة فـوادي
ليتني ســــــــاكن ٍ فيهــا
عطرها مســك وزبـادي
والشجر كاسي عليــها
"
"
في وداع الله ياديـــــــره
عالي الأرض ووطــاها
جودكم شيخ وعشـــيره
طلعت الشمس غطـّاها

[أبو مسلم الصلتي]

ليتني طـفل ٍ صغـــير
في حضون الأمهات

للضحك معـنى كبير
والبكي معناه هـات

الحضانه شي غـير
والشعور منبهــات

كنني ملك وأمــــير
في عيون الأبهات

[أبو مسلم الصلتي]

هلّت دموع الحزن
لفراقكم من سنين

واليوم قلبي اطمأن
مافايده في الحنين !

[أبو مسلم الصلتي]

ألا ياصديقي مــــالك عنــنا معــــزول
هيـــش الذي خــــــلا فوادك منعـــزل

ألا ياصديقي نمشي ع الدنيـــا فنزول
كم واحــدن منـّـا على قــــبره نــــزل

الا ياصديقي سامح عن قول الهزول
عن لا تواخذنا على قــــول الهــــزل

ألا ياصديقي حبك في القلب م يـزول
مايمتحي ليــــــــــن القيامه والأزل !!

[أبو مسلم الصلتي]

ياشباب عمان شمّــروا
عــن ســــــواعدٍ للعمل

أبنيوا الوطن واعمروا
نهضته بكــــم تكتــــمل

[أبو مسلم الصلتي]

يبكيوا على الولد بس لا مات
ويوم تحصد الزرع لمــها لك !

يســـالوا عن الأم والأب وين
الوادي على السـد موه تركم ؟

كم ناصحوا الأهل والأبــوين
ماتحافظوا عليـــه مـــوتركم ؟

يدعيوا لكـــــم دوم بسلامات
وانتـــــــــوا تريدون لمهالك !!

[أبو مسلم الصلتي]

أبومسلم الصلتي :

ذا سحاب الغيث من جودك هما
والبحر في المد قاصر عن يديك

لك ســـــــــلام الله في ورده لما
عد فضل الله وانعـــــــامه عليك
.....................................
حمد بن هدوب الهاشمي :

من روى من جود كفك ماضما
ياسليل المجد من وين ابتـــديك

من بياض افعالك اللي فالســما
والامن فوق الثرى اللي ينتخيك

لك تحيه وليـــــــت تكفي انمـــا
كثر ماحاولت مارمـــت احتويك

[أبو مسلم الصلتي]

ياربعي من زمان من ضل مات
وذاك المـــــــزارع فــــلج هاله

كـــل الملاييـــــن حـــــــــوّ لــها
وتومستوي الحق حــــــواْ لــها

وذاك الذي يقـــول من ظلـــمات
بعـــــــــده يفــــكّـــر فـ لجـــهاله !

[أبو مسلم الصلتي]

ينادوا بالاسماء عــيد سعيد
وتزهي المــــزاين بفرحاته

من فرحــته الطفل مل بوسه
تهنـّوا به العـــــــيد ملبوسه

عليكم يالاصحاب عيد سعيد
مبـــارك عليــــــكم بفرحاته
"
"

[أبو مسلم الصلتي]

لاتملــح اللحــــــم ملح الساده
وحال العمل نــــــاس مطوّعين

يغــــني ولــدكم فـ مــــــي دانه
وكل من بيـــرمــــــس فميدانه

ومعنا اطلعوا ناس م الحساده
على شيـــفة الناس مطـّوعين !
!!
!!

[أبو مسلم الصلتي]

تعجــــــز الكلمات ويجــف الحبر
أنتِ وصفك يابلادي شـــــي غير

في فضـــائك وانثـــــيالات المطر
عن شموخك كل شي يبدو قصير

سيدي للشر لم تبــــــــق ِ وتـــذر
بالعهــــــد أوفيت أفعــــالك بخير

ياشعـــــب ردد عمــــاني وافتخر
في حمى قابوس للعــــليا نســير

[أبو مسلم الصلتي]

لله
والوطن
وجلالة السلطان
ترخص الأرواح ويهون دمّنا

في شد
المحن
يشهد لنا الزمان
حن اهل السلاح معروف عننا

[أبو مسلم الصلتي]

مزاجي صاحـبي والله مــزاجي
وانا كل شي ولا عكّـر مــزاجه

زجاجي حاجز البرزخ زجـاجي
أهو خارج وانا فعنق الزجاجه

غيابه ليـــــل مــــاله انبلاجــي
ونوره صبح يــــأذن انبــــلاجه

حبيبي عـارف ٍ وصفة عـلاجي
وانا دكتـور أعرف له عــلاجه

"

[أبو مسلم الصلتي]

أحب عمان لاحـــــد الهــــيام
--------------------------- واذوب فعشقها لحد الثمـــاله

هنالي عيشها وطاب المقــام
--------------------------- ولا أقوى على البعد احتماله

[أبو مسلم الصلتي]

قابوس 0 قابوس 0 والله والنعم قابوس
مصلح على العرش بالعزّه مع الناموس
وفي عهد قابوس عشنا رافعين الروس

ياعمان 0 ياعمان 0 والله والنعم بعمان
فـ شــمال وجنوب كله شـــــــعـبنا إخوان
وكل عــــيد قابوس دوم يلبسك تيــــجــان

وياعمان قابوس أهـــني بطيّـب الملبوس

[أبو مسلم الصلتي]

حـــــبيبـــي من تفــــارقني
حــياتي مالـــــــــــها حيله

خـــيــــالك دوم يشــــغـلني
وصوت الهمس أصغي له

يبات الحـــــلم فعــــــيوني
ويراودني فكـــــل ليــــــله

[أبو مسلم الصلتي]

مبارك باينثر ســـلامه :: ورد وكيذا والخـــزامه
لاصحاب التـقا والديني :: يللي ســــــيطهم مفنود

ثنينه واربعين ارقامه :: والهجري عام ٍ بعامه
نهنـّي بفرحـة العيديني :: القايد أبو نا العـــــــود

""

[أبو مسلم الصلتي]

مادري تشـــرّف بي أوانـــا تشــــرّفت ؟
------------------------------------ على كـل حـــــال اطــلب الله الإعـــانه !
مشرف ... ولكني على الموت أشرفت !
----------------------------------- هل ترغبوا عـني تحمــــــلوا الأمـــانه ؟

[أبو مسلم الصلتي]

سبحان من صوّرك في صورة إنسان
----------------------------------- وانته ملاك ٍ في الحقيقه ولكن

كم تعتريك احوال ... في الدين نقصان
--------------------------------- لكن مكانك داخل القلب ساكن !

[أبو مسلم الصلتي]

سيّدي لك تهـاني -- والوفا والمحبـّه
------------------------------ والقلب واللساني -- ناطق ٍ بالشكر

والشباب العماني -- للندا هب هبـّه
------------------------------ شاهد لـّه الزماني -- بالوعي والفكر

[أبو مسلم الصلتي]

جرعن يا البنات وكلن تـون
ويلكن كـــــرافي وهـــندوله

لا يصرف النقد لفلس طــين
وكم وجّـهوا النقد لفلسطين

شـــوفوا لبــــاراك وكلنتون
كيف استغلوا وهــن دوله ؟!

[أبو مسلم الصلتي]

مع ناسج الصوف والشّعار
ولدك من زمان بتلا بـــــش

ينهموا على البنت يادنيـــــا
وماتثبتي فحـــــال يادنيــــــا

أول ورا النــــــــت والشّعار
وتو ظنتي حــــــــد بتلابـــش

"""""""""""""""""

[أبو مسلم الصلتي]

قصيدة مهداة إلى ابني ( مسلم ) بمناسبة تخرجه من جامعة السلطان قابوس مساء هذا اليوم ..
---------------------------------------------------------------------------------------
القاضي كتب شـــرط بند شهود + وجايب معه شهود مـ شهوده

عطني ميـــه والـــــف لمبارك + وطول البعــــــــد دوم يـضنيني

وبتخــرّجـــك ألـــــــف لمبارك + تســـــــتاهل الخيـــر يـ ضنيني

يا رحــلة العمـــــر كنـــش باب + وانا راجـــــع اليوم كني شباب

ويا الجامعه عليش بندش هود + يــــوم الحفـــل يــــوم مشهوده

--------------------------------------------------------------------------------------

[أبو مسلم الصلتي]

يامقام ٍ في الكرم مشتهر
-------------------- مثل حاتم يوم جاه الغريب
يالرباعه حان وقت السفر
-------------------- وبـ نتلاقا بعد وقت ٍ قريب

[أبو مسلم الصلتي]

أمطري ياسحابه -- فوق روس الجبال
--------------------------------- ســـطـّريها الكتــــابة -- عن عيون الحسد

ماحسبنا حساـبه -- وقــتـنـا فــي زوال
--------------------------------- لو الطرب في شبابه -- حـــــايزنا البعـــــد

[أبو مسلم الصلتي]

طاح الندى والطلـّي --- واصبح شجار الفلـّي

مازر لعـود متـملـّي --- وعلى الثرى رويــان

كيذا ويـــاس وبـلـّي --- مجرور جـــر الحلـّي

لي ريحته اتســـلـّي --- العاشــــق الولهـــان

[أبو مسلم الصلتي]

ياما بكيت وصحت ولعيت
_____________ ولاحد يسمع لي ندايه
لاتقرّبوا نار ٍ على زيت
____________ ولاتصدقوا قول الوشايه

[أبو مسلم الصلتي]

تنفس الصبـــــح والأرواح تتنفــــس
............................................ كل كاين ٍ حــــــي يطلب ربه ويسبّح

وخلايق الله تهوى الليل لن عسعس
.......................................... والرزق مقســــــوم بد الكل وتربّـــح

[أبو مسلم الصلتي]

أشوفه ترى الناس بويا فهم
وذاك الولــــد مافهـــــم توني

جابوا عن بــــريق رمــّــاسه
وماكلهم الربــــــع رمــّــاسه

يبغـــــــاله القـــــول بويفهم
وكنــّه بعـــــد مــــافهمتوني

[أبو مسلم الصلتي]

ريـّض حبيب القلب ريـّض
راوف على قلبي المولـّع ++ من شيفتك هاض وتهيـّض
عودك حلو طابت ثمــاره ++ فمباسمك غــيض ٍ تغــيـّض
بمروّتك معـروف عنـّـك ++ بكرامتــك قيـــض انتـقـيـّض
والخاتمه مختوم ريقــك ++ شهد العسل فاض وتفـيـّض

[أبو مسلم الصلتي]

في ملتقاكم ربــــــــح وفايده
الدار طابت والفــــــرحه تعم

يوم ٍ نزل بســــــــــاط المايده
ياناس كونوا في راحه ونعم

"""""""""""""""""

[أبو مسلم الصلتي]

