خالد الحمداني
06-05-2010, 02:37 PM
36- تكبي ولا تهبي
تكبي ولا تهبي بقلبي سيره
دهّاشها راقد عليها ابْكيره
كنْ قلبي الموقد وكن هي كفّن
في داخلي كل ليلتن وتْثيره
حزّة يغرّبني الشّفق عن شمسي
روحي اتّغرّب بين أهل الديره
وارْجع أدوّر فالسّما لو نجمه
تقدر ع قلبي من جديد اتْنيره
اللي تِداوَره الظّلام وْ غابه
قطرة مطر كنها ارْتمت في بيره
واتْردّ عيني من سماها كاسن
مملاي بيد اللّي سِريعن سيره
حتّى أغضّ الطرف واحْني راسي
واصْنع مثل من فالسّلام ايديره
واهيم في ذكرى وما هي ذكرى
حيّه وصدري صادق افْتعبيره
كل ليلتن لو ما مقيضن يطلع
يخرف نخلها لين فيض اجْفيره
كل ليلتن واعْيوني اللّي تسقي
نحرن جذرها بوّله واخيره
يا قوّتن في قلبيَ اللّي قاسي
يومن فتح لقْفاص واطْلق طيره
أو هي جهاله يوم ما طاوعته
أو عقليَ اللّي خانني تقديره
كنّي وكنها رابطنّا حبلن
كل ما أقصّه ينعقد بالجيره
فادْروبنا مبيوتنا هي وحده
كنّا الغصون اتْفرّعت مشْجيره
كل ما بُعدنا طال قلت انْساها
لكن ألاقي ذي الحياه اقْصيره
لدروب والحاره لقى تجبرنا
كنها على حُبْنا شديدة غيره
وانْ حن تلاقينا نظل نتْلصّص
كنْ منْ يناظر دون لفْت ابْصيره
ما حنْ نفوّت لحظتن لكنّا
بين البشر متلبّسين الحيره
وان حد سألنا عن بعضنا قلنا
ياخذ شبه لكن نظنّه غيره
لا سلوتن وسط القلب صدّتني
أو ردّتن تكفيني التكديره
ما غير يكبي حبّها ما يهبي
يالله سالك في أمرها خيره
تكبي ولا تهبي بقلبي سيره
دهّاشها راقد عليها ابْكيره
كنْ قلبي الموقد وكن هي كفّن
في داخلي كل ليلتن وتْثيره
حزّة يغرّبني الشّفق عن شمسي
روحي اتّغرّب بين أهل الديره
وارْجع أدوّر فالسّما لو نجمه
تقدر ع قلبي من جديد اتْنيره
اللي تِداوَره الظّلام وْ غابه
قطرة مطر كنها ارْتمت في بيره
واتْردّ عيني من سماها كاسن
مملاي بيد اللّي سِريعن سيره
حتّى أغضّ الطرف واحْني راسي
واصْنع مثل من فالسّلام ايديره
واهيم في ذكرى وما هي ذكرى
حيّه وصدري صادق افْتعبيره
كل ليلتن لو ما مقيضن يطلع
يخرف نخلها لين فيض اجْفيره
كل ليلتن واعْيوني اللّي تسقي
نحرن جذرها بوّله واخيره
يا قوّتن في قلبيَ اللّي قاسي
يومن فتح لقْفاص واطْلق طيره
أو هي جهاله يوم ما طاوعته
أو عقليَ اللّي خانني تقديره
كنّي وكنها رابطنّا حبلن
كل ما أقصّه ينعقد بالجيره
فادْروبنا مبيوتنا هي وحده
كنّا الغصون اتْفرّعت مشْجيره
كل ما بُعدنا طال قلت انْساها
لكن ألاقي ذي الحياه اقْصيره
لدروب والحاره لقى تجبرنا
كنها على حُبْنا شديدة غيره
وانْ حن تلاقينا نظل نتْلصّص
كنْ منْ يناظر دون لفْت ابْصيره
ما حنْ نفوّت لحظتن لكنّا
بين البشر متلبّسين الحيره
وان حد سألنا عن بعضنا قلنا
ياخذ شبه لكن نظنّه غيره
لا سلوتن وسط القلب صدّتني
أو ردّتن تكفيني التكديره
ما غير يكبي حبّها ما يهبي
يالله سالك في أمرها خيره