عبدالله الراسبي
04-03-2014, 09:00 PM
السلام عليكم ورحمة الله وبركاته اخواني الاعزاء المحترمين
اسعد الله اوقاتكم بكل خير وموده
اليكم هذه المحاوره في فن الرزحه بيني وبين الشاعر القدير
سالمين السبع
وذلك في محفل عرس احد الاخوه في ولاية منح
يوم الجمعه العصر بتاريخ 28/2/2014
ومحاورة رزحه ( نايحة مثل ) بالليل بيني وبين الشاعر القدير
خميس بن سالم الهاشمي
قال عبدالله الراسبي
صلّوا على من انسجت له العنكبوت **** ساعة امرها الباري حثّت بالعجل
يلكم سلام محمّل شحنة جالبوت ********** مقسوم ما بين الرّفاقه والاهل
قال سالمين السبع
على النّبي صلّينا واتبعنا القنوت ******** وبنزيد في السّنه ومعاها بالنّفل
وحيا بصحيبن ناداني وزجرني بصوت ** وبنيت له في ظامري قصر وفلل
قال عبدالله الراسبي
ودنا بنبحر صوب ديرة حضرموت ****** لا تشط بالمركب وهيّد ع المهل
واسعد حظّي طحت بفارسن منعوت **** دكتور يشفي لي سقامي والعضل
قال سالمين السبع
لي يلتقي يا صاحب مثلكم مبخوت ***** محلى كلامك صاحبي مثل العسل
وبشيمتك خلّي النّايمين سكوت *********** لا توشّله فوادي وتزيده وشل
وايضا دارت محاورة في نايحة مثل بيني وبين الشاعر القدير
خميس بن سالم الهاشمي ( ولد حبيب )
في نفس اليوم بالليل في محفل العرس نفسه
قال خميس الهاشمي
بانبدل مثالن ثاني ******* وبنشل المثل بالحاني
يا صاحب اسمع لحونه **** وزيّد فاللحن تلحين
ابكي والزّمن بكّاني ***** واعجبه من هالزّماني
روحي عايابي فنونه **** اصبر يا قلبي الحزين
قال عبدالله الراسبي
شلّوه الطّرب زفّاني **** طيبوا خوتي وعرباني
كل حدّن يغني بلونه **** وزدتوا فالقسم قسمين
في شرع المود سلطاني *** يمشي بقايد وربّاني
حتى لو ما يدونونه **** ما يغيب الحرف الرّزين
قال خميس الهاشمي
بين الاوّله والثّاني ******* اشوفه الولف شتّاني
عبدالله ينقل ضعونه ******* لكن بيغلبه السّمين
اعرفك يا زين المعاني *** تمشي فالمثل م تهاني
نفسك فالطّرب محنونه *** ما يردّك درب العرين
قال عبدالله الراسبي
اشكي والوقت شكّاني **** ولوّن فالوقت طوفاني
واللي مايلات غصونه *** روحه فالعشق مسكين
عن لا تصدقوا البهتاني ** خمّوس فالتّهم خلاّني
خلّيها الوصاه مكنونه *** لا تزيده العاشق ونين
قال خميس الهاشمي
احيدك تسترهن براني ** وتخرف عاضد الرّماني
تشكي والسّبب زيتونه ***** ناوي بتفك الرّهين
بفتح مندوس الغداني *** وعندي للسّبب برهاني
م تشوف التّمر فدعونه ** يابس في وسط الدّعين
قال عبدالله الراسبي
الحين المثل شلاّني ******* هينه عاضد الرّيحاني
ياللي تذكره شلّونه ****** م سنين هو غايب دفين
لا تشط به قول السّناني ** عوص امزرّد بمرجاني
بدارة ود حمد مرهونه ****** راشد لي زاد المدين
وتقبلوا تحياتي
اسعد الله اوقاتكم بكل خير وموده
اليكم هذه المحاوره في فن الرزحه بيني وبين الشاعر القدير
سالمين السبع
وذلك في محفل عرس احد الاخوه في ولاية منح
يوم الجمعه العصر بتاريخ 28/2/2014
ومحاورة رزحه ( نايحة مثل ) بالليل بيني وبين الشاعر القدير
خميس بن سالم الهاشمي
قال عبدالله الراسبي
صلّوا على من انسجت له العنكبوت **** ساعة امرها الباري حثّت بالعجل
يلكم سلام محمّل شحنة جالبوت ********** مقسوم ما بين الرّفاقه والاهل
قال سالمين السبع
على النّبي صلّينا واتبعنا القنوت ******** وبنزيد في السّنه ومعاها بالنّفل
وحيا بصحيبن ناداني وزجرني بصوت ** وبنيت له في ظامري قصر وفلل
قال عبدالله الراسبي
ودنا بنبحر صوب ديرة حضرموت ****** لا تشط بالمركب وهيّد ع المهل
واسعد حظّي طحت بفارسن منعوت **** دكتور يشفي لي سقامي والعضل
قال سالمين السبع
لي يلتقي يا صاحب مثلكم مبخوت ***** محلى كلامك صاحبي مثل العسل
وبشيمتك خلّي النّايمين سكوت *********** لا توشّله فوادي وتزيده وشل
وايضا دارت محاورة في نايحة مثل بيني وبين الشاعر القدير
خميس بن سالم الهاشمي ( ولد حبيب )
في نفس اليوم بالليل في محفل العرس نفسه
قال خميس الهاشمي
بانبدل مثالن ثاني ******* وبنشل المثل بالحاني
يا صاحب اسمع لحونه **** وزيّد فاللحن تلحين
ابكي والزّمن بكّاني ***** واعجبه من هالزّماني
روحي عايابي فنونه **** اصبر يا قلبي الحزين
قال عبدالله الراسبي
شلّوه الطّرب زفّاني **** طيبوا خوتي وعرباني
كل حدّن يغني بلونه **** وزدتوا فالقسم قسمين
في شرع المود سلطاني *** يمشي بقايد وربّاني
حتى لو ما يدونونه **** ما يغيب الحرف الرّزين
قال خميس الهاشمي
بين الاوّله والثّاني ******* اشوفه الولف شتّاني
عبدالله ينقل ضعونه ******* لكن بيغلبه السّمين
اعرفك يا زين المعاني *** تمشي فالمثل م تهاني
نفسك فالطّرب محنونه *** ما يردّك درب العرين
قال عبدالله الراسبي
اشكي والوقت شكّاني **** ولوّن فالوقت طوفاني
واللي مايلات غصونه *** روحه فالعشق مسكين
عن لا تصدقوا البهتاني ** خمّوس فالتّهم خلاّني
خلّيها الوصاه مكنونه *** لا تزيده العاشق ونين
قال خميس الهاشمي
احيدك تسترهن براني ** وتخرف عاضد الرّماني
تشكي والسّبب زيتونه ***** ناوي بتفك الرّهين
بفتح مندوس الغداني *** وعندي للسّبب برهاني
م تشوف التّمر فدعونه ** يابس في وسط الدّعين
قال عبدالله الراسبي
الحين المثل شلاّني ******* هينه عاضد الرّيحاني
ياللي تذكره شلّونه ****** م سنين هو غايب دفين
لا تشط به قول السّناني ** عوص امزرّد بمرجاني
بدارة ود حمد مرهونه ****** راشد لي زاد المدين
وتقبلوا تحياتي