المساعد الشخصي الرقمي

مشاهدة النسخة كاملة : ملف الشاعر الراحل دخيل الله بن محمد بن دخيل الله الشكره رحمه الله


سلطان بن دخيل الله الشكره
16-08-2010, 08:33 PM
بسم الله الرحمن الرحيم



الأخوه ادارة وشعراء واعضاء هذا الصرح الشامخ وفقنا الله واياكم في مايحبه ويرضاه يشرفني بدايةان اقدم لكم



في هذا الموضوع اول فلم وثائقي تم عمله لشاعر نبطي هذا وقد تم عرض هذا الفلم الوثائقي



في قنوات تلفزونيه منها البوادي , والاماكن , والدانه - وسوف يعرض قريبا على قنوات اخرى



وكان ولله الحمد له اصداء طيبه فكل املي ان ينال استحسانكم من خلال متابعتكم له هنا وشكرا.





الجزء الاول

http://www.youtube.com/watch?v=zV9RYH-ToVo





الجزء الثاني

http://www.youtube.com/watch?v=87LPY9xO4Po







الجزء الثالث

http://www.youtube.com/watch?v=49SRHA2OPUE





الجزء الرابع

http://www.youtube.com/watch?v=-pLeaYHVSFc







الجزء الخامس

http://www.youtube.com/watch?v=iJxh7gRVRYk







الجزء السادس

http://www.youtube.com/watch?v=Y-J4BmAmGzI







الجزء السابع

http://www.youtube.com/watch?v=ChwChFKhIuw







الجزء الثامن

http://www.youtube.com/watch?v=AtCFMq9I_Rg







الجزء التاسع

http://www.youtube.com/watch?v=VDjC-sm-b60&feature=player_embedded#









الجزء العاشر

http://www.youtube.com/watch?v=YAAaUEg_hG0











كما يشرفني هنا ان اقدم لكم نبذه مختصره عن والدي رحمه لله ارجو ان

تجدوا المتعه بين طياتها وارجو منكم الدعاء له بالرحمه والمغفره وهي بعنوان:





صفحات مشرقه من الماضي







كل الشكر والتقدير لكل من اساهم في سرد هذه النبذه حيث اقتبست الذي بين ايديكم من ماكتبته كل من



الأستاذ:هايف بن مبارك العماني



والأستاذ:عبدالله بن عريمه الوداعين



من كلمات طيبه اشكرهم وبلا حدود عليها ومحدد ماكتبوا كل كاتب بلون اسمه .





اخواني وابناء عمومتي الغالين

ضمن أهدافي الرئيسيه هو سعيّي الدؤوب للتعريف بأعلام وأمراء وشعراء قبيلة الدواسر الأماجد ، سواء للجيل الحاضر او الأجيال القادمه،

ومن هذا المنطلق يسعدني ويشرّفني اليوم أن أقدم لكم سيرة شاعر فحل من شعراء قبيلة الدواسر المعروفين .

شاعر نستطيع القول بأنه شاعر ((عاش بعصر ليس بعصره))

شاعر اشتهر رحمه الله بغزاره انتاجه الشعري ، وبجزاله ورصانه قصائده .

شاعر عرُف بحميّته القويّه لقبيلته ونعارته وحبه للدواسر ، طرق جُل أبواب الشعر المعروفه ولعل اكثرها قصائده في الفخر ، في مدح قبيلته ((الدواســـر)) ، ووصفه لأحداث قبيلته ، مشاركا ً لهم في السراء والضراء.

شاعر خلّد الكثير من مواقف قبيلته الطيّبه في الماضي والحاضر بقصائده العذبه فحفظها من الضياع وقدم كنزاً لايقدر بثمن للأجيال من بعده ، وكأنه يوضح لنا هذا الصوره في بيته القائل :[/size]







قال الذي بافعـال ربعـه يمـاري=وبأفعالهم نعتز (جيلا) بعد ( جيل)



شاعر خلّد نفسه وفي تاريخ القبيلة المشرّف بأحرف من نور تبقى طول الأيام شاهدا ً على طيب هذا الرجل .

اخواني

اعرف انا مهما تكلمنا في هذا الرجل فلن نستطيع الايفاء ولو بجزء من حقه وتاريخه ، ولكنّنّا حاولنا بقدر الامكان تسليط الضوء ولو على جزء يسير من سيرة هذا العلم ، نسأل الله ان يرحمه ويتقبله في الصالحين ويتجاوز عنه.

لا أطيل عليكم اخواني شاعرنا هو :







المرحوم بأذن الله الشاعر الكبير دخيل الله بن محمد بن دخيل الله الشكره





نسبه ونشأته :

ولد الشاعر رحمه الله في وادي برك وكان ذلك قبل 73 عام تقريبا من تاريخ اليوم 1-7-1428 فقد كان من مواليد 1355 للهجره

وهو اكبر ابناءمحمد ابن محمد ابن دخيل الله ال موسى من ال ابوعلي الشكره وله ثلاثه اخوه فقط وهم بالترتيب بعده:

سعد ابن محمد

صالح ابن محمد

مرضي ابن محمد

وقد تحمل المسؤلية رحمه الله منذو صغره نظرا لوفاةوالده وهو بعمرالعاشره تقريبا وربما اقل من ذلك فكان مسؤلا عن والدته واخوانه خلال تلك الفتره .وعاش في برك وقضى فترة صغره حتى بلوغه 20 تقريبا.

وانتقل بعدها بحثا عن كرامة الرزق مع امثاله من الرجال

الى الرياض وعاش فيه فتره غير معروفه مدتها لدي بصراحه وبعده انتقل الى الاحساء وقضى بها 4 سنوات

تقريبا وانتقل بعدها الى الكويت والتحق بالحرس الوطني وقضى هناك تقريبا 15 عاما وكانت تعتبر تحولا كبيرا في حياته حيث استمر فيها فتره طويله وكان معه من في تلك الفتره من زملاء عمل ومنهم شخص يدعى عبيـــــد وقد ذكره رحمه الله في اكثرمن قصيده ويتوقع انه اقرب المقربين له من اصدقائه هناك وربما اولهم في هذه الدوله وقد اسند له الكثير من القصائد:الجميلة خلال تواجده في دولة الكويت ، وحيث ان حنينه الى وطنه ومرباه (وادي برك) كان كثيرا ً مايحرك شاعريته ، فلقد :كان شاعرنا يجمع بين امرين الحمية الاصيلة للقبيلة ~ والتوجد والاشتياق لموطنة وعشيرته فتراة تارة ينافح ويدافع ويذكر مئاثر ومكارم القبيلة

وتارة يأخذة الحنين والاشتياق والتوجد الى موطن قبيلته وتمني رؤياهم ~









لـيت الـتمـاني للـفـتى تـدرك امـنـاه= وان قـولـة ياليت تـقـضي اللـزومي

كـان اتـمنـى شـوف ربعي ومـرباه= حـيـثـه هـوا قـلبي وغـايـة حـلومي

حـدتني الـدنـيا عـلى غير ماارضاه= واصـبر عـلى الـدنيا بقـو العزومي

عـزي لـعـيناً لـذت الـنوم مــاجــاه=وسـهـرت عـيـوني مـاتهنيت نومي

فـياالله ياللـي كـل خـلـقـه بـرجــواه = يادايـمـا وسـواه مــااحــدا يــدومي

ياللي الى ظـاقـت عـلـى العـبد ناداه= وانت الالـه اللي بخـلـقـك رحـومي

لاطـرقـيـاً جــاني ولا خــط اقــراه=ولا اتحــرا مـن يجـيب الـعـلـومـي

الله عـلى اللـي يطـوي الخـد ممشاه= مسافـه اليومـين لـه نصـف يـومـي

لاغــاب نـورالشمس والـليل غـبـاه =ولـع بـنـوره واقـتـدا بـالـنـجــومـي

سـواقــه اللي يبخـص الدرب ماتـاه= يعرف طريق ارمالها والحـزومـي

والجدي منه اخلاف واسهيل ينصاه=ينصاه كـنه لـه عـلى الـدرب يـومي

يسرح من الجهـرا وفي برك ممساه=والعصر في ذيـك الديار امعـزومي

ملـفـاه ربعــا تـكـرم الـضيف لاجــاه = ويـذري ذراهـا من لهيب السمـومي

للضيف تـذبح شـمخ الـنيـق والـشــاه =ولا يـذبـحـون الا كــبـار اللــحومي

آلاد علي ويـل مـنهـم لـه اعـداه = ضد الضـديـد مطـوعـين العـزومي

عزالله انها غــايـت القــلب ومـنـاه=والله يــلـوم اللي العـيني يـلومــي

ياحي ذيـك الـدار ياعـبـيــد حــيـاه =لعـل تـسـقـيـهـا رزان الـغـيـومي

ديرة بني عـمي هـل الوجه والجاه= اهـل الـفـعـول الـطـيـبه والسلومي

دار بـخـطـلان الـيـمـاني معـفــاه= وحطولها جدع الجماجم ارسومي

يـومـا زايـد غـاب ودع بـهـا ابـناه= ودع بهـا اللي ينـطـحـون الـزومـي

قـومـا تـحـد اجـمـالـهـا بالـمـلاقـاه= وحــريـبـها بـأمـر الاله امهزومي

آلاد زايــد مـلـحـقـين الـمـخـــلاه= يـوم الـمـلاقـا واخـتلاف السهومي

وقـصيرهـم يحـشم وتدمح خطاياه=ومـقـدريـنا جـارهـم ومـحشـومـي

والضيف يوم الضيف مايوجد اقراه=ثـلاث وجـبـات عـلـيهــم لــزومي

وخـويهـم يـامــن وامـانـه بـيـمنـاه= ويامن بـهـم يـوم الأمان معدومي

توسم عصاه ولا تهقـوا به اعــداه= ويمشي بها بين آل زايـد عـمومي

وصـلاة ربـي عــد مـاحـل ذكـراه= وماناحت الورقا بروس الحزومى



يتبع بالاسفل

سلطان بن دخيل الله الشكره
16-08-2010, 08:36 PM
رجع رحمه الله الى ديرته ( وادي برك ) بعد ان قضى هذه الفتره الطويله بها.ومنذو عودته رحمه الله من دولة الكويت وكان ذلك تقريبا قبل 30 عاما كان تركيزه في الاستفاده من الأراضي التي يمتلكها مع اخوانه في وادي برك حيث قاموا بزراعتها واستثمارها ايام ازدهار الزراعه في ذلك الوقت وطفرتها التي مرت بالكثير في ربوع المملكه، فكان يقضي وقته بين متابعة مشاريعه الزراعيه وبين هوايته المحببه على قلبه وهي(المقناص) في وقت فراغه , فمن يعرف وادي برك يعرف ان الصيد فيها كثير في تلك السنين, فقدكان مولع بالمقناص مع بعض معارفه ومع من يهوى الصيد من جماعته رحمه الله واستمر بهم الحال جميعا بين الزراعه وبين المقناص خلال تلك الفتره









ياديرة مابين برك وعالان=شوفه هوى قلبي وغاية امنايه

هي غايتي ومناي من بد الاوطان=ومن غيرها مالي بدارهوايه

في مامضى وانا لها كان سكان=واليوم منها كن علينا جنايه

لاجيتها قالوا لي الناس غلطان=ويردني منها فريق الحمايه

يابومحمد ياسلايل كحيلان=رايك نبي رايك وفيه الكفايه

وختامها ذكر الولي عالي الشان=والله يوفقنا طريق الهدايه



ويردني منها فريق الحمايه ( يقصد بها الشاعر رحمه الله حماية الصيد )



لقد توج قصائدة الرائعة لقبيلته بصفات كريمة صفات الرجال والعادات والسلوم الاصيلة من مكارم الاخلاق والعز والشموخ ~~ يبصرها الرائي والقارء كالجوهر المنظوم والعقد الفريد فكانت كالحلل يتمنا كل من ابصرها ان تكون نصيبه و اهداها في غربته لقبيلة الدواسر ~ ولكل دوسري فقدمها لنا متجاوزا بذلك انانية النفس

وحب الذات ~ فشاعرنا كريم الاصل عالي الهمة وليس من الذين نظرتهم محدودة لايتجاوز شخصة وهذا لاشك من كريم الاخلاق ومن الثقة بالنفس ~ فيد الله مع الجماعة رحم الله شاعرنا رحمة واسعة وتجاوز عنه واسكنه فسيح جناته .







لـي لابـتـاً مـن سـد مارب تحدروا = احـــرار مــايمــشــون بالـقــصـير

متيهت شمخ الـذرى في ديار العدا = وعـن الـخـوف مـاردوا لهـا نـشـير

تخيروا من نجـد واخـذوا خـيارهـا= تــخــيـرو فـــيـهــا بــــلا تـخـــيـير

وخــيارنـا خــذنـاه بالسـيف والـقـنا= مـحــد.ن عــطـانــا أيــاه نيـــة خـــير

خــذنــا اديـارا مـدجيـاتـا غـروسها = يــوم المـكــاســب نــاقــة وبــعـــير

خيــلا وخيــالــه وسيـفــا وشــلـفــا = تـجعـل صـليــبات الـعظـام كـســير

وخــذنــاه بــرمـاة تقـدي سهـومهـا = وخـيـلا علـى نشـر الحـفيـف اتغير

وثــلاث شـأيــات فـرقـنـا بفـعـلـها= ولاقــول فـي الـلـي غـيرنـا تقصير

يــوم القـبـايـل تفـتـخر في اسلـومها= الهــا الـفــخـر والـنا سلـومـا غــير

في ســلـمـنا حــنا هـل الـمـثلـوثــه = يــوم المـجاعــه والـقـرى عـســير

وفـي سـلـم ربـعـي مايبيعون اللحم = ولا نــجــلــب الـفـايـت ولا الـعـقـير

وخوينا في الخوف توسم له العصى = وديــارنــا يـهـمل بــهـا الـقـصـــير

قــلتـــه وانـــا مــن لابــتــا زايـديه = اهـــل الـفــخر والـمـجــد والـتـقدير

قــوما تنـال المجـد والمـدح والثـنى = قـــولا صــحيــحا مـا يــبـي تـفـسير

دواســــراً تـــاريــخــنا شــاهـدالنا = وافــعــالـــنــا تــكفــي عـن التـعبير

امــر من الحنـظل عـلى كبد شاربـه = وكــالغـند فـي در اللـي ولدها صغير

وحــريــبـنا نـسقــيه كـاسا من القهر = وســما عـلى كبــده يــزيــد ســعــير

لــوصارت الـعلــيا صعــيبا منــالها = هـــانــت عــليـــنا والآلــــه قــديـــر

عـــوايـــداً ورث لــنــا مــن جدودنا = وانــا عـلى سـلـم الــجــدود انـســير

عـــوايـــدا نــعــتـز فيــهـا ونـفـتـخر = ورث لـــنـــا مــن شـــايــبـا لصغـير

مـن الخرج للهضب المسـمى ديارنا= دار ال زايــــد مـــالــهـــم خــشـــير

قــول الـذي فـي ذكــر الآلـه مبتدي = فــي مـبـتـداه وبــالــخــتــام الاخــير

وعــبر لســـانه مـــاتصــور ببــالـه = قـــولا عـلـى فـصـح اللسـان يـســير

مـثـايــلاً عـــديــت منــها قــلــيلــها = عـــديـــتــهــا والـبـاقــيــات كـثـــير

مــثــايــلاً يـفــخـر بـهــا من يعـدها = ولــهــا تــواريــخ الــزمــان تـشـير

افــعــال شـجـعـانــا تـنـومس فعولها = واهــل الــفـخـر تسـتاهــل الـتـقـديـر

ولاضنتي تحصي تواريخ مجـدهــم = لـــقــلام واللــي بــالــكتــاب شطـير

وختامها بازكى صـلاة على النــبي = علـى الــرســول الـمنــذر البـشــير



وكذلك القصيده التاليه تتحدث عن فخره بقبيلته رحمه الله وسلوم القبيله:









