ما انت عارفه كل شئ

[جمال نصير]

يا حبيبتى.. وحب حبى..
عارفه اكتر شئ ضايقنى
لما شفت الخوف ف عينك.. من جبان
لما شفت الدمع سايل فوق خدودك.. م الهوان
لما شفت الحزن نايم بين جفونك.. وف أمان..
لما شفت البرد حاضنك..
وانت بين الحر تايهه.. ناسية نفسك..
كل دا خلانى أكره ...حتى سيرتك..
وانت عارفه....سر كرهك.....!!
*****
عارفه ليه..؟؟
لما شلتى بين ضلوعك .. قلب كارهك
وال حبك ..
وال ضحى بعمره كله .. لجل خاطرك..
تدبحيه..
واما يصرخ من قساوتك ..
تحرقيه..
لما فيك الحُر يصبح فى السجون
و ال سجنه ..الذليل
يبقى سوطه..
يبقى ظالمه بدون دليل
يبقى عتمة ضلمة فى الليل الطويل..
هو دا كان رد قلبك؟؟
هو دا رد الجميل..؟؟
هو مش مستنى منك اى رد..
ال حبك ... حب نفسه حب جد..
وال كارهك ... كُرهه باين ..مالو حد ..
انت بالنسباله فرصة..
إنت ند..
*****
لما فيك الحلم يصبح للصغار..
والجهالة ..
والوضاعة..
والندالة .. للكبار
لما شفت الدين.. شعار...
رمز للارهاب وفتنة ... وانكسار
لما شفت الفقر بين الناس... مسار
والتخلف.. ازدهار..
*****
سر كرهك .. هو ضعفك..
أصل ضعفك .. سر سرك..
بصى فوق...
تلقى نفسك تحت رجلك..
علّى صوتك..
اصل صوتك مش بيوصل غير لودنك..
حسى مرة...
خلّى روح الحس تسرى .. جوا جسمك
هو مات القلب فيك .. حتى نبضك ..؟؟
*****
فاردة حضنك للجميع..
المنافق والمسالم والمخادع .. والوديع
فاتحة بابك للوضيع ..
عارضه نفسك كالبضاعة ..
والخسارة .. ان سوقك ... بس بيع..
*****
خايفة ليه ... مش كفاية ماتخافيش...
مش كفاية الرعب ياخدك .. ماتناميش
أو بدال الدمع دم ما ينتهيش
او بدال الحزن هم ما يتمحيش..
او بدال البرد جمر ما ينطفيش
مش كفاية ال انت فيه...
عارفه ليه......؟؟
*****
مش هقول لك ..ما انتى عارفه كل حاجة..
انت شاهدة بكل شئ ..
انت شايفة بس ساكته ..
شايفة نار الغدر فيك .. بس هاديه
شايفك إيد إبليس بيلعب جوا قلبك.. عامله ناسيه
شايفة جهلك..شيفة جبنك..
بس نايمه
شايفة فقر بيملى بطنك
شايفة ظلم بيملى أرضك..
بس راضية ...
*****
أيه هقولك ..
شايفة دم وجرح نازف ...جوا نفسك
شايفة غدر وشايفة قهر وشايفك قبرك ..
بس كاتمة وحابسة سرك..
يبقى بس الخوف لوحدة مش كفاية
يبقى بس الحزن وحدة .. مش نهاية
يبقى بس الجهل راسم نفسه فيك
دى بداية ..
وال جاى ... وبكرة أكبر من حكاية ..
وانت راضية بكل حاجة
راضية ان الذل يحكم .. للنهاية
راضية ان الشر فيك .. يبقى حلم..
ويبقى علم .. ويبقى غاية..
*****
يبقى ليه اعتب عليك ِ
يبقى تصعب ليه دموعك .. بين عنيكِ
بعد قلبى .. وكل عمرى .. وكل حبى..
هان عليكِ
ليه أقولك عل بيك..
بس أقولك.. الف الف عيب عليكى
*****
جمال نصير
سبتمبر 2014

[أنور السيفي]

الاخ الكريم جمال نصير

حفظ الله أرض الكنانة وأهلها

قرأنا الجمال هذا الصباح

بقى الاهتمام بالإملاء لتتضح الصورة

جلية للمتابعين

دام عزفك

شكرا ً

تقديري

[سالم الوشاحي]

أخي الغالي جمال نصير

السلام عليكم ورحمة الله وبركاته

صح السانك ولاهان منطوقك

قرأئا الجمال رغم الألم ...حفظ الله مصر

يعطيك العافيه ... وفالك التوفيق

تحياتي وجل تقديري

[جمال نصير]

الاخ الكريم جمال نصير

حفظ الله أرض الكنانة وأهلها

قرأنا الجمال هذا الصباح

بقى الاهتمام بالإملاء لتتضح الصورة

جلية للمتابعين

دام عزفك

شكرا ً

تقديري

أنور السيفي.. السلام عليكم
شكرا مرورك اخى الكريم .. الجمال بعضا من شيمكم الطيبة
عذرا أخى القصيدة بالعامية المصرية وهى بالطبع ستختلف نطقا عن العامية العمانية وبالتالى ستختلف كتابة عنها .. فاللغة العامية لها كتابتها التى ترتبط النطق .. ولهذا حدث معك الشك .. شكرا اخى الكريم

[جمال نصير]

أخي الغالي جمال نصير

السلام عليكم ورحمة الله وبركاته

صح السانك ولاهان منطوقك

قرأئا الجمال رغم الألم ...حفظ الله مصر

يعطيك العافيه ... وفالك التوفيق

تحياتي وجل تقديري

اخى الكريم الغالى سالم الوشاحى .. لمروركم نكهة خاصة .. الادب والرقى العمانى الخالص.. شكرا لك من القلب وعيدكم مبارك

[آلاء]

الأستاذ الفاضل والشاعر الجميل

جمال نصير

هذا الحُزن على أمٍ أجهضت الدُنيا مؤلمٌ حقاً .. عِتابُ
محبٍّ من قلب أعزّ ما عليه وطنه.. من سفير العروبة..
هذه ليست حروف يا جمال.. هذه شراراتٌ .. ولعلّها تجد
القشّ الذي تحرقه في قلبِ من يهمه الأمر..

أهلا بعودتكَ أستاذي بعد غياب.. أنرت السلطنة الأدبية


كُن بخير

[زياد الحمداني (( جناح الأسير))]

لما فيك الحُر يصبح فى السجون
و ال سجنه ..الذليل
يبقى سوطه..
يبقى ظالمه بدون دليل
يبقى عتمة ضلمة فى الليل الطويل..


قصيدة شعبية جميلة اخي الشاعر جمال نصير ليس بغريب عليك هذا التنوع الفريد من نوعه..

[نبيل محمد]

الشاعر جمال نصير
كلمات جميلة استمتعنا بها
يسعدني ان اكون بينكم

[جمال نصير]

الأستاذ الفاضل والشاعر الجميل

جمال نصير

هذا الحُزن على أمٍ أجهضت الدُنيا مؤلمٌ حقاً .. عِتابُ
محبٍّ من قلب أعزّ ما عليه وطنه.. من سفير العروبة..
هذه ليست حروف يا جمال.. هذه شراراتٌ .. ولعلّها تجد
القشّ الذي تحرقه في قلبِ من يهمه الأمر..

أهلا بعودتكَ أستاذي بعد غياب.. أنرت السلطنة الأدبية


كُن بخير



يا هلا بكبرياء .. طمنينا عليكى .. المهم انت .. سيبك من مصر ومشاكلها التى لن تنتهى

[جمال نصير]

لما فيك الحُر يصبح فى السجون
و ال سجنه ..الذليل
يبقى سوطه..
يبقى ظالمه بدون دليل
يبقى عتمة ضلمة فى الليل الطويل..


قصيدة شعبية جميلة اخي الشاعر جمال نصير ليس بغريب عليك هذا التنوع الفريد من نوعه..

اخى الكربيم زياد.. مروركم تشريف وتكريم وشهادتكم تاج على راسى .. مرحبا بك وبكرمك وشكرا لك

[جمال نصير]

الشاعر جمال نصير
كلمات جميلة استمتعنا بها
يسعدني ان اكون بينكم

اخى نبيل ... ويسعدنا وجودك معنا .. نورت المكان