ضــــاعــــت الــــــكرة

[عبدالله العمري]

الســــــــــــــلام عليكم

من أقدم قصائدي ذات التفعيلة والنصف

أرجو أن تنال إعجابكم








ضاعت الكـــــــــــــرّه






أبحكي لو بقى فيني


صدى من صوتي ونبره


وابا اثبت للزمن باني


صبرت فشدته ومره


وإذا خابت بي ازماني


بشخصٍ"ن" غاليٍ قدره


احاول اكذب بعيني


واجامل قابلٍ"ن" عذره


وانا ما بي من الليني


ولكن للوقت امره


وفيت وجيت من حيني


لإجل شوفه لإجل نظره


حبيبٍ"ن" كان يغريني


وينثر ب اللقا عطره


حسبته صار يشريني


واثره بايع ا لعشره


بنار الشوق يكويني


ويرسم للشقا ثغره


بعاده كاسر يميني


وعظمي ما لقى جبره


لإجل وصله يعنيني


وانا يا ضايقٍ"ن" صدره


اشوفه واسأله ويني؟


غريبة من نسى عمره


طلبته يمسك يديني


ويهدي هالمسا قمرة


ونبقى حنا الاثنيني


نسامر واللقا سمره


كذا بالكذب يمنيني


ظلامٍ"ن" ما قبل فجره


سراب"ن ٍ كان يغويني


عشمني ب اللقا سحره


خلاص الكذب يكفيني


توكل دامك ف بحره


وروح ارحل يا مجفيني


خلاص إنكسرت الجره


فراقك شي يرضيني


وبعادك ما بقى جمره


توكل ما بعد فيني


من التقدير لو ذره


وانا ما عدتي تعنيني


يا نوره ما هي هالمره


خسارة ضاعت سنيني


حسايف ضاعت الكره



عبدالله العمري


12\9\2005م

[هيثم العيسائي]

صح لسانك صح لسانك


أبيات جميلة


سعدة جدااااااااااااااا بالمرور هنا



عبدالله إبداااااااااااااااااااااااااااااااااااااااااع إبدااااااااااااااااااااااااااااااااااااع



يسلموووووووووووو

[سيف الريسي]

أخي عبدالله جميل جداً ما قرائته لك وفعلاً نفس هذه الكتابات تشدني كثيراً وأحرص على الأطلاع عليها
لأن هذا النوع كان يكتب قديماً وبكثره ألا أن الوقت الحالي لا أرى لها أثر ولكنها متواجد ألا أنها لم يتوجه الى كتابتها
الا قليل من الشعراء ونتمنى أن نرى من يكتبون نفس هذا النمط في الساحه لكي نستمتع بنف هذه الكتابات...


الشاعر / سيف الريسي

[عبدالله العمري]

صح لسانك صح لسانك


أبيات جميلة


سعدة جدااااااااااااااا بالمرور هنا



عبدالله إبداااااااااااااااااااااااااااااااااااااااااع إبدااااااااااااااااااااااااااااااااااااع



يسلموووووووووووو


إستاذي مرورك تشريف

تسلم

[عبدالله العمري]

أخي عبدالله جميل جداً ما قرائته لك وفعلاً نفس هذه الكتابات تشدني كثيراً وأحرص على الأطلاع عليها
لأن هذا النوع كان يكتب قديماً وبكثره ألا أن الوقت الحالي لا أرى لها أثر ولكنها متواجد ألا أنها لم يتوجه الى كتابتها
الا قليل من الشعراء ونتمنى أن نرى من يكتبون نفس هذا النمط في الساحه لكي نستمتع بنف هذه الكتابات...


الشاعر / سيف الريسي


إستاذي

شكرا لإهتمامك علما بأني أكتب بشكل

عشواائي

دمت بود