خروج عن المألوف والعاده

[رامي العتيبي]

يطيب لي ان اجعل لبوحي تواجد بينكم ايها المبدعون
هنا تمتمات مختلفه وهمس شاعر
وبوح مشاعر
بين الفينه والاخرى
اتمنى ان انال الاعجاب

اخوكم

رامي العتيبي

[رامي العتيبي]

ياناس ملينا المجامل على شان
ينقال عنا كثر م انقال عنا

اللوم كل اللوم ل فلان وافلان
يدريبه الاقصى ولو غاب الادنى

الانس فيها خير والخير فالجان
واحنا غلطنا ماحسبنا غلطنا

نتعب على قولة نعم كيف ماكان
لازاد نعم ونعم لازاد زدنا


بوحي
رامي العتيبي

[رامي العتيبي]

الهنوف اللي غلاها ساكن ب شرياني
والله اني ماتخاذل واخلف هقوتها

حاميٍ بوح القصيد وحاميٍ ميداني
ليت نفسي كلمة الاعجاب مابدتها

[رامي العتيبي]

يقلون وينه غلاك ووين محبوبك
واقول متربعٍه ب اقصى محانيها

صدرٍ يضيق وعلى فرقاك يتذير
من زود شوقه قصيده بك يسويها

[رامي العتيبي]

ترا اللاش في وقت الشدايد ماهو ملزوم
علومه على ماقيل تنبيك ب افعاله

وترى اللاش لو دورات الايام تلحق لوم
تبا تلحقه شرهه من ابناه واعياله

[رامي العتيبي]

وداعتك قلبٍ من اسبوع لك خل
‏تكفى ترفق به وخله خشيرك
‏
‏لاتزعله لو ان صدر الهوى مل
‏خله مقرب لك وخله عشيرك
‏

[رامي العتيبي]

ماني من اللي لاضاق الوقت في عينه
يشكي ظروف الزمان ويشكي اظروفه

[رامي العتيبي]

جامع مابين الحلا والزين متدين
متسلسل المجد من خاله ليا جده

يغيب حزه عن الانظار وايبين
واليا تبين تشوف النور في خده

[رامي العتيبي]

درست في يومين موضوع الرجال
اصنافها واشكالها وافعالها

لقيت رجالٍ فعوله طيب فال
ابو المراجل كلها في حالها

ولقيت رجالٍ يدور له مجال
ل اجل ايتجمل والجميله نالها

ولقيت رجالٍ كفو كفو ولايزال
عم المواقيف الصعاب وخالها

[رامي العتيبي]

انا الكسير اللي قبل عام مقدام
واليوم صدمات الزمان ف اوعودي


والطير ماغرد ولا فالسما حام
يومه عطش واسقيه صافي عدودي

[رامي العتيبي]

القصيد اليا حضر يقلون من راعيه
والشعور اليا حضر يقلون علمه وافي

من يسوي له قصيده في نهار الهيه
ومن يمجد له علم ماشوف فعله كافي

[رامي العتيبي]

لاذكرت السوالف والزمان القديم
اذكر ايامك الحلوه وعيش الحياه

وخل لك فالتفاؤل حلم ماهو عقيم
اكبر احفاده اللي يوصل لمبتغاه

[رامي العتيبي]

سعود يوم العيد وش صار ياسعود
جيت اتعلمها وابسأل عن الحال
يالين صار العلم ناشد ومنشود
يسد عنها لو لفى منك مرسال
يوم ان بعض الناس ناقد ومنقود
ويلحقني الشرهه على طيب الافعال
العافيه وش هي ثمنها وش الفود
منها ونفس الادمي قدر واجلال
يافرحة الاعياد ياكفة الجود
ياقصة اشواقي وياسلوة البال

[رامي العتيبي]

رغم انكسار النفس مازال موجود
الانكسار اللي خذل قلب رجال
ماني ب لومك لوم ماهو ب معدود
ولا ب لومك لوم في كل الاحوال
لو بيني وبينك مواثيق واعهود
ما بيني وبينك مسافات واميال

