هنا " ضجيج أنفاس " و فقط

[ضجيج أنفاس]

بسم الله الرحمن الرحيم






... هنــــــــــــــــــا ...


ضجيج


أنفااااس


و فقط


:)

[ضجيج أنفاس]

أنا لست سوى طفلة ...

استوعبت " الغرق " مبكراً ..

فأصبحت تتأرجح بين الشعور و اللا شعور ..

[ضجيج أنفاس]

أحبك هي مسافة بس ما بين العطش و الماي
أحبك كلمتين عتاب تزعلني و تحييني

أحبك شوفها سكّر و لكن ذوّبه هالشاي
أحبك كثر ما حبّك تغلغلني و معميني

تعال و حسّها رجفة يميني لا عزفت الناي
بتدري و قتها بأني عشقت بكل ما فيني

تذكّر يوم "أخبيلك من البسكوت في مخباي"
أشاور لك تعال وانت خايف بأنك تجيني

صغيره كنت ما أدري بأنك رغبتي و مناي
عطيتك "نص بسكوته" جهلت إنها بتبليني

كبرت .. ومالقيت إلا طيوفك ماليه دنياي
أدقق بالنظر ليني أتووه و ما " ألاقيني"

تعبت أسولفك " قصه خرافيه" على أشياي
أركّب لي تفاصيل الحكايه اللي بتنهيني

" تعيسه " وانت رايح حتى وانته " جاي "
تغرّبني الحـــــــــــــواجز بينك و بيني


ضجيج أنفاس

[ضجيج أنفاس]

أبسألك ..

ليه بحضوري " تلعثمت " ؟

ما كنّك " الشااااهين " يللي عصاني

و بسألك ..

ليه بعيوني " تأملت " ؟

وانت " الوحيد " اللي أبد ما عطاني

و بسألك ..

ليه بغيابي " تحطّمت " ؟

جـــــــــــابووولي أخبارك

و أنا في " مكاني "

تدري وش أكثر شي منّه " تعلمت " ؟

صدة جنابك

و

الجروح

و

أماني

[ضجيج أنفاس]

.
.
.

ما كل " شاعر " يبتسم حالــه يسر
و لا كل من " يهذي " تعدى الميانه

.
.
.


;)

[ضجيج أنفاس]

.
.
.


الحب مو كلمة " معاناة تكبر "
لا صرت عاشق شخص ميّت حنانه

مو قصتي لكن كذا " ف بالي يمر " احساس ياخذني وهو في مكانه


.
.
.

[ضجيج أنفاس]

تدري وش اللي زاد طيني بلّه ؟
الناس يقرونك و أنا " غنّيتك "

تدري بصوتي لو أجيبك شلّه ؟!
تبكي الزوايا بس إذا " ناديتك "

أخفيت أنا جرحي و نزفي " علّه
أتعمد الفرحه إذااااااااااا لاقيتك

هذا قصيدي جاك بس " اسمح له "
أدري تكدّر خاطرك " حبيتك "

لا لا يهمك خل شعوري خلّه
عشها حياتك واعتبر ما جيتك

[ضجيج أنفاس]

الحـــــــلم ما كان غير " أكذوبه "
من سبة أحلامي أنا فكري اختبص

ليتك تجي عصفــــــور ما حسّوبه
لا مر شبـــــاكي حبسته في قفص

الغلا له نكهته و ذنــــــــــــــوبه
وش حيلتي لا زاد حب و مانقص

يـــــــلي ملكني بطيبته و اسلوبه
ربك جمعنا لكن الدنيــــــا فرص

[ضجيج أنفاس]

وقت الغروب تمرّني " ضيقة سفر " !!

[ضجيج أنفاس]

المصيبه ..

من عشقتك ,,

صرت أشوفك

إنت

بس !

وانت

لاهي

في هواها

في غيابي

و فـ الحضور

[ضجيج أنفاس]

.
.
.

صباحك .. " شي ما قدرت أستنطق المنطوق وا اجيبه ..
تخيّل داخلي " ربكة " .. بعييييد و أستحــــــــــــي منك

.
.
.

