( صمت القلب ) و ( بوح اللسان ) \ فلتقرأني

[حمود المخيني]

السلام عليكم



هنا

ستكون مساحة لي بينكم



تابعوني . . .:rolleyes:

[حمود المخيني]

http://www.asdaff.com/imgcache2/3996.gif




عينَــك : الشمس . وْ أنا محتاج هـ الليلة تـــــطول
غمّض عْيونك !! .. ترى بدري على ( وقت الفجر ) !



الظّـلام اللي يحاصرني ، يشجّعني أقول :
كم سترتك ! ، بسّ ما جازيتني غير ْبـ هجر !



والهدوء اللي حضن ( صدري ) و خفّفني " حمول "
يكفِـيـ انّــي في حضوره ما يساورني ضــــجر



المهم ، غمّض عيونك و اتّخذ " نومك " ميوول !
ما أبي صدري على نفسه يضيق ... وينفجر !!



اف ! .. تعبت وْ ضيقتي ( يومين ) ما تبغي تزول !
و انت قلبك ( قلب ) ؟ . ولّا داخلك ( قطعة حجر ) !؟



قصْ عليّ ! وْ قول انّك تمتلك " رحمة رسول " :
ما يفرّق بين ( امّة علـْــــــم ) أو ( امّــــة غجر ) !



اسأل وْ حاول تشوف الحال من " باب الفضول "
ع الأقل جامل " مريضك " . . . قولَ لــه " صحةْ وْ أجر " !



اشتعلت وْ ما طفاني شيّ .. و أحْرقني عــــَـــذول :
كم تربّص " طيحتي " حتّــى يرمّــدني ( سَجر 1) !



" وجْنَتي ": أخصب جِزءْ ( للهم )، من كثر ( الهطول )،
دام دمعاتي : مطر ! . و الهمَّ : نبـتات وْ شجر !



غمّض عيونك ! ، ترى ما عـاد اتحمّـــل " ذهول "
عاد كيف " الشمس " تشرق ، قبْــــلَ مـ يْـــــحين الفجر !؟


:o

[حمود المخيني]

.


.



http://images.panet.co.il/articles/16052007-42111-1.jpg



ناااااايم !! :)

ولا تسأليني لييييييييش ؟

لييييييييييش ( أنا نااايم ) ؟



تدرين ؟؟

لولا منامي ؟

ما أظن شفتكــ !!!! :confused:



.


.

[حمود المخيني]

http://www.irbidnt.re7an.net/imgcache/9596.imgcache




بيْ باي . . . روح . . وْ لا تجي. . . روووووووح . . . بـي بـاي
كــنــت الـحـبـيـب ورّكَّــــز فْ مـصـطـلـح ( كــنـــت )



لا تــنـــتـــظـــر مـــــنّــــــي مـــــشــــــورة ولا راي !
بـــفـــارقـــك لــــنّـــــك تـجـاهـلــتــنــي وْ خـــــنـــــت



مـــا عـــاد تـفــرق ( ضيـقـتـي ) مـنْــك و ( رْضـــاي )
ومــــا عـــــاد يـنــفــع لـــــو عـلــيّــه / / تـمـسـكـنـت !



هـــادئ / وحـزنــي يـعــزف ( الـعــود ) و ( الــنــاي )
مـــا هـمّـنــي كــانــك " تـقـاسـيـت " ... أو " لــنــت "



لـــو كـنــت أنـــا عـطـشـان وانــتــه ( لــــيَ الــمــاي )
( موتـي عطـش ) أهـْـوَنْ .. ولا اشـربـك (( انــت )) !



لا تنتظر تسمع .( هلا ) / / ( مرحبا ) / / ( هاااي ) !!
اعلـنـت لـــك ( فـرقــاي ) يـــا شـيــخ . . . أعـلـنـت !!



واااايـــد عــلــى مـثـلــك اذا قــلــت ( بــــي بــــاااااااي )
لا صـنـت ( حـبـي لـــك ) ولا ( خـافـقـي ) صـنــت !!



.

.

[حمود المخيني]

.

.

http://www.jojo25.com/pic/data/media