لي ديـــرة يمــة سهــيلا الـى بـــدا = حدر النعايم يوم تبدي نجومها

من الخرج الى الهضب المسمى يحدها= اسهالها وجبالها مع حزومها

دار لـــنا مــاهــيب دار لغــيرنــــا= يوم العرب حازت بنجداً قسومها

الجار يهمل به ويامن بها الخوي= وبـين ال زايــد حاميتها وسـومـها

خـذنــاه يــوم القــنا يـقـرع القـــنا= بالسيف مـانـدر علـيها سهــومهـا

دار حميـناهـا وصـنا حـمــاهــــا= بالسيف الاملح والزنايج رسومها

وصـية مـن زايـد خصنا بهــا= وصى بهــا وانـا عليـنا تمومـها

وصى بها فتخان الأيمان غلــمه= ارواحهــا يـوم الملاقـا تسومــها

قوما تبيع ارواحها دون دارهــا= حيثــا دون الـدار مـحد.ن يلـومها

قبيلتاً ماهيب تجلب جزورهــــا= ولا ذكـر بيــع اللحم في سلـومهـا

ويامن بها اللي خايفا لالجالها= عقـب السهــر عيـنه تهنى بنومـها

ولادش في قلبه من الخوف رامع= في راس عيطا من صوالي سمومها

ديرة مصانيم الدروع ال زايد=اللي مشــت بين الـبرايا عـلومها

يشهد لها التاريخ بالمجد والفخر=والشاهد الثاني مضارب سهومها

عاداتهم رد الطماميع دونها=وللطير والسرحان ترمي لحومها

كم قايداً جاء في جموع يقودها= ثم عـــودة مــنا وساع ثلومها

وختامها بازكى صلاة على النبي= اعداد ماهل المطر من غيومها







ويلاحظ اكثارة وهو الذي يغلب عليه الحميه للقبيلة وذكر تاريخها ~ ~نعم انه شعور الشاعر الابي الاصيل في بلاد الغربة وهو يكافح الحياة والصعاب من اجل العيش الكريم نحو بني قومه مفاخرا بهم منافحا عنهم امام القبائل الاخرى من نجد في تلك الفترة من الزمن كان البعض من اهل نجد يقصدون الكويت وكان الجيش الكويتي يستقبل ويسجل القادمين من بلادنجد وكانوا يلتقون من قبائل شتى ولعب الشعر دورة في تلك الفترة الزمنية وبالتحديد في الجيش الكويتي وكان الشعر في قمة توهجه ولعل الذي اذكى مشاعر الشعار وصقلها هو الاغتراب عن الوطن واهل نجد احرار والحر يشتاق الى موطنه الاول , والتقاء الشعار ببعضهم من قبائل مختلفة عامل رئيسي ايضا اوقد الشعر وصقل موهبة الشعراء حتى برزوا لنا شعراء اجادوا الجزل وابدعوا منهم شاعرنا الكبير دخيل الله بن محمد الشكرة -- والشاعر الكبير خلف بن هذال العتيبي --والشاعر الكبير شلعان بن ظافر الدوسري -- والشاعر الكبير رشيد الزلامي العتيبي وغيرهم الكثير من الأسماء الكبيره والقديره , وهذا على سبيل المثل وليس الحصر-- كل هؤلاء الكبار كانوا في الجيش الكويتي في هذة الاجواء الاصيلة من العادات والتقاليد كان لابد من ذكر مفاخر القبيلة ومنافسة الاقران من القبائل الاخرى وكان قول الحق من سمة الرجال فلا يقولون الا الحق والصدق واذا قالوا صدقهم الرجال وكانت السوالف اذا عرضت لابد من ختمها بقصيدة يذكر بها مئاثر ومفاخر قبيلته والجميع يستمعون بانصات على طريقة كل توردة يمناة وهات ماعندك --هنا كان لابد من شاعر فحل بطل يحفظ تاريخ القبيلة وينشد الاشعار بكل فخر امام جمع القبائل كان شاعرنا هو الرجل المناسب وقصائدة تشهد بذلك:











انـشـد عـن الـعـراف حـيث انـك غلطان = تنــبــــيك عـن مــايــجـهـلــنـك خـبــاره

حـنـا سـكـنـا الـسـد فـي مـاض الازمان = يــوم اليمـن كلاً حــكــى بـــازدهــــاره

من ســد مــارب جـيـت مـافيـه جـحـدان = جــيـــنـا ومـن نــجــد.ن خــذيـــنـا خـيـاره

خـذنـاه في قومــاً لـهـا النـصـر عـنـوان = وكــسـب الـفـخـر لبسه وزايـــد شعـاره

خـذنــاه فـي شـلـفـا عـطيـبات الأكــوان = وثـمـــيـــديـــا كـــن الـنـجـــوم انفــجـاره

خـذنــاه في جيـشـاً وخـيـلا وفــرســــان = بــالــيـــوم والـلـيـلـه يـشـــنـون غـــــاره

غــاراتـهـم يشـبـع بهــا الـذيب سرحان =من ظرب من بالهوش ترخص عمــاره

وتشري الفخر والمجد في غال الاثمان = بـــأرواحـهــم لــو هــي عـليـهـم خســاره

واليــوم حــد الخــــــرج لا دون نجـران = دار لــنــا وديـــــار بـــــدواً وحــضــاره

دار لـــنا نعــتز بـــــه بـــين الاوطـــان = يــــومــــا كــــلاً يــفـتــخــر فـي ديـــاره

دار لنـا من وقـت عـــادا وعــــدنــــان = والــجــار يــهــمــل بـه ويوخــــذ بثــاره

مزارعاً وبيـوت بــــــدوا وقـطــعـــان = وهـــدب الــجــريــد الـلـي تـعدل انهــاره

وقــطعانــا ترعى الحيا حيث ماكـــان = ومـــاطـــاب مــن نـبـتـا رعـينـا قـفــاره

نــرعى بها جـوسـا على كل عـــــدوان = لاطــار مــن صــم الـحــوافــر غـبــــاره

يــبرا لهــا قـوما على الخيل شجعــــان =عـــــادة كــبــارا وارثــيــنه صـغــــاره

قــومــاً تنال المجــد في كل مـيـــــدان = ومـــوعـــــودة مــن ربــهــا بأنـتصاره

دواسـراَ في يـوم زوغــات الاذهـــان = كـــالــعـــارض اللي راسخــات جـداره

ونجمـا مراجـيمـا لمن كــان شيطــان =ويــرجــم بــهـــم مـن راد ربــي دمـاره

ومن قــدم الحسنـى نجـازيـه باحسان = وشــرا عــلى الا شـرار يقـــدح شراره

وصـلاة ربـي عـــد مــاكـاينـا كـــان = واعـــداد مــا ليـلــه يســوقـــــه نـهــاره

عـلـى النـبي مـن خلـقـة آدم إلــى الأن = اللى لـــديــن الــحــق جــــاب الـبشـاره

راعٍ الشـفـاعه عــنـد ربـــه للانسـان =يـــومـــاً لاتــنفـــع يـميـــنــا يســــاره







وله في الفخر بماضي قبيلته الكثير من القصائد يحثهم فيها على المحافظه على موروثهم الغالي من اجدادهم وهو الوطن.









اسمع ولا صدقـت مـن رد الأخــبار = ومـكـذبـاً بـه لـين شـفتـه بعـيني

تكفون يا هل الدار يا حيف ما صار = يا حــيف يـاملك الــجدود الثـميني

دارا ثـمنها مـرهـف الـحـد والــنار = ورسومـها جـماجــم المعــتديني

واليوم بيعت في رخيصات الأسعار = وهانت مكاسبها عـلى الطامعــيني

لعـبوا عــلى جهالنــا كــل قـــمــار = والــدار شرهتها على الـعاقليني

يبغون غزو ديـارنــا ســر وجــهار = مير احـذروا من خـدعت الخـادعيـني

أشرار قومـا لو تحلــوا بــالا خــيار = تدرون عن نـياتهـم بعـد حـيني

مير انظروا لدياركم ياولي الأبصار = نظـرة رجـال للوطـن مـخلصيني

دار الغروس ودار حسقات ألاوبار = الله يـلـوم إلــى بــها بـأيـــريـني

داراً ربـــتنا يــــوم دورات الأدوار = وأم بـــدونه مـا يــعيـش الجـــنيني

قوما بغير ديار يسقــون الامــرار = وتبـقى على طول الدهر راحليـني

تجاربا شفناه في بعض الأقطار = ويدري بـها من كـان قلبـه فطــيني

والحر ماينصـاد من بعـد الأنـذار = والعرف ما يعرض على العارفيني

يا بايـع الديـره تَعــيب من الــعار = والدار ما ترخص على الطيبــيني

لوبعت في تسعــين ملـيون مليــار = انت الذي تبقى من الخاســريني

لاحط دونه شايك الشبك وحضار= وخـــلاك من دونــه قصير اليديني

ثم بعد ذا يبدى بقلاع الاشجــــار= ويقــول داري وانتــزح لاتجيــني

يسكن بها وتصير دارك له اديار= وانـت الـذي تحسب من الوافـديني

ماراح منهى وانتهى كنه ماصــار= قــومــا بـعــد قــومـا لها وارثيني

يا حيف طمع ديارنا كل بيـــسار = الــي بضـرب أيمـــانا جــاهليــني

جاء كــل جواً فــيه عـقماً وحفـــــار = ويــــلا متى وإنـا بـــذا صـابريــني

يالاد زايد داركــم تطلــب الــثــار = وتشــكي علـيكم مـن يــــدا العـابثيني

إلى عبـث به كـل مــاكر وغــــدار = متـغانميــنا غـــفلت الـغـــافــلــيني

طالت يدينا كان من دونها قصــار = يـا حيــف منــها كنـكــم غاييبـيني

تنخا هل العادات وافين الأشــبــار = ألـي حـمــوهــا مـن قديـم السنيني

ألي حموها فوق زلبات الامـهـــار = وحــامـينهـا بـمـذلـقــات الـعريني

ومشوكن كن صوت حسه إلى ثار = صوت الصواعق بالسحاب الرزيني

بإيمان قوماً مايهــابــون الاخــطار = تاطى الخطـر لاهـابـوا الهايـبـيـني

دواسر تسقي العدا كــاس الامرار= ويـوم اللقى تـكـسر شبى العايليني

لاجـــاء نـهــار يـذهـلن فيه الافكار= وتخالفوا خبـط النـمـش باليـديـني

خيالهم ياخــذ على الــخيـل مشوار = لا غاب عـن بعض الرجال اليقيني

لاخانوا الديره قصــيرين الاشــبار= ووجيهــم دون الوطـن مـاتشـييني

عــيـوبـهــا كـسـابــة الـمدح والكار= كـل افـتخا للـدار درعــا حصيـني

اللي فعـايلهـم للاجـيــال تـــذكـــار= ونـفـخـر بذكراهم طـوال السنيني

اربوعنا اللي تكرم الضيف والجار = وتفعـل بـفعـل اجــدودهــا الاوليني

اهل الجناب الزين واقطع من النار= وايـمـانـهــم تــامن بهـا الخايفيني

وتدوس بالرجلين هامات الاشرار= وتطــوع اللـي روسـهـم مـاتـليـني

هم عزنا وإنا لهم درع وانصــــار= درعــــاً لهم يوم الملاقى حصيني

لاتنفع واليمنى الوحيده بلا يســـار= ولا تــنـفـع الـيســرى بــليـا يميـني

وصـلاة ربـي عـد هـمال الامطار= علـى مـحــمد خاتــم المـرسـليــني







وله ايضا في الفخر هذه القصيده:









سلام ممن قال بأول مبتداه=وتحية تشمل جميع الحاضرين

واهلا هلا باللي بعيداة خطاه=ولنا الشرف بحضوركم يازايرين

والضيف عند معزبه عمدة قراه=قولة هلا بالضيف والخلق الحسين

وقولة هلا بالضيف من حسن الصفاه=وصى بحق الضيف رب العالمين

ومن قدم المعروف بالطيب لقاه=ولايضيع الطيب عند الطيبين

والى دعانا داعي اجبنا نداه=والله مايسهر وحنا نايمين

ياغرس ياللي كل طماع غزاه=ثم عودوا عقب المعارك عايفين

لو كل من يشره على مخذه خذاه=ماكان خلي من ملايين السنين

من زايد معنا على الديره وصاه=وصى وحنا في وصاته حافظين

وصى على الغرس الذي يخرف جناه=ماهوب يبخل به على اللي جايعين

يلعب به النسناس مايسكن هواه=وهدب الجريد اللي يشوق الناظرين

عيابه الله وآل زايد العصاه=وضرب النمش بإيمان خطلان اليدين

وان كان من يحصل على ملكا كفاه= فــاحــنا ملــكنـا بالـيسار وبــاليـمـــين

غرسـاً وقطعانــاً بخــدانـــاً فــــلاة= ومــوســـعـــينا حـــدهـــا للراحـــلــــين

لي ديرة محد.ن لــنا هــدوا عطـــاه = ولاجاتنا هــدوا ولاحــن مشتــرين

ولاحدا عطانا اياه في وجهاً وجــاه= الا بــحد السيــف والـجمـع الرزين

من الشمال الخـرج وحــدوده وراه=والحد حد السيف والجمع الرزيـــن

سكنه غــياثــاتــاً مطوعـة العصــاة=وتدوس بالرجلين روس المعــتــدين

ومن الجنوب الهضب ويسوده حماة= اللي على دوس المعـارك داربــــين

لاد المنيـعي ويـل منهم لــه اعـــداة= اللــي بــدل رجــالهم يـــذبـح اثـــنين

والى عوى ذيب جذب الاخر عواه = وان صاد صيد مايصيد الا السمين

ولي ديرة من كان مظلوم نصاه=ملفا لمن يشكون ظلم الظالمين

يامن بها الخايف ولو كثرة اعداه=يامن بديرة ممنين الخايفين

فيها الخوي يامن وتوسم له عصاه=يامن ولا يحسب حساب المعتدين

عمِي الشريف إلين داويــنا عمـــاه= إلين شاف الدرب مثل المبـصــرين

ومن عـمـي قـــلــبه عندنا يوجـد دواه= ونــزيـــد عــلـته القــديمــه علـــتين

يالله ياللي كل مخلوق دعاه=اقبل سؤالي يامجيب المدعين

ياالواحداللي كل خلقه في رجاه=يامنزل القران بالحق المبين

ان تنصر اللي للوطن صانوا احماه=والنصر منك يا إله العالمين

وصــلاة ربــي عــد مايمـطر سماه= على شفيع الخـلق سـيد الــمرسلــين

سلطان بن دخيل الله الشكره
16-08-2010, 08:39 PM
ولا تخلو قصايده من الحكم والنصح فهو تنوع في اغراض الشعر رحمه الله











ورجلاً بـلا لابت(ن) يهـزم وينهانـي=لوكان في القـوم ساطيـة مظاريبـه

ورجلاً بربعه على العدوان له شانـي=وتخضع له ارقاب روس الناس وتهيبه



كما ان له بالنصح قصائد منها







ماكــل مـن تنــخــاه يــامـنـيف ينـفعك= ولاكـــل رجـــالاً يــســــد اللـــــزومي

لاصــرت محتــار وتخـالف روابعــك = انص الذي يجـلــون منــك الـهـمــومي

ازهــم عـيال قــروم حتــى تسـنــعــــك = ولايــقـضـي الـعــازات كـون القرومي

اعــيـال حـــراً فــي هـــداده يشـجـعــك= ولا يـصـيــد الا كــبــــــاراللـحــــــومـي

وترى الرجال اوصوفها مثل اصــابعك = والفـرق بينــه مــايـبي لـــه عـــلــومـي

ورفـقــتك لخــيارالرجــاجــيل تنفعــــك= وتــفخـــر بــرفـقــة طيـبـين السلــومـي

وصــديقــك اللـي صافيــاً ناصحـاً معـك= صــداقــتــه دوم اللـيــالــي تــــدومـــي

وداعـــــــة الله يــــابنــــي ثم بودعك= ابــعــد مــن اللــي يـلـحقــك منـه لومي

وحـــذراك مــن ولـد الـردي لايـرابـعك= مـاتـنفـعــك رفـــقــة ردي الـعـــزومــي

لانـــافـــعــا نــفــسه ولاهــوب نــافعـك = حــيـث انـه من كسب الجميل امحرومي

لاصــار طبــعـه مــا ينــاســب طبـايعـك= خــلـه وعـــده فـي الـحيــاة مـعــدومــي



وفي النصح ايضا







يا محمد الـمـنعــور يـا قــــرم الاولاد = يابن الذي روحي الــروحـه عـــديـلي

أوصيك عـن دار المـذلــه بــالابــعـــاد = ومـن عـاش في دارالــمـذلـه ذلــيلــي

ولا تــحـــل بـــدارشـامــت وحــســــاد = أهــل الـنمــايـم والــحـسـد والـنـقــيلي

بـــدل ديـار الـحـسـد بـــديــارالاجـــود = عسـى وطنـهـم كــل عـــامـــا يسـيـلـي

دارالــرجــال الـي يــضــدون الاضــداد = وعــلى الخــوي والـجـارظــلا ظـلـيلــي

الـي فـعــايلـهـم عـلى روس الا شــهــاد = وبامـوالهم يشرون كســـب الـجـميـلي

ولا تــرابــع كــون شـجـــعـــان الاولاد = وحــذراك مـن ربـعــة قـلـيـل الحصيلي

ألـي عـلى العالم كما وصف الارصاد = وكنــه عــلـى ذريـــة أدم وكــيـــــلـي

وان شـفـت من ميل الدهر كثر الا نكاد = فـــلا تــقـــول أن الـفــرج مــستــحــيـلـي

الـــرزق عــنـد الـي لـه الــخـلـق سجـــاد = وهـــوالــذي بــــرزاق خــلـقــه كـفــيلــي

ودنيـاك مثـــل الــضـل لـــوزال يــنــعــــاد = مـثــل الــظــلا ل بــكـل صــوب يــمــيـلــي

وصـلاة ربــي عـــــــد ذعــــذاع الانــواد =علــى نـبـيــي لـعــبادة اللـــــه دلـــيـلــي









