مليار خاطر

[المعتمد بن شميعه]

مليار خاطر مسويلك وهذا أنت
كل ماطلبتك تجيني قلت مافيني
بصدودك إللي بلا آخر تراي آمنت
هذا جزايا بصداتك تكافيني
غرّقتني في دباديبك إلين ادمنت
والحين من بلوّتي منهو يشافيني؟
ياليتني قبل معلنها عليك أيقنت
بأن حظي معك ناوي يجافيني
المشكله يوم انا لمشاعري أذعنت
على عمايا أجيك الله يعافيني
الحظ طايح معك وأنا عليه راهنت
وأكبر مصيبه ترى ماكان خافيني
بصافي النوايا أدوّر راحتك لاهنت
عل وعسى خافقك مرّه يصافيني
أنا أحبك ولك من خاطري دوّنت
أحلا القصايد على رجوى تحس فيني

[السولعيه]

بن شميعه مبدع وربي ننتظر المزيد

[كاملة البلوشي]

تسلم المعتمد
منطوقك درر

ياهلا ومرحب شرفتنا

دمت بخير

[المعتمد بن شميعه]

كامله البلوشي/// السولعيه /// شكرااا كثيرااا شكرااا جدااً على الترحيب ياذوق.
عذرا إذا تأخرت في الرد لأني قليل المرور

[سعيد الفطيسي]

=====================================
أهلا وسهلاً بضيفنا الجديد
نص واضح وسهل الفهم والاستيعاب ولا يحمل شي من الغموض يا صديقي رغم كون الفكرة مستهلة من قبل من سبقوك
فقط عندي ملاحظات يجب الإنتباه لها مستقبلاً بخصوص الوزن
هنا في هذا الشطر : المشكله إنني لمشاعري أذعنت
وهنا : وأكبر مصيبه الأمر ماكان خافيني
حظي معك طايح مجافيني : كلمة مجافيني لا اعتقد بأن وجودها مناسب في هذا الشطر
لكونها وصف للحظ وسبق وصفك للحظ بانه طايح ،،
تسلم على النص ولكن يحتاج منك جهد وتعب اكبر لتقديم الأفضل ،، وانا على يقين بأنك قادر على ذلك

تحياتي
سعيد الفطيسي[/color][/size][/center]

[حلى الايام]

النص رائع واضح ومفهوم
وصلنا احساسك الراقي
اتمنى لك التوفيق
لكم تحياتي

[سالم الوشاحي]

الأبيات جميله تحتاج

تركيز فقط أثناء الكتابه

بدايه موفقه ودمت على

خير تقبل مروري

((أبوسامي))

[المعتمد بن شميعه]

شكراااا ابوسامي على الملاحظه والمرور