مين عايز عنوان البنت...؟؟

[جمال نصير]

مرة صحيت الصبح....فطرت..!!
شفت الساعة لقيتها اتناشر...
أصل أنا حاسس يومى ...طويل...
يبقي أتسلي ازاى بالوقت...
قلت ...هحب...!!
رحت أدور على كام بنت...
شوفت الفيس ..والواتس ..وكله..
مالقيت حاجة تسر القلب...
نمت ..صحيت من زعلي ...قلقت..
لازم أحب...
أصل الحب عدو الوقت...
أفتح تانى الفيس .. والنت..
فجأة لقيت ..زغلوله.. فرحت...
اسمك ...سنك ... طولك .. وزنك..
قالت انا محظوظة البخت..
دا انت الحلم ..وانت الحب ..
أصل بقالى ساعات ...منتظرة...
كنت هنام ..
من همى ...تعبت....
خير يا حبيبتى يا روح الروح..
قلبي فداك
عمرى فداك..
أهلى وناسي عشانك... بعت
قالت كنت هنام من غيرك...
لما لقيتك هصت .. فرحت
قلت خلاص ادينى عنوانك..
تمنك... واعتبرينى ... دفعت
هى يا دوب كام لحظة ..
خطبت...
يوم ف الشبكة..
يوم ف الربكة..
تالت يوم كنت اتنيلت..
عيل .. تانى.. وتالت .. رابع..
لما خلاص ... دوبت .. اتبهدلت
شفتوا السرعة ...؟؟
مين عايز عنوان البنت...؟؟
******
جمال نصير

[صالح السنيدي]

جميل جميل

يا الشاعر الرااائع جمال نصير

فعلا نص يعالج الواقع الحالي

لك التحية والتقدير

سلامي لمصر أيها العالي

[عبدالله الراسبي]

اخي العزيز والقدير جمال نصير ابيات وكلمات طيبه ورائعه
صح لسانك وما عليك زود
وننتظر جديدك هنا دائما
ودمت بكل خير وموده اخي الكريم

[غدير طه]

يوم ف الشبكة..
يوم ف الربكة..
أسعدكم الباري
راقني الموضوع موفقين أخي جمال نصير