غربة زمن !

[نزواني الهوى]

غربة زمن !
لا ما اعتقد طول العمر نصبح احباب *** مشوارنـا لازم تجيلـه نهـايـه
اغراب جينا وننهي الرحله اغراب *** وتبقـى علاقتنـا مجـرد حكايـه
غربة زمن يا بنت والوقت غـلاب *** لاتامنين الوقـت هـذي وصايـه
يا بنت مال الدمع من بين الاهداب *** تكشفلك دموعـي سرايـر خفايـه
يابنت انا خايف فراق بلا اسبـاب *** تجي ليـال سـود يكثـر عنايـه
يا بنت منتي من ربوعي والاقراب *** انتي غريبه لـو سكنتـي حشايـه
صحيح ما للقلب من غيرك اصحاب *** واحلف يمين انك نهايـة رجايـه
وانتي قصيدة حب في صفحة كتاب *** وغلاي لك ماهو مجـرد هوايـه
والله احبك لكـن القلـب يرتـاب *** لى تذكـر وقـت يمشـي ورايـه
اخاف بعد العز نصبح كالاغـراب *** وانا اموت ان كان هـذي النهايـه

[عامرالناعبي]

مشكور اخي العزيز على نقلك لهذه القصيدة الغزلية الجميلة
لكن
لم تذكر لنا إسم كاتبها
اما إذا كنت انت الذي كتبتها
فيجب ان تنقل الى قسم الشعرالشعبي لأنه هو مكانها الصحيح

تقبل مروري وتحياتي العطرة أخي الكريم

[عبدالله الراسبي]

اخي العزيز نزواني الهوى ابيات جميله جدا ورائعه
تسلم على هذه القصيده الرائعه
وتقبل تحياتي