[ضجيج أنفاس]

ودي أجيك و أدري القـول " أسهل "
ما بيننا حــاجر .. ظروف .. و ملايين

في حاجتي لك صــــار هالدرب يطول
شفت القدر وشلـــــون يلعب بحبلين ؟

أحس حزنـــــــــي لغز مـــــاله أبد حل
أمشــــي و أجهل كنت أنا رايحه وين

حاولت أخفـــي الدمع قلت " آتجمّل "
أحس من حزني غدى منظري شيــــن

و المشكله خوفـــــــــــي إذا حد يسأل
يسأل عن أحوالي و يلمح شقى العين

[ضجيج أنفاس]

كل هالدنيا فـ كووم

و بسمة أمي فـ كووووم

الله يحفظ أمي و أمهات المسلمين

:)

[ضجيج أنفاس]

.
.
.

فينــــــــي شعور و ما أظنه ينحصر
ثااااير شعوري فيه " نشوة لعانه"

مدري أببدا بالحكي و اللا النظر؟؟
في صمتي أشعاري تحس الإهانه

.
.
.

[ضجيج أنفاس]

مـــــا أقول لك حلوه ولا أقول لك غير
رمشـــــــــي من أسبابه ضحايا قتيله

في طلتــــــي يصحى صفير العصافير
لا مــــــر ليل(ن) صرت نوره و فتيله

ما أقول أنا عندي جناحين وآطيـــــــر
لكن تطير عقــــــــــــــــول وآنا كحيله

لا تلـــــــــومهم لا شفت خلفي طوابير
مشيي رزين و هامتـــــــــي مستحيله

فـــــي خطوتــي تحلى جميع المشاوير
ودروب تسعد لا غدت بـــــــــي طويله

و إليا ضحكت بوجه لو طفل(ن) صغير
علّق بثوبــــــــــــي اصبعه ومن يزيله

بس لا قلتلي اللي تريدينه يصيـــــــــر
ترخــــــــي غروري و كبريائي تميله

أحبك لحـــــــــــالك ولا أريد شي غير
حتى أحبك أعتبرهـــــــــــــــــــا قليله

وجودك بدنيــــــــــــاي أحلى المقادير
ولو كنت "واحد" هذا حبي " قبيله "

[ضجيج أنفاس]

قال أنـــــــا متكبرة و فيني غرور
قــــــــــال إني فـ كل شي متعاليه

آنا صمتي صار من صمت القبور
مــــــــا قدرت أجيب جمله شافيه

البلا إنــــي غايبه لو فـ الحضور
أرتجل أشيــــــــــــا و لاني داريه

يمكن إنك شفت في طبعي قصور
و جـــــــــايز إنك تعتبرني قاسيه

بس والله داخلـــــي زحمة شعور
شـــاغلتني هموم ناس(ن) ثانيه

جــــــــــايز الموقف يخليني أثور
و أظهر باحساس بنت(ن) جافيه

بس أنا لو شفتني من هالسطور
شفت فينـــي كيف روحي صافيه

[ضجيج أنفاس]

تصبح على خير يا " جرحي "

ديري بالك على نفسك يا طعوني

و هالله هالله فـ الغياب يا غايبين


;)

[ضجيج أنفاس]

حساااااااااااااد ..

الله ياخذهم و ياخذ همومي وراهم

[ضجيج أنفاس]

خروووووووووج ...

و عودة بعد المدرسة :cool:

[ضجيج أنفاس]

نزيف الشارع المنهك غيـــــــــــــــــــاب أحباب
تعـــــــــب يترقّب الموعد و هدّت حيله الساعه

وقفنا و العمر لحظة و كنّا مانحسب حســـــــاب
ركضنــــــــــا خلف بيبان الظهور بنفس طمّاعه

أجيك و ما ألاقي في وصــــــولي غير قفل الباب
أناديك و تصد عنّــــــــــــي و لا تعلن لي الطاعه

زمـــــــان أهواك لين إنّي أحسك منفتحلي كتاب
أجيــــــــــــــك بلهفتي كلّي أفجّر روووح ملتاعه

تعبت أرقب طلوع الشمس و أدري هالحلم كذّاب
و لا راضي يفارقني عجزت أنجح بإقنــــــــــاعه

تغرّب هالشعر فيني و حبك في خفوقــــــــي ذاب
أهـــــــــــــاذيبك و لا تسأل و لا ترفعلي سمّاعه

[ضجيج أنفاس]

يا هدوووء الليل يا ضجة جراحـــــه
الهدب نــــــــــايم و هم القلب صاحي

أسوأ الأشياء لا جــــــــــــات بوقاحه
وأجمل الأشيــــــاء ما شالت جراحي

ليه دايم ما نحب قول الصراحــــــــــه
ليــــــــــــــــه يزعلنا قدر لليوم ماحي

ما كتبت الشعر طيـــــــش و لا فلاحه
الشعر ينساب في قمة صيـــــــــــاحي

لا تحــــــــــاتي ذا جنوني و ذا مزاحه
و انت أدرى في جنوني و في مزاحي

[ضجيج أنفاس]