العشم والظـــن ماخايب + فيــــك يابو قلـــــب طيـّوبي
ماتعّلا العين ع الحـايب + والرموش مصادقه هـدوبي
حن فرحنا بعودة الغايب + لي غيــــــابه آســـر قلوبي
طلتك كالطيب لي طـايب + العـــفــــو لن قلت محبوبي

[أبو مسلم الصلتي]

شاري حل الشعر يل ابيض
وكلهم يصــيحــوا نبا ركله

يوم بارد الطقس بالجو لين
وتستاهل الكاس بالجولين

عــــــز الإمارات يالأبيض
وحن شعب زايد نبارك له

""""""""""""""""

[أبو مسلم الصلتي]

سحايب من الخير في الجو لات
ولي شـــــــــرّف الدار يابهْ هلا

نسمعه المغـنـّي ونحن قابــوس
قابـــــــوس منـّا ونحن قابــوس

جاء سايق الخير في الجـــولات
تســــــــتاهلــــي الخير يابـــهلا

[أبو مسلم الصلتي]

في مـــــزرع البــــر باقي البر
وسمحه وخميسه وهل فرحه

فــايق على الغـــــير زار وني
وناس ٍأهـــــــل خيــر زاروني

مــــاروّح البــــــر باقـــي البر
عســــاها لنا تـــدوم هالفرحه

:::::::::::::::::::::::::

[أبو مسلم الصلتي]

كور الغزل شـــــد عن لحلال
النحس فصفر ولا لمحــــــرم

أنعـــــــم بالوســـــام له تقليد
وكل شي ترى يكون له تقليد

يوم عندك اللحــــم كل لحلال
هيــــــش ٍ تبا بلحم لمحــــرم

[أبو مسلم الصلتي]

لابتي جــينا بســـــيوف ٍ هذامي
قاطعات ٍ باتـــــره كل عـصـــابه

قـادرين وعفــــونا ع الغشامي
عـــــبرة ٍ للي بقــــي في حجابه

حن رؤوس المجد فعل وكلامي
ماربينا ع الهـــزل والـــــدعابه

للتسامح قــــلـبنا والســــــلامي
نهجنا نهــــــج النبي والصحابه

[أبو مسلم الصلتي]

أذي مهنة العز وشـــرفنا
خذ لك من العلم لف وايد

نشرب من المــاي نتحايا
ويوم نلتقي الربع نتحايا

زرنا المعلمين وشـــرفنا
نســـعى لتحقيق لفــــوايد

[أبو مسلم الصلتي]

لي يصنع السعف لات دعوني
ومانلـــوّمه يــــوم مـ حـفـــلكم

بسّـــــــك من اللــــوم واللعيان
وادعوا هـــــل الجاه والاعيان

أنا وحدي أجي مشي لاتدعوني
عـــــز وفخــــــر يـــوم محفلكم

[أبو مسلم الصلتي]

ديرة العــــــز يلش ســـــلام جميل
من ضمير القلب والفواد المحــب

والكرامه اهطلت مثل سيل ٍ يسيل
عمّت الخلق في ذا المكان الرحب

[أبو مسلم الصلتي]

مااقدر أعاتب صاحبي وا لــوّمه
لانّه الدنا صبحت مشاغلها كثــير

ناس ٍٍ يهايوها سمينه وطمـــطمه
وهيه مع الزاهد ماتسوى ولانقير

[أبو مسلم الصلتي]

تنادي فهــــــم وين مي فهموه
وطــيرك من العــــــش تأويله

يسفّوا من الخوص كم مبدع
ومعنا اكتبوا الشعر كم مبدع

لكن ترى الفـــــــن مايفهموه
ولايعــــرفوا كيــــــف تاويله !

،،،،،،،،،،،،،،،،،،،،،،،،،،،،

[أبو مسلم الصلتي]

عــذبوني ثنينه
المها والحمام

قلبي الله يعينه
مبتلي بالغــرام

[أبو مسلم الصلتي]

يوم تطبخ اللحم وتقــلي :: هدّي على النار لو داعي
مايطابق الفعل مع قوله :: وياحبيّب الروح معقـوله !
تاشّر من بعيد وتقــل لي :: يالله يا لحــــبيب لوداعي !

[أبو مسلم الصلتي]

ذكرتني بايــــــام يازمــان
يوم الهوى لعبــــه فيديني *** واحرّكـــه تحــــريك سـكـّان
والقلب لي ينهى ويامــــر *** وانــا على مايريد رغـــــبان
ياما قطفت الورد وسـقيت *** يصبح ويمسي الورد رويان
ولامن صرفت العين عنه *** ينهم عليي تعــــال يافـــــلان
والخاتمه كـل شي تبــــدّل *** والمغفره م الرّب ســـــبحان

[أبو مسلم الصلتي]

الوادي حجــــز ناس وعلا سيل
وحاجز حال العرس لمقر قاعه

جابت من الشــــيم شــيما عكم
ومالمنخفض مر شـــــي معكم ؟

معنا استوى ريـــح وعلى سيل
وبرق ٍ سنا ورعــــد لمقرقاعه !

[أبو مسلم الصلتي]

ياصاحبي فكّــــــر بعــقــلك واعـتبر ++ والآدمي دايـــــــــم يفكـّــر في دنـــــاه
حد مالآوادم يركــض وراه الحجر ++ وحد مالآوادم آواه الحجـــر وحمـــــاه

حد مالآوادم زحزحه بقوّه الصـخر ++ وحد مالآوادم زحزحه الصخر بدعـاه
حد مالآوادم حطّــــــم الصخر بيسر ++ وحد مالآوادم تتكـــلم يله الحصــــباه

حد مالآوادم يرقى ع الصخره بامر ++ وحد مالآوادم يرفـع الحجـــر وبنــــاه
حد مالآوادم مالحجر مــــــاء ٍ فجر ++ وحد مالآوادم من فوقه الجبـل غطّـاه

حد مالآوادم ردد له الجبل الـــــذكر ++ وحد مالآوادم ربّه مالجــــبل نـــــاداه
سبحان ربّــــــي معجــــزاته تستمر ++ وحد مالآوادم يعبده وحـــــد ٍ عصـــاه

[أبو مسلم الصلتي]

شاقني من وصوفه شــــاقني
بوعيون وهــدايب نــــاعسه
ساقني الله لـــدربه ســــاقني
والهــــــوى ماقدرت اقايسه
***
***
***
كل عماني عـــــزيز بموطنه
يرفعه فوق هامات الرؤوس
حاكمنها حـــكـــيم الســلطنه
يحفظه ربّـــي سيّدي قابوس

[أبو مسلم الصلتي]

ســـــميت وتليـت الكتاب = وطلبت من ربي الثـواب
عسى دعـــائي مستجاب = في ظل عرشـك يارحيم

في نور مصباح الظــلام = قــــرآننا عــــــذب الكلام
في منهجة الحق استقام = وتبارك الخـــــير العميم

وتباركت خـير الجهــود = فعــــمان والعالم شهود
قــرآنـنا عــنـّه نــــــذود = فقلوبنا شـــــــأنه عظيم

صلوا على طـه الرسول = يللي حفــــظ آي النزول
وتمـثله فعــــــل ٍ وقـــول = في الاخره يلقى النعيم

[أبو مسلم الصلتي]

دموع الهــــــم تجري دم بحــرٍ طم
--------------------------------- على خدّي جزر مـــــدّي رغم ودّّي
جبال الشـّـــــم معدن سم طعم الغم
-------------------------------- على سدّي برق رعدي وقف ضدّي

[أبو مسلم الصلتي]

زرعك يابيــدار فيه ذا الصيف
لدشداشته الولـــــد مايبا ردن

في اول الحفــــل شـــعله تنار
وفبداية الصـيف شــــعلت نار

من قوة الحر في ذا الصيـف
حتى المـــــــكيفات مايبردن !!

[أبو مسلم الصلتي]

عـــــيني كما النـّــار لن حــــرّيت
وزرعك على الصيف مات رطب

ســـــمعنا من القــرض جن بيدار
وردّوا الجـــــــريمه على بنـــــكه

نــــاس ٍ على الظــــّل جــــنب يدار
ونــاس ٍ كـثـــــيره على بنـــــــكه

يعاين تـــرى علـــــيك ل ِ مشــبّه
مـعـــــك مروحة يـــــد لمشــــبـّه

تحــــمـّل يارجـّـــــال لن حــــرّيت
النخــــــله بـــلا حـــــر ما تـرطب

[أبو مسلم الصلتي]

قالوا لنا شناص ولوى تسـاب
وياوالي الأمــــــــر وليو تيوب

عن ســـــــــاحتك عت صالاتي
وما حــــــــــد يرد ع اتصالاتي

شـــــغلهم تــويتار والواتساب
وفايبر وفيس بـوك واليوتيوب !

[أبو مسلم الصلتي]

زرعك على الدوق والطل بات
وبـــــــارك جمـــــلكم ورزماني

ماادري أنا بخــــــير واشي بي
ومن ذا الزمن صحت واشيبي

كــثرة مصـــــــاريف والطلبات
واركض بســرعه ورا زماني

[أبو مسلم الصلتي]

حذرك من البنت لـمست عار
ويوم تقــــني دهـيم لـ تخيـــّـل

عاين على الأصل لافـــروعه
علامه هذا الــولد لافـــروعه ؟

تخـفـّى تحــت اســــم لمستعار
مثل البنت ذيــــــك لي تخيـــّـل !
"
"

[أبو مسلم الصلتي]

نسمع حكي ماوزن له غرام
وشي م الحـــكـي بر ماينصف

ســـوّن بثيـنه ونـــــدى ريــبه
نجمّــــل هــــــوانا ونداري به

وراسي تراه شاب من لغـرام
وقاضي الهــوى بر ماينصف !

[أبو مسلم الصلتي]

حذرك من الجوع لامعـــــا شات
وولــــــدك مابيــــزيد ع الاتراب

حصّـــل صره فــَـــي وغــنيمات
يابويه ترى فقـــير وغــني مات

هــــيـلن بلا كــــــيل لمعــاشات
وما يـمــــلي الجـــوف إلا تراب

[أبو مسلم الصلتي]

وصلنا لرخيوت وحضـرموت
واهل اليمن زرع قــــات لهم

زرعــك يابيدار ولـّـى وصاف
ودمتوا هل العـــز والاوصاف

ولدك إذا غـــاب وحضر موت
وكــــــل من تعـــــدّاه قاتلـــهم

[أبو مسلم الصلتي]

أنصحش بت الناس روحي بعيد
طشّــــــت ردايــة وتبــــــل يوني

تقسموا على النــــاس ما عرفه
ولي مستوي معـــــاك ماعرفه

يصاحب عن الــدار روحي بعيد
عـــــــن لا ببــــــلاكم تبلـــيوني !