[رامي العتيبي]

الطريق اللي مشيته لو على وصلي كليف
عاتب القلب الشقي ﻻ‌طاب له يوم اسعدي

علمه يخضع لقانون المواليف الظريف
كل م اشتقت لوجودي عاتب الحظ الردي

[رامي العتيبي]

ماتت امانينا على جال الاحلام
واحلامنا في هالحياه ابسعدها

احلامنا هي هي من عام لي عام
احدٍ فقدها يوم الاخر وجدها

[رامي العتيبي]

بـكـره لـيـا هـبـت مــن الغـربـي ذعـاذيـع النـسـيـم
وأحيـت مشاعـر شـاعـرك والنـشـوه الـلـي أوردت
يسج في غابـه يشـوف اشجارهـا صـارت هشيـم
مـــــن كــثـــر مـاتـســمــع عــــــن الارض اجـــدبـــت
يمـكـن يـجـي بـكـره أمــل ويـبـدل الـوضـع الالـيـم
وحتـى حيـاة البـؤس ف اركـان الزوايـا شـوهـدت
أغريت نفسي يوم في شعـري غديـت اكبـر كريـم
حتى الضلوع العوج في صدري من المشهد بكت
كـــن المـشـاعـر داخـلــي تـكـونــت أســــراب غــيــم
رغـم الاســى شفـنـا الطـيـور مهـاجـرة ولا انثـنـت
ماردهـا عـن رحـلـة المـوطـن ســوى رأي(ن) سلـيـم
والنـفـس لــو تــدري مــن الـلـي ردهــا مـاقـصـرت
وبكـره ليـا هـبـت مــن الغـربـي ذعـاذيـع النسـيـم
يتنابـهـا ذاك الـشـعـور الـعــذب وافـكــاري طـــرت

[رامي العتيبي]

مبطي ظروف الوقت تاخذ لها شوط
تسعد بها بعض القلوب السقيمه

ماني بمتضايق ولاني ب مبسوط
هزيمةٍ تسحب وراها هزيمه

[رامي العتيبي]

البارحه والقصيد ابداعه امتاعه
وانا معه مغترب واهو بعد مثلي

يخايل ابروق فكره مالها ساعه
تثني على الشعر لاوالله على فعلي

[رامي العتيبي]

والا ياسعد ياخوك لحظات قبل اتجي
لقيت الرفيق الصادق الود والنيه

يناظر على السلعه وعينه هدبها لي
ولاادري هي جنوبيه ولاادري هي شماليه

[رامي العتيبي]

والا ياوجودي وجد عودٍ غزاه الشيب
يشوف العرب تفعل ويجحد فعايلها

على اهل الوفا دايم يحط الخطا والعيب
واهو فالحقيقه مابيحصي جمايلها

[رامي العتيبي]

ل اهل الامارات
ادام الله افراحهم







ي اعيال زايد ياشيوخ الامارات
يانسل من عقب رجالٍ حكيمه

عيد البلاد ايعود والعود مامات
ذكره بقى بين الضلوع المقيمه

زايد حفيد امطوعين الصعيبات
ابو المراجل صيت رجل وعزيمه

الديره اللي تنروي في الروايات
ومجد البلاد اللي نبع من صميمه

ديرة هل المعروف والعرف ب الذات
ميراث مجد اهل القلوب السليمه

[رامي العتيبي]

اثرت فيني بقايا ذكرياتك
والوداع وقصة البعد المميته

مابغيت اغيب واحفظها وصاتك
ولابغيت اتوه في دربٍ لقيته

[رامي العتيبي]

لاشح وصلي تراني م اشتهيت الغياب
الدهر يومين يومٍ لك ويومٍ عليك

ماني ب حمل المفارق والزعل والعتاب
ول انته بكفوٍ ل كلمة //ياعشيري ابيك.