فكري تبعثر

[خليل عفيفي]

من لــي يعيــد لخافقــي الابتسامه
لاهديه عمــري وما بقالي من سنين

ومن هو يرد لجفن عينـــي منامـــه
بعطيه من خزنـــة خفوقـــي ملايين

فكــــري تبعثر وين ابلقى حطامـــه
متشـــــتتٍ مابين ضيقـــــه وما بين

مابين هم وحزن ضاع انسجامـــــه
والقلب خاوي دون نبض وشرايين

عهد ن علي ارضيه وارفع مقامــه
وارويه من قلبي ومن مهجة العين

متلعثـم لســــــــــاني وحار بكلامــه
والقلب به طوفـــــــــان هم وبراكين

أرقص شــــــــرا مجنون تاه بغرامه
يبكي ويضــــحك في مصحة مجانين

مليت يا نفســــــــــــــي يكفي ملامـه
وش حيلة المخلوق لا كان من طين؟

ماني بعاشـــــــق صب يشــكي هيامه
أمشي كما الاعمى ولا ادري إلى وين

خليل عفيفي