يلوموني على شعري و احساسي و هالأبيات
و لا به شي مستاهل عشان إنهم يلومـــوني

أنا يا ناس وش ذنبي إذا صار الشعر بالذات
يسري في تفاصيلي ولكن ما يشـــــــــوفوني

تربّى هالقلم بيدي و عـــاش بدفتري بسكات
ولا ظنيت في يوم(ن) يبوح و مـــا يراعوني

قسم بالله بـــوح الشعر أحيا داخلــي نبضات
كتبته لين ملّت هالدفاتر زود مكنـــــــــــوني

يلوموني يظنون الشعر فـي صف هالكلمات
أنــــا لا جيت أوضحها مصيبه مـا يفهموني

أحبه هالشعر و إن كان يبغيها سبع مـرّات
حلفت إني لـ أكررها ألين يصير مجنــــوني

[ضجيج أنفاس]

جديدي :

http://www.alsultanah.com/vb/showthread.php?t=16696

[ضجيج أنفاس]

حل الظلام .. و بعضي ليس يعرفني ..:confused:

[ضجيج أنفاس]

.
.

ما ودي أحلم كان تبغاه " الصدق "
توني عرفت إن الحلم غير الحقيقة

.
.

[ضجيج أنفاس]

.
.

توني عرفت إن الضيا يعني : قلوب و تحترق
مـــــــــــــــا كنت أظن الشمس : كتلة حريقه

.
.

[ضجيج أنفاس]

لا أجيد الصمت ..
و بداخلي ألف زئير

فرفقاً بأنفاسي
و زئيري

[ضجيج أنفاس]

باتوووب عنّك بس أنا " قلت باتوب "
يعنــــــــــي ترى" نيّه " و لاهي تعتبر

[ضجيج أنفاس]

جرّب تحبه و بعدهـــــــا جرّب تخون
كانك عشقته مــــــــا وصلت الثانيه

الحــب عَمَي و اللا معميه العيون ؟
و اللا قلوب الناس صارت عـــاريه

بعض امنيـــاتي لامست خط الجنون
و البعض الأخر م اعتقدها حــــاليه

العوق ماهي طيحه بسبّة طعــــــون
العوق تعشق ناس بس مــــو داريه

"حرّيتي" ماعشتها إلا ف السجون
أحلى مـ فالحرمان نفس(ن) راضيه

جايز تعب / جايز قهر و يمكن يكون
أرحم مـــــن العيشه و ناسك ساليه

[ضجيج أنفاس]

يا حبيبي جيتني " حالة سرور "
تقشعر الروح منهــــــــا و الجسد

يعشقك قلب(ن) تربّــى ع الغرور
شـــوف لكن كيف في حبك سجد

!!

[ضجيج أنفاس]

إنت قاصد تثبت إنك في حياتي بس " سراب " ؟؟
واللا تثبت قدرة الحب الكبير إنه يموووت ؟؟؟؟؟؟

[ضجيج أنفاس]

صباح الموت يا أمنياتي :)

[ضجيج أنفاس]

شـ المشكلة لو قلت لي فيني عيوب
عـــــــادي ترى حتّى عيوبي تبيني

من كثر ما قلبي غدى فيني يذوب
أخـــــــاف يطلب من أبويه يديني
:p

[ضجيج أنفاس]

وينك ؟؟

ترى وحده وجودك لي شفا ..

حتى التعب دامك معي ماله وجود

[ضجيج أنفاس]

تراها المشكلة إني غديت " أكبر معاناته "
أنا نورة أنا ليلى أنا فطوم .. يــــــــا عيني

مصيبه لا لمح زولي ذكر فيني " حبيباته"
يسطرلي أساميهن عشـــــــــان إنه يناديني

[ضجيج أنفاس]

القلب سجّل في غيابك لك " حضور "
و البقيه جوا .. راحــــــوا ... ما نشد

عــادي سهله نحصي أعوام و شهور
و يــــاهي صعبه نحصي العشق بعدد

[ضجيج أنفاس]

ذابت شمــوع السهر و الأمنيات
و اختنق نبض المحبه من نطق

مــا ألومه لا حشى ذي خارجات
لا بإيــــــــدي و لا بإيده هالغرق

شفت كيف الوقت ياخذ حاجيات
ياخذ أشيا فقدها يحيي الأرق !؟

[ضجيج أنفاس]

و تزورني حمى الشوق من جديد ..
و لا زلت أجهل ..

