عنـدمـا أكون مجنــونــاً ..!!

[حمود بن وهقه]

http://s.alriyadh.com/2010/09/21/img/871708513428.jpg



نفسيّتي / مـا تسمح آقابل " الناس "
وإنتي بعد،، فـ الوقت ذا لا تجيني ..!


...

[حمود بن وهقه]

http://www.al-khaleeg.com/userfiles/_105372_school.jpg

قـالت : تحبّ غيري ؟! قلت : ليش السؤال ؟!
سامعه شيّ عنّي ؟؟ ،، أو كذا " وسوسه ؟؟

ردّت / أرجوك جاوب مـا لصبـري إحتمال ..!!
من سمعت " البنـات " اليــوم في المدرسه !

قلت وآنا أتبسّم : ويش قااالت منـاااااال ؟؟!!
قالت : أصلا منـــال ،، بهـالسـنه معرّسه ..!!

جااااااوب! تحبّ غيري ؟! قلت / بنـت الحلال
آنـا ميّت عليـــــك !! وبطـّـلي ( هلووووسه )

[حمود بن وهقه]

http://www.n-omania.net/forum/attachment.php?attachmentid=3371&d=1300517785


باقي ،،
شهر ،،
ويحين ،،
موعد ،،
رحيلك ،،


.. يعني شهر باقي أعيشه من اليووم .. !!


....

[حمود بن وهقه]

http://www.tt5.com/files/2009/08/strange-beggars-of-india-photos-1.jpg


ما عشت في عمري أبد ( شحّات ) رزقه فـ الزحام
أحدٍ عطاااااه .. وأحدٍ يسبّـه .. ويقفـل جــامته .../!/


..

[حمود بن وهقه]

http://2.bp.blogspot.com/-7VP7Z7qrs8I/TbxrpRU-lAI/AAAAAAAAAUo/0FK89R2GK74/s400/trainWaiting.jpg

يمكن / تموت ما شفته ،، ويمكن يموت ..!
أوجع من الجروح ،، إنّك تعيش انتظااااار

..

والقطار يتبسّم لك ... وعمرك يفوووووت
لاتركت المحطة ،، ولا ركبت القطار ...!!

،،

[حمود بن وهقه]

http://www.awafi.net/newsm/14.jpg

حكمة شاعر أعرفه ..! :

شــدّ حيلك/ يا قصيــدي واكتب اللي ما تبيه ..
كل شيّ يهون لجل " نعيش" والصبر ،، الصبر

وإن قلبت الأمسية " مشهد فكاهي " ما عليه
دام ما به من يميّز .. ذا شـعـير أو ذا شعــر ..!

،،،،

[حمود بن وهقه]

http://www.alkhubr.net/imgcache2/66529.gif


إلى روح ،، جدّتي ،، الطاهرة ../

(1)

يدّوه .. باقي نـــص ما قد سمعتيه !
كل القصايد قلـــتها لك / وأنا حمود

وينك؟ أيي للبــــيت ما أحـصّلك فيــه
وأقول : مع جــاراتها ،، يمكن ترود

وأرد بالبـاكر / وبي شــوق كانـــــيه
يدّوه ردّي .. ولدك حموود موجود .!


(2)

البيت / يا ظلــمته يوم انطـفئ ســراجه
وأنا عقــب ما جـفاه النـــــور مـا جيـته

أقول عـنـدي دراسة / ما معي حــاجة !
ولا الســــــفر يا ( هـلي ) والله حــبّيته

أخاف أرجـــع ،، وأهدّ الصبر وأبـراجه
ويفيض شيّ . ورى الأهــــداب ضمّـيته

أخاف أرجع / وأحـطّ ايدي عـ مـــزلاجه
تصعقني الذكريـات – وصوت حبّيته !!

[حمود بن وهقه]

http://www.musiqueradio.com/blog/wp-content/uploads/2008/02/saint-valentin-music-is-love.jpg


يا أســافر بقــلبـك // يا أخــونك معـك !!
غير هذا محــال .. ولا تحــاول معـي ...

//

من عرفتك (عنيد) وعادتي مـ/أسمــعك
بس كلمة (أحبك) تخترق مسمــعي,,,

\\
قـولها قبل يفضــح خـاطـــرك/ مدمـعــك
وأنت أغلى من اللي .. يسكبه مدمـعي

//

لو تبعثر بدمــي .. فـ/ الخفوووق أجمعك
مسكنك بـ/ البطين وتحرسك ( أضلعي)

\\

وإن توزّعـت ثاني .. مستعـد أتبعـــك..!!
للعرووووق البعيده .. دون فكـر ووعي !!

//

صاحبي / دعك من هذا التغلّي ،، دعك
دامنا بـ الطواف أرجوك تمّ "السعي " !!

...!!!...

[حمود بن وهقه]

http://static.guim.co.uk/sys-images/Guardian/Pix/pixies/2009/3/17/1237331019680/Old-books-on-shelves-001.jpg
لا يا هلا يـا سعيد لا مــرحـبا الساع
دينٍ عليك اليوم يا سعـــــيد وفّه ..!

مرّت سنة وانــته على الخير طمّاع
الغيم غيمي بـس ما ذقــــت نفّه ..!

أبغي حلالي ما مشت طيب الأطباع
حتى الحيا والمستحى منك / طفّه !

يعني بمدّ لساني اليوم لك : بااااااع
أنا رزين ... وبقلب الوضــع خفّه !

سنة .. سنة وأنا مهــدّي وملـــتاع
وأمتصّ شحناتي عقب عضّ شفّة !

يـ سعيد تبغاني أسامحك هـ الساع ؟!
ردّ الكتاب اللي استـعرته برفّه ..!!

:mad:[/CENTER]

[حمود بن وهقه]

http://www.dohaup.com/up/2009-04-06/dohaup_538621773.gif


هـ الصدر مضمار ،، والضيـــــقة سبـوق
يوم تطـــــوي شـوط / في الثـاني بدت ..!


كن ضرب " خفـوفها " ،، نبض الخـفـوق
آآه / مــــن ( دقّـات قلبي ) .. لا عـدت ..!!


لين ما التيـــمات تكـــسر ،، مــا تـروق ..!
يعني ليا شفـــتــني " أبكي " / هـــــدت ..!


غير عنــدي ( بكرة الصبر ) اللحــــووق !
كل مـــا رايــست .. ضــيـقة ~ غـــــرّدت


دامـــني / ضــمّرتـــها ،، لازم تــفـــوق ..
ما تنوّخها ( السنين ) .... ولا بــردت ..!!


لا يغرّك " وجه " .. تاكــله الحــــروق .!
جبهته ،، مــا غــير (للرب) ،، ســجــــدت


و الحزن / غيمــــة على وجه الشــــــروق
شف ملامحها ... على وجـهي بـدت ....!!

[حمود بن وهقه]

http://th06.deviantart.net/fs15/300W/f/2007/024/a/c/at_the_door_by_rain1man.jpg






كنت أنتظر .. وأكتم أنفاسي على " بابك "

يمكن ليا من شعرت " البرد " .. تفتح لي

..

أو يمكــن / تدفّي ضلوووعي ،، بجلباابك

وتقول لي : يالغـلا عـااادي // وتسمح لي

\\

كنت أنتظر .. تنزل الدمعة مـن "أهدابك"

وتصب دمعة من أهــدابك .. على وحـلي

//

يا غايتي // شوفني ،، والليل ،، وأحبابك

إذا أنت باقي عـلـى الميعااااد " لوّح لي"

....

لا تترك الصمت يخفي // قصّة اعجابك

كابر هدوئك – على شاني – ووضح لي

،،،،

مدام " حكم القدر " نفس البحر ،، جابك

لا تترك الشور للأموااااج // واسبح لي!

/

على " جزيرة وصالي " أقبــل .. عتابك

أهم حاااااجة ,, تـراعيني ،، وتـدمـح لي

\

لكن حرام أنتظر // وأبكي على " بابك"

وانته .. ولا تتعب ايديـنك و"تفتح لي" !!

،،

[حمود بن وهقه]

http://fc07.deviantart.com/fs23/i/2007/312/b/9/Tears_by_anisaer.jpg


كـــلّه ولا دمعــتـك .. أرجـوك لا تبكي
هذي دموعي وغسّل يا حـلو وجهك !!

..!!..

[حمود بن وهقه]

http://www.talals.net/wp/wp-content/uploads/K2.jpg



يا بوووي ،" ابنـك " جفاه الدمــــع من مدّه ..!
مشتااااق / باكورتك تشرخ لي ثياااااابي ..!!

أبكي ،، ولكــن بعدها .. / اضحــك بشــــدّه ..!
وأرد " أناااااازع أخوي " وأشرخ كــتـــابي ..!

مشتاق للــ للنــار ،، برد القــيظ ،، واليـــــدّه ..
دفاوة البـــــرد..!! / طيش عـصـابة أصـحــابي

أيّام ~ كــانت ( ظـــلال الوصل ) .. ممتدّه ../..
وبسااااط تحت ( الشريشه ) جمّــع أحـبابي

مشتااااق ،، تغــرود يــــدّي .. يــومــه يـعـــدّه
يتجـمع الطير ..... ويشااااركني ألعاااابي ...!!

بـابــــي ../.. تعــوّدت للــ خطـّـــار ما أسدّه ...
حتى .. لو " الهم نفسه " ،، دقّ لي بابي ..!!

..،،،..

[حمود بن وهقه]

http://3.bp.blogspot.com/_2jWjjULqsok/R0O8paF0ODI/AAAAAAAAAMI/wd4dPhwCVHw/s400/%D8%A7%D9%84%D8%AD%D8%B2%D9%86.bmp

..../!/.....

الليل / والغـــربة / وقلّ الربع / وعيال الحرام !
والحزن ، غطّى هـ المدينة ، وأمطرت غمامته

والكتب / وهموم الدراسة / والشقى / والالتزام !
نصحى قبل ما الفجر يطلق فـ المدى " حمامته "

يا زين أذان الفجر للمغرب ، وخوفي من الظلام
الليل / يـا ثـقــله عـلى نفـسي ... ويـا جـسـامـتـه

يا شين (ليل المغترب) لامن تضـايق ، ماينــام..
يحسد عيون العالم اللي : مـا تضــيق ونامته ..!

يتـذكّر أهـله / ويتـنهّد حـزن / ويهــلّ الغمام /!/
يا غير ، يخفي دمعـته – خوف الرجال الشامته

عـزاه: كـل اللي بقى له " كم شهـر وكـم عـــام "
ويــزفّ لأبوه الخبر ،،، ويجدّد ابتســامتـــه ...!

عزاه : " ربّي يوفقك " من فمّ أمّه .. يا سلاااااام
إذا تذكّرهــا بوســـط الحزن ،،، يرفع هامته ...

عزاه/كل غرّة شهـر يرجع عـقب طول الصيام
وأمّه تضــمّــه ... واتحمّــد له على سـلامته ....

يا وليدي شحالك؟! بخير إمّاه،، عـايش بانتـظـام
ولو شافته وشلــون عايش غربته .. ما لامته ...!

يا وليدي شحالك؟! بخير إمّاه ،، وأحـــوالي تمام
ما تدري إنّي فـ بعـدها ،، صدري تقـوم قيامـته !

تمرّ يوميـني .. شــرات الريح .. وأرجــع للركام
تمرّ يوميني .. وعندي حـــلم .. تكـبــر قــامــتــه

إنّي أكون إني أكون ،، وآه لو يجـدي الكـلام .....
ما كان أرداني الزمن .. وأبكاني بصرااااامته ....

مريض ،،وأحـس بألم ،، والربو:خلّاني حطام ...
سنين وآنا أكــــحّ .. وأدفع للــــزمن غرامته .....!

يا فهد : سلّمنا عليك .. اش فيـك ما تردّ السلام ؟!
أخوك من كثــــر التعب ..." تثقل عليه عمامته "

تعبت / متمــسك بخيط الصبر .. والدنيـا حــسـام
وتعبت / أسولف للمـرايا .. والمــرايا ( صامته )

وتعبت أبدّل لي السكن ،، مثـل البدو أهل الخيام ..
وهـــذا رديّ أطباع / و أما ذاك يا شهــامتــه ....

ما فيه هذا بلا أصل ،، أو ذاك من نسـل الكرام !
كلّ يمثّل نفـســــه .... وكلّ يجمّل " شامته " ....

لك صــاحبٍ ما يعتزي ،، بأفعال أخوال وعمــام ..
واللي يقـول : أنــا أنـا ..! هذا فقــــد كراااااااامته

والشعر ما هو للرجــل هيبة .. ولا حـتى وسام ..!
في وقــت فيه الشاعر يقاس ..." بمدى وسامته "

وبه شاعرٍ عاش العمر : شـحّات رزقه فـ الزحام
أحدٍ عطاه ،، وأحــدٍ يســبّه ،، ويقفل جامته .....!

يالله لطفك يوم نأوي القــبر وتذوب العظااااااام ..
والعبد ما ينفعه غيـر " الفعل " ،، واستقــامتـــه

نبغى العفو واللطف ونكابر على فعــل الحــــرام
والحسنة تشيد القصـر ... والســيئة هـــدّامته ...//

إيه والله إنّي مرهق من العــام / وينك يا منام ؟!
والحال ،ويش الحال؟؟ يا بؤسه ، ويا سقامته ...

وإيه والله إني لو شعرت بضيق ،، بهل الغــــمام
ولا علي من النقيدة ..... والرجــال الشـامته ...!!

[حمود بن وهقه]

http://i3.makcdn.com/userFiles/k/i/kioot18/images/820bd7ca86cc0.jpg


أنا أحبّك ،، واللي فيها فيها ...!
سنييين أخبّيها / وحرقت يووفي

[حمود بن وهقه]

http://www.up.qatarw.com/up/2010-08-26/qatarw.com_752164241.jpg


...........يارب ،، هـالليلة تـطووووف وتــعــدّي
.........................هالليلة / آنا جـــد ضــايق ومخنوق ..!

..........حتى عيوني طايحه فـــوق خــــدّي ..!
.........................ذرفتها / من كــثر مـــا تذرف الموق !

..........يارب ، مـــــا ودّي ، ولا البـــكي ودّي
.........................لكنّي أطفــي بـه فـــواد محروووق ..!

..........الليلة هـــذي ~ كـل الأشيــاء ضـــدّي
........................حتى أنت خذت الشوق يا بايع الشوق !

..........ذنبي ، قبل مــا رحــت بيّحـت ســـدّي
.........................وتركتني بحبال الأوهام مشنوووووق !

...........ما عدت أبغيها ، شجــاعه و تحـدّي
..........................رفعت رايات الهزيمة على فووووق !

...

[حمود بن وهقه]

http://www.nsaayat.com/up/uploads/nsaayat578ccabb1b.jpg



شيخٍ يهلّي كل ما جيت بــدلال ،،
وشيخٍ عجز مسك الفناجين بإيده ..!

وشيخٍ تلبّي له ولايات ورجال ،،
وشيخٍ / نداء المرجلة ما يجيده ..!

وشيخٍ لو تميل الجلاميد ما مال،،
وشيخٍ تميّله " الهنوف الرغيدة "!

وشيخٍ كريم ومدّته تستر الحال ،،
وشيخٍ يديه من المكارم / بعيدة ..!

وشيخٍ يحبّوه العرب دون يحتال ،،
وشيخٍ كرهه من النذالة ~ حفيدة !

وبعض الشيوخ فـ هالبلد لعب وهبال
متردّية / وأخلاقها عـ الحدييييدة .!

[حمود بن وهقه]

هل الشعر:
- تجربة حياتية ذاتية ، يعيشها الشاعر ويجسدها من خلال قصائده ؟

- أم هو عالم حالم ، لا دخل له بالواقع ولا يعكسه ؟ بل يصنع لنفسه عالم افتراضي جديد ..

- أم هو خلاصة قراءات واكتساب معرفة وثقافة فلسفية وحياتية لفلاسفة وأدباء وكتّاب ؟! بحيث لا ابتكارات ولا تصاوير جديدة ، إنما (كوبي بيست) من الكتب التي قرأها ..!

ما أعرفه ، أن هناك عدد لا بأس به من الشعراء لابد عليهم أن يضعوا علامات التنصيص " " على معظم أبيات قصائدهم ..!!

ها أصبح الابتكار محالا ..! حتى يتجه البعض للكوبي بيست ليوهم الناس أنه الأب الحقيقي لهذه الأفكار ؟!

هل صحيح أن الشعر يعيد ويكرر نفسه ؟! بمعنى أصح أننا نكتب ما قاله من سبقنا ولكن بلغة معاصرة ؟! هل هذا صحيح ؟!

لا داعي للكتابة إذا ../!/

;)

[حمود بن وهقه]

http://www.masaat.com/vb/storeimg/img_1305230638_100.jpg

سلامتك ، ما تشوفي شر يا عمـــري ..!
البـارح انتـي بخير / اليوم وش صـابك ؟

دريـت مــن بنت خالك .. ولا أنا مــــدري
قلتي لي:ارحل وعادي عندي غيــابك ..!

لو ما كلامك رجعــت من السفر أجـــــري
لكن قفلتي بوجه أحــلامي أبوااااابـك ..!

أخاف أجي وأرمي الماضي ورا ظهـري
وتقولي احنا انتهينا /حمود وش جابك؟!

أنا ، أنا مـــا عشقت إنسان من صـغري
ولا فوادي سـجـد في غـير " محــرابك "

[حمود بن وهقه]

مرآة لواقع معين ..


الفجـر أذّن .. وأنا لازلت أحـــــاول نـــومي
والغريب إني مـن البـارح بنــفس بهــدومي !

سقــف غـرفتــنا ~ أنا ، وأخـواني الثــــلاثة
ينزف ، وتنزف معاه غيومــهم وغـــــيـومي

أحمد: أخوي الصغير – يروح صـــفّ الأول
لجل أوفّر ربع مصروفه يا بطني:صــومي !

سالم : أخـوي الكبـير – ومقـعـد فـ كــــرسيّه
عـ الأقل أبقــى معه وأرعاه معـــظـم يومي !

مريم : التـوام ، أغيب أيام عــــن " غرفتنا "
الوحيدة تـذرف الدمعــة عشــــان قـدومي ..!

تـتأمـل وجـهي ،، وســالم يشــوف يــديــني
من عرق وجهي رجعت وباليــدين علومي !

هذا حنظـل سـيـرتي .. يـاللي سـألـي عـنّي
لكن إنسي مرّ طعمه .. واسمعي يشمومي .!

أنا أحـبـك ، والفـقـر يعـشقــني ، ويكـرهـني
حسن حظّي ، وأنتي ما بيني وبين خصومي!