والا يالغالي

[رامي العتيبي]

صباحكم/مساكم الق
عذراً عن الانقطاع
من الجديد لقلوبكم







ولا يالغالي اللي كل ماشفتك يزيدالشوق
يزيدالشوق واعد القصيد بغالب اطروقه

تهيضني لحون العشق ل الابيات والطاروق
واغني لك قصيدة والقصايد فيك مسبوقه

قصيده بالغلا جاتك وجات ب اعذب المنطوق
وصايفها حلا وصفك لبس لك طوق من طوقه

تغنت بالوصوف الزاهيه لك في صباح اشروق
بعدٍ ليلٍ تحرى صبحك الفتان واشروقه

احبك كثر ماتحمل احبك واجبات احقوق
واحبك كثر م اوفي ل القصيد وتوفي احقوقه

واحبك كثر ماحسيت ب ان العهد لك موثوق
وثقت العهد وابياتي تجيب اعلوم موثوقه

مايملا عين شاعرك الوفي الا مشاهد موق
نثر دمعه على بعد الرفيق وبعد مخلوقه

ولايطرب مسامع شاعرك الا حلا منطوق
سوالفك العذوبه والعذوبه وسط منطوقه

اخايلك المطر لو كان مالك في سماي ابروق
واقول الله يجيب الخير لي في مقدم احقوقه

خلايف عزوتي برقا خلايف عزوتي من روق
سلايل من نخاويهم تفك العود من عوقه

[عبدالله الراسبي]

اخي العزيز والشاعر القدير رامي العتيبي ابيات طيبه ورائعه
من شاعر قدير وجزل
تسلم على هذه القصيده الرائعه والجميله
ودمت بكل خير وموده اخي الكريم

[خليل عفيفي]

رامي العتيبي
شاعرية لا يختلف عليها اثنان
مفاعيلن مفاعيلن مفاعيلن ....
دمت للشعر منهلا عذبا ننهل من روعة معانيه
صح لسانك

[وهج الروح]

اخايلك المطر لو كان مالك في سماي ابروق
واقول الله يجيب الخير لي في مقدم احقوقه







صح لسانك خوي رامي دائم مبدع
وكلمات هادئة وانقية بحساسها
تحياتي لك

[زياد الحمداني (( جناح الأسير))]

قصيده بالغلا جاتك وجات ب اعذب المنطوق
وصايفها حلا وصفك لبس لك طوق من طوقه

صح الله لسانك الشاعر رامي العتيبي..

ابيات عذبة كعذوبة شاعريتك المبهرة بك..

[هزار]

ما شاء الله...
بوح في منتهى الروعة والرقي
لك الود اخي

[أنور السيفي]

الاخ الكريم رامي العتيبي

الله يحي نبا روق ويحيك يالوافي

قصيدة رائعة منك شاعرنا

دام ربيع تواصلك

تقديري

[عبدالكريم السعدي]

خلايف عزوتي برقا خلايف عزوتي من روق
سلايل من نخاويهم تفك العود من عوقه





الله الله..

جميل أنت شعرأ وحضوراً أخي رامي..

صح لسانك ولا هان منطوقك.

[رامي العتيبي]

اخي العزيز والشاعر القدير رامي العتيبي ابيات طيبه ورائعه
من شاعر قدير وجزل
تسلم على هذه القصيده الرائعه والجميله
ودمت بكل خير وموده اخي الكريم

عبدالله الراسبي
هلا وغلا
شهاده اعتز فيها
لاهنت

[رامي العتيبي]

رامي العتيبي
شاعرية لا يختلف عليها اثنان
مفاعيلن مفاعيلن مفاعيلن ....
دمت للشعر منهلا عذبا ننهل من روعة معانيه
صح لسانك
ياهلا ياخليل
مرورك الراقي

[رامي العتيبي]

اخايلك المطر لو كان مالك في سماي ابروق
واقول الله يجيب الخير لي في مقدم احقوقه







صح لسانك خوي رامي دائم مبدع
وكلمات هادئة وانقية بحساسها
تحياتي لك


صح بدنك
ولاهان غاليك

[موسى ابومشهورالصايغ]

معزوفه راقيه
وابيات عذبه
وكلمات رائعه

وابداع في ابداع



شاعرنا رامي العتيبي


صح السانك لاعدمتك