حبيبي آآآآآآآآآه

[غياهيب صحار]

حبيبي استمع شعرن كتبته من غلاتك فيك

حبيبي ادخل بقلبن ملكته حب بخصالك


حبيبي آآآآه لو تدري عن الي بداخلي يعنيك

رسمت اصدق غرام وجاك لاترميه باهمالك


حبيبي مارحل طيفك عن الهايم ولا طاريك

حبيبي مااهتنى بالنوم وانت النوم يهنالك


حبيبي وش تبي مني من اثبات الغلا واعطيك

حبيبي لو تبي عمري وعمري يرخص بجالك


حبيبي مخفين حبي قبل لجل اكسبك وارضيك

واسلي خافقي واخفي وانا يكفيني وصالك


حبيبي ليه ماتكشف غطى سر الغلا بيديك

وابيع الروح لعيونك وتسكن قلبي لحالك


وانا ادري فيك كم تدري احبك يالغلا واغليك

وتدري ليه في قلبي رفعته فووق منزالك


احبك والغلا يكوي خفوق اللي تولع فيك

احبك ماقدرت امنع خفوقي يوم هو جالك


احبك من خفوقن كم تعذب يالغلا يرجيك

احبك من خفوق ذاب وشخص من الغلا هالك


احبك وانت ماتدري عن اللي بداخلي وشفيك

وانا منهو وهبتك قلب ترضى فيه يبقالك


حبيبي واضحن حبي ولابينتلي خافيك

ابي كلمة غلى تروي خفوقن داخله شالك


حبيبي لو جمعت الشعر كل الشعر مايكفيك

حبيبي ضاع شعري وضعت قبل الشعر بخصالك


حبيبي آآآه لو جرحك يجي في خافقي واشفيك

حبيبي آآآآآآه لو تنسى وانا اشقى فيك واشقالك


حبيبي آآآآآه لو تدري بقلبن عذبه ماضيك

وهوماعش به لاكن يحس القلب باحوالك


حبيبي كفكف دموعن تجرح مدمعك بيديك

حبيبي خذ فرح قلبن يموت بلحضة وصالك


حبيبي هات حزنك لي وخذني بالفرح وافديك

وابي مثل البشر تفرح وابيك تكيد عذالك


حبيبي ماشكيت الجرح لاجل اضايقك وابكيك

حبيبي قلت لجل امووت واحيافيك واحيالك


حبيبي باكتبك قصه ومن زود الغلا بارويك

وارتب قصتي لجلك وبك تزها وتزهالك


وتبقى قصة الهايم وهو قصة غرامه فيك

ويبقى معك في قلبه على حلك وترحالك

[ضياء الليل]

احبك والغلا يكوي خفوق اللي تولع فيك

احبك ماقدرت امنع خفوقي يوم هو جالك

صح السانك اختي غياهيب كلمات قمه فالاحساس والروعه
.
.
سجلي اعجابي الخالص
اختج ضياء الليل.....................

[سعيد محمد البلوشي]

الأخت العزيزة غياهيب صحار

كلمات جميلة تعانق السماء بجمالها

شكراً لقلبكِ على هذا الاختيار المميّز

فقط.. اسمحي لي أن أقوم بنقله إلى القسم الصحيح

لكِ منّي كلّ التقدير و الاحترام

[عبدالله الراسبي]

الاخت الفاضله غياهيب صحار
تسلمي على هذا النقل الجميل والرائع
ابيات في غاية الجمال والابداع
دمتي بكل خير وموده
وتقبلي تحياتي

[سالم الوشاحي]

الأخت الفاضله غياهيب صحار

السلام عليكم ورحمة الله وبركاته

نص يحمل الجمال والتعبيرعن مانعانيه تجاه الغير

شكراً لحضورك الطيب ..

نقلك راقئ وذوقك رائع

تحياتي لك بوافر الشكر والتقدير

[أبو هلال السوطي]

الأخت الفاضلة غياهيب صحار
ما أجمل هذا الكلام الذي قيل في هذه القصيده
أبيات في غاية الروعة والعذوبه
شكرا على اختيارك ونقلك لهذه القصيدة الرائعه
بارك الله فيكِ وتقبلي مروري

[عائشة السعيدي]

الله يا غياهيب مااروع كلماتج حبيتها كثير
لكن يوم حبيناه استرخصنا
عالعموم الله يعطيج الصحة والعافية ويوفقج يا رب