ومر به رحمه الله بعض المواقف في حياته نذكر منها على سبيل المثال هذه القصه

وقصيدتها كامله حسب مارواها شاعرها رحمه الله

مناسبة هذه القصيده كان رحمه الله في طريقه عائد الى الكويت بعد زيارته لاهله في ( وادي برك ) وكان ذلك قبل 38 عام تقريبا ولا يوجد طرق مسفلته ولا مراكز للصيانه في الا في المدن الرئيسيه وتعطلت به سيارته في طريق الرجعه في الشمال قبل وصوله لدوله الكويت ومر به بعض الشباب في ذلك الوقت في المكان الذي تعطلت به السياره ونخاهم يساعدونه ويسحبون سيارته حتى بلوغ المدينه ولاكن للاسف ماثمنوا نخوته لهم حتى قيض الله له ان يلتقي بـــرجل من قبيلة زعب ويدعى ( ربيــع الزعبي ) ونخاه وانتخى له قال وشفيك ياولد قال شوفك بعينك السياره متعطله وادور على اللي مثلك وشرواك قال وين انت تبي قال ابي الكويت قال الامنت بتبي بغداد قال لاوالله ابي الكويت ولا وصلنا الكويت فالله لايهينك قال لايهم والله باذن الله مايجي دور هالليله الا وانت فيه ان مشى مشينا وانا مامشى شليناه وفعلا سحب السياره وصلحه وبعد ماصلحه وجيت بسلم حق التصليح حلف ودفع حق التصليح وهذا يدل على طيب ساس هذا الرجل وكرمه الامحدود وقام بالواجب وزاد عليه

ومعدن الرجل الطيب مايبين الا بالمواقف وعزالله انه من قبيله ذكرها يرفع الراس ويشهد على ذلك وقفتهم دون قصيرهم في وجه خصمهم اللي كلا يعرفها وفخرا لهم يستاهلونه لين تقوم الساعه وهذا جزء قليل من امجادهم تجسد في هذا الوقفه وقال فيه رحمه الله هذه القصيده







ياحسيفا يـانخـوتي بعـض الاولاد=مـاثـمـنوا لــي قـولـة يـالعـيالـي

كسب العلا صعـباً على كـل كـواد=ولا كـل رجـل للمـراجـل ينـالي

المرجله تـبغي لـها عــزم وجــهاد=وصبراً على ميل الدهر والعدالى

ياوالـله اللي صـار للجــمس لـداد=مـن عـقب ماويـله يشـق الرمالي

شـريـت انـا لـه كـل شـي ولا فاد=ومن الوكاله جـبت لـه كل غــالي

والهقـوة انـه صايبه عـين حـساد=عسى العمى لصبي عيـنه خلالي

امس وقبل امس على العين لاعاد=وقـبله ثـلاث أيـام واربــع لــيالي

بارضاً خلا مابه من الـناس رواد=برضـا خـلا فيـها وحـيد لـحالـي

والصـدر كن به للهواجيس ميعاد=وماكان غاب من الهواجيس جالي

لاكن فزع لى خالقي بابن الاجواد=لاعـل مـايقـطـع للأجـواد تــالـي

بربـيعـا عشـيق مـزمـوم الانــهـاد=لـعــل عـمــره دايــم مـايــزالـي

وزال الهموم وهان من المر ماكاد=الله يـجيـره مـن صـدوف اللـيالي

ثم قــال وشـبك قلـت له يـابن الاجواد=شـوفـك بعينك كافـيا عـن سؤالي

ثـــم قـــال والله لانــوديــه بــغــداد=وان ما مشى لاياصله لـو يشالي

وان كل مايطلب على نقد واقصـاد=والله وامــانــه مــاتســلم ريــالي

تعيش يارجلاً كسـب كـل الامجـاد=وحـاش المراجـل كلهـا بالكمالـي

تبــناله البيـضا عــلى روس الارجــــاد=واعداد ماتذري الرياح الرمالي

من روس زعب اللي يضدون الاضداد=زعــباً هـل الردات عند التوالي

زعبا عــزاز الجــار بــانــين الامــجاد=ودونه تبـيع ارواحها والـحلالي

هل فــرســة من دور عـــادا وشــــداد=ويشهد لهم تاريخهم والرجــالي

والطيب ماهو مشفــقا عــند الاجـــواد=لاكن ذكرته يوم جــاله مجــالي

وصــلاة ربـي عـــد ذعــذاع الانــواد=واعــداد ماهبت هبوب الشمالي



وفاته :

انتقل من وادي برك رحمه الله عام 1408 تقريبا الى الخرج حيث كان وقتها قد ارتبط بعمل بشركه الجيساي

احدى الشركات التابعه لشركة ارامكو واستقر في الخرج

وقد قال هذه القصيده في عندما كان في مقرعمله بالربع الخالي:

وعاش رحمه الله بالخرج الى ان توفي رحمه الله فيها بتاريخ 08/02/1420هـ.









متى نشوف الـخــرج مـنا شـمــالــي =فــي ديـــرة مــالي بــدارا بــدلــهـا

ديــارنــا الــي مـن قــديــم وتـــالـــي =نـفـخـر بها والدار تـفـخــر بـاهــلــهـــا

دار آل زايد ملــحــقــيـن الــتــوالــــي = الــي تخـاف اضدادهــا مــن زعـلهــا

حــامـينــهــا بـمـصـقـلات السـلا لـي =ويامن بهـا الي خايــفــا لا نـــزلــهــا

يــرسخ بهم غــرساً زها بـالــجمـالي =غرساً يـحـد جبـالـهــا مـن سهـلــهــا

يلـعب به الغربــي جـنـوب وشـمـالي = ومن اين ما جـات الريـاح تـعــدلـهـا

ما حيط فـي الاسوار مـن كل جالـــي= سـوره سـهــوم بـالـيـديــن نـحـمـلهـا

بآيمان قــومـا مـا تـهـاب الـقـتــالــــي = قــوما تــحـدد بالمعــارك جـــمـلــهـــا

وصلاة ربي عــــد وبـل الـخـيــالــــي = من مــزنـة سيله يسابـق هــلـهـــــا



هذا وقد قيل فيه بعض القصائد

اذكر منها قصيدة رثاء قلتها فيه رحمه الله







بسمك الاهي بابتدي في كلامي=وبرجيك يامن كل خلقه ترجاه

ارجيك ياربي بحسن الختامي=زاهد بدنيا مابها خير نلقاه

سوى صلاة لك وايضا صيامي=وماجابشرعك يا الاهي تبعناه

وبطلبك ترحم رفيع المقامي=وارجيك تغفر ما حصل من خطاياه

اللي ذكر بالخيرشرق(ن) وشامي= ودايم لفعل الخير عجلات(ن)خطاه

شيخ مقامه هامة المجد سامي= تاج على راسي وبفخر بذكراه

عزيز نفس ومن رجال كرامي=ياسعد من في ساعة الضيق ينصاه

حليم وموهب دليل الكلامي = وكريم مايبخل بمال ولاجاه

ذكره على ثم اعتلى ثم زامي=بالطيب من بين المناعيرشرواه

صفات ماتوجد سوى بالعظامي=اللي لهم تاريخ شامخ ابمبداه

مرت على الفرقا ثمان تمامي=ولاغاب لحظه عن عيوني بفرقاه

عيني بكته ولاعليها ملامي =ورحيله ابكى قاصي الدار وادناه

وبكاه بيت شرفوه الحشامي= منصى ال ربعه واللمناعير تنصاه

وبكاه طفلا فرحته به دوامي=يفرح بشوفه وابتسامته لاجاه

وايضا ضعيف يجود له كل عامي=فارق جزيل المد من بعد فرقاه

وايضا كبير يواصله بالسلامي=دايم بوصل ارحامه ايوصي ابناه

وايضا ربوع ينطحون الزحامي= قالوا عزيز وكلنا قد فقدناه

توافدوا يوم العزا كالتهامي = واكثر حضوره يومها ماعرفناه

رفقته بالدنيا رجال عظامي=وكل ذكره وقال يالله تجزاه

تجزاه بالفردوس الاعلى مقامي= ويالله عسى في جنت الخلدمثواه

ماحصي ثناهم فيه جفت اقلامي= وماقيل منهم فيه لايق ويزهاه

مني السلام ووافي الاحترامي= للي حظريوم العزا لاعدمناه

واللي غياب(ن) ماعليهم ملامي=معذور يامن كايد الضرف عداه

يالأدمي دنياك مثل الحلامي=من طال عمره لازم بيوم فرقاه

في طاعة الله قوم شد الحزامي= واسجد ال ربك باول الليل واتلاه

بتواجه المولى بوقت الصرامي= وتبدالحياة السرمديه ابملقاه

خسران من ضن ان حياته دوامي =ولاطاع ربه ساعة النوروضياه

تبدا ضلام وتنتهي في ضلامي= وتبدا حياة البرزخ اللي عرفناه

في ساس تكوينك بدا اول ضلامي=ثم بعد موتك ضلمت القبرعزاه

مابينها فرصه بذكر وقيامي=للخالق اللي كون الكون وانشاه

في طاعة الله نور يجلى الضلامي=ومن صدعن ذكره ابتزداد ضلماه

وصلاة ربي عد وبل الغيامي =واعداد مانور القمر شع بضياه

واعداد مانور(ن) قفاه الضلامي = واعدادما يسجد من الخلق لرضاه

اعدادها مني صلاة وسلامي=على النبي في بادي القول وتلاه





محبكم في الله:سلطان ابن دخيل الله ابن محمد الشكره







وقصيدة صاغها الشاعر فهد بن عبيد الشكره في رثاء الشاعر دخيل الله الشكرة يعبر فيها عن مشاعره ومشاعر المحبين الذين فارقهم.











السبت فاجئنا الخبر سبعه اثنين =قالوا رحل ذرب السجايا كحيلان

من عام الف واربعميه وعشرين=بالضبط لازود ولا فيه نقصان

قالوا توفى وهملت دمعة العين=والموت حق وخاتمة كل انسان

رحل دخيل الله معي قولوا امين=وادعوا عسى المولى يجازيه غفران

ويجزاه بالجنه ومن حورها العين=ويسكنه في دار الكرامه والاحسان

ندعيك ياربي خشوع مصلين =ويدعيك عبد ممتلي قلبه ايمان

ويدعيك من يعرف صفات الكريمين=اللي لهم في صفحة الجود عنوان

ويدعيك من يعرف بطلق الحجاجين=سمح المحيا لالفا الدار ضيفان

شيالها لاهج عنها المسيكين =-ينطح ثقيلات المواقف بليهان

له مجلس مفتوح بالعسر واللين=على نذر ماخبر خاطره شان

يفز لاصغر شخص ويرحب الفين=وينزل كبير السن في وسط الاعيان

لو اذكراوصافه تعجز الدواوين=ولو اكتب افعاله ابي عدة ازمان

لاكن عوضنا في الرجال الوفيين=عياله اهل الطيب ذربين الايمان

والختم صلوا عد فوج ملبين =على النبي المصطفى نسل عدنان

















يابودخيل الله مجمل ومشكور=ترفع لك الرايات يابن الكرامي

عرفتنا تاريخ شاعر ومنعور=شاعر لحق وقت الجهل والأمامي

من روس زايد عارفينه ومخبور=منصى وركن وللقبيله حزامي

وشاعر وشعره يقطع انهار وبحور=وشعره كما سيف يقص العضامي

وشجاع يوم العج والبندق تثور=مافيه حبة خشم ولا سلامي

يسطي على خصمه بلافكروشعور=ويورده للموت ورد الحيامي

وكريم يوم الفقر والجوع والجور=ماهو كرم ذالحين خير ونعامي

يالله عسى مثواه في جنة الحور=ويشفع له المبعوث يوم القيامي



للشاعر القدير بدر بن فهيد المساعره



**



وقصيده للشاعر مبارك بن جلمود الشكره



وهي مجاراه لقصيدة الرثاء التي نظمتها بوالدي رحمه الله









سلطان ياحرن عديمن قطامي = اخون عزيزن ماكر الحر مجناه

الله يجزي والدينك رحامي = بجاه الذي نصوم لاجله ونخشاه

مريت يوم النت مر الكرامي=بصفحة نداوي الشعر للي بيقراه

رجعت للذكرى وزاد اهتمامي=وذكرت سيرتكم وهذي مجاراه

سجل على وضح النقا والتمامي=تحيتن للحي والميت مهداه

مظمونها بالطيب والاحترامي=ومرحوم ياشيخن تنومس سجاياه

خلد لنا ذكرى تصح النيامي=واخبار ماضي الوقت كنا لحقناه

ودون الوطن والدار سيفه يحامي=وهذي تراها ميزتن من مزاياه

وذكر السلوم الطيبه له مرامي=من دون ربعه ناصبن حد شلفاه

وتجاربه في الوقت روض الوسامي=لمن اختلط ريح النفل مع خزاماه

تاريخ مر وراح كنه حلامي=من جيلنا اللي راح وانا بنقفاه

لولاك ياسلطان ذكره عدامي=موروث مايكتب ترانا نسيناه

لانك على ماقيل رجلن اعلامي=حفظت شعره لين حنا حفظناه

مايحفظه ياكود شخص ولامي=وخطوات شايب في زمانه وخاواه

واعداد ماهلت حقوق الغيامي=صلوا على المختار قاف ختمناه







والشاعر عبد الله بن فهد الصخابره رثا شاعرنا بقصيدة معبرة











الناس من ماضي اليالي والازمان =والشعر ديوان العرب شي مثبوت

والشعر له مبدى ومغزى وعنوان=كم ثبتت سيرة هل المجد ببيوت

وخلد لنا ذكر الفرزدق وحسان =وخلد لنا ذكر العواجي معا نوت

وخلد لنا سيرة مشاهير واعيان = اهل الوفى لباسة الجوخ وبشوت

وسيرة هل الطولات ذربين الايمان =نعيشها كنها على الشوف والصوت

والي يبرهن شي ثابت للاعيان =ابو محمد حي ماغيبه موت

قرم برع في الشعر من بد الاقران = شعره بقى في صفحة المجد منحوت

غنو بشعره كل حضر وبدوان = والي سكن لنبار والسند والكوت

من لابة يوم المثارات شجعان = في ساعة فيها مظفر وممقوت

لادارت الهيجا وراغن الاذهان = وكل بلج في ساعة الموت منعوت

دواسر لاصار عج ودخان = شرب المصايب عندهم شربة التوت

اهل مدن وغروس نخل وبستان =وهل جهام في مرابيع ووقوت

وعسى دخيل الله بروضات وجنان = بجاه من نجى ابن متا من الحوت

وختامها صلوا على نسل عدنان = ذكره يسر الروح لو ماحصل قوت

سلطان بن دخيل الله الشكره
16-08-2010, 08:42 PM
هذه قصيده قالها الشاعر جازي بن مفرح بن ناجي العطاوي العتيبي



(حاوي الطيب ).



رحمة الله على الشيخ الشاعر/ دخيل الله بن محمد الشكره الدوسري رحمةً واسعه

الرجل الفريد بكلمته وبشعره الذي يتصف بالحكمه والجزاله والله يبقي الحيين ذخراً لنا واخص بالشكر الأستاذ/سلطان بن دخيل الله الشكره

الذي يحض على دروب الغانمين ويقف وقفة الرجال النبلا ولاهي غريبه من أبن الرجال الذين سطرو في التاريخ كل علم طيب ومشرق ولكم هذه الوقفه البسيطه.







بديت باسم اللي سلم من ترجاه=غافر خطايا اللي ببيته يطوفي

الواحد اللي تسجد الناس لرضاه=جل وتعالى اللي بعبده يروفي

الله الـــه الكون عالم خفاياه= الغافر القادر بخلقه عطوفي

واللي بعدها قال جازي بمبداه=يقدح من الهاجس وبالقول يوفي

اهلا هلا يابن الرجال المسماه=درع الجهامه يوم ضرب الشلوفي

سلطان سلطان السعد ماله اشباه=ماهو على بذل المكارم حسوفي

الجود في يمناه والطيب مبداه=من راس ابوه القرم نال الوصوفي

عليه من ذاك الاسد لاعدمناه=والطيب ورث اهل القنا والسيوفي

والشعر ياشعار لاشك ينعاه=من بعد ابومحمد جراله صدوفي

مرحوم ياشيخ قليله حلاياه=دخيل الله محمد جزيل الحروفي

اطلب اله العرش عفوه ورحماه=وعساه بالفردوس دايم يطوفي

ابومحمد خاسر من تهقواه=هداج يشبه له ندي الكفوفي

وعسى العوض بعياله اهل المثاراه=الطيب ورث جدود شي معروفي

واعتـيبة أهـل الخـيل كـلٍ بشلفاه = ذبـاحة الحـايـل عمـى من يزوفي

عنـهم حكـا التـاريــخ بـأول وبتــلاه = حمـاية الخلفات بحـدب السيوفي

منــهم ابـن مفـرح اليـا حـل طرياه = قالـو نعـم بك يامعشي الضيوفي

واقبل تحية حاوي الطيب والجاه=اللي مع الوافين بالطيب يوفي

وصلاة ربي عد ماينتثر ماه=على الرسول الهاشمي النصوفي











بيض الله وجهك ياأبومبارك على إيراد هذه السيرة العطرة ,

طيب ولايجي منك ألا كل علمٍ طيب .