[أبو مسلم الصلتي]

اسمعك يوم تقـــول لي صاه موه
لكن لغــــــــو غـــــــــير مابلغــو
متفــــــــــوّد اليوم بيعت بــــــــر
والآدمـــــــــي فيه بيــــعتبـــــــر
ماضي السنه الناس لي صاموه
هذي الســـــــــنه الصوم مابلغو

[أبو مسلم الصلتي]

يلكم سلام ٍ أحلى من حلوى عمـــان
يللي على راحـــه وفاقــــه مصنـّـعه

وبنثر تهاني من جانا شهر رمضان
تستاهلوا ياهــــل القلــــوب الطايعه

[أبو مسلم الصلتي]

قصافيات من العيد :

صومنا بالوفا والتـــمام :: نســـــأل الله يتقبله
ويللي أدّى صلاة القيام :: جنة الخلد له منزله

----------------------------------------------

الناس في عيد هني :: لانا الشقي قلبي جريح
مايلومني مايلومني :: مايلومني الا المسترح

-----------------------------------------------

بش قلبي فها العيد بشّــــــه :: كيف مايبش وانته هنا ؟
مرتبش خاطري فيك ربشـه :: يحفظك ربي طول الدنا !

_____________________________

[أبو مسلم الصلتي]

لعبة الشطرنج ولا ّ الكراسي
في السياسه لي عليـها قتال
:confused:
في وداع الله عقيد المراسي
لك حمايه من سجور ٍ عـتال

[أبو مسلم الصلتي]

قصّــافي :

طـــــابورنا كــان فانتبـــاه
والحين بنقـولـّه اســـتريح

ومن بعد مانأدي الصـــلاه
فـــــن الطرب قايم يـصيح

-----------------------

بانـــوادع وداع ٍ لطـــــيف
قيس نمحي اثـاري الطرب

والضيافه تـــــعم كل ضيف
ســـــبلة ٍ فاتحه للعـــــرب

[أبو مسلم الصلتي]

أذاك الذي بصير مالبص مات
ومع تاجر الحل شـــــو فــلـّي

لي راعي الحــق مان الحـــق
ونركــض على دوام مانلحــق

أنا بشـــكي عــليك مالبصمات
كانت معـــــك حـل شـــــوفلـّي !

[أبو مسلم الصلتي]

ســـــــوّن تو جروب فتحـيات
سمعتوا من زمان لجدي دين

رينا الكـــــرم في خوى تيمه
وخير العمـــل في خـــواتيمه

انا بنثر ســــــــلام فتحــيات
حال المشــــــرفين لجديدين

[أبو مسلم الصلتي]

ياولدي من الديك فت عـــريف
وم الفاكهة اوصيك مشمش كل

في المنســـــف الحــــــب لامته
وتو كلـّــها النـــــــــــاس لامته

لو المشكه تكـون في التعــريف
يبقى معي الشخص مش مشكل !

[أبو مسلم الصلتي]

تعــبت من المشي رجل رجوله
يوم مقــفر السّـيح بـــرّي حاني

يركض ورا سراب ماشي حيله
وبايوصل عـــليه ماشي حيـــله

رجل ومدن وحش رجل رجوله
وجلـد اللي مــــدبوغ بالريحاني !
"
"

[أبو مسلم الصلتي]

قفـل ٍ على الباب قفـّــلتــوا به
وحــــنا على جـــــدار بانذاري

ذا المنتــــــدى صــار مايذري
وهيش فايـــده بسيف مايذري ؟

قلبي من الفــن قفـّــل تــــــوبه
مثل الجــــرس صاح بانذاري !
:confused:

[أبو مسلم الصلتي]

ويش الجديد اللي من الشـعر قلته
----------------------- قلت الجديد اني أشــــــوفك فدربي

الليل قـــفــّى والحــــلم لي حلمته
----------------------- اصبح حقيقه مثل قوتي وشــربي

[أبو مسلم الصلتي]

الناس للناس وكل ثــوب ٍ وله لبـّاس
----------------- إلا أنــــا مالقــــيت ناســــي ولاثــــوبي

عايش غريب الدار في الهم وسط أجناس
---------------- أصرخ ولايرجع صدى الصوت لـَى صوبي

[أبو مسلم الصلتي]

ولــــدك خلط أمس بان وصل
ونمشي بها الدرب مانبا حث

في المخــتبر ســـعـــد عينته
وكـل واحـــــــد يجيب عينته

بعـــــــد التحــــاليل بانوصل
على نتائج البحث من باحـث

[أبو مسلم الصلتي]

يصاحـب دمـــوعي يرن ويرن
وحلقي من الصـوت بح ريقـه

فدرب السلامات ماشي صـالح
ويوم ناوي الهجر ماتصد دع

في الدائرة شفت ماشي صالح
وراســـــي ولمخيخ متصـــدّع

وجرس الطــواري يرن ويرن
يمكــــن ترى يصيح بحريـقه !!

[أبو مسلم الصلتي]

الثور الذي يصيح تش علفيه
ويوم نســـــقي المـــال يتنا ثر

أذاك المعانــــد بلاده خــــــان
وماشي حــريقه بلا دخــــــان

لي ينفـــــخ النـــار تشعل فيه
وبايســـــتوي رمــــــــاد يتناثر

[أبو مسلم الصلتي]

دار السخا والجوده جينا على الوعد
نوحي النــــدا لن صاح حل النوايبي

نسبق حدود الصوت والبرق والرعد
مثل المـــطر لن طـاح من كل جانبي
---------------------------------------

عسعــس ظلام الليـــل وانا على بــالي
بعده النهار طويل والوقـت فـ التيـــــمي

رخصه وسماحة عاد يامــــــوز لغـتـالي
والله يعــودك مــــرّه في وقت لعـــــتيمي
----------------------------------------

[أبو مسلم الصلتي]

شــــــربه من الكــــف ماكفـّت
مــثل الذي شــــــــــل منـــخالي
نار الحشــــــــا زود ولي ولعي
وابكي على الخال ولعي ولعي
دموعي من العيــــــن ماكـفـّت
ومابخلص البـــــــــر من خالي

**********************

من سفرة الهند خــــــــالي آب
وذاك الولد عـــــاق وي رحمه
تفضّـــــل لنـــــــا الآب بنصيحه
ونحنه الذي غــــــــاب بنصيحه
يوم يحزن القلب خــــــــالي آب
لـــــه يغـفـــــــــــر الله ويرحمه
************************

[أبو مسلم الصلتي]

المشكلة إنـّي مع الناس طـــــــيــّب
وكل طيبٍ أهل الحســـــد تستغـــــلّه

شوف القلب من ضربة العين شـيّب
حتى الـــــــدّهر من بيّن الشيب ملـّه

مثل القــــدس رمز الديانه مغـــــيـّب
يللي اســـــــــتباحه مارحم واستحله

تاج العـــــــــروبه أحسن الظن خيّب
لولا الحسد ارض القـــــدس مستقلّه

[أبو مسلم الصلتي]

يعزف على الفـــــــن عنبر عود
فوادك على الشوق مـــــن دلـّه

حــــــذرك من العـــــقر مردوده
علــينا حـــن الحــــــال مردوده

ســـــلامٍ من المسـك عنبر عود
مــهـــيـّل ومســــكوب من دلــّه

[أبو مسلم الصلتي]

ياقــدسُ مهلاً إنّ ناظرنا غـــداً

قـريبٌ لأبوابِ المـــدينةِ نفتــحُ

بأجنَّةٍ ركضت ْ بأحشاءِ النُهى

مثـلَ البراقِ إلى لقائكِ تجمحُ

[أبو مسلم الصلتي]

فوق النضــــد تمــــــر حال طلال
مابغى أنـــــــا الصمع بي وصله

الشايب مشى الحج وعمـر نوبه
توكـّـل نتـــــه عــــنــد لعـــــزيمه

محمــــــد ومحمود وعمـــر نوبه
لقينــــــا حنـــــــه عــند لعـــزيمه

رسـل قلبي ســـــــلام حال طـلال
مع شــــــايبه كــــــان بيــوصـله

[أبو مسلم الصلتي]

ولدك كتب صاد ولا ّ ضـــــــاد
حذرك من الـــــولد لـَ محا كم

يوم يوزن الحب بَس تش كال
وفــي المحـكمة رد باستشكال

انته مقدّم الحكم ولا ّ ضـــــاد
مـــــالي انـا ومــــــال لمحاكم !

[أبو مسلم الصلتي]

يامعلــــم كلــــــنا طـــالبينك
والوطــن ناداك هدّي وهدّي

هالله هالله وسلم الله يمينـك
أزمـة الإضراب خلها تعـدّي

"
"

[أبو مسلم الصلتي]

راعي المـــثل قال قول ولي
ترى أعذب الشعر فـ مديحه

مشاكل من زمان مانحـلـّــت
وتباشروا بخير من حــــلــّت

هـــل التربيه اليوم قولوا لي
مـــن زوّد الهــــــم فـ مديحه !؟

[أبو مسلم الصلتي]

ديـــرة العـــــز ديره مالها من مثــيل
في عمان الحبيبه كم فـــوادي يطيب

وارثـيـن المعالي جيل من بعـــد جيل
جودنا في الكرامه كالهلال الخصيب

[أبو مسلم الصلتي]

مابي أنا افراح بي أشــــواق
وحـــد يلتـقي الآب ولا ّ مّــــه

ذكـــرى فايـــــــام وخـــــوالي
خوتي وهلي أعمام وخـــوالي

روحي إلى العيد بي اشــــواق
محلا لقــاء الخيـــــر واللمــّـه
"
"

[أبو مسلم الصلتي]

يومنا يوم عيـــد ** بانهني العشــــيره
والتسامح يفيد ** خيره ياناس خيره

*********

[أبو مسلم الصلتي]

ثمري ثمرتين يا الصــــباره ** كل ثمرةٍ عـــــودها يميل
في الحول مرتين لش زياره ** نذكر معانيش والجمـــــيل

*********

[أبو مسلم الصلتي]

في طريقي شـــفت رحالي ++ حاملنه موتــــر جديدي

طار عقلي ومارجع حالي ++ من صدفته ليلة العيدي

-------------------------------------

[أبو مسلم الصلتي]

ولـّى الهوى قفّـــل دكاكينه 000 وانهم علينا ما يبا الشاري

طاح الجمل كثرن سكاكينه 000 يا البيطري ماتنفع الباري

00000000000000000000000000000000

[أبو مسلم الصلتي]

%%%%%%%%%%%%%%%

مرسي يريد الشريعه %% واخــــواننا المسلمين

والجيش أعلن قطيعه %% والشعب أصبح محين

%%%%%%%%%%%%%%%

[أبو مسلم الصلتي]

يالابتي هـــــــدّوا على الدّوسـه
لاينتفض عــــــود الشجر حاني

شوفوا الفواكه كيف مغروسـه ؟
تيـن وعــــنب خوخ ٍ ورمّــــاني
:p:p::p:p:p:p:p:p:p:p:p:p

