أغليك ايوا

[عبدالملك البلوشي]

صباح الخير إن كان صباحاً ومساء الخير إن كان مساءً



نص: أغليك ايوا ..



أغليك ايوا !! ليش اصلا م أغليك

دامك سكنت أحشاء قلبي لحالك


بعطيك عمري وكل حياتي وبخليك

ما بين عيني لين ألقى وصالك



من عام وأنت ناكرني واخليك

والصد واضح من طريقة سؤالك



زعلان قلّي .. والله إني لراضيك

بس لا تخيب هجوة الي وفالك



اليوم جاي وتسأل اللي يحاتيك

ما تدري بأنه "هوّه" يالي ف بالك



أغليك ولله .. والله يشهد أناديك

في كل حلم يمرني به خيالك



أبغيك تهمس في آذوني وحاكيك

واقول مالي في حياتي بدالك



خذني حبيبي .. كأي حاجة حواليك

محتاج قربك حطني تحت شالك



ودي أضمك واندثربك ودفيك

وافرش ضلوعي وانغمس في جمالك



ابيع عمري وكل سنيني و اشريك

بس انت مدري ويش اللي جرى لك



العام سهله لا بغيتك ألاجيك

واليوم مسمع حتى صوت إتصالك



معذور والله والله يدري ويش الفيك

ماهي علومك من تردى وصالك



يمكن لقيت اللي تحبه ويراعيك

ويمكن يحبك وكل جوه صفالك



حسبي على الي من حنانه يرويك

مايدري بأني من تجافيك هالك



كانك بغيت تذبني بيه يمديك

كلي فداك وإعتبرني حلالك



حاولت أجيبك وعتنيبك وداريك

جبتك ولكن انكسرت بسؤالك



أغليك والله .. ليش تبغي أجافيك

يا ريت أقدر وافسح لك مجالك



استأذنك لحضه حبيبي بوديك

داخل شراييني تطمن ف حالك



وإن شفتني ماني عن الكل مغليك

عندك خفوجي إذبح اللي بدالك

[ناجى جوهر]

السلام عليكم
أعجبني هذا البيت الطريف :

حسبي على اللي من حنانه يرويك
مايدري بأني من تجافيك هالك

و أعجبتني القافية المميزة

وتقبّل تحياتي

[عائشة السعيدي]

يا لها من كلمات في غاية الجمال والرقي
كلمات حب جدا جميلة ورائعة تسلم على
هذا البوح اللي نقلته من قلبك لنا
تسلم وربي يوفقك

[خليل عفيفي]

صباح الخير إن كان صباحاً ومساء الخير إن كان مساءً



نص: أغليك ايوا ..

من عام وأنت ناكرني واخليك
هنا شدة على حرف النون في كلمة ناكرنّي
والصد واضح من طريقة سؤالك

أغليك ولله .. والله يشهد أناديك
في كل حلم يمرني به خيالك

ابيع عمري وكل سنيني و اشريك

بس انت مدري ويش اللي جرى لك

معذور والله والله يدري ويش الفيك

ماهي علومك من تردى وصالك

يمكن لقيت اللي تحبه ويراعيك

ويمكن يحبك وكل جوه صفالك
هنا سكنت الباء في كلمة يحبك لتكون هكذا : يِحِبْك

أغليك والله .. ليش تبغي أجافيك

يا ريت أقدر وافسح لك مجالك
هنا لاحظت ثقلا ، ولعل الضبط أوقعني في الحيرة
وإن شفتني ماني عن الكل مغليك

عندك خفوجي إذبح اللي بدالك
هنا أيضا لاحظت ثقلا والضبط مرجعيتنا


نص راق لشاعر مميز
حقيقة نعتز بك
استوقفتني بعض الشطور التي تستدعي قراءة متعمقة
تكشف لنا عمق شاعريتك
وجمالية اللهجة ومرونة الشاعرية وكأنني أستمع إليك
أخي عبد الملك هنيئا لنا هذه الشاعرية
وصح لسانك

[عبدالله الراسبي]

اخي العزيز عبدالملك البلوشي تسلم على هذه القصيده الرائعه
ابيات جميله جدا ورائعه
ودمت بكل خير وموده اخي الغالي
وتقبل تحياتي

[شاعرة الليل]

صح لسانك أخي الفآضل عبد الملك
كلمات في غاية الروعة
دمت بروعتك

[موسى ابومشهورالصايغ]

الروعه الروعه والجزاله والجزاله
هنا بكل ابداع وتميز صح لسانك
لاعدمتك شاعرنا

[عبدالملك البلوشي]

شكرا للكل من القلب :)

[مغرم وهاوي]

ابدااااع جميل ونسج رائع للحروف , صح لسانك

[عاشق للشعر]

جزاله ومعاني رائعه

صح لسانك

[عبدالملك البلوشي]

ابدااااع جميل ونسج رائع للحروف , صح لسانك

شكرا من القلب صديقي

[عبدالملك البلوشي]

شكرا لكل الماريييين

[عبدالملك البلوشي]

السلام عليكم
أعجبني هذا البيت الطريف :

حسبي على اللي من حنانه يرويك
مايدري بأني من تجافيك هالك

و أعجبتني القافية المميزة

وتقبّل تحياتي




وعليكم السلام أخوي ناجي

شكرا لمرورك الغالي

تحياتي لروحك