أكنت لي أم لأحلامي ؟!!

[ضجيج أنفاس]

تدري وش أقصد لو قلت لك ......ـــية بلا أنين ؟
يعنــــي الحزن لا جا بيرويله عطش بي ما روى
تدري بأنــــــــــــــي لو قسيت بذمتك يصعب ألين
اللين ما يسكن سمـاي و لا بأرضي و لا الهوى

[ضجيج أنفاس]

لكم جديدي ..

http://www.alsultanah.com/vb/showthread.php?t=16797

[ضجيج أنفاس]

خطّيت شعري شوف منهو مسكني ؟
صمتي معانــــــــاتي و ياليت يدرون

شعري تنفس يوم غيري نكرنـــــــي
يعنــــــــي قصيدي بالمعاناة مقرون

عــــادي إذا من ضيقتي قمت أغنّي
أصلاً هم " العقّال " يلّي يجنّــــون

لا تقول طفلة / هاك شعري و شفني
ناس اوصلت ستّين وشفهم يتوهون

هم فاهميني من كلامـــي وش أعني
لذلك أدري من قصيــــــــــدي يفرّون

ذا "مجتمع يررفض ظهوري" لأني
"بنت" و تحتها ألف خط(ن) يحطون

لا مــــــــــا كسرني قولهم أو رفعني
عادي معي سيّان مهما يقـــــــولون

رددت شعري لـــــــــو حكيهم خذلني
أقفيت وادري من ورايــــا يصفقون

[ضجيج أنفاس]

صباحك خير يــــــــــــــا حلمٍ كبر فيني و ربيته
و لكني عجزت ألقـــى وطن يستوعب أحلامي

صباحك ورد يــــــــــــا همٍ سكن فيني و غنيته
أبد مـــاهي غريبه لو أغنــــــــــي كثرة آلامي

يجــــــي النيسان مولد بسمتي بس ما تهنيته
غدى حتى الشهر هذا يحسسنـــــــي بإعدامي

صبــــــــــاحٍ كم ضميت الوصل فيه و لا تلقيته
ي ربي وحدك أدرابي " تحطّم فيني عظامي "

[ضجيج أنفاس]

الحلم ساعة عابرة

و أحيــــــــــــــــان

ما منه عـــــــبور

[ضجيج أنفاس]

و لا شيء هذه المرة سوى بو نورة :

إنتِ دمعة خايف أبكيها و تطيح

[ضجيج أنفاس]

إلى أستاذة :

ما دريتي وش شغلني عن الدرس ؟!
أستـــــــــــــاذتي والله خطرلي غناتي

أشتاق له و الشــــوق زوّدلي الحس
ودي بقربه في مصايب حياتـــــــــــي

الحب مصيبه و البلا داخــــل النفس
لا من تبي واحد و بالحب عـــــــاتي

[ضجيج أنفاس]

و عودة أخرى للذكريات ..

لست متشائمة لكن من الجنون أن أبتسم بعد ذلك الأسى
و كأن كل المشاعر تجمدت بلا حراك

[ضجيج أنفاس]

و قـــــالولي : أحد هيبه / أحد رزّه / أحد جذّاب
و أنــــا في غيبتك أحصـــــي فقط أعداد خطّابي

وانته و الغياب أقرب من الخلّان و الأحبـــــاب
و أدري حتى لو حنّيت مـــــا توقف على بابـــي

و لكن يــــــا معنيني ترى هجري يعق رقـــــاب
جنونـــــي انت أدرابه إذا ثـــــارت بي أعصابي

أحبك و البلا قلبي من احساس العشق منصاب
تمنـــــــــيتك / وتدري عن هواي وانته أدرابي

[ضجيج أنفاس]

ضجيج .. في ماذا تفكرين ؟؟

ضجيج : في الفرار من نفسي

[ضجيج أنفاس]

و في صراع دائم مع المرآة :

يااااه كم من الأمنيات على أكتافي ..

ثقيلة تلك الأحلام .. تنهك أضلعي

و هل لي سبيل غير ذلك يا ترى ؟؟!

لا

و ألف لا .. أنا خلقت للتحدي

خلقت لأكون كيف ما أريد أنا
;)

[ضجيج أنفاس]

........