[أبو مسلم الصلتي]

أعاين على ثوب لمراه سيم
ويابس ســــعـفهم فـ لجــريده

أذاك اللي عايش فـ لعنا وين
وبشــــــرى كبيره فـ لعناوين

ويللي ماســــمعون لمراسيم
يقــــــروا خبرها فـ لجــــريده

:cool::cool::cool::cool:

[أبو مسلم الصلتي]

عزوة : إهداء لكل عريس وعروس

ســميت بالله المجــــــيب ÷÷ ماله شــــريك ولا نسيب
باحـوالنا دايـــــم رقـــيب ÷÷ عالـــم جهــرنا وســـرنا

يللــي هـــــــدانا للحــلال ÷÷ نخــتار ربـّـــات الجمـال
حسب ونسب عمٍ وخــال ÷÷ والـدين فيه خيـر الـــدنا

والدين فيه خير النفوس ÷÷ حال العريس وللعروس
بالكل مرفوعه الرؤوس ÷÷ يســـتاهلوا عرس الهنا

يستاهلوا العرس السعيد ÷÷ ندعـــوا لهم عمرٍ مديد
كل عام مــــولودٍ جـــــديد ÷÷ فوق الســــعاده والغنا

والخاتمه صـــــلوا عليه ÷÷ ياحـــــظ من يذكر نبيه
من كوثرٍ يسقى بيــــــديه ÷÷ وينال جــنـّات وجـنــــا

[أبو مسلم الصلتي]

غشيم الهوى
:p
مادري غشيم الهــوى أو كان يتغاشم
لاقلت له الكوع أشـّر صوب كرسوعه
:p:p:p:p:p:p:p:p
أخاف لا قلت له ثلـــج البَـرَد مبســــم
بـ يمد إيـــده عـ نـار ٍ تحـرق صبوعه

[أبو مسلم الصلتي]

لاتكتموا السّــر والشّـي بان
وذاك اللي يصلي صـلا حيّه

يوم تحمس البـــن لتـّه هيل
وبعـــد التـمــــارين للتاهيل

فــدار المســنين والشــّيبان
ساروا وعطـوهم صــلاحيّه

:confused::confused:

[أبو مسلم الصلتي]

للصهيل أنفاس بـــرد الزمهرير
------------------- وللضجيج اصوات مابعد المدى

لو يهل النوم ع الطرف السهير
------------------ كان هذا الكون أصبح ســــرمدا

[أبو مسلم الصلتي]

دانـق من النـّــــار في الكـّيات
وتـــو زوجـها راح هــــج ريّه

ولـدك ترى يصيح ويحس بوه
وتاريخـــهم صــــح ويحسبوه

معهـــــم مناظـــــــير فلكــيّات
الميلادي وســــنين هـــجـريّه

:eek::eek::eek::eek:

[أبو مسلم الصلتي]

يشكـّوا هل الكيس من شك واه
وبـــدل المحــــازم مشى بكيله

يوم تــــقلي البـــــــــن بن آدم
وهاذي ترى احــــــوال بن آدم

ضاقت به الأرض من شــكواه
وكــنـّه ســـــقامه مشبكه يله !

[أبو مسلم الصلتي]

جونو خطف مــــار واستك فيتو
وسمعوا هـــــــلي قولي وغنايه
دايـــــــــــم حال الناس مندارين
وتســتقبلوا وفــــــود من دارين
عزمتوا حال العرس واستكفيتوا
وعن مثلنا كـــــــفله وغــــنايه

:confused::confused:

[أبو مسلم الصلتي]

شوفوا عمان حلوه ومزيونه

زيـّنها قـــــابوس المعــــظم ... خــلاها كالـــدّر مصـــيونه

كل واحـــــــد أيــــدلل رباها ... حــــوريه بالحســـن تتباها

وشعب عمان بالخير يتنعـّم ... كراماته كل حول مضمونه

:):)

[أبو مسلم الصلتي]

دعــونا إلى حفــــله ترفيــهيّه
ورينا المشــــي والحبي باهي

الضـــــــــرّه تـنادي مشاركتي
ومعكم ســـــــعــيده مشاركتي

انا شغلي وفكري وترفي هيّه
أمـّــــي عمـــــان الحبيبه هي

:):)

[أبو مسلم الصلتي]

يصاحب من النار وجهك شـاهي
وولـــــدك إلى النـــــاس مد عونه

يلّك بــــرةْ هــــــوت وبـــرةْ كـول
وكل شـي يله فـــــــــن وبرتـكول

يبغوا يعمــــلون حفلـــة شــاهي
ويللي مـ له إســــــــم مادعــونه

[أبو مسلم الصلتي]

ياولدي ترى اللحم مامدعاي
خذلك من الســــوب وعصاير

مع زحـــمة النـاس ماحفله
وذي هبـــطة العـيد ماحفله

أشــوف الذي يكون مامدعاي
لبس خنجــــرعـمان وعصا ير !

[أبو مسلم الصلتي]

أذاك الولـــد تــرس ملحف لات
وشوف الأســـد ملك كل سبوع

بايـــــن من البيـــر ماهـم شي
ويوم لا هذا الحفـل ماهــم شي

قلبـــي تــرى مــــــل مالحفـلات
يسـد العـــرس عــند كل سـبوع

[أبو مسلم الصلتي]

ولدك عبر لنش تو ما فـ توح
وذاك البحر بو يبا يـــــم شي
ولادك مـــــــع اولاد عمـــتهم
هـــم دعــــوة الحفل عمـــتهم
عاين على البـــاب تو مفتوح
حــــال الـــذي بويبا يمـــشي

[أبو مسلم الصلتي]

أمطار خير وهلت ع الوطن
والحـــمد لله نشـــكر نعمته

عمـّت قـــرانا مع كل المدن
والشعب كلـّه كملت فرحـته
"
"

[أبو مسلم الصلتي]

الرسالة 112
أشــــــوفها كل ما على البـــيت مــرّيت
أتصــــد عــنـّي فـ اتجـــــاهٍ معــــــاكس

مادري خجل أو تشعل النــّار فـ الــزّيت
أو هــــو تغـــلـّي أو فـ ظني تعـــــاكس

هيـّه القمر والشمس والشهب واللــيت
هيـّه الضيا والنـّور ،، كل شي عـاكس

يااهل الهـــوى من دونها الحب قــزّيت
وبشــــوفها قلـــــبي على الحب راكس

[أبو مسلم الصلتي]

كنا اعشَرَه على عشَْره .. بفصل الشتا والصيف
هـــــانت عليك العشره .. يابو خــــديد رهــــيف

أنــــا فـــنار وجمــــره .. وانتـــــه على التكييف
يالله ياهـــاذي الحسره .. قلبي شكى م الحــــيف

كل الجــــــميل تنكــره .. هـــــددتني بالــــــسيف
ربّـــي عـليم بقـــــدره .. يرفــــع عنى التكـــليف

"

[أبو مسلم الصلتي]

بشكي عليكم من بعض المطاوعه
يللي حكيــــهم لغـــــو مقصـــــود

يوم اســــــمعه تجيني مهــــاوعه
مثل نارجيل فشـــــــعر لهــــــنود

يوم الزمـــــــن ماطاعك طــاوعه
كل شي واضــــــــح فيه لحـــدود

القـــــرآن والســـــنـّه المشــرّعه
وباب المكر والجــــــور مســـدود

[أبو مسلم الصلتي]

ع الباب بنهــــوّد

وبنســــلم عليكم $ والحـــرف بنجـوّد

ياناس ياعــــالم $ روحي تعبني الـود

ماتنظروا فحالي $ مصفــر ومســــوّد

من جرح المودّه $ حتى الجســـم دوّد

والخـــاتمه بالله $ أرجــــوك يامعــوّد

:(:(

[أبو مسلم الصلتي]

مايهــــم السّـيل زمــرات الـرّياح
الأرض تعشـــب بسـيل ٍ هاطــلي

والـرّيــــاح تشـــل ذرّات اللــقاح
شي ســـــداد وشي منـّه باطـــلي

:confused::confused:

[أبو مسلم الصلتي]

الأصــــل دايم تحـــــن له الفروع
كالطفـــــل يللي يحــــن لوالـــديه

الغصن ماعاش من دون الجذوع
والعــــروق اليابسـه توقف سقيه

أصبـح التــقليد غش فكل نـــــوع
من خبرها السالفه تســـهل عليه !

ليت شــعري تكتبه كل الشـــروع
يجتث التقــليد عن بـــــكرة أبـــيه

:::::::::::::::::::::::::::::

[أبو مسلم الصلتي]

ولدك من التــــمر كل غشّاش
وباين على فلان وجــــه النـّم

لي عاين ســـراب لح مـــــايه
المستهــلك اليوم له حمـــــايه

تضرب على يـدين كل غشّاش
وتــبشـّره بخـــــزي وجهــــنـّم

:mad::mad:

[أبو مسلم الصلتي]

ألبـــس نـصـــف كُــم ولاّ ردن
سيل السنه ثــــلـج رس مــيه

أنظر على السمن وترن زيت
وعـــبرة محـــطـّات وترنـزيت

ماشـــي الإمــــارات والاردن
عـــندي مهمّـــــات رســميــه

""""""""""""""""""

[أبو مسلم الصلتي]

باغني والقلب مشــــتاقي

وياخوتي لاتلوموا فوادي :: لانـّه عمان هي روح معلاقي

يوم اسير القلب فطواري :: ماضاري على البعد ماضاري

مابغاها انا جنــــــة الدنيا :: عن عمــــان وشعبها الرّاقي
:p:p

[أبو مسلم الصلتي]

والرواتــــب كلـــــها موحــَــده
سيدي قابوس راعي المسيره

والمعيـشه طيـّـــــبه وجيـــّــده
وإن شكرتم ربنا يزيــــد خيره

[أبو مسلم الصلتي]

شـــــمس المنيره قفلت أبوابها
من بعدما دارت وصاح المذنبي

الخــــــــيل ردّوها على أعقابها
جات الأماره من سليمان النبي
:confused::confused:

[أبو مسلم الصلتي]

بنثــر ســـــلامي على الحفـــل
وعلى صـــــحاب النـــــوايبــي

من شيبه ومن شب ومن طفل
من مبعــــــدين وقــــــــــرايبي

[أبو مسلم الصلتي]

بناتـــك يوم الحرب ماتن صـف
ودمعي من العـــين هــل عبـره

في المحفــل النــــاس تتهـــادى
وذيـك المـــــــدينه بلا ســــكان

ســــفينه فـ الامــواج تتهـــادى
صبــح نوخـــــذاها بلا ســـكان

برق ورعـــد سيل والطـــوفان
يقضقض متــاريس والطــوفان

دنيـــــاتنا بعـــــدل ما تنـصـــف
ولا توصــــل البــــر هـ العبــره

[أبو مسلم الصلتي]

عطاني عهد وانقض عهوده

واحـــــلف يمـــين ٍ بالإلـــهي = وقرب على ظلمه شهوده

وقلبي على حـــــرّه وجمـــره = وهوه فضحكاته وبــروده

ليته الهوى في الحكم ينصف = ويفــــــك عن قلبي قيوده

والخاتــــــــمه مــجـــتار بالله = من شـر عـذالي وحسوده

[أبو مسلم الصلتي]

تعزية إلى الصديق العزيز / عامر الناعبي

أذاك الذي عنيــــد بالرح مات
داسه على الأرض ولفر دوس

لي زايـــــــر البـــيت يا عامر
الله يحســـن عــــزاك ياعامر

ندعــي لهــــا دوم بالرحــمات
في جنة الخـــــــلد والفردوس

[أبو مسلم الصلتي]

حن عبـــاد الله ** ماعبدنا العــولمة

وفي وداع الله ** ياصحاب المولمة

[أبو مسلم الصلتي]

ديرة العزه والطــــــيبه والمــــكرمه
لك تواريخ من ماضيات الســــــنين

في وداع الله ياصـــــــاحب المولمه
ويا مقــام ٍ زهى بحضرة المطربين

[أبو مسلم الصلتي]

فن الحيلوه :

حد ٍ نحس حظه وحد من الناس محظوظ

وانا كذا معلـــــّق مابيــن الثنـــــينه :: باكون في راحه ولا اكون مـــرفوض !

وياحظ باسالك أمـــــتى تكون عندي :: أشــوفك على قبالي واقف دوم ضـدي

شي حظ في الدنيا باقي في حسـابي :: واتشوفني كاسد وسط حراج معروض !!

[أبو مسلم الصلتي]

الناس في راحه لانا في شقى دوم

كلهم يحسدوني حتى على شقايي :: ومايردهم عني غيرالأكـــــل والنــــــوم

فلسانهم دايم كنه علك ولبــــــان :: والقيل والقايل كنه صــــــوت هبــــــــان

يللي تبع غــيـّه يتحسر وينـــــدم :: روفوا على عمركم ورحموا روح بندوم

[أبو مسلم الصلتي]

هبوت :

لابتي حـــل النــــوايب ازحموا
بالصفوف وبالسيوف القاطعه

لي يتحـــــداكم أبـــــد لاترحموا
والبنــــــــادق كالجهنم ساطعه

[أبو مسلم الصلتي]

جابنا السوطي عبدالعزيز
مانخالف وعــد شـــــايبه

سلامنا مرعدٍ في هـــزيز
تسكب مخـــايل ســـحايبه

[أبو مسلم الصلتي]

أول سلام الله على أهــــــل الوطن

---------------------- وعلى غريب الدار من حضر وبداه

[أبو مسلم الصلتي]

جينا على الوعد نقصي الدروب
ماشي كلف لــــو جبــــال ٍ وواد

من سلسبيل وشهد لك شــروب
وســــــلامنا من ضمير الفــواد

[أبو مسلم الصلتي]

بنك الشعر مفـــــــلت خــــــزاينه
بيســـلفه يللي يـــــريد الســـــلف

سته وميـــه وســـبعين ماهـــيـّنه
من غير لي ماضي عليك وسلف
:confused::confused:

[أبو مسلم الصلتي]

ياسيّدي قابـــوس جنـــدك ولامي
والعــــز للسلطان قايد السّـــيره

منّا العدو ماينال موطا الاقدامي
حن لابةٍ شبّان نحـــــمي الدّيــره

[أبو مسلم الصلتي]

يا السلطنة مجلسك عالي
فـــوق النجــوم الميازيني

وســــط القلب حبكم غالي
قابوس ســـــيد السلاطيني

:):)

[أبو مسلم الصلتي]

فن أم بم

هاتوا الدوا وهاتوا القلم
بكتب حـروفٍ من ذهــــب ... يوم ســــيدي ثار وحكم
سيفين والخنـــجر شــعار ... وارفع قدرهم في العلم
أحمر على لـــــونه خطير ... يـــفــــــدى بأرواحٍ ودم
أبيض على رمــز السلام ... ولحن رعــــاةٍ للســــلم
أخضر على لـون الأرض ... أهل الزرع منذ القـــدم
والخاتمه تــــــم المــــــثل ... لي كان مايعلــم عــــلم

[أبو مسلم الصلتي]

فن ام بم

تاريخــــــــــها متـقــــــدما

السيب في العصر الحديث ... لي كانت تســمّى دمـــــا

فيها المــــعالم شــــــاهده ... ومواردٍ تروي الضّــــما

فيها التجــــــاره رابــــحه ... والبحر خــيره يكـــــرما

والخــاتمه طـــيبه وهـــنا ... من جود ربي المنعــــما

:::::::::::::

[أبو مسلم الصلتي]

ميدان
يــــوم يمحـــل البيـــر هـــيـّد ما ... وولدك قرا الدرس ومراجـع

الحـصـّه غــــداً مختبر وعــلوم ... وتاريخنا فيه خــبر وعـــلوم

هذي ولاية السيب هــيّه دمــــا ... مصادر كذا تقـــول ومراجـع

[أبو مسلم الصلتي]

ياصحاب الطــــرب والمولمه

جيتكم عاني ع الخـط السريع

داركم بالصــــراحه منظــــمه

جوّها رائع والمنـــظر بـــديع

[أبو مسلم الصلتي]

نوره اصعدت فوق وسـقط ريّه ... يوم نمشـــي فــبر يـوم بحــــر

نوحي عــلى المـــــيت بانوحي ... وكـلــنا هـــل الــــــدين بانوحي

ومثـالنا الصــــلت وســقـطريه ... من شـاطيء السيب يوم ابحـــر
:cool::cool:

[أبو مسلم الصلتي]

يارب عرسه سعيد ، يارب عرسه سعيد :: والحظ دايــم يـــزيد ، والتهـــنيه كل يــــوم

زاهي بثوبه الجديد ، زاهي بثوبه الجديد :: يشبه إلى يوم عـيد ، في جمعة الخير دوم

:):):)

يادار مـــالك مثيـــل ، يادار مـــالك مثيـــل :: بستان جودك ظليل ، باهل السخا والكرم

حان السفر والرحيل حان السفر والرحيل :: بنثـــــر وداع جميل ، صف اللقا المحترم

:):):)

[أبو مسلم الصلتي]

أكتب حــــرف أكتب حـــــــرف
أكتب عــــــمان السلطــــــــنه .. منـقــوش في كل الحـــــرف
ياســـــيدي قــــولك ســـــــــديد .. في صدرها عقـد وحــــــرف
ذي مــــــــــهـنــــة ٍ مـتـوارثــه .. واحـــنه عـــملها نحتـــــرف
وصّـــــــــــى بـــها أجــــدادنـــا .. مانحـــيد عــنها ونحتــــــرف
والخاتـــمه قـــــــابـوس نــــور .. كــــلنا بفــضــله نعــتـــــرف

[أبو مسلم الصلتي]

قابــــوس والســـلطنه
أسمين مالهن مثــــيل

كلها الـــــدول تضمنه
شعب العماني الأصيل

[أبو مسلم الصلتي]

يا البريسم في فـوادي مكانك
وياجديد الصـــوف شـــــديتني

كان قلبي له قــدر في زمانك
مع شــــباب اليوم عــــدّيتني

[أبو مسلم الصلتي]

ياسعيد قلبي من الأحــــــزان يتقـــطّع
وافكار راسي صخور جــبال تتقـرطع
بي هـــم بي غـــم بي نيران تتســــطّع
ياالله رحماك من نوضع فوسط لحـود
يوم الحشر كيف نلقى صراطنا ممدود
بكتاب وحساب نلقى كل شي معــــدود
عسى فجنة الخــــلد والفردوس نتمتّع

[أبو مسلم الصلتي]

ياجمعـــة الخير عودي بالأفراحي
والســــــعد والطيب وتهاني كثيره

مبروك للمعرس مساء وصباحي
ولحن بالأفراح بنشارك مســـيره

[أبو مسلم الصلتي]

فن تنجيليه :
جود وكرم عفو وســماحه
والعقل فيه حكمه ورجاحه

أخـــــــلاق لعماني أصيله
ماشي كماها بالصـــراحه

[أبو مسلم الصلتي]

تنجيليه :
الســلطنه حـــلوه وجميله وسلطانها ماشي مثيـــــله
تاريخــها من زمـــــن أول
يحكى فــليله والــــف ليله

*********************

قلبي تعجب من غــــــواها
حـــــوريةٍ ماشي كـــماها
السلطنة في حكم قابوس
كل النعــــم ربي عــــطاها

*********************

[أبو مسلم الصلتي]

أعاين من بعــــــيد بوم تروس
وفرضه لها ســـور لمـــــدافع

يطبخـــــوا لحمهم بنار صديقه
وصاروا يرموهم بنار صديقه

تراه محـــزمه ذاك بومتروس
ينقـــــــــع كما تثـور لمـــدافع

[أبو مسلم الصلتي]

ياولدي ترى الظن هوّه شـين
ونوبه الذي يشـــك ويعــتـقــد

يحضروا معـانا مســـــا كنهم
والله يســــكّــن مســـــا كنهم

طــحنا حنه فناس هـــوّاشين
يضربوا على الراس ويعـتقـد ّ

[أبو مسلم الصلتي]

مع نازل الشرع واي دقـــول
وفيها السفينه نعـــــــات بكم

حجـــــر ٍ رميـــته فلع راسي
ويوم ماوصلتوا فالاعراسي

حال العــــاذره تو وايد قــول
لـــو تعـــاتبونا ونعـــــــاتبكم !

[أبو مسلم الصلتي]

القـــــلب مشـــغــول وراسي لـــف ليزاير
ويصبر على الهــــــم لي يبا شغل لوزاير
وعن ترسل الخـــــط أحسن كان لوزاير
الناس للــناس وقلـــبي عنــــــدكم يهــدن
ولاقيت غزلان مــــــره يجفـــلن ويهــدن
ومن جرح ف القلب شربن والورد يهدن
وانا فــوزا وعوق عشر سنين لـــوزا ير

[أبو مسلم الصلتي]

أذكر وانا وقفت ع الاطلال ++ الوادي هبـــــط واللما راجع !

كوكب زحــل من نحوسيته ++ ومع لي جلس من نحو سيته

في الطايره فوق علا طلال ++ أســـأل رجـــــع ولا ما راجع ؟!

""
""

[أبو مسلم الصلتي]

أحمد السوطي :
يصلن سمن أمس واصل واصل
بناتي قــــــــربن كان تبن زوره
أنا اشهد وصل ضبط يوم وصل
نته تسال عن طلال يوم وصل !
أنا علمت به طلال واصل واصل
وبارابعـــــك كـــــــان تبا نزوره


أبو مسلم الصلتي :
البيشـك فــــــليدين مابا زور
وحــــذرك من البنـت بوقتها
يوم تطبخ اللحـم روحـــا نيّه
وتوحي علي جنود روحـانيه !
لكن أنا الحــــــين مـابا ازور
عـــسى زيارته تكون بوقتها

[أبو مسلم الصلتي]

عندي عمى ألوان في لـيل ونهار
لكن إذا شفتك صفا الوقت تلوين

أذوب واتجمّد على الصمت وانهار
وانتي على ذراعي بكل فــن تلوين

[أبو مسلم الصلتي]

فن الحيلوه :
يوم يطلع الراتب كل حــــــد يتوتّر

للمــــاي والكهــــرب جيتنا فــواتير

والقسط والهــاتف وحساب التويتر

وكذاك لمعيشه دوم اسعارها تزيد

وطلبات لمــدارس نوبه حالها بديد

الرادار بيصيدك بين ماتحل وتدور

لوكان متحذّر في ســـــياقة لموتر
:mad::mad:

[أبو مسلم الصلتي]

بــدينا حبــنا بالصمت
سكوتي ذاب بسكوته

انا له بالعشر بصّمت
شـفاته زوج بسكوته

:p:p

[أبو مسلم الصلتي]

ياعمان المجد والعـــز والطــوله
للتعــــــــاون نأيّــد مانبا غـــــيره

يوم قالوا اتــحــدنا قال منشــوله
بالسياسه الحكيمه صرح وزيـره

[أبو مسلم الصلتي]

هل ودق السحايب والقمر في محـاق
والبروق السـنيّه كل ســـــاعه وحين

تكشف اللي تخبّا بعد طــول الفــــراق
والرعــــود القــــــويه في لقاها حنين

ليت شـعري يتشبّه بالبــــرق والبراق
ولاّ بالجــــن الازرق لي وحى الأولين

عبقري القــــوافي بكل وادي يســــاق
لكن الحرز الاكبر بعد " إلاّ " حصين !

[أبو مسلم الصلتي]

العيون النواعس كالشمس ع المغيب
والحجــــاج المنمّـــص كــنـّه هــلالها

ماعلمت الحقيـــقة شي شوفه غـريب
السحــر لي محـــــرّم خالـــــط حلالها !

[أبو مسلم الصلتي]

النخــــيل البكايــــــس دوم تبغى عمار
وموسم القيض يزهى بالبسر والخلال

المياشين تجـــــهز قبل قطـــــف الثمار
لاتنثـّر حصادك في ســــــواقي الجـيال

[أبو مسلم الصلتي]

القلب نايـــم وأما العـــــين صحيانه
ويش فايده في قليبٍ غط في نومه

لمّا البصــــيره تفتّح والبصـــر زانه
نورٍ على نور شعشع ساعة قدومه

:cool:

[أبو مسلم الصلتي]

باودّعـك والدمع فايض ع الوجن

بيـــني ومابينــك كــثير معـــــاتبه

اليوم قلــبي بـيتحرر من ســــجن

والنفـس قالت عن هـــواكم تــايبه

:mad::mad::mad::mad:

[أبو مسلم الصلتي]

سلطاننا قابوس الله يعــــــــــوده بخير
بالصحه والهنا ويدوم بن ســـــــــــعيد

يدعي لك الشعب من شيبه ومن صغير
وعمــــــــان كلها ترفع تهاني العـــــيد


ياعــــــالم الأقــــدار
يـارب ياقــــــدوس

ندعي ليــــــل ونهار
تحفـظ لنا قــــابوس

[أبو مسلم الصلتي]

يالله نــــــــطـــلـــبك
تحفظ أهالي غـــــزّه
بالقدره والمــــــــلك
والعون والمعــــــزّه

:mad:

[أبو مسلم الصلتي]

يا عين نون .. والباء بتعصيره .. يا عين نون

دار الفــنون .. بنوادع الســيره .. دار الفــنون


ياحصون الـــــــــكرامه .. شــــــــاهــدلك تاريخ

في وداع الســــــــلامه .. من رعيّــــه وشــــيخ

[أبو مسلم الصلتي]

نسجت حروف اسمك من خيوط الشمس
------------------------------- وشـــــكّلته بلــــون الطـّــيف من ذاتــــي

جــرح قلبي قــــديم وصار كنـّه أمــــس
------------------------------ شبيهك أيقض الذّكرى وزوّد من معاناتي

[أبو مسلم الصلتي]

شـــيّابنا كـــبار ومخـــرْفين
ولي يلعب الزار هل مانعش ؟

هـدّي على القلب من روعه
سهل وجبل زين من روعه !

لي زرتوا ظفار ومخــرْفين
كيف حالة الجو هل منعش ؟

[أبو مسلم الصلتي]

هـوانا غــيّر المجرى
.................... قرار الهجر من ذاتك !

مناديلك بقت ذكــرى
.....................عليها أحمــر شفاتك

:p:p:p:p:p:p:p:p:p:p:p:p:p:p

[أبو مسلم الصلتي]

ســمن الغـــنم شين وبقــر شين
وســمن النبــاتات قــــش دنــــه

أذى راعــــي الطـّـبـــع ماطبيعي
وكل الســـــمن صـــار ماطبيعي

أبا اوزن من السمن لو بقرشين
قــــومن يا لبنــــات قـــشدنــــه !

[أبو مسلم الصلتي]

سيدي قــــابوس لاباس لاباس ِ
لك دعــــا بالخير كل المحبيني

بالهــنا والعافية تعـــود للناس ِ
ياسناد عمان والعُرْب والديني

[أبو مسلم الصلتي]

ولــــدك على كــذاك من ربـّاه
لسانه على الناس ســب باحه

فوجهه بـرماد وسـفيه ســفيه
وبونه العروضي سفيه سـفيه

أنـا جــايب النصـــر من ربـّاه
مـ اقبض على تيـوب سـبـّاحه

[أبو مسلم الصلتي]

ياصحاب الكرم والمعاني
بانوادع صفوف المسيره

حافظنكم بســـبع المثاني
ليلةٍ سعدها الــــف خيره

[أبو مسلم الصلتي]

سيدي بخير جتنا البشاره

من مصـــادر لــنا موثــقه

وابتهج شعبنا فكل حــاره

والوطن مغربه ومشــرقه

[أبو مسلم الصلتي]

أعاني من زمان هـــد اللوعـه
وعقب التمر صرت فلح اشري

أذاك الـذي يحــــب دل عــــونه
وانا مبتـــلي بحـــــب دلعـــونه

داست على القلـب هالــدّلوعـه
ماخافت مـ العقاب فـ الحشـري !

:p:p:p:p

[أبو مسلم الصلتي]

ياضــيـفنا يلك وســاعه ف الفـــوادي
تقــديركم محمول ع الراس والعــيني

رخصه وسماحه ربعنا وفرقة الوادي
حـل النوايب ذخـــرتي وعصبة يميني

[أبو مسلم الصلتي]

يااهل الكرم يلكم شكر
................. دمتوا منعمــين

ميتين وستميه وصفر
................ والخمسه لحــين
:confused::confused::confused:

[أبو مسلم الصلتي]

الحب مابطعن الرماحي
الحب به إحساس وشــعور
يســــري كــــما روح ٍ وراحي
كـــم من عليل ســـنين وشـــــهور
بالحـــــب بــش وصـــــار صـــاحي
وكـــــم من صحيـــــح اللي تمــــــرّض
في الحـــــــــب مكــــســـــور الجنــــاحي
يااهــل الـــــــهوى راعــــــــوا حــــــقـــوقه
مافـــــــــــايــــده فــحــــــــــــزن وجـــــــراحي
والخــــــــــــاتـــمه عــــــــــــــرش ٍ بــــــنيـــــتــه
طـــــــــــــول العـــــــــــــــمر ها اليـــــوم طــــــاحي

:p:p:p:p

[أبو مسلم الصلتي]

قالت أنا احـــب الشعر واتـــذوقه
لنـّه الشعر كلـّه كذب في أغـــلبه

قلتلـّها أنـــتِ فقـــــولك صــــادقه
لنـّه الكذب نهر الشعر من أعـذبه

قالت تراني في كــــلامك واثـــقه
هات المثل عن خد عذراء أكــتبه

قلتلـّها بـــــدر ٍ تجـــلـّى نــــورقه
أودرة ٍ بيضــاء فـخــــدر محجـّبه

:p:p

[أبو مسلم الصلتي]

نرشف فناجيل الصبر ونقول م حلاها
إلين ماتحـــــيا قـــلــــوب ٍ دم يسقيها

ماقلت عفوا للصبر ل َجــل اســــلاها
أدعو لها الرب واسجد لَ جل يحمـيها

[أبو مسلم الصلتي]

هذه الأبيات تقرا أفقي ، ورأسي من كتاباتي :


صديقي أحبـّه غيابه حضور
أحـــبـّه كـثيراً وطيفه يــزور
غــيابه وطيفه جمال ينـــور
حضور يـزور ينـور بسـرور

[أبو مسلم الصلتي]

ياديرة العــــز والجود والطولـه
دايم لك الخير في حكم سلطاني

مادام قابوس لي حاكم الــدوله
كلنا على العهد له نرفع تهاني

[أبو مسلم الصلتي]

هزي إليك غصون الحب من طــرف
تساقط عليك ثمــارا لســت أحصــيها

إني لرؤياكِ في شوق ٍ وفي شــغـف
يامـنـية القـــلب ذي رؤيـايَ قـصيها

:p:p

[أبو مسلم الصلتي]

ياصحاب الجود والشاني
جـــودكم راجــح فميزانه

للمعرّس نرفــــع تهـــاني
بالورد وعطـــور ريحانه

---------------------

قلبنا من جـــودكم راضي
ياصحاب الحــــفل وفنونه

نرفعه الملــــــف للقاضي
بالعــــدل والشرع قانونه

[أبو مسلم الصلتي]

مخلوق ويـّـا الموت في علم الاقـدار
ولي صرخةٍ يـوم استهليت بالصوت

شفت الجـنـــان وشفت فـقبالها نـــار
وشفت الدنا متمثله في عرض فـوت

يا هـــــادم اللذات يا ســــر الاســرار
كيف اهتني بالعيش والشرب والقوت ؟

وانته على راسـي فكل ليـــل ونـــهار
ماشي مفر ولو تخبـّيت في الحـــوت

عندي أمــل ألقـاك في آخـــر مســـار
في الخير لي أعمال من غير جبروت

تنجي من الوحشات في ظلمة الغــــار
عند الســــؤال وموقـفٍ منك مبهـوت !
:eek::eek::eek::eek:

[أبو مسلم الصلتي]

يقول اليوم أو بكـره لقـــــانا تــــام
على هذا الوعد طبّق مـثـَل عرقوب

قضيت العــــــمر أترجى وفـا الأيام
مثيل اللي يضل يبكي لبـن مسكوب

------------------------------

[أبو مسلم الصلتي]

ديرة الحصن ديــــره
أهــلها لهم ســـــيره
في الكرامه والجوده
دايم بحرهم طــــامي
ضيفهم له تقـــــديره
كالشـــّـموس لمنيره
بن مصلّت جــــدوده
في الصّفوف قـدّامي

[أبو مسلم الصلتي]

ياصباح الخـــير ع الـــوجه المـليح
الـتفـــــاؤل فــــيه يبـــــدا كل يــــوم

يبـري العـــلات من قـلب ٍ جــــريح
تنجـــلي الأحــــــزان منـّه والهمـوم

بســـــمته كالورد متفتــّح صــــريح
والنـــدى في وجـنته عطر مشــموم

صوته الهادي على المسمع مــريح
يوم نتناشـــد عن اخــــبار وعـــلوم

أسـرح وأمرح على شوفه واســيح
وارجع لـذكرى خياله في الحــــلوم

:):p:)

[أبو مسلم الصلتي]

دايس على بريك ومعــاه يير
وحــــــق البنيـّه يعـــــــد لها

حـــن بوننا الغـــــش مانقبله
نــوزن من الحب من لو كيل

يتبــــع ســـــنن كان من قبله
وبشـــارة الخــــير من لوكيل

يعـــــمل مقـــاييس ومعـــايير
وناوي المناهــــج يعــــدّلها

_______________

[أبو مسلم الصلتي]

أقـــــرا ألــف باء وعلى الياء
وتشـــــابه الــــواو صورة ها

طـــفله أنا لقـــــــيت مدعومه
وقصه ع الكتـــــاب مدعومه

يابويه ذا تطوير وا علل ياء ؟
بنتك مع الــــــولد صورتها !

------------------------

[أبو مسلم الصلتي]

ياحصن ياعالي في القلب غـــــالي
بنثر ســــــلامي واقــــبل تحــــياتي

لك راس مالي ويرخص لك الحالي
من احـــــترامي ومن زود طــيباتي

-------------------------------

[أبو مسلم الصلتي]

لابتي باركــوا للعـــــريس
وانثروا في طريقه الورود

ودّعـه الزمن يللي نحيـس
واقــبلت له ليالي السعـود

------------------------

[أبو مسلم الصلتي]

قرضني ربع صاع من حب بيتك
بــردّه أنـــــا الصاع صـــــاعيني

ياولدي تبا رضــــاي حب راسي
ويــلك ف الـــــــفواد حب راسي

تـــــدلل على القـــلب من حبيتك
لك مســـكن اليوم صــــاه عيني

[أبو مسلم الصلتي]

ياالله من زمن طلـــع فيه العجــب
سلمى الدنا تلوي حـــبال المشنقه

الموت واحد واختلف فيه الســبب
قدر وقضاء واجب علينا نصــدّقه

الموت حق وما فرق شيبه وشب
حتى الذي داخل حصــــونه يلحقه

أهـــل الغنى ولاّ رفيعين النســـب
الموت مايعــرف حــــدود وتفرقه

[أبو مسلم الصلتي]

اليوم فيني حـــزن من حـــــزن أحبـــابي
ياالله خــــفـف على الأحباب ها اللـــوعه

وارحم قــلب ذا الجسد لي ضمـّه اترابي
واسكنه عن دنيته في روضـةٍ روعــــه

[أبو مسلم الصلتي]

النــاس لبســــت ثياب ٍ جديده

في العيد فرحه عليها ابتسامه

وانا على الثــــوب يللي تحيده

والحــزن أنصب عليي خــيامه
:(:(

[أبو مسلم الصلتي]

"ليت الشبابُ " بقي منـّه شوية حيل
أوقف أهـــنيك وامشــي لوعلى بابك

ياحادي الشيب هل تلقى ثريا سـهيل ؟
وتعــــــود لايـــــام لي كانت لأحبابك !

:confused::confused:

[أبو مسلم الصلتي]

تعــــــيّرني بما لــــــم اقــترفه
وهــــل للمجبر المكروه ذنــبْ ؟

بياض الشيب في رأسي تبَدّى
يقض مضاجعي من كل جـنبْ !

................................

[أبو مسلم الصلتي]

:):):)

اتقول لي عيدك مبارك مقــــدّم
سابقت كل الناس قبل الزحامي

قلت لّها عيدك ســــعيد ومنعـّم
عايد عليك بخير في كل عــامي

:):)

[أبو مسلم الصلتي]

يابنتي من الشـير علمي تين
وهم زاروا الأهــــل ورحمهم

حن نحــــــزمه الزور ونوقر
نراعي كل مســـــــــن ونوقر

ونترحّـــــــم اليوم ع الميتين
ياربي اغفر الذنب وارحمهم

[أبو مسلم الصلتي]

حبيبتي ...
حبيبتي ملـــــــكة جمال
في الكــون مايلها مثال
متـــــفرّده فكل الخصال
لـــو شـبهوها بالقــــمر
حبيبتي ...
حبيبتي رقـــــــّه وحنان
في قــــربها ألقى الأمان
حوريه من سـبع الجنان
منزوله في ليلــة قـــــدر

:p:p:p:p

[أبو مسلم الصلتي]

قصافي رزحة :

لابتي جينا في جنح السـلامه
لـــــــــــــــي دار الــكــــــــرم

صيتهم فوق متعــلــّي مقامه
صــــــــــــــف ٍ محـــــــــــترم

[أبو مسلم الصلتي]

ناس يهايوها شـــطاره -- للشعر نصبوا إماره
وطالبوا بحكم المـدينه -- وكل سنة ٍ لهم تغيير
بنوادع أهالي الحــاره -- وربك عالم بأسراره
كتبته فجبهة جــــــبينه -- مايعرفــلـّه المصـير

[أبو مسلم الصلتي]

فــرحة اليوم والســعاده ماتـنـوصف
نهدي المعرس أجمل الورد والعطور


والتهاني م القلـــب والحــــب موتلف
ألـف مبروك قالها الأهـــل والحضور

:):):):)

[أبو مسلم الصلتي]

الصفر 0

الصفر له قيــــــمه - وفـــــــوائد عظيمه
إذا جا في اليـميني - له قـــــــــدرٍ مهاب
له مجدٍ وشــــــيمه - وتســــــمعه كريمه
يســـــند به ويعيني - مع عــــالي الجناب
ولا جا في العسيمه - يشكي م الظــــليمه
طايح م اليـــــــديني - متروك الحســــاب

النقطه 0

ف كتـبه المستقيمه - النقطه لك عـــزيمه
تنقط حــرف شـيني - والــــــــزين بكتاب
بحروف ٍ ســـــليمه - ومـــــــعاني فهيمه
آلاف الســـــــــنيني - تـــــــقرا بالصواب
من مده قــــــــديمه - ف اوراق ٍ تـــريمه
للنقطه حشــــــــيمه - ف ذهـــــاب وإياب

[أبو مسلم الصلتي]

ماقـــلت لك إلا صباح التباشــــير
----------------------- فيك التـــفاؤل أقــــــرأه من بعيدي
ياوجه مشرق بالسعد فيك هاالخير
----------------------- كل يوم أتصبـّح على شي جديدي

[أبو مسلم الصلتي]

قصافي رزحة :
الكتاتيب لــي علمتنا
والمدارس لها تربـيه
غربلتنا الدنا وشيبتنا
ماحصلنا على تزكـيه
.......................
ذي ديـــــرةٍ مثل جنـّه
كل نفس تطرب تباها
لاتدخل القــلب هـــنـّه
الجـــــو غيـــمه تباها
.......................
الشمس غابت فالسحاب
يللي على قـــــرن الجبل
فــوداعة الله ياصـحـــاب
أصلح لنا خــــير العـــمل
..........................

[أبو مسلم الصلتي]

سؤالي لكم وين يا الحل وين
ترى أغــــــلب الظـن يتبــــدد

الليله عجبني لــــقى البيشان
وســـوّى لقــــاكم لقلبي شان

ســلامي لكم خاص ياالحلوين
وتالي على النـــــاس يتبــــدد

[أبو مسلم الصلتي]

مسبع :

ياسيدي العين تدمع مالفـــرح والشــوق

ومن كلمة الطيب لي خرجت بفن وذوق

تروي المعاليق تنبت في القلب بعـــروق

من مسندم شمال لجنوبي جبل ســـمحان

حـــــن كلنا حب نــفــدي جلالة السلطان

وبالدم والروح نفــديها الحبيبه عــــمان

قابــــوس نبراس عالي الباس دايم فوق

[أبو مسلم الصلتي]

ياسيدي قابوس ياجلالة الســـلطان
قلوبنا من شــــيفتك بالفرحه تطــــير

وقلوبنا تهنيك بالصّــــحه والأمــــان
بالعــــــافيه مبروك بشّــــرتنا بالخير

كله الشعب مسرور وتزينت عـــمان
يسجد شكر لله من شيبه ومن صغير

حن نطلبك ياربنا ياعظيـــــم الشــان
تحـــفظ لنا قـــــابوس وترجـّعه بخير

[أبو مسلم الصلتي]

سميت ثم صليت ع الصــحب والآل
طه النبي مذكور في الجهر والغيب

مبروك لك بالعرس والمال وعـيال
حـن كلنا مهــنين لبعــــــيد وقريب

إن راد ربك والعــــمر فيه آجــــال
بانوصلك ياصاح لاشــــــك لاريب

[أبو مسلم الصلتي]

يوم تاكل اللحــم كل مت راس
ولي حافظ الوعـد لت وعــــده

روحي على الناس ماجـــــاني
ويوم يوعد الوعد ماجــــــاني

ياولدي أبا أعطيك كلمة راس
لي يخلف الوعـــــد لاتوعــــده

************************

[أبو مسلم الصلتي]

الخطاب السامي أللي فأربع دقايق
غيب الهمومي لـ ِفأربعة شــــهور

منطوق الكلامي لي بين الحــقايق
ياعمان الحبيبه تستاهلي السرور

[أبو مسلم الصلتي]

فرحة عمان فرحه كبـــيره
يوم قابوس شــافه الشعب

الولايات ســــــوّت مسيره
من صلاله لأقصى خصب

[أبو مسلم الصلتي]

لاسباب لي تعــرفونها
----------------- قابوس بخطابه مكتفي
وعمـــان الله يصونها
------------------ بالخير ياشعبنا الـوفي

[أبو مسلم الصلتي]

ياكل من العيش يام ولاي
الحنا ع اليدين وفــــراحه

لاتستوي وليد طــمّه انته
وياسيدي الشـــعب طمّنته

يوم انته بخـــــير يامولاي
حن كلنا بخيــر وفــــراحه

:::::::::::::::::::

[أبو مسلم الصلتي]

أذاك الذي مريـــض بنكرياسه
ولي مايجي طــول مـــتر يّـس

أولادنــــا اليـــــــــــوم متدينين
وكلـــــهم م البنــــوك متدينين

معنا ترى كشوف بنك رياسه
يللي ع البنــــــوك مــتـــريّس

[أبو مسلم الصلتي]

التاجر يبا يبيع حل ف الدار
وأربع مية من لض يــوفي

لكرامة الضيف بنرح حــب
بكل من فضا الدار بنرحــب

يامرحبا بمــين حل ف الدار
وارضــــف تحيات لضيوفي

[أبو مسلم الصلتي]

فن الحيلوه :

ســــلطاننا قابوس خيره عــــم لبلاد
في الجبل والوادي والحضر وبوادي
الناس مرتاحه وقـــــــت الحر وبراد
النــــاس مرتاحه والخيرات وايــــــد
وعمان كالجــــنه وجنيـنا الفــــــوايد
يارب ياحافظ احـفظ دوم قــــــــابوس
وعمان تحميها وخــــلي الخير يزداد

[أبو مسلم الصلتي]

قصافي رزحة :

جيتكم عاني بشباب القــبايل
من ولايات ٍ جمعها الشروق

في النوايب حايزين الطوايل
كالمخايل والرعـــد والبروق

[أبو مسلم الصلتي]

بنــثـر ســلامي
للناس الكرامي

جيـت بنشـــامي
وسجورٍ ولامي

[أبو مسلم الصلتي]

من فن الرزحة المربوعه كل الحروف منقوطه :

غنيت بغني يشجيني :: في ظبين غضي يشــــقيني
شيبني بغــنج شيبني ::غضغض في غضب شبّيت

شب بشيبتي يضنيني :: خـــيّب ظــنتي يـ ضـــنيني
فـبيتن ينبني شي بني :: غـــيبني بشــــــفق شبّيت

:confused::confused:

[أبو مسلم الصلتي]

باشا لقـــب سعيد وعلي بيك
ومعنا وصل جــول واجــاويد

يوم تطبخ اللحم يا عــمى ني
ودايم لك العـــــــز ياعــماني

زاهي كل مقــــام وعلي بيك
لانك من اخــــــيار واجــاويد

[أبو مسلم الصلتي]

من شافها جنه في الأرض
قولوا العوابي للي ســـــأل

بنصلي الواجبه الفـــــرض
ومن تالي السنه والنـــــفل

[أبو مسلم الصلتي]

قــــايد الطابور ... له خطه وسياسه

صيح الصافور ... ياجـند الحـــراسه

[أبو مسلم الصلتي]

مع راعي العــــلم ترقي يات
أبـــــوها هذي البنت برت به
ياولدي شي لقيت للضب باط
وذي ترقيه جــــــات للضباط
عساها فكل عـــــــام ترقيات
نبـــــارك لك كثـــــير بالرتبه

[أبو مسلم الصلتي]

التوفه لعــــبنا ولمغــــــاوير
وقبل العصر نرسل تهــــاني
سيف ٍ من الغمــــد لي باسل
ترى جيشك عمان لي باـسل
الجند الأشاوس ولمغـــاوير
في يومــــكم نرسل تهــــاني

[أبو مسلم الصلتي]

إهداء إلى شيخي الجليل :

عيـــــوني لم تخيــّـب لي ظــنوني
فكانت صـــــــــادقه فيها الفراسه
سماح الجود خــــــيره كالمزوني
شجاع الألف مايعـــــــدل براسه
سماح العــــــــلم والآب الحنوني
عـــــــــرفته منذ أيـــــام الدراسه
غرس أخلاق جاءت في المتوني
وذو المعروف ماماتت غراســه

[أبو مسلم الصلتي]

إلاهي لك الحمد والشــكري -- انته خــــــالق الخلق والبادي
يوم تشوي اللحم لمـــضيبي -- مشينا إلى سناو لمضــــــيبي
لحميدي صديق والشـــكري -- الصلتي لكـــــم ربيع والبادي

في حضرة الشــــيخ ياطالب -- وعندي انا وعــــد بكره مهم
الدله تعشا بن ســــــــليمان -- يوم تشرب الماي هو عـــمه
محمد لقينا بن ســــــــليمان -- داوود معرس وهو عـــــــمه
انته صاحب الجــود ياطالب -- وناس ٍ اهــل خيــــر بكرمهم

في مصنع الصوف صوافي -- وضيــــفك ياحاتم يبات كريم
قوم وضع القفل في الحلقه -- جلسنا مع الشيخ في الحلقه
لي حايز العـلم صــــــوافي -- وولــــــد المدارس يبا تكريم

[أبو مسلم الصلتي]

شاري من السوق حلــــوى لي
وغنـّي الشـــعر في مقـــــاماته
يوم تعزم الضــــيف بن قــــــدّم
الليله هنا الشـــــــعر بنقــــــدّم
حـــــن ننثر سلام ح الـــــوالي
وكل من حضـر في مقــــاماته

::::::::::::::::::::::::

ولدك بيضبي بســـــيح الضبي
وبسمك محمد علم ســــمـّـــى
لي يناوي الحج والعــــــمرات
يسعى من القــــلب ع ملاقاتي
شوفوا إلى محج والعـــامرات
يبنالها جســــــور عمــــلاقاتي
مــــــد البصــــــر وين باتذهب
وكل من شرا وباع مس بوكه
أذي لباسها وين بات ذهـــــب
فكل شارع عــــــقود مسبوكه
ياولدي فتح العـــين والحـا جر
ومتعمّره حطــــــــاط والحـاجر
شوف البنايات بسـيح الظـــبي
النهضه أسمها على مســمـّى

.....................................

[أبو مسلم الصلتي]

رساله فوق سطح الماء أرسلها إلى الأحباب
--------------------------------- بحفظ الله تتهــــادى وتوصل غايــــــة المقصد
حنا مانخاف جنـــد ابليس والأزلام والأنصاب
--------------------------------- حنا نخشـــى مراقبته وكتـّاب العـــــمل ترصد
أمانه مابغـــينا شي من ذا الجــــــاه والألقاب
-------------------------------- ولا مــــــن تقـــــبل الدنيا عليه وتتــركه بالصد
ألا يامجري الأقــــــــدار في التيار لي ينساب
--------------------------------- نسالك من حصاد الخير بالزرع الذي يحصـد

[أبو مسلم الصلتي]

طبعنا هل عمان مانلت روحي
شيفه تمـــــلل وشيفه تعـــــين
أذاك الــــــــولد مين يــــا رباه
وحن نطلب العـــــون ياربـــــاه
ياسيْدي من البعد ملـّت روحي
أبا اشوفك قريب شيفة عــــين

[أبو مسلم الصلتي]

بيرق العــــز في سمانا
في الحرب والسلم والم
نطلـــــب الله مــــــولانا
يرجع إلى الـدار ســالم

[أبو مسلم الصلتي]

قلبي صدا والراس شايب
لي يشـــــوفني يبــــكي عليه -- والدمع من عينه سكايب
أولتـــني فبســــــتان وورود -- آكل من اصناف الأطــايب
واليوم نهجلبي زمـــــــــاني -- يوم ارحلوا عني الحبايب
ماعرفت وين اضوي فليلي -- والصبح راواني العجايب
والخــــاتمه لجــــــوار بالله -- يارب ترجع كل غــــــايب

[أبو مسلم الصلتي]

قصافي رزحة :

بيرق العز رفـــرف -- بالفرح والســـــــــرور
وكل ضيف يتشرف -- ماعليــــــــكم قصــــور

--------------------------------------------

ياعريس الهنا -- لك تهــاني -- ياعريس الهنا
تقـــبلوا منـــنا -- ها الأماني -- تقـبلوا منــــنا

[أبو مسلم الصلتي]

يا الجماعه جيتكم بالعنيــّه
لاتقولوا ماحفظها الوصــاه

يلّكم في القلب درجه العليّه
مثل نجم الفرقدي في سماه

[أبو مسلم الصلتي]

يوم تكتب الميـــــم حا تمحي
مسافر على طريق ليمـــا تو

يوم الخنجري حي حاتم حي
هوّه خلف ناس لي مــــــاتو

--------------------------

عجبني من الورد فل بو فيه
وفي الطايره عبرت ليما جو

يتــــوقـّـف الفــــــلك ولاّ دار
وماهم بوليـــــــــس واللادار

باســــــجّل حضور فـ البوفيه
عن يحسبوا الناس لي ماجـو

[أبو مسلم الصلتي]

سيّدي طااااالت الغيبه
رجعــــــتك غاية منانا

طـــلّتك يلـّها هيــــــبه
فرحة الشعب وهنـانا

----

[أبو مسلم الصلتي]

هدهد سبا هدهد ســبا
خـلاّ ســــليمانٍ فحيره

م الممــــلكه جاب النبا
في قومها تحكم أمـيره

[أبو مسلم الصلتي]

ديــــــرة العــــــز باننثر سلامي
حال كل معرس واهله واصحابه

لابتي جيت بســـــــجور ٍ ولامي
مثل بـــــــرق ٍ ســنا بين سحابه

[أبو مسلم الصلتي]

البيت اللي مبناي شي بناه
وولدك على الرمل شي بنا

يصنع دمى طين وتمــــاثيل
ونسمع لأقـــوال وتمــــاثيل

يقول الزمن نحـــن شيّــبناه
ونحن الذي نقــول شيّــــبنا

[أبو مسلم الصلتي]

لامن دعــتنا النوايب
قحـــمنا لها

نقضي لزم كل واجب
وحن أهلها

[أبو مسلم الصلتي]

برج الجدي والحمل والثور لاباس
أما الأسد والحوت والقوس حـامي

الدلو والسرطان والعقرب انــحاس
الجوزاء والعذراء ميزان ســــامي

ياكم برج ٍ فـ الســــــعد أفرح الناس
وهناك أبراج ٍ نحيســـــــه وظـلامي

ماقول غير الله لي مــــــذهب الباس
وتنجيمها الأبراج وهـــــم فـ وهامي
,,,,,,,,,,,,,,,,,,,,,,,,,,,,,,

[أبو مسلم الصلتي]

ديرة العز بنثر عليها
وداع ٍ جــــــــــــــميل

والنعايم شكرنا وليها
بشكر ٍ جــــــــــــزيل

[أبو مسلم الصلتي]

قــــايد الطابور --- من قـــوه وباسه --- قايد الطابــور
صيّح الصافور --- ياجندي الحراسه --- صيّح الصافور

0000000000000000000000000000000

في وداع الله ياحصن المنيع -- قلبنا راضي وماعليكم عتب
رخصة ٍ شامله حـال الجميع -- من جنــودٍ إلى أعلى الرتب

[أبو مسلم الصلتي]

ياطير أفــــرد جناحك
شل الخبر والعلومي

يازين يسعد صباحك
بالورد في كل يومي