سيرة قصيد وطيب راس وسموّه=ترفع لها البيضا بكل اتجاهي

أبوك ياسلطان شاعر مفوّه=مثل " البحر الأحمر" غزير المياهي

مايبدع ألا من حماس وحموّة=يوم أغلب الشعّار بارد وفاهي

أهيم في شعر الأصالة بقوة=وشعر الحداثة مايشد انتباهي

وأنا أشهد أنك صنت حق الأبوة=وبريّت باللي يستحق التباهي

من " لاد شكر" أهل الكرم والمروة=وأهل السيوف اللي تقصّ الجباهي

حريبنا لاشب للحرب ضوّه=نشويه فيها مثل شوي الشياهي

وخوينا لاضاق باله وجوّه=نكرب احزامه في زمان الدواهي

وأقبل سلامٍ فاح وردٍ اعلوّه=الريح ريح المسك واللون زاهي



الشاعر: فراج ابن فهد







وقصيده للشاعر بدر بن صقر العجالين ذكره فيها رحمه الله:









أبدا كلامي وأذكره سبحانه=رب(ن) كريم(ن) خالق(ن) أكوانه

أبدا كلامي بالإله الواحد=ملهم رسوله سنته قرآنه

بدع المثايل في ضميري جاني=واشتب في قلبي وفي شريانه

شاعر ولكن مايقدر شعري=كود الذي يعرف ترا عنوانه

ماني بشاعر بالمجله هايم=دور على الشهره وحظه خانه

ماني من اللي كل عرس(ن) حاضر=يلقي قصيده يومي بذرعانه

وماني من اللي يزلقون الشارب=لا طار طيره لا تعلى شانه

أكتب قصيدي لا تهيض صدري=وإن هاض سيل(ن) يخترق جدرانه

أكتب على اللي ورثوه أجدادي=وآغوص في بحر الشعر وأركانه

امن (السديري1) أستغل الحكمه=حكمه عساها تدخل بميزانه

ومن المعالم شاعر(ن) ودعاني=(شلعان2) لا يمكن ترا نسيانه

وإن كان ودي شاعر(ن) بالمعنى=عندي (دخيل الله3) وشعره عانه

وإن كان ببدع في فنون القلطه=(أحمد4) ترا شاعر بكل ألحانه

وإن كان ودي شاعر(ن) متواضع=ذاك (الغييثي5) لابتي خلانه

و(دنداننا6) شاعر يمثل معجم=بحر(ن) كبير وحاكمه بأوزانه

شعارنا واجد ومنهم نفهم=يكفي فخر زايد ترا صبيانه

منهم توفى مير ربي راحم=يرحم عبيده نرتجي غفرانه

ومنهم عسى ربي يطول عمره=حي(ن) عسى الله يرحم ويرعانه

حبيت أوضح بالقصيده قصدي=حبيت أوضح للشعر سيسانه

ذا الوقت شعر المصخره متفشي=شعر(ن) يغث المستمع بآذانه

أحدن يهوجس في بنات(ن) مروا=ليله طويل وقمرته سهرانه

وأحدن يدور فالقصيده مكسب=يمدح ملوك وعيشته بلسانه

شعار لكن المعاني ولت=هرج(ن) كثير وشلة(ن) خربانه

يا (بوصقر) دام الدواسر عزي=أركب على اللي يرتجف شكمانه

بلغ سلامي كل واحد منهم=قله تراني واحد امن أخوانه

سلم على تغلب وجدي زايد=ياسعد منهو أصبحوا جدانه

هذا كلامي وأفهمه يافاهم=عساك تلقى عملة(ن) ربحانه

قلت القصيده قاصد(ن) لي مقصد=قلته و وضحته مع برهانه

والختم صلى الله عليه وسلم=محمد اللي للهدى يهدانه

(1):الشاعر الأمير / محمد بن أحمد السديري..(رحمه الله)..

(2):الشاعر / شلعان بن ظافر الوداعين..(رحمه الله)..

(3):الشاعر / دخيل الله بن محمد بن دخيل الله الشكره..(رحمه الله)..

(4):الشاعر / أحمد الناصر الشايع..(أطال الله بعمره)..

(5):الشاعر / دغش بن بطي الغييثات..(رحمه الله)..

(6):الشاعر / عبدالله بن محمد الرجبان..(رحمه الله)..







ورثاء بالفصحى من هاني الشرافي



أخـــي سـلـطـان هـــذه خــاطــره أرسـلـهــا



فقد يعجز اللسان أن يوفي بحق الرجال



أبــــــــــــــــتــــــــــــــــاه













أبــتـــاه بــعـــدك أظــلــمــت أيـــامـــي =و أسـتـوطــن الــحــزن الـدٌخـيــلُ عـظــامــي

وتــبــددت ســبـــل الـلــغــات بـمـنـطـقـي =وتـصـفٌـحـت ريـــــحُ الـرحــيــل كــلامـــي

هــل لـــي بـــروح تـرتــوي مـــن أضـلـعـي =وتـعــانــق الأحـــــلام مـــــلء مـنــامــي

أواااه يــــا أبــتــاه كــــم عــــزٌ الــفــراق =وعــذبـــت مــهـــج الـمــنــى أنـغــامــي

لا زال صــوتــك مــرشــدا" فـــــي زلٌــتـــي =وبـعـالـمـي الـمـجــروح ســـــرب حــمـــام.



أبــــــــــــــــتــــــــــــــــاه











ما كنت أحسب رغم شيب قريحتي =أن الفراق يُِِِسيلُ دمع سحابـي

لولاك يا أبتي الحبيـب لمـا غـدا= أمـل يعانقـه الهوىبكتابـي

فالشٌوق أضحى علٌة"أهذي بها =والشٌعرُ بعثـر مـا لديـه ببابـي

ان الحنين يفيض بين جوانحي =ويكاد أن يطفي البعـاد صوابـي

أشعلت في قلب القصيدة ثورتي =وستحرق الأشواق حضن جوابي







اعتذر اخي على التقصير فمهما قلت في والد الجميع رحمه الله



لن اوفيه حقه.



اخوك :هاني الشرافي



******************



كتب عن الشاعر رحمه الله في جريدة الجزيره موضوع في مدارات شعبيه



بقلم الكاتب القدير ابراهيم الشتوي





http://search.suhuf.net.sa/2008jaz/oct/23/tr5.htm



******************





متصفح خاص بمعظم قصائده رحمه الله وهو المتصفح الثاني



بالأسفل





اشكر ادارة المنتدى الكريمه شكر خاص على منحي فرصه وضع سيرته رحمه الله

بين ايديكم التي ارجو من الله ان تجدوا بين طياتها مايمتعكم ويفيدكم

دمتم بود



اخوكم :سلطان بن دخيل الله الشكره



وله مني ومنكم الدعاء

اللهم ارحمه واسكنه الجنه ... اللهم وسع له في قبره

اللهم اجعل قبره روضةً من رياض الجنه

اللهم اجمعه بالنبيين والصديقيين .. واللهم أنس وحشته

وأمن روعته

واموات المسلمين والمسلمات

اللهم امين

سلطان بن دخيل الله الشكره
16-08-2010, 08:43 PM
مناسبة هذه القصيده في فالح ابن كليفيخ وعياله اللي هو خالهم وهم كليفيخ وفالح الغرابا الشكره لانه كان لهم مواقف مشرفه معه اثناء التحاقه بعمله في ارامكو وجادت قريحته بهذه الابيات تعبيرا عن شكــره وامتنــانـــه وتقديره لهم وبين رحمه الله فيها واستعرض رحمه الله بعض مواقف قبيلته المشرفه.







لافــرق بـين الـبـشــر باللــون وازوالــه = لكـن نـشـوف اخـتـلاف فـي مـذاهـبـهــا

يـازيــن وقـت الـفـراغ ومـكـثر ارجـاله= لاعـد ربـع الــرخــا مــانـي مـقـطـبـهــا

مـاكــل رجـلاً وفــا بــالـقــول لاقــالـــه= ولاكل من يـرمـي الـشـاره بـصـايـبـهـا

ومـن يـتـبع الـهـون كـسـب العـز مانـاله= ويموت ماحـصـلـت نـفـسـه مــطـالبـهــا

يامساعـد القـرم وصـل مـعـكـم رسـالــه= بـالـورد والـعـنـبرالـمـمـتـاز كــاتــبــهــا

وصل سلامي لـدار الـعــز وارجـالــهــا= اللـي حـظـرمـن بنـي عـمـي وغـايـبـهـا

دار الذرى من سـمـوم الــقـيـظ وظـلالـه = وامنا من الخوف يامن من يحــل ابـهـــا

واثـنه على فالـح الـمـنـعـــور وعــيــالــه = حموله طيبـهـا مـن طــيـب شــايــبـهــــا

كــليـفـيـخ وفــالـح لاصـعــبـة الــقــالـــه= تــرثـة يـســودا تـعــين عـنـد واجـبـهـــا

ربـع مـن الـمــرجـــلـه مـاهـيـب مـلالـه= لاملت اللى فــعــول الــطـيـب تـتـعـبـهـا

صوارم من حـرار طــويــق وجـبـالـــه= من ماكر الطيب واصل الـطـيب جاذبهـا

صحيح ان الـولـد لـوطـاب مــن خــالـــه = يكفيك من ماضي الدنـيــا تـجــاربـــهـــا

لعـلنـا فــيــه مــانــعــتـــاض بــبــدالــــه= يسلم لنا بـانـي الـعـلــيــا وكــــاســبــهـــا

كــسـب الــفـخـر دايـما يـشـريه من ماله= يشريـه لـو كـان فـيــه النـفـس يـجـلـبـهـا

والبـيـض فـي شـامـخـة الامـثـال تـبـناله= اعـداد مـابـين مـشـرقـهــا ومـغــربــهـــا

مـن لابـتـا يـشهـد الـتـاريــخ بـافــعــالــه= تفعـل فعـول الـفخـر واحـنـا نفـوزبها

قـبـيـلــه مـن حـربهـا زاد غــربـالــه= واللي صـديـقـا لـهـا مـامـل جانـبـهــا

آلاد شــكر هـل النامـوس والطالـه= كم غـيب الموت نفس هــم سبـايبـها

كم طايحا من يديهم مـاحــدا شــالــه= من ضربة مـن يـديـنـا مـايـهـازبــهـا

تفعل بالاخصام فعل احسين وامثالــه= معـاقـب الـقـوم قـبـل الله يـعـاقــبـهــا

هـم خـمـسـة واهـزمـواتسعين خيالــه= كـم قـلـه تـهــزم الـكـثره وتـغـلـبــهــا

وابداح يوم المنافق شـرب فــنـجـالـه= دزه بـشـلـفـا عـطيـبات مـضــاربـهــا

تصهل جواده وهو بالصوت لاحـاله= من حـد شلـفـاه صايـبـتـه وصـايـبـهـا

ثـم قـيل بالحـفر يحـذف كونـه اشـلاله= لاياخـذ الـقـوم بـصـيـاحـه ويـرعـبـهـا

من كـف شيخ.ن خــذا ثــاره وعــدالــه= هـل سـربـه مـايـظـام اللـي يـلـوذبـهــا



---------------

ابيات مفقوده ---- (1) ----هذا مكانها بالقصيده

-------------







ورثا لـجــهــالـنــا مـن فـعــل عــقــالــه= اللــي بـالاكـوان مـاظـيــة تـجــاربـهــا

يـشـهــد عـلـى مانـقـول الـسيـح ورجاله= والـتربـة الـطـاهــره دمــه مـخـظـبـهــا

يـوم الـزنـايـج جــنوب الـدارواشـمـالـه= سحـم الـضرايــا جـثــايـا هـم تسـحـبـهــا

مــع لابـتـا هـم لـنـا بـالـضـيق والـنـالـه= آلاد عـمــار لاشـبــت حـــرايــبـــهــا

آلاد عـمـار سـور الـدار واظـلالـه= يستاهـل الدار من عـفى جـوانبهــا

وصلاة ربـي عـدد مـاهـل هـمـالـه=من مزنه هـلة الما من سـحـايـبها





ملاحظه (1)



يوجد هنا ابيات مفقوده في القصيده وقد قررت ان لاتكون الابيات

متسلسله فقد يكون تسلسلها بهذا النقص تغيير لبعض الحقائق

في هذه المعركه المشهوره لذا حببت ان انوه بالنقص حتى لايكون

هناك خلط في الامور واعتذر منكم جميعا فلقد حاولت البحث عنها

ولازلت ابحث حتى تكتمل قريبا انشاء الله









هذه ايظا من قصائد العرضه في قصيده رحمه الله







ياسلامي عليكم باسم واليكم=عد وبل المطر من غر الامزاني

وياهلابالحظور ومرحبا فيكم=مرحبا في بعيد الدار والداني

دارنا داركم والله يحييكم=ونحمد اللي بفضله ربع واخواني

ومن عطايا جزيل المد نقريكم=ومن كرم ربنا للظيف كرماني

واشكروا نعمة من فضل واليكم=نعمة مانقدرها بالاثماني

مثل ماقاله الله بالمثل فيكم=امن الاوطان والصحه بالابداني

مرحبا عد ماسارت خطاويكم =عدمابين نجرانا وعماني

يارجال الوطن تسلم يمانيكم=ياحما الدار شيبانا وشيباني

الوطن والمواطن يفتخر فيكم=وغالي الروح يرخص دون الاوطاني

وقفوا وقفة تقهر معاديكم=وقفة العز تقهر كل شيطاني

وقفة العز لاولكم وتاليكم=عادة ورث جدانا لجداني

واذكروا دور حاضركم وماظيكم =ومايدز الكتاب بغير عنواني

جدكم زايد بالدار موصيكم=وصونوا الدار ياخطلان الايماني

ماحد(ن) له بنو الخير معطيكم=مير خذتوه في خيل وفرساني

ماخذينه بهيبتكم وطاريكم=وضرب حدب النمش حزات الاكواني

وحقكم وافي(ن) خذتوه بيديكم=يارجال الوفا في كل ميداني

وبامرالاله حققتوا امانيكم=ونلتوا المجد واللي قاسي لاني











هذه قصيده تعبر عن نفسها اتمنى ان تنال استحسان الحميع











يا (--) بلشة ناس مايبونك=وانت ضربك ياسمي العير عيره

الحذر بيديك لاتفقع عيونك=واخذها من شور من لا تستشيره

قبل يوم في الطبيب يعالجونك=الحياة اضنون والحاله خطيره

والمداوي يبتحل بعلاج كونك=من يدين في هويتها شطيره

انهزم قبل ال زايد ياكلونك= لقمة بحلوقهم ماهي عسيره

والله لولا اللي على الحق يحمونك=ماتحل ديارهم من دون جيره

ان قسمها الله تغايتلك جنونك=مايصح الجسم والجني خشيره









هذي القصيده قالها رحمه الله وهي تعبر عن نفسها سوف اترككم معها:







يا(--) دار آل زايد ماهي نهيبه=كم غازي قد غزاها شاف ماعافي

دار آل زايد عليك وجنسك صعيبه=مير الحذر لاتصكك بعض الاصدافي

دونه رجال على الطامع تعييبه=جهال قوما ووقت العرف عرافي

بثميدي مايخوجل في مضاريبه=بأيمان من في اللقا للعايل عسافي

والله لولا الذي ندراه وانهيبه=اللي على اهل الجزيره حكمهم ضافي

مايطلع الثور يم البر يمشيبه=عقب المعالف يبي عذبات الاريافي

والكبش من هيبته يمشي مع ذيبه=ويغض منه النظر ماكنه ينشافي

ذا الوقت فيه الثعل صار اكبر مصيبه=ماقيل في مامضى شفناه ياكافي

من علة دودها بالقلب يمشي به=وبسبابها صار في اغلاث واهرافي

عير نهق وابلش العالم بنهيقه=واذا العرب يوم حصل زود الاعلافي

لاصار مايربطونه في عراقيبه= ويحط بيديه زود قيود واكتافي

هذا دواء راعي النمات والغيبه=خبل كما قالوا اهل العرف متعافي







مناسبه هـذي القصيده قالها يطلب الله فيها بالحــيا ,وكان ذلك بعد انقطاع طويل للمطر عن برك وكثير من مناطق المملكه ويناجـي فيـها ابــنه .