صباحك على قولة الشاعر الساحر فهد المساعد :

صباحك

مدرسة

و

نعاس

طفل

بآخر

الطابور

[ضجيج أنفاس]

و لازلت لا أجد مفراً منك ..
و كأن كل محاولاتي في الهرب منك تعود بي إليك !
فأي تعويذة تلقيها عيناك في حضرتي
و أي سيمفونية بعدها دقات قلبي ؟

[ضجيج أنفاس]

متعبة جداً ...

و بعض الأحاسيس لا تُكتب

[ضجيج أنفاس]

سعيدة . نعم ..

و كيف لا أكون سعيدة و فصلٌ آخر من الجحيم يمر بي !!

تباً لكل شيء

[ضجيج أنفاس]

..........................

وداعاً

[ضجيج أنفاس]

و هل لي إخبارك أني متعبة ..

و أني لست كما أنا اليوم

[ضجيج أنفاس]

أقسى حزن .. لا صــــــــــار محد يبيني
غير الطعوون اللي انخرت ظهري نخر

مـــــــو سالفة أعداي واللا معجبيني
وحدك تحدد فرحتـــــــــــي واللا الكدر

[ضجيج أنفاس]

أحسه بحـــاري و حضري و شاوي
ماخذ غرابة طبع مـــــــــن والدينه

لا عامري لا فارسي لانه بشيزاوي
اخـــــــــــاف حتى مختلف لي بدينه
:confused:

[ضجيج أنفاس]

تصوّر ..

كنت أنا "باسمه"

أناديييييييهن

"صديقاتي "

وجع ..

لو مر به "كافر"

ترك دينه

لجل

"يسلم"

[ضجيج أنفاس]

اسسسسسسسسسسسسسسسسكت

النفس

طابت

ما نبي منك

" معروف "

[ضجيج أنفاس]

ي الوجع مآ كنت قآسي من سنين
كنت بآآآرد لو تجي .. بنص الجروح..

وش بلآك اليوم بـ اعماقي سجين
كنك أنفآسي/ و كنّك مثل *روح*

و آتنفس "ضيييق" و العالم حزين
و يآ جنون الليل "يجبرني أبوووح"

لــــــــــــو سترت الهم بعيوني يبين
ليت حزني / يآخذ أشيائه و يروح

[ضجيج أنفاس]

أبيك الغيمة اللي في مطرها تغتسل حزني
أبيك تحرّك الساكن .. تبعثر صورة غيابك

أبي تستوطن أشيائي لـجل لاغبت تعذرني
لهيت بسبتك عنك و تعفيني من عتـــــابك

أحبك كلمةٍ مرّت شواطي غربتي و شفني
نحتّ ف هالمسا:
. وجهك
. حروف اسمك .
.وما جابك >>>

[ضجيج أنفاس]

لاشيء آخر سوى الصمتتتتت
و شوق عارم للعودة مجدداً للكتابة

[ضجيج أنفاس]

و عدّت أيام العزا لكن قلبـــي
ما أظن ف غيبتك ينهي عزاه

[ضجيج أنفاس]

الحمدلله ...

[ضجيج أنفاس]

فرحة القبول لها طعم ثاني ...
ياخي حتى النوم ما صرت أحتاجه خخخ

بس كأنه عبري بعيد شوي !
لالا عادي الأمور طيبه

الحمدلله ع كل حال :*

[ضجيج أنفاس]

للبكا أسبــــــاب و جراح و عذاب
لا تجــــي تسأل ترى وضعي قديم
البلا لا صـــــــار في جوفك عتاب
وش تقول إن كـان منطوقك عقيم
يا مساء المــــــــوت قفّل كل باب
لو نمــــــــوت بهالسما ربٍ كريم

[ضجيج أنفاس]

كبرنـا ؟ ليــه طيب مـــا نحس بالعيـــد
ألا يــا أمــس وش باقــــي نعيّد به ؟؟

أبــد ما عــاد يعنيلـــي لبــاس جديــــد
تقـــوم أفراحنـــا لحظـــه و تتنبّـــــــه

نعــــاود للسهـــر لو بالسكـــوت نعيد
حكـــاوي مرّت الخــــاطر بلا سبّــــه

نحــن "لراحليــــــن" ومابقى بالإيد
و لا حــــاجه و لا حيلـــــه و لا طبّه

[ضجيج أنفاس]

يااااااااه
اشتقت لأن أكون هناااا
حيث أولى خطواتي .. حيث تعثّري !!