عسى الله يعــود بعــادة الخــير ياسلــطــان= ويرجع لنا الله بالحيا عقـب الامحــالي

بنــوا عــلى الــديــره يـجـي ماطــره ودان = ثلاثيــن يــومــا فــوقـها الـوبـل همالي

يعدون سيلــه من بنــي رمــح إلى بيضـان= ويــقــولـون مــابـه وادي كـون ماسالي

ويسقي الديــار اللي عـربــنا لــهـا سكـــان= حموها بحد السـيف ماضــين الافعــالي

حموها بحــد السيــف من لمــة العربــــان = وصــانوا حماهــا من قديمـات الاجيالي

بجاه الآله اللي ضمن رزق كــل انســـــان= آلـــه العـــباد اللي علــيماً بــالاحـــوالي

جزيل العطى معطي العطايا بغـير اثمــان= سوى الحمد له واخلاص عبده بالاعمالي

لكـــان لاحـــنـا بــــبـــدوا ولا شــــــــوان= لكــن الحــيا يــحي ويطـــرب لـــه البالي

وختامها صلوا علـــى مارثــــة عدنــــان= شفيع امـته عــند الــولي يــوم الاهــوالي







لقصائد العرضه النجديه في شعره دور ولدي اكثر من قصيده عرضه هذه واحده منها:







مني سلاماً عد همال المطر =واثني سلامي للبلدو ورجالها

دار الرجال اللي ينالون الفخر=ترثة يسوداً نفتخر بفعالها

مقدمة للضيف بأيام العسر=صيانيا تصعب على شيالها

يرسخ بهم غرسا تهزع بالثمر=حمله لهشال الخلا يجنالها

كم طامع قد طمع فيه ولا قدر=غرته نفسه يوم ربي زالها

ماحيط بالجدران من صوب الخطر=آلاد زايد سورها وظلالها

من حد جو خريص لا دون القهر=دار آل زايد مدنها وسهالها

ديرة حمول الخيل لاثار الكدر=كم فارساً قطوه طول حبالها

عفوا جوانبها بسبرات النظر=وحدبا كما وصف البروق اشعالها

بإيمان قوم مايهابون الخطر=تشري الفخر بارواحها واموالها

يشهد لهم سكان بره والمدر=واصدق شهود للرجال افعالها

وصلاة ربي عد مابان القمر=وماغابة القمرا وهل هلالها

على النبي الهاشمي سيد البشر=شفيع خلقه يوم تلقى اعمالها











هذه القصيده قالها رحمه الله في ولده منيف عندما سماه على منيف ابن حمدان الشكره مفتخر به وببطولاته مع قبيلته ويقول فيها:







قال الـذي من خـيرة الـقول يخــتار = ويـعـتز بالطـيب ويـفـخر بـذكـــراه

يامنيف سمـيتك على واف الاشـبار = وارجي عساك تصير مثلة وشرواه

باسم الذي جاء للطرف درع وحضار = ليـثا حـما الديــره بســـيفه ويمـــناه

وبالسيف لا رقاب المناعـير جـزار = ومـــن هيـبته كــل يهــابـه ويـدراه

لك الفخر والمجد يادار الاحرار=دار الفخر والمجد والعز والجاه

توجد بها النخوه وعطف على الجار=وبها الفخر والمجد والطيب تلقاه

يادار ابن حمدان مشهور الاخبار=لو مات ما ماتت فعوله وذكراه

سجل لها في صفحـة المجد تذكــار = تــاريخ مــجدا كـل الاجيال تقــراه

ودع بها من بر فيها ولا بار = آلاد شكــر ويل مـنهم لــه اعـــداه

قبيلتا تـعـرف عـلى قــب الامهــار = تعــرف مواقــفـها نهـار المـلاقــاه

ديرة هل العادات لوصار ماصار = كم واحدا من هـقوته تقــصر خطــاه

ويسقون عدمين العدا كل الامرار= بحدب السيوف الي من الموت مسقاه

تمت وصلى الله على سيد الابرار = عـلى مـحمـد بـــأول الـقـول واتـــلاه









هذه القصيده عندماكان بالكويت رحمه الله وكان من ربعه من كان على نية العوده

للسعوديه فقال هذه الابيات وكانت تعبر عن مافي نفسه من رغبه في التواجد بين ربعه

وفي ربوع ديرته اترككم مع القصيده واعتذر على الاطاله :









ياهل الونيت اخذوا لنا معكم وصاة = خفيفة المنقل على نقالها

رسالة مقدارها عشر كلمات = للي تبيض بالوجيه افعالها

مكتوبة بالورد والمسك الدواة = والنصر من رب العباد اكمالها

للي رقوا بالمجد روس النايفات = والبيض في روس العلا تبنالها

ودوا سلامي عد وبل الراعدات = والفين مليونا وعشر امثالها

لــآ لاد زايد كاسبين الطايلات = تشري الفخر برواحها واموالها

عاشوا حماة الدار قهار العداة = والدار تفخر في افعال ارجالها

دار حميناها بضرب المرهفات = اللي كما وصف البروق اسلالها

على العدا مثل النجوم المرسلات = بامر الذي له منعها وارسالها

دواسر مثل الجبال الشامخات=ترسي كما ترسي رواسي جبالها

على العدا مثل النجوم المرسلات=بامر اللذي له منعها وارسالها

قوم الى ركبوا ظهور المسرجات=تقضي بعض الارواح قبل اجالها

كم طامعا غره غروره بالحياة=جاء يبغي الديره وحط بجالها

مقابر من يوم كانت للغزاة=ومن جايبيها ندفنه برمالها

وصلاة ربي عد وبل الراعدات=واعداد ماتذري الرياح ارمالها













مناسبة هذه القصيده كان رحمه الله يعمل في دوله الكويت

وكان يتمنى العوده الى ديرته وربعه وهذا يبين انهم لم يغيبوا عن باله لا الأهل ولا الديره ولا القبيله ولاكن تواجده هناك للبحث عن الحياة الكريمه مع امثاله من الرجال الذين تغربوا عن ديارهم واهلهم لهذا الهدف فالحياة لاتخلو من هذه الامور من الغربه بحث عن عمل او دراسه او تجاره وما الى ذلك وقد قال هذه القصيده مخاطبا

زميله في العمل انذاك ويدعى عبيد ويشكي عليه الحال :







يـــا الله يــا لــي مـــدتـــك مــالـهـا قـيـاس = يـا واحـــدا وأ رزا ق خـلقـــه ضــمـنــهـا



أفــرج لــقـــلـبـا غــاديـا فـيـه هــوجــاس = وعينــا ظـلـمــهــا وقــتــهــا وامتـحـنــهــا



حـدتـنـي الـدنـيــا عـلـى قــطــع الارمــاس = عــن ديـــرة مـــا نبـغــى الـبعـــد عـنــهــا



يــاعـبـيـدعـــيــا لا يــجـي عــيني أنعاس = وعـافـت لــذيـذ النـوم تـبغــي وطــنــهـــا



تـبـغــي الــديــارالــي لــنــا بـــدة الـنــاس = دار ال زايــد غـــيرهــم مــا ســكـنــهــا



دارا خـــذوهــا فـــوق زلــبـات الافــراس = والــــدم الاحـــمــروالــثـمـيـدي ثــمـنـهـا



وحـدب السيوف الى لها قـطـف الا نفاس =وشـلفـا يـخـافـون الـعــدا مـن طــعـنــهــا



بالسيف ما جتــهــم بحـبــرا وقـــرطــاس =ولا عــطــا مــن الــعــالم ولا مــنْ مـنهــا



وصـلاة ربـي عـــد مــا هــب نـسـنـــاس = مــاغـــنــت الـورقــى بــعـــالي لــحــنـها













[align=center]مناسبةهـذه القصيده قالها الشاعر وهو يصـف ديرته ويطلب الله سبحانه تعالى لها بالحيا والمطر المستمر لها نظرا لحاجة الاولين بصراحه اكثر من وقتنا الحالي للمطر فتنبت به الارض وتتغذا منه الماشيه وهذا من حبه لهم رحمه الله وانتقل يمدح ربعـه ويتنومس بفعولهم وتاريخهم المشرف .









لي ديــرتا ماهيب توصـف بـغـيرهـــا = حــيـثا مــالــه بـالــديـــار وصـــــيف

ان جا الشتا نلقى بها الــكـــن والــــذرى= والقــيض نسنــاســـا هــواه لـطـيــف

سقــــاهـا الاه الخــلق من رايــح الحـــيا= لــيلا بـعــــد ليـــلا يـجـــيــه قـنيـــف

رواح وسـمــــي حــقــوق مــخــايــلــــه= لادبـــرالـوســمي يــجيـــه الصــيــف

بجـــاه الالـــه اللــي عــبــاده تســالـــــه= يعطي ولا لــه فـي عــطـــاه نــكيــف

عطــأيــاه مـايـبـغــي جـــزاها من الملا= رب الـعبــــاد وبـــالعـــبـــاد لــطـــيف

ديــرة مـصانــيـــم الـــدروع ال زايـــد= وديـــارهــم مــلجــا الــكــل اضـعيـف

كـم طـامــع بــالــسيــف ردوه دونــهـا = ثـــم راح مـنهــا خــاســرا ومـعـيــــف

دار حــمــينــاهـــا وصـنـــا حـمـــاها = فــي حــربــت الشــلفا وحــد السيـــف

ويطــوعــون الشــره بـالسيـف والقنا= كمــا يطــوع بـــالــخطــام عـسيـــــف

من الخـرج للهضب المـسمى يحــدها = غــرســا ظليـلا والضــواحـي ريــــف

ماحيط بالــجــدران مـن يمـة الـعـــدا = تحمـــــيه عــــودان القـــنــا والســيــف

ذا قــول مـن قــال الحقيــقه وعــدها = حـقيــــقة مــاقــــــالـهـــا تــــزيــيــــف

والسيــف يشـــهد والتــواريــخ والقنا = بهـــزيمــة نــكــــرا علــى الشــريــف

دون الدخــيل اللـي زبــن في ديارنا = ودخــيــلــنا مـحــــدا عــليــه يــحـــيف

صـفحــات مــجـدا سجلوها جدودنــا = نصــرلــنا وانــــا عــلــيــه انضــيــــف

انضيف مـانـكسـبه المـجد والفــخـــر =ولاضن مـعـروفــا يــبــي تــعــــريـــف

تمت وصـلاة الله علــى سيــد البــشر= اعـــداد مــاهــــل الــهـــلال وشــــيــــف

سلطان بن دخيل الله الشكره
16-08-2010, 08:44 PM
هذه القصيده

مناسبتها قالها رحمه الله مدحا

في كل من محمدابن حسن ابن عجب ال حفيظ واخوانه بداح ابن حسن وفيصل ابن حسن وفرج ابن حسن وعجب ابن حسن وفيصل ابن فيصل ال حفيظ ومن معهم من جماعتهم

على خلفية علم غانم لهم.







قــال الــذي بافعــال ربعــه يمـــاري= وبفـعــالهــم نـعـتز جــيلا بعــد جـيل

يــامــن جـرالـه مـن غـروره جواري= الـحــق مــأيـوخـذ بـغــدرا وتضـلــيل

حــقـا وراه ارجـــال لــوكــنت داري = تعـــرف بغــير معـرف مـثل مـا قـيل

تعرف بغـارات الضحى والعصـاري= وتــبرالهــم دهــم السـرايـا زعـاجـيل

تــاخــذ حقــوق القـوم غـصبا جباري=وانتــوا تبــون حقــوقهــم يالمهـابــيل

كــل افتـخ دون الـديــار انـتــحـــاري= مـاهــوب حـكـي قـليـلـين المـحاصيل

جــاتــك حــرار مـن سـلايـل حراري= اللــي مـخـالـبهـا تـشيـل اللـحـم شــيل

تــرثـت يـسـودا للـفــرايـس ضـواري= يـســودا فــرايـسـها قـروم الـرجاجيل

عــاداتـهـم نـطح الـمـعـادي جـهـاري= وهــداتـهـم تـبري الـكـبودالـمـغـالـيل

تـظــرب بـغـبات الخـطـرمـاتــداري= مـاحـسبـوا للـحـاضـره والمـقــابــيل

كــم مـن طـريح فـوق راسـه تثـاري= وكــم مـن يــديهـم طايح طاح ماشيل

يشهــد لـهـم زرق القــنا والســواري= وحـدب السيوف مطوعات المشاكيل

دون الغــروس ولابسـات الخـزاري= عــربــا بهــم تـرعـى نبات المساييل

امـــا يـــمــام سـهـــيل ولا شــمــالي= ويــبرونــهــا مــن فـوق قـبا مشاويل

كــم ديــرة فـيـهـا تـســج الـخبـــاري = للريم فيهـا والـوضـيـحـي مــداهــيل

وكــم عثـعـثا تلقى لهم فيـه اثـــاري= فوق الرمك ولا على كنس الـحــيل

ومن شافهم تكـثر علـيه الطــوارى = ويمسي سهير العـين مايمـرح الليل

وصـديـقـهـم بـالعـز في راس عالى= وحــريبـهـم تـسقـيه ويـل بعـدويــل

الاد زايد مـلــحقـين الـتــوالـي= لادبــرة خـيـلا وخـيــلا مــقــابــيل

قــولا صـحــيح والحقيقه تقالي= ويـثـبت لك التـاريـخ عـدا وتفصيل

وصـلاة ربـي عــد وبـل الـخـيـالي = عـلى النـبي اعــداد وبـل المخـاييل









هذه قصيدها قالها رحمه الله في بني عمه ال حفيظ ممتدحا اياهم وهم يستحقون اكثروهذه القصيده قديمه جدا وواضح من خلال ذكره الهافات وهي تعبر عن نفسها :







قـال من يـخـتار مـن زيـن الكلامي= من حـسين الـقول ياخذ من اخياره

بـادي رجـمـًا عـلـى الامثـال زامي = يـتـعـب الـرجـلـين ذبـه ونـحـداره

صافـيا جـوه عـلى غـايـة مـرامي = مـعـتـدل لافـيه بـردًا ولاحــراره

من هـضاب طـويق عـلتها الوسامي = دارنـا لا عـتـز كـلاً في دياره

ياهـل الهـافات هـيضتـوا غــرامي = جعـل رب الـبيت يـكـفـيـكم خـطاره

مانـحـب نـطـول عـليـكم بالكـلامي = كـلـمـتـيـن(ن) ما نطـول بانـتـظـاره

ريـظـوا واخـذوا لـنا مـعـكم سلامي = لـلـشـيـوخ اهـل الـمـروه والامــاره

لاسـرة الـحـفـيـظ مـرويـن الـسـهـامي = مـروية روس الـقـنا في كـل غــاره

لامـيـشـيـتـوا سـاعـتـيـنا بالـتـمـامي = ثـم لـفـيـتـو عـنـد بـيـــتاً كـــنـه قـــاره

جـاكـم الي صامـلا مـن يـوم قـامي= مايـطـيـع الـضيـف لـوكـثرعـــذاره

قـدم الـتـرحـيـب ودلــلاً شـوامـي = وخـمـس رسـلانـا عـلى رس الـمـناره

والـعـشـا مـن بـعـدهـا عـنـد الكـرامي = عـنـد شـيـخـاً يـعـطـي الـخـاطـر وقـاره

ما يـقـدم كـون شـامـخـة الـسـنـامـي = يـذبـحـه لاصـار ما يـكـفـي حــواره

عـنـد من سـمـوه في خـيـرة الاسامي = باسـم من بين العـرب شاعـت أخباره

فـارس الفرسان في يوم الزحامي = كــل جـــوًا هــاديـــا ثـورغــبـاره

لاغـد قـدح الـرمـك مثـل الكدامي = مــايـهـمـه كـون عـزه ونـتـصـاره

شـيـخ قـوما مـن حـربهم ماينامي = تـسـقي العـدوان كـاسات الـمـراره

لاد شكـرا نخـوة رجـالا عـضامي= نـخـوة ورث صـغـارا مـن كـبـاره

والعـدو لـو شافـهـم لو بالحـلامي = جـض جـضة مـن وطـا داب الخباره

وبعـد ذا يـبـدي حـديـكـم بالكلامي = عـن كـثـير الـقـول يكـفـيه اخـتصاره

حن علينا ظربهم فوق الهوامي=وهوعليه من الملوك الى الوزاره

وذكـر ربي عــد هـمــال الـغــيــامي = عــد وبــل الــسـحــب لاهـــلــه امطاره













هذه قصيده قاليها في سعد بن مبخوت ابن عجيبه ال حسن الشكره وكان من من كانوا معه بالكويت ايامها وتربطه به علاقه قويه حتى بعد ماعاد رحمه الله من الكويت استمروا بزيارات بعظهم هنا بالسعوديه فقد كان له مكانه خاصه عنده رحمه الله والقصيده تعبر عن نفسها









يامن يوصل لي سلامي ونجزاه = ولا وصل ابو سالم عداه الملامي

سعدا سعد دل اللذي يوم سماه = واختار من سماه خيره الاسامي

وسعد اللذي في ساعة الضيق ينصاه= عند الشدايد يوم مس الحزامي

له موقفا لايمكن القلب ينساه = ولايمتكن ننساه دايم دوامي

اربع صفات فيه توجد وشرواه= ماتوجد الا بالرجال العظامي

فيه الكرم والطيب والحلم تلقاه= وموهبه ربي دليل الكلامي

وصلاة ربي باول القول واتلاه=وعلى النبي مني صلاة وسلامي











هذي قصيده من باب الفكاهه قالها في سياره كانت بعمله ولم تعجبه ولاكن

كان مجبر على استخدامها بالعمل نظرا لعدم وجود بديل لها مع كل الاحترام والتقدير

الكبيرين لاهالي المناطق المذكوره ليس القصد من ذكرهم فيها التقليل

من شأنهم لاكن السبب لانها مناطق بارده ولا تعاني سياراتهم من

تأثير الحراره على محركاتهاولاترتفع حرارة السياره فقال فيها هذي الابيات

وهي تعبر عن نفسها:







راكب الىماتنومس من ركـبــهــــــا = واردالنيسان ماهيب امحبــوبـــــــه

صنعت السيهات ماتحمل تعـــبــهــا = جعل يمنا صانعه تكثر اعيوبــــــه

من رداها ماتزبن من نهبها = ومن رداة النور بيضيع دروبه

ولاانتحت به مسرعه لحقه طلبها = ومن ركبها دايم يحسب ذنوبه

جعل عين تعشقه تلقى سببها = وجعل قلبا حبها يمرض بنوبه

ولـونـواه أيـبـيـعـها مـحد رغبهـــا = وان ركـبهـا لين مركبها اعقـوبـــه

مايبيـها كـون اهـل جيزان وابهـــا= ومن شمالي ظلع جازان او جنوبـه

والحـرارة نـار مـايـطـفـى لهــبـها = لــوبشـط النـيــل مـأيـطـفى شبوبه







وهذه القصيده يصف ديرته فيها ايضا:











دارا بدل ديرتي يـاعـبيد مـا بغـيهـا = مابغيـه ياعـبيد لـو زانت مـناظـرهـا

شوامخـا فـوق سطح الخـد مـرسيها = بامر الا له العـزيز الي مصورهـا

وسهالـهـا الرجـل مـاتحفي مواطيها = لا كن زل العـجـم فــوقـه مـنشـرهــا

مهـمـا يطـول الــدهـرمـانيب ناسـيها = في خـاطـري دايـمـا والقلب ذاكرها

جعل الحيا من ألـه الخـلـق يسقـيهــا = من مـزنة سيلهـا قـدام مــا طــرهــا

يسقي لـنا دار قــومـا نـفـتخـر فـيهـا = على المعادي لرب الـبيت نـاصرهـا

ديـرة يسـودا بـحـد السـيف تحـميهــا = كــم سـربه كـثروا فـيهـا عـقـايـرها

برواحـهـا الـغـالـيـه والـمال تفــديهـا = لابــار فـي داره الـي مـايــقــدرهــا

دواسرا يشهـد الـحاضر بمـاضيـهـا = وافـعالها الماضيه تشهد لحـاضرهـا

فـعسى الذي ديرته لـعــداه يعـطيـهـا = عـسى يمـينـه تـعـلـق بـه جـبايـرها

وتمـلك دياره وتـاكـل من حـلاويـهـا= ويمناه من مـصلحة داره تخـطــرها

ويشكي مرض عـلـة يبحـل مـدويها = عـلـة خفا تبتحـل فيها دكاتــرهــا

الـدار عـذرا وسـتر الـدار أهــالـيهـا= من هيبة رجالها مـحـدا ينــاظـرهـا

وذكر النبي عــد ماتذرى ذواريـهـا = وعـداد من حـج بالكعبه وزايـرهــا













مناسبة القصيده



هذه قيلة في بني عمنا ال بريك خاصه واللي معهم من الشكره في برك في وقفتهم مع بعض وقف رجل واحد في موضوع مشترك في وادي برك



والطرف الاخر



ليست في قبيله بل في شخص اعتذر عن ذكر تفاصيل اكثر لانها قريبه وعفالله عن ماسلف









احسـن نبـا جتـنا عـلـومـه والاخبـار= يــومــا بـــه الطـماع دنــا رحـيـلــه

اللي رحـل مجـبورماهـوب مختــار= واليـاس كـسبـه والنـدامـه حـصيـلـه

من ضـرب قوما مايهابون الاخطار= مركـاظهـم يبـري الكـبـود العــليـلـه

اثقل على العدوان من ضلع سنجـار= واثقـل من العارض على من يشيـله

تســلم يـديـكـم يـاحمـا الـدار والجـار= نعـتـز فيــكــم والـوطـن والقــبيـلــه

حيـث الـديـاروداعـتا عنـد الاحـرار= وتحـمـى الـديارونـاقـضات الجديـله

كــم غـلـمـة لـديــارنــا جــاوا زوار= وراحـت عـليهـم فـي نحـانا سحيـله

عيوبـهـا كسابــت المــدح والــكــار= خـطـلان ليــدي كــاسبـين النفــيلـه

اللي نهار الهوش ترخص بالاعمار= وتفـدي بها دون الغــروس الظليـله

قوما تنـال الـمجــد بالـمـوسم الحـار= لاعــلقــوا بـــارقــابـهـن الشـلـيلــه

الاد زايـــد لاتــبــادوا بــالاشـــوار= كـــم واحــداحــطـوا بـكبـده ملـيـله

وحـريبهم يشرب قراطيع الامـرار = وتسـقـيه منـها شــربـــة وتعـلـيلـه

وصلاة ربي عـد هـمـال الامـطـار = على الرسول اعـداد وبـل المخيـله













دائما وبشكل مستمر لايجد للقصيد عذوبه الا عندما يكون ذلك في وصف ديرته وبهذه القصيده كغيرها من القصائد صوره من صورالحب والوفاء لهذا الوطن الغالي ومن فيه من الاهل والاقارب وبني عمه وكذلك معارفه من ابناء قبائل الدواسر وكذلك القبائل الاخرى ومناسبتها كان مسافر خارج المملكه ومع زميل

له يقال له عبيد وسئله قال لوخيروك يابومحمد بالديره هذي ولا ديرتك وش بتختار فرد عليه بهذه القصيده وهي تعبر عن نفسها :







لـي ديــــرة مـانــي الــغيـره بــمـخــتار= تــمتــاز بــالمــوقــع وحـسن الطـبيــعه

دار ســـكنـهـــا كـــل عــــدم وخــســار= اهـل الـشهــامــه والنـفـوس الـرفـيـعــه

ودع بـهــا زايــد هــل الـمـجـد والــكـار= خـطــلان ليــدي مـحتمـين الــوديـعــــه

عــاداتــهــم مـن دونـهـا بـيـع الاعـمــار= امــا الشــهــامــه والــشـرف مـاتـبيعــه

يرسـخ بهــم غــرســا عيـــادا وجـــبــار= ورثــا مـن الجــدان مـــاهـــو بــديـعـــه

مـاحيــط مـن صـوب الطـماميـع باسوار= سوره رجالــه بــالســهــوم الســريــعــه

كـم طــامعـا قـد طمـع حـلـواة الاثـمــــار= وعقب الطمـع ضاقـت عليــه الوسـيعــه

غـره غـــروره والامــانــي والافــكـــار= وقــطـوه خــلـفــا للــذيــاب الــمجـيـعــه

من ضرب من تسقي العدا كاس الامرار= وافـعـالـهــم يـــوم الــمــلاقــى شنيــعــه

هـــذا خــيـاري كـــان يــاعـبـيد بـخــتار= حيثه هـوى قــلــبي وغــايـــة ربـيــعـــه

تـمـت وصــلــى الله عــلى سـيد الابـرار= راع الـــرســـالـــه للــعــباد وشــفـيــعـه

سلطان بن دخيل الله الشكره
16-08-2010, 08:45 PM
هذه القصيده من قصائد العرضه في قصيده رحمه الله









لي ديرة منها نرد الطامعين=لاغر بعض الطامعين غرورها

دارا رسمناها بروس المعتدين =ورسومها روس العدا وقبورها

دار الغروس ودار جرعاة الحنين=مارد من صوب الحفيف انشورها

وهدب الجريد اللي يشوق الناضرين =اللي تعدل باليدين نهورها

حامينها بالسيف خطلان اليدين=وروس القنا والسيف الاملح سورها

وحامينها بالسيف والجمع الرزين=وحدبا على حسب الرماة اظهورها

بايمان قوما للمعارك داربين=ومعلمين للحروب بزورها

دواسرا بالطيب تجزا الطيبين=وترد كيد اهل النكد بنحورها

عادات جيلا بعد جيلا وارثين=جيلا بعد جيلا تقوم بدورها

واللي حظر يكفون دون الغايبين=وتنوب دون الغايبي حظورها

تبقى بحيل الله على طول السنين =ليالها وايامها وشهورها

صلوا على الهادي شفيع المرسلين=عد الرمال وبرها وبحورها

رسول ربه بالهدى للعالمين=رسالة بالحق يسطع نورها













هذه القصيده قالها رحمه الله في عجب ابن مناحي ابن حفيظ واخيه محمدابن مناحي ابن حفيظ امير شمل قبيله الشكره كانت تربطه بهم رحمه الله علاقه مميزه بالرائي والمشوره نظرا لثقته رحمه الله في رائيهم السديد فكان لهما تقدير خاص لديه رحمه الله وهي تعبر عن نفسها:







يا محـمـد الـقـرم جـينا صوبكم عـاني= والـقـرم من جـاه ما خـيـب مـطالـيبه

لي لازمًَََََََََََا عـندكم ياطـير حـارني = والـهـقـوة انك عـلينا ما تعـيـيـبه

ابا ستشيرك وغيرك واحدا ثاني = حـيثــًا شـورك يدل الراي ويصيبه

والا أيلا جيت عجبـً كلـش هـانـي = حـلال ماكـاد لاصعـبت مطـالـيبه

يامـركز الـطـيب ياتـرثة كـحـيلاني = ياعـيال من في الـقا فـعـله نماريبه

مناحيـًا لاتــغـرشى الـجـيش دخــاني= له ماقـف من يعـرف الـعـلم يـدريـبه

لاقـيـل ياهــل العـوايـد يـوم الاكـواني = من دون تالي النضى روحه يفاديبه

عـوايـدًا ورث شـيـبانا لـشـباني = وكـلا لـمن سابـقه يركـب مراكـيبه

ورجــلاً بــلا لابـتا يهـزم ويـنهـاني = لـوكان في الـقـوم ساطـية مظـاريبه

ورجلاً بربعه على العدوان له شاني = وتخضع له ارقاب روس الناس وتهيبه

والـضو ماولـعـت من غـير دخـاني = ويـزيد صاليه لا كـثرة مـشاهـيبه

وصلاة ربـي عـدد مـا هــل ودانـي = اعداد من حج بيت الله وصلي بــــه













مناسبة هذه القصيده قالها الوالد رحمه الله في اخوياه اللي كان برفقتهم عندماكان يعمل في احد الشركات التابعه لشركة ارامكوا وهي تعبر عن نفسها :









ســلام رديـــه عـلـيكــم يــاحضــور= واللــي غــيابــا حــقـهــا يبــقالـــهـــا

اللي حظر يكفي ومـن غـاب معــذور= من ربعــنا اللي نفـتخــر بافـــعالـــها

ياللي لكم في مـاضي التــاريــخ دور= غرب الديار وشرقــهــا وشــمالـــها

يــامسجـلة للمـجـد تـاريـخ وسطــور= ابشركـة الـجيـساي هـي ورجــالــها

ماجـات مـن خـدا تحـط بـها عـــبور= وتفـتح طـريـق بـالجــبل وســـهالـها

مــرا مسـانــيــدا ومــراتــا حــــدور= نــبــرالــهنــه والســعــد يــبرالـــهـا

ماحن بقوما كــل زور فيـــه شــــور= ولابــغــة دربــــا كــثر عــذالــهــــا

يامفجرة بالارض بـترول ونــهـــور= من غيرهـنه مانعــرف اشــكــالهـــا

ومن يزرعون الورد يجنون الزهور= والمـهــمـله تجــني ثمــار اهمالــهــا

دامــت ليــالــيكم على خـير وسـرور= وفي ضل من عـم الديـار ضــلالــها

وصلاة ربـي عــدة امــواج البحــور= والفـــين ملـــيونا وعــشـرامــثالـــها













مناسبه هذه القصيده كان يناجي فيها شخص يدعى سعد وبصراحه لا اعرف رحمه الله من هو سعد لاكن الارج انه كان يقصد اخوه في مناجاته وهو سعد بن محمد بن دخيل الله اطال الله عمره والمقصود بـــ ماوان هو وادي يسكنه بعض معارفه رحمه الله من القرينيه وبعض القبائل الاخرى وهو بين محافظة الدلم ومحافظة حوطه بني تميم وكان يكثر به الصيد وهي تعبر عن نفسها:







ياسعــــد نبــغـــي الـ مــاوان زيــــاره = كــل مــامــريــت مـال القــلـب صوبـه

مــن مـعــزة مــن ســكــن فيـه ووقاره= يجــذبـه حـب الوطــن واللي ربــوبـــه

لــومــشيــنا الليــل كــلــه مــع نهـــاره= مــانـــواه القــلــب مــاجــابــه صعوبه

اشــهــد انـهــا عــنــوة مـاهي خسـاره =ســاعـــة مــاهي من العمـرامحسـوبـه

صـوب دار ســاكـنــا فــيهــا اثـمـــاره=عنــد اهــلـهــا واكـثرالنــاس امـحبوبه

ديــــرة فـيهــا البــداوه والحــضــــاره= وقانصين الصيـد منهـا الصـيد جوبــه

بـــدلـــوا بـيــت البــداوه بــالـعمـاره= شـامــخ البنـيان شـيـفتـها اعــجــوبـــه

كــن ســاكـنـهـا سـكـن فـي راس قاره= يلحـقــه من صافي الغربي هــبــوبـــه

في طرف غرسا من العارض اجداره= مـن شمـالـي بـين واديـــه وصـبـوبــه

من سـلايـــل شايـــع والــــــدار داره= يعــرفــون ويــعـرف اسمـه لنـتخوبـه

جـعــل هـمــال المـطـر يسـقـى دياره=من طـلـوع الـشمـس لاحــزة غــروبــه

لا ولاجتهـم من احـدا مـنــه اعـــاره= كــم طـمـــاع يــبيــهــا ومـهـيــــوبــــه











هذي قصيده قالها في طريق الرجعه بعد اداءه فريضة الحج الاخيره في عام 1419 للهجره التي توفي بعدها بشهر وكان ذلك عام 1420 للهجره رحمه الله رحمة واسعه واموات المسلمين وكان برفقته حسن بن محمد ابن حسن ابن عجب ال حفيظ وكان يناجيه بهذه القصيده:









ياحسن قد ذاك ضلع طويق باني = عقب ضلعان الحجاز وماوراها

ديرة فيها عربنا والعواني = وللشحاذه ماتمد الها ايديها

للضيوف اتقدم الحيل السماني= وتعطي الخطار من مالله عطاها

جعل تسقيها مراديف الغيامي = بامر من مشاه بامره في سماها

جابه اللي كنها فرخ القطامي = سلم سايقها وسلم اللي شراها

كنها شيهانة والليل دامي = سمعة الصقار يدعيها عشاها

واذكر الله رب الايات العظامي= باية للرب مخلوقه قراها

واذكر الله بالبدايه والختامي=باول الكلمه وباخر منتهاها













مناسبه هذه القصيده قالها رحمه الله يخاطب فيها ابنه محمد وكان يطلب منه ايصال

شكره وتقديره الخاص ل فراج المصارير على ماقدمه له رحمه الله من علم طيب يستاهل الثنا عليه

واترككم مع القصيده الان





انا حالفا يافاعل الطيب ماننساه = اذا سجو اللي فاعل الطيب ينسونه

ومن قدم المعروف فعل الثنايلقاه = يحصل جزاه وفوق حقه يزيدونه

ويامحمد المنعور برسل معاك اوصاة = سلاما على فراج معكم تودونه

سلاما عدد ماينثر النو صافي ماه = سحاب تكاشف بارقه بول مزونه

مع ازكى تحياتي لبوعايض مهداه = هدية اكرام لاعطوا مايمنونه

ويستاهل البيضا رفيع النسب والجاه = ثلاثين بيضا باجزل الشكر مقرونه

من لابتا شجعان والعدو ماتخشاه = ومن غيررب البيت ماهمب يخشونه

مصاريرتعرف يوم تدعى العرب بسماه =والى عدواخبارالقبايل يعدونه

عيال الحبيبي والفخر مرثه لابناه = رجال تبيع الذل والعز يشرونه

رجال الشهامه والكرم والفخر والجاه= صفات بهم تعرف وهم يستحقونه

وبالخاتمه ذكر اللذي خالقه نباه = رسولا لخلقه كل يوم ينادونه













مناسبة هذه القصيده هي مدح في فهد ابن فريج الشكره فقدكانت له مكانه كبيره بحكم العلاقه الشخصيه التي تربطهم ببعض والتواصل المستمر بينهم رحمه الله فقد كان يمتدحه نتيجة مواقفه المشرفه مع ربعه وحرصه عليهم وصفاته التي يتميز بها عن اعيان القبائل الاخرى ومكانته عند بني عمه الشكره والقبائل الاخرى وله الكثير من القصائد فيه هذه واحده منها.







بديــت بـاسمـك يـارفـيـع الـجــلاله =وانـت الالــه ولاســواك مـعـبـودي

للعــز يابـيــتاعــسى العــز فــالـــه=منصى الرجال ومسكـنا للـيسـودي

بيـت الكــرم يـرتـاح لـه من عناله=لاجــاه مـن ظيم الزمـان محـدودي

يـلقـى بـه الرسـلان صـف قـبـالــه=عـلى خـشب سـمـرا لضوه وقودي

وصـنـيه للظـيف يصـعـب مشــاله=عند اللـذي من جودة الله يـجــودي

بيتا عـزيـز مـن مـعـزة ارجـــالــه= اللي لـهــم مـن يعــرفـونه شهودي

من غاب مـنهـم نـاب الاخــربـداله=تـرثــة يســودا مــرثتـهـا يـسـودي

عـاداتـهـم كـسـب الفـخـر والجماله=عــوايــدا مـن دورعــاد وثـمـودي

عيـال من بـالطـيب وصى عـيالــه=ورى وصاتــه زودوا بـالـحـدودي

فـهــد فـهــد نـعـــتزلاجــامـجـالــه= يسلـم وتسلـم لـه اخـوانـه عضودي

ابــوفــريــج اللـي شهــوده افـعــاله= اللي بكـسـب الطايـلات محـمـودي

رجــل المــروه والكــرم والعـدالـه=عـلـيه كـسـب المـرجـلـه مايكـودي

كم شال من حمـلا ثـقــيلا مشــالــه =ويشـل حملــه لـويـجـي فـيـه زودي

لعــــل مــانـعتــاض فـيـه ابــدالـــه=ويـبقـى لنـا ذخـراعـريب الجـدودي

هــداج تيـمـا يــوم يـظـرب مـثــالـه=مـانـزحـت جـمـه كثـــيرالــورودي

ولاكــل رجـلا يبـغـي الطيب نـاله=والطيب صعب مثل ذب السنـودي

الاعـلـى من تـاصل الـمـا حـبالـــه=ولا يحسب حساب نـقـصـاوزودي

مـاهــوبـخـيـلا شـوفـتـه قــد حالـه=حيث البخيل النعمه الله جـحــودي

كالعارض الشامخ ضليلا ضلالـه=يذريك من حــرالهـوى والبرودي

وصلاة ربـي عــد ذاري رمـالــه=واعــداد مـاتذري الرياح النفودي

علـى رسـولا مـرسـله بـالرسـالـه= رب الـعـباد ولا سـواه مـعـبـودي

سلطان بن دخيل الله الشكره
16-08-2010, 08:52 PM
مناسبة هذه القصيده كان رحمه الله قد سمع ان الشيخ عبدالله الفصام دفع مبلغ كبير



لرجال من احدى قبائل نجد الكريمه كانوا يجمعون مبلغ من المال لتقديمه للافراج عن محكوم عليه بالقصاص مقابل تنازل اهل المقتول عن الدم واعطاهم مبلغ كبير من المال وقال لهم هذا المبلغ عني وعن جميع الدواسر فارجوا الاتطلبوا منهم شي وهذا نابع من احساسه بان هناك بعض افراد قبيلته من ذوي الدخل المحدود ولا يستطيعون الدفع في حاله مرور هؤلاء عليهم وهذا يجبرهم على الاستدانه وان يتحملون مالا طاقت لهم به ودون وجييهم فبيض الله وجهه وجعلها الله في ميزان اعماله الصالحه وكان موقفا يدل على شهامة وكرم لاحدود له وقال هذه القصيده مدح فيه وفي قبيلته المساعره وهو وهم يستحقون ذلك.




واترككم مع القصيده وهي تعبر عن نفسها



هيهات يابنت الرجال القرومي= لاتعشقين الاعريبين الانساب

شومي لبوفهاد جعله يدومي= اللي رقابالمجد فيكل مرقاب

قال اللـذي يفــخــر بــفــعــل الـــقـرومــي= ويعــتز فــي طيـــب ابن عــمــه الى طاب

للــــعــــز يـــابــيــت لك الـعـــــز دومـــي= بيــتاعــن الخــطـار مــاصــك لــه بــــاب

بــيـــت الـــذرى من بــردهــا والسمومـي= لـــعـــل عــــزه دايـــم الــــدوم مـاغـــاب

نــــاس مــســـأيــير ونـــاس تــقـــــومـي= هـــــداج تــيــما مــرويـــا كــل شـــــراب

وصـيــانــيا فيــهـــا مــن الـــــبل ردومي= ومن الغنم ماهــوب يقطــب لــها حــساب

لاكـــن جـــدع شـحـــومهـــا واللـحــومي= الـــحــــوم بـــوشـــا عــاثــيــاتـا به ذياب

قــــدام بـيــت اللــي يــعــرف الـســلومي= اللي يـعــرف حــقــوق ربعــه والاجنـاب

لاعــنــك مـــالــحــقه مــن الـنـاس لـومي= بــيــنه وبــين الايــمــه ســـتر وحــجــاب

عــبــدالله الــفـصـام خـصــم الـخـصـومي = خــصم الـخــصــيم وتفـتخـر فـيه الاقراب

لــيـثا لـكــسب الــعــز نــفـســه تـهــومــي= هـــوم اليــســد لاقــام يـقــرع بــالانـيــاب

وللــرايـــه الـعــلــيا عـــزومــا جـــزومي= ولايـسـتـشـير يـكــون عـصمـان الاشـناب

وسـمــا علــى كبـــد المــعــادي يــــزومي= واحـــلى من الـغـند المصفـى للاصــحـاب

مـن لابــتا تـكــفـيــك عـنـهــا الـعــلــومـي= زبـن الضــعـيف مفــرقـة جمـع الاحـزاب

اولاد مــسعــر يـــوم زرق الــسهــــومي= تكــسر بــروس حــرابــهــا كــل حــراب

يــــامـــاعــلــى الــعــدوان شنوا هجومي = في غـــــارة تــشــبـه لــبــوزيـــد وذيــاب

خـطــلان لـيــدي للــمــراجـــل تـسـومـي= تــشـري الــفـخر لوكان في قطع الارقاب

من شــافــهــم حتـى بطـيــف الـحـلــومي= يــجـض جــضـة من وطـة رجـلـه الداب

وحــريــبــهــم بــامـــرالالـــه مـهـزومي= اللـي بـنـصــره للـمـخـــالـيـــق وهـــــاب

من يـشـتـكي مـيـل الــدهــروالـهـمـومـي= يعــنز الــدار حــدهــا الـعــرق وهضـاب

بــين الــنــفــود ونــأيــفــات الــخـشومـي= دار الــقــويـد مـطـوعـة روس الاصعاب

يــرقـــد بـهــا اللــي ســاهــرمــأيـنــومي= ويــامــن بــهـا مــاكــنــه يـطــلــبه طلاب

حـــطــوا لهــا جــدع الجـمـاجـم رسومي= جــيـلا بــعــد جــيــلا شــبــابــا وشــيـاب

وجـــوب الـجـفــير اللــي لــه العز يومي= وغــيره ولــو عـديت ماقطب لها احساب

داربــغـــــير ارجـــالـهـــا مــاتــــدومــي= عنـنـيـمــة يــطــمـع بــهــا كــل كـســـاب

دون الــغــروس وضــافـيــات الـهدومي= شــلـفــا عــلـى خـيـلا وللـخـيـل ركــــاب

خــيــلا تـحـط صــفـوف لــعــدا ثـلـومي= وان لـحـقـت الـمـقـفي سريعات الاطلاب

حـــدرالــرجــال اللــي تـســد اللــزومـي= اللــي عــلى نــطــح الــطــوابـيــر دراب

يــوم الـثـمـيــدي مثـــل وبــل الـغيــومي= بردى قـنـيـفــا ينـثــر الــوبــل صــبــاب

كــم مــن يــديــهــم طــايحــا مـأيـقـومي= مـن ضـرب حـدب مصقل الهند وحراب

وحدبا تلامــع مـثـل لــمــع النـجــومــي= بـغـدرى ضـلامــا ليــلهــا والـقمـرغاب

وصـلاة ربـي عــــد وبــل الــغيــومــي= على الرسـول اعــداد مـاخــط بـكــتـاب













مناسبة هذه القصيده هي زيارة صاحب السمو الملكي الامير سلطان بن عبدالعزيز ال سعود حفظه الله الى محافظه الخرج.

ياعــزنــــا الـدايــــم









يامرحبا ترحيبة مالهــا حــــــدود = ولا تحـــددها المطـابـــع واليديـــــن

منشوعة بالمسك وازهار الـورود = حــق وتقديــر لكــم والحاضريــــــن

بك ياولد عبدالعزيــــز بن سعـود = ياعزنا الدايم ويالــــدرع الحصيــــن

افراحنا فـي كل يـوم بـك تـــــزود = من يوم قيل انك لوطـنــا زايريـــــن

الخرج نور لك سـمـاهــا بالعقــود = الخرج واهل الخرج لك مستقبلــيــن

سلامتك هي خيـر شي في الوجود = والحمد لله يـوم جيتــــوا سالمــيــــن

يابن المليك اللي فعولـه له شهــود = اللي شمل فضلـه جميـع المسلـميـــن

جزاه من مـولاه جـنــات الخـلــود = وجعله مع اللي بالجنان مخـلـــديـــن

وعد بلم الشمل واوفــى بالوعـــود = وحقق جميع آمالهـم دنـيـــا وديـــــن

ونفذ على عهــده كثيــرات البنــود = وانتــم الباقيــه البـنــود مكمــلـيــــن

انتم هل المعروف ولو بار الجحود = ولا نسوا فعل الجميل البــايـــريـــن

يامـا عطــت يمنـاك ماتبغـي ردود = تبغي الجزاء من عند رب العالميــن

الشعب عايش في طمانين وركـود = وامان تحسدهم عليهـــا الحاســديـن

كملتوا حقوقه وفــوق الحـــق زود = وحنا لكم فــي مافعلتوا شــاكريــــن

ياسيدي سلــطــان حنـا لــك جنـود = دمتوا لنا ياسيـدي طــول السنيـــــن

دون المليك ودون ديــرتنــا نــذود = وانرد دون الدار كيـــد المعتديـــــن

نحميه باللي كنها قصف الرعـــود = بايدي رجال للحـــروب معــلميـــن

ومتعلمين في المعــارك للصمــود = ولو لان ضلع طويق حنـا مانليــــن

ومن ذاق ضــرب من يـدينــا مايعــود = دون الوطن نقصر طويلات اليديــن

وصلاة ربي عــدة رمــال النفــود = واعـداد خلقــه لـوليــن ولاخرـيـــن

علــى رســول بمتــه رفــق ودود = وارسلـه ربـي رحـمـــة للعالميــــن













مناسبه هذه قصيده قالها في زملائه بالعمل في شركه ارامكو كان رحمه الله يرغب بان يرجع لأهله بالخرج لما عرفوا برغبته في ذلك كل منهم قال انا اداوم عنك ومتى تحب ترجع حياك الله كان هذا تقديرا منهم لزميلهم بالعمل وهذا ان دل على شي انما يدل على طيبهم وطيب ساسهم ويستاهلون المدح والذكر الطيب كلا بأسمه كما ذكر رحمه الله وهي تعبر عن نفسها:









لــيـت ربـي حـط بـالـخـايـب وسـومــي = كـان ما نـحـتـار بــين الــنـاس لــلــــــه

مـيرمثل الـنـاس جـسمـه والـهـــدومـي = والفعـا يـل والـطـبـوع مــخــالــف لـــه

جـعــل عـيـن الي تعـشـقـه للهــزومــي = ويش تبغـى بـالـمـهــونــه والــمـذ لــــه

يـالـعــذارى لا تـبـن كـــــودالـقرومــي = والــردي بـعـيـونكـن لاتـنـظـرن لـــه

مثل أبو حــسـن عـسـى عـمــره يــدومــي= طيبـا بـالطيــب فــعـلــه شـــاهـــدلــــه

مـطلـق الـجـلاد قــرم مـن قــرومـــي = وا شهـد ا ن الاسـمـا عـلى العالـم مــد لــه

ونايف ومطحس مـطوعــة الــعــزومـي = سعـد منهـم فـي الـشــدايــد مـحــزمــلـه

وثقـل بن عـبيـد حـقـق لــي حــلومــي = دايــمــا كسـب الـمـراجــل عــــادتـــه

يوم قـلـت الـيـوم جـــاعــنـدي لــزومـي = كـل مـنهــم قــال عـنـك الـــزام خــلــــه

وربعـنا الـغيـاب مـا تــلحـق بــلــومـي = والغيا ب الي حـضــور فــي مــحـلــه

من قبايل نــــجـــد مــا ظــيـن العــلــومي = ويثبت الـتاريخ قـــولـي والـمـجــلــــه

أهـــل الأخوه والـمروه والـســلــومـي = والفخـروالـطيـب دايـــم هـــم هـــلـلـه

وذكـــــر ربي عـد هــما ل الغــيومي =عـــد وبلا مـن قـــنــوف مــستـهــلــه











مناسبة هذه القصيده قالها في خوي له كان يعمل معه في شركــــة ارامكو يدعى عبيد ابن مجلاد من قبيله عنزه وهي تعبرعن نفسها:









كلا رقــد وعـيـوني النـوم ماجـاه= ولاقلـت بـتروح الهواجيس جاتي

هـواجـسـا لا يـمـكن الـقـلب ينساه = يعـلـم بهـا ألـي يعـلم الخـافيـاتـي

يابــوفهـد يـبن الــرجـال المـسماه = يـالـي لـكـم دوراعلى الموجفاتـي

رايك عسى في رايك الخير نلقـاه = يـالي بـرايـك تـفعـل المـعـجـزاتي

ولابـه احـدا رايـه من النـاس كفـاه = الـكـامـل الله والــروابـع اشـتـاتـي

ياعـبـيد بن مـجـلاد زبـن المخـلاة = لاكــاد خطـوى نــايـــرا للاتـفـاتي

شيخـا ولد شيخا على الطيب وصاه = وعــدى علـى مـا قـاله بالوصـاتي

من روس عنازا هل الوجـه والجاه = ومطوعة بالسيف روس العصاتـي

تــاريـخـهـم كــل يـعــده ويـقـــراه = ويشهــدعلـيـه الحـاضره والبـداتي

قــومـا تحــد جمـالهــا بــالمـلاقـــاة = عــوايــدا لاجــيــالـهــم بــاقـيــاتـي

وصـلاة ربــي بـاول القـول واتـلاه = عـلى النـبي بازكى سلام وصلاتي













هذه الابيات قالها رحمه الله في الشيخ راشد العويظه من قبيلة بني ياس وهواحد اعيان دوله الامارات الشقيقه وكان ذلك بعد اخر زياره قام بها له بدولة الامارات كتعبير عن شكره وتقديره لشخصه الكريم بعد مالقاه من حفاوه وكرم الظيافه في ذلك الوقت وهي تعبر عن نفسها:











ودو ســلامي يــالـوجـيه المسـافــير= وانتــوا عـن اللي مـرسـله بـالنيابـه

اليـاوصـلـتـوا راشـدا يـالـمـنـاعـيـر= ردو سلامي لـه وهـاتـوا جـــوابـــه

سـلامـا احلا مـن حـليب المصاغير= وخـلفـات قــرمـا كـل قـفـرارعـابـه

لاصاربـالـعـربـان عـذال ومشـير= يضـرب بـغبـات الخـطـر مايـهابــه

لبـوعــويضـه شـوق بيـض الغنادير= كـل الصـفـات الطـيـبـه تـنـلـقـابـــه

مــاكـنـه الا حــاتــم الـطـي والـزير= فيــه الشـهامـه والكـرم والمـهـابــه

هــداج تـيـمـا في السـنين المعـاسير= لـو كـثر ورده مـأيـكمـل شـرابــــه

مـن لابـتـا تجـزي هـل الخيربالخير = ورجــال حــرب فـي نهـار الحرابه

والاد يــاس يـوم نطـح الطــوابـــير= ترسي كما ترسي رواسي هضابـه

يــوم المـلاقى ينطحـون الطوابــير= تاريخـهـم بـالـطــيب كــلا درابــه

للـعــز يــابـيــتا تـجــيه المسـأيــير= مـاصـك مـن دون المســايير بابـه

اللي من اهل الدار واللي من الغير= واللي يـجـي ينــقـالــه يــاهــلابــه

بـيـتا يـجـونـه مبعـديـن المـشـاوير= من غـير سكـان الـوطن والقرابـه

مثل الورود اللي تزاحم على البير= لوعدها الحساب ماقطب حسابــه

تلقى الشحم به والـدلال المباهـــير= وصيانــيا تلــقـى العـشى والغدابه

في مجلس اللي مايحسب المخاسير= يــومــا بخـيل النـاس قـوتـه هبـابـه

والضيـف عنــده لــه معـزه وتقـدير= وزود على التقديــر سهـلا جنــابـه

يـفـدونــه الـي يجـمـعــون الـدنانـير= اللــي يشـب وشــاب مـحـدا درابــه

واثـني ســلامـي عــد رمـل العثامير= واعــداد مـاهــل المطــرمن سحابـه

وختـامهـا صلـوا عـلى داعـي الخير = على رسـولا دعـوة الحــق جــابــه













هذه قصيده قالها في خشمان ابن محمد الشكره لا اعرف بصراحـه مناسبتها فاعذروني ويعذرني ابن عمي خشمــــان يالــيت اعـــرف المناسبه وعلمه الطيب اللي سواه مع والدي حتى يقول فيـــــه هذه القصيده لاكن اللي انا متاكد منه بانه رحمه لله لايقصد باحد الابعد علم طيب تلقاه من هذا الشخص لذلك اذا اطـلـع الاخ خشمـان على هذا الموضوع فياليت يذكر لنا ذلك فانــا لا احـــب ان انـــزل هـــذه القصيده بدون مناسبه لذا اسمحولي اقدم لكـــم القصيده كماهي وهي تعبر عن نفسها :







دل المسمــي يــوم سمـاك خـشـمــان = سمــاك بسـم الـشـامـخـات الـضلـيلـه

شوامخ.ن يـلـقـى بـهـى الـضـل وكـنـان = ومـن كــان قـلبـه خــايـفـا يـلـتجـيـلـه

تسلـم يـميـنك يـــا ســلايـل كـحيـلان= يا مـثمـن الـشكـوى لـمن يشتـكـي لـه

ولا هـــو كــثيرا منـك يـاطـير حوران = عـــوايـدك كـسب العـلــوم الـجـمـيلــه

من لابت.ن تعرف علــى مــر الازمـــان = آلاد شــكــر كـــاسبين الـــنـفــيـلـــه

آلاد شـكـرا يـوم زوغــات الاذهـان = ترسي كـمـا ترسي الـجبـال الثـقـيلــه

قـومـا لـهــشال الخـلا تـذبـح الـضـان = لا قـل مــد اهــل اليـديــن الـبخــيـلــه

والى تـناخوا عـند حـلـوات الالــبان = كــم راس شيــخــا من مـتونه تشيله

قـبـيـلـة مـن وهــبــة الله لـلا نـســان = فـيهـا الشهـامـه والـكــرم والفــضيلــه

يشهد لهم غرسا رسخ بيـن الاوطان = بارضا حمادا كل عــيـنــا تــخـيــلـــه

بارضا فــضا كن الــعــدا مـنـه عميان = يوم المجاعــه والــمعـــوشــه قــلـيلــه

ما حط له من يمت الخــوف جــدران = سوره رجاله بــالسيــوف الـصـقيـلــه

وصـلاة ربـي عـــد مـــا كــاينـا كـــان = عـلــى رســولاً وضـح اللــــــه دليـلـه













هذه القصيده في بخيت ابن جلوي الشكره مدحا فيه على خلفية علم طيب معه رحمه الله

ووبصراحه لاتحظرني تفاصيل اكثر لاكن بيض الله وجه ابوجلوي وجعل عمره يطول

على طاعه اللهم امين ساسه طيب وراسه طيب وعلومه الغانمه تدل على طيبه والله يحسن لنا وله حسن الخاتمه علما بأن القصيده من ذكرها لي يقول

انها كثر من ذلك لكن هذا مايحظره منها:







كم من رفيق كان بالطيب به هاقين=وجا الضن في بعض العرب مثل الاحلامي

ولامن رفيق الا رفيق القسى واللين= رفيق على عسر الليالي والايامي

وياجعل يوم بخيت في الحياة اسنين= وعامه بدال العام خمسة عشر عامي

زهمته وقال ابشر يجي لازمك ذلحين= ومن يزهم المنعور ماهوب ينظامي

وقال ابتجح وانا على ماتبي ماشين=على حاجة الدنيا وفي نطح الاخصامي

ويستاهل البيضا وحنا لها مهدين=ملايين عدة من سكن مصر والشامي

حوى الطيب كله ماوصل سنه العشرين=ومن طيب ابوه ومن خواله والاعمامي

الايابعد من يجمع المال نقد ودين= اشحاحا على انفسها وللوارث كرامي

تبي تجمع الدنيا وللاخره ناسين=وهم حقهم منها قليل من الخامي

ولاتنفع المعسرولا ترحم المسكين=عسى كل مال يجمعونه للاعدامي

وانا اعتزبه يوم انه من لابتي لادنين=هل المدح لاسيق السلف خلف الاعلامي

من والاد على اللي بكسب الفخر ضارين=ولا ضن تحصي مجدهم روس الاقلامي

اثقال بحال وحال لاجا الطلب عجلين= بحدبا تشبل الروس من فوق الاجسامي

ارجال الشهامه والكرم والفخر والدين= صفات (ن)بهم دامت على طول الايامي

واهل عادة لاقيل ياهل العوايد وين= يدوسون هامات العدا حدر الاقدامي

وباختامها صلوا على من دعا للدين=رسولا دعى الأمه الى دين الاسلامي

سلطان بن دخيل الله الشكره
16-08-2010, 08:54 PM
مناسبة هذه القصيدة التي يناجي فيها رحمه الله سعد ابن عبيد جهيمان الشكره ويطلب منه ان يوصل سلامه وشكره وامتنانه ل مبارك اين فرحان الشكره الدوسري على ماقدمه له يرحمه الله من خدمه كانت مرتبطه بمجال عمله في مرور محافظة الخرج وهي تعبر عن نفسها:







وصـل سلامـي يــا سعــد واحــترامــي = لمن تـعــب مـن شاني وانا كنت مرتاح

لا جيت من سمـواه باحسن الأ ســامي = بـــامــرالأ لـــه مــبا ركا حـيـث ماراح

مـــبــارك دامـــت لــيـــالـــه ودامــــي = عسى تــدوم لـه اليـالـي بــالا فـــراح

نـعــتـزبـك يـابـن الــرجــال الــكـرامـي = ياهل الكرم منتواعلى الضيف بشحاح

ألاد شـكــرا يـــوم مــس الـحــــزامــي = مـاحـسبـوا زود الـخـسـايـر والاربـــاح

حـريبهــم طــول الـدهـر مـا يــنــامــي = يسهــروعــينـه مـا تـهـنـى بـالا مـراح

يشهـد لهـم غـرسـا عـلـى الــدوم دامـي = بـارضـا خلا مــا حـط مـن دونـه الـياح

حـامـيـه ربي بـالـرجــال الـعــضـا مــي = الي تسوم المجـد في غـالي الارواح

لا ثــارعــج مـــثــورات الــعـــســـامـي = ثـم صـاح عــنـد مطـرف المال صياح

لـحـقـت بربعـا يـنـطـحـون الــزحـامـي = عـاداتـهــم يـوم الـقـا كسب الا مـداح

بـالسـيـف والـبـنــدق مــع كـــل رامــي = بارضـا خـلا مـا حـط مـن دونـه الـياح

وحـدب السيوف الي تقص العضامـي = كن جـدع هامات الـعـدا جــدع تــفـاح

وصـلاة ربــي عـــد وبــل الـغـيـامـي = على الرسول الـي عـن الشـرك نـصـاح













هذه قصيده بمناسبة عيد الفطر المبارك عام 1418 هـ







يامنيف جيبوا لنا صنع المريكاني=واعطه من السير ماكمل بطبلونه

اليوم عيد(ن) وغيره واجب(ن) ثاني=واجب سلام(ن) نهار العيد مادونه

جعله علينا يعود بكل الازماني=بالخير للمملكه واللي يرودونه

نعايد شيوخنا خطلان الايماني=عيدية(ن)منا بالطيب مقرونه

في مجلس جلسة(ن)به ترفع الشاني=دون المسايير بابه مايصكونه

في شرقي الخرج مايحتاج عنواني=مشيدا كل خلق الله يعرفونه

لاجابه الضيف كنه بيته الثاني=يلقى به الكيف ورجال يحيونه

واهلا وسهلا مع حيل من الضاني=لوكان هو غالي مشراه يشرونه

وصلاة ربي عدد ماهل وداني=واعداد منشا السحاب وهلة مزونه

على رسولا بعثه الله للانساني=يامر عباده لحق الله يودونه













هذه قصيده قالها رحمه الله في فراج الحراجين من قبيله الحراجين كنت اتمنى اسمه كاملا لذكره لاكن للاسف اللي انا سجلته ايام كنت ادون قصيده رحمه الله بحياته الاسم المذكور وهذا تقصير مني لاكن لعلي اتقصى عن ذلك وسوف اضيف كل جديد بهذا الموضوع وبين رحمه الله ان المرجله ليست بالقول وليس كلا يستطيع الوصول لها ووصفه بأنه هداج تيما ويقصد بهداج تيما هو مثل العد الذي لاينضب ماه مهما كثروا رواده وهذا تشبيه بانه كريم بلاحدود ويستحق ذلك المدح واترككم مع القصيده وهي تعبر عن نفسها:







ما كل مـن يـبـغـى الــمــراجــل لــهــا نـال = وكـسـب الـفـخـرمــاكــل رجــل يــنـولـــــه

كسب الفـخـربالـفـعـــل مــاهــوبــالا قــوال = ما هـوب حــــكـــي واليديــن مـــغـــلـــوله

ألا بــسيـف ومــنســفا مـــثــل مــــا قـــــال = راع الــمثـل فـي قـــولــه الــي يـقـــولـــــه

ولا كــــل رجــــال يــــوصـــف بـــرجــــال = وكـــسـب الـمراجـل ما تــجـي باالسهـولـه

أبـومـحــمـد جـــعـــل تــفـــداه الا نـــــذال = قــــرم الـعـيـال الـي تــنـومـس فــعــو لـــه

ذ رب الــيــمـيـن ولـلـصــعـوبـات حـــلال= وانا اشهـد أن الـــزايـــدي مــن حمــولـــه

هـــداج تـيـــمــا فـيـه يـضـرب بـالامــثـال = وغيــثا الى كــن الـــحــيا مــن نـــزولــــه

لا د الــحـريجي مـقـعــدة مـــيل من عـال = بـحــدب الـسيـوف الــي تـعـــدل مـيـولـــه

فـي الـسـلــم عــقـــالا والــحــرب جـهــال = كــم واحــد فـي عـــنـق دارة غـــــزولـــه

يــوم الامــام ارســل عـلـيـهــم بـمـرسـال = لاحــم ومــلـحــم بـالـمــواقــف حــمـولــه

قالو حـدن يحـمـي الــمــحــلات والــمــال = واحـــدن يــروح لـــمـن لـفـانـا رســولــه

وجــاتـــه ثــلا ثــينــا بـسـتــين رجـــــــال = يازين قــول يــشـهــد لـــــه فــــعـــولـــه

عــانــيـتـا الابــوا عـــزيــــزمــن عـــيــال = ياحـلــو مــردودا يـجــي فــي حــلـــولـــه

وصــلاة ربــي عـــــد مـــا هـــل هـــمــال = نـوا مـشـت قــــدام وبـــلــه سـيـــولـــه







--------





هذه قصائد قديمه جدا للوالد رحمه الله ولم يصلني منها الا القليل من الابيات من قبل بعض الرواه فاغلب هاولأ لم يتذكروا الا القليل

منها يسرني ان اقدمها لكم في موضوع واحد واتمنى ان تنال استحسان الجميع .



اولها



هذه قصيده قدمها لي احد الاخوان هذه الايام جزاه الله خير ويقول انها لوالدي ولم يحفظ منها الا هذه الابيات واتمنا ان تنال استحسانكم.









يامرحبا يامرحبا يامرحبا =والفا من التر حيب وميات الالوف

اعداد ماينبت نبات فى الثرى =واعداد حجاج البيت الله تطوف

حنا ال زايد يوم مردود البرى =يشهد لناالتاريخ والصدق معروف

الناس كل في فعولة يذكرى =لا شك انابفعول ربعى زودنوف

مثل الجبال الشامخه كن وذرى=يامن بها الخايف وملجا لضعوف

وجمالهايوم الحروب تحتدى=مثل الرواسى ماتزعزها الشعوف

وخوينا ناسم عصاه ويهملاى =يمشيبها بيناالازايد ومايخوف

وحريبنا نسقيه كاس الحنظلاى=يشرب من السم المصفى باالكفوف

وقصيرنا يامن ولايخشى العدى =الامن المعبود تجرى له صدوف







هذه القصيده قالها رحمه الله عندما ذهب للامارات العربيه في موضوع شخصي وهذا اللي



وصلني منها وهي اطول من ذلك.









امس من الدار العزيزه مشينا= واليوم عند ربوعنا نسل الاحرار

في مجلس ينصونه الغانمينا=مجلس رجال له معزه ومقدار

لولا معزتهم لهم ماعنينا=ماجيت انا من نجد لدبي زوار

نسئل على رجل عزيزا علينا= جدا لجدي مرمسة عنه الاذكار

رجل يقال انه حدا والدينا=وكنا صغار ولادرينا بماصار

واليوم يوم انا دراينا فجينا= عساه يجمع شملنا وال الاقدار











هذا بيت من قصيده لا اعرف الاهو







الطيب ربي بين الاجواد قسمه = وكل خذا حقه بلاتقسيم











هذي جزء من قصيده طويله جدا حسب كلام من رواها لي ويقول فيها رحمه الله اخذتها منه كماهي

حاولت جاهدا ترتيب ابياتها حتى تكون متسلسه عكس مااخذتها منه:













سلام يا ربعي طويلين الايمان= سلام مني عد وبل السحابي

يالابتي ياعزوتي يوم الاكوان=دواسر الى هاب الردي ماتهابي

حنا ال زايد يوم زوغات الاذهان=عز الصديق وللعدو سم دابي

من حد جوخريص لادون نجران= اجباللها وسهالها والروابي

دار لنا من وقت عاد وعدنان = دارحميناها بزرق الحرابي

يسكن بها خطلان اليدي هل الشان= دار الغروس ودار جرد الرقابي

جانا الشريف يقود خيلاوفرسان=واله الهزيمه سطرت بالكتابي

دارحميناها على مر الازمان =وكلا يبيها مير منا يهابي

نحميه لايسكنه انس ولاجان= ومن طبها من ينال العقابي

حامينها بالسيف خطلان الايمان= تستاهل البيضا عزاز الجنابي

تستاهل البيضا سلايل كحيلان=بيضا تشيد فوق روس الهضابي











هذا جزء من قصيده ايضا طويله حسب كلام من ذكرها لي ولم يحفظ الا هذه الابيات















من لابة تنبيك منها العلومي=تاريخنا يتعب بالامجاد قاريه

اهل الفعول الطيبه والسلومي=وكلا على مقدارفعله نجازيه

والطيب وهبه بين خلقه اقسومي=ومقسمه بين المخاليق واليه

وصلاة ربي عد وبل الغيومي= على النبي باول كلامي وتاليه











هذه ابيات من قصيده قالها رحمه الله في كل من عبدالله ابن محمد الشكره واخوه ابراهيم











ياعيال محمد ودي نجيكم=مير ماتسمح ضروفي واعذروني

من فعول ايمينكم تندى يديكم=والرجال الما نقوله يشهدوني

الطرف واهل الطرف يعتز فيكم=تعرفون ومن رجال يعرفوني





هذا بيت محفوظ له لا اعرف تكملته ولا مناسبته:





بعض الاوادم جعل ربي يزيله=يزيله اللي زال عاد وفرعون





قصيده له كان رايح يدور له ابل وكانت رحلته رحمه الله متعبه وتعرض فيها لمصاعب كثيره في ذلك اليوم بعد ان اصبح بعيد عن اهله وديرته وتذكرهم وقال قصيده طويله لم يذكر منها الا هذه الابيات .











سقى دارهم من رايح يلى ادلهم درسم=سمر بالبروق ولا فصل فيه رعاده

ويالج قلبي لج خلف على الما لم= على جال عد يوم لمت بها راده

عقب صبيى ياسعد ماشي بالنم=ودوبه كثير الهرج نقله ورداده









هذه قصيده لا اعرف مناسبتها وهي اطول من ذلك بكثير لكن هذا اللي محفوض منها عند من رواها:











عينت انا الدنيا ترقرق ابميزان=الاوله تفنى وماخلق فاني

ياماازعلت من خاطر كان طربان=ويامربحك ياللي عليها معاني

مرا على الانسان بسرور وحسان=واحلا من الماء فوق كبد الضماني







هذه القصيده تعبر عن نفسها









حداني تعيس الحظ لمحمدا وسعيد=سقيط البشر تبغيني اخضع لاوامرها

ونفسا ربت بالعزماتقبل التنكيد=وفي طاعة الخبلان ماني بجابرها

عسى دارنا من دار ذيك الوجيه بعيد=وجيه بنو الخير محدا بذاكرها







هذه القصيده غزليه يقول من ذكرها انها طويله جدا









عند العشي ذبيت في عالي الزبار=وانا للشقي من المشاريف نصاحي

ساعة رقيته هلت العين غزر عبار=كماهل وبل من مقاديم رواحي

ويافوح قلبي فوح شامية ببهار=جحاها المقهوي لاتباطاه مافاحي

ويازوع قلبي زوع مشبوك الحرار=الى وكدة في عالي الرجم ملواحي

وياجرح قلبي جرحة السيل للجوار=تنحى بسيل من مناشيه جراحي

على صاحب يذكر بدار وانا في دار=ترى من تشقى بالمحبين مارتاحي

على وارد الستين زود عليه النار=الى لحق حده بردوا له برياحي

الى ضواه الليل ساقه على الانوار=وهو منوة اللي صاحبه منه منزاحي











هذه القصيده حسب قول من رواها انها قديمه جدا وطويله :









عزي ال صافي اللون من رعية الغنم= عساها العزاري عد ماهي تعزري به

الا ياحلال القوم شوفك يجيب الهم =وعسى من يحبك علة الكبد تازيبه





هذا وصلى الله وسلم على سيدنا ونبينا محمد عليه افضل الصلاة واتم التسليم

سالم الوشاحي
16-08-2010, 11:32 PM
أخي العزيز سلطان بن دخيل الله الشكره

السلام عليكم ورحمة الله وبركاته

قصائد رائعه وملف مكتمل التفاصيل

للشاعر الراحل دخيل الله بن محمد بن

دخيل الله الشكره رحمه الله

أستمتعُت كثيرا بالقراءه هنا

لك كل الشكر والتقدير

ورمضان كريم

محمد الراسبي
25-08-2010, 01:59 PM
نشكرك عزيزي بحجم التفاصيل التي ذكرتها

فالانسان تضل ذكراه واعماله الجيدة

ولا بد من توثيق مسيرة الشعراء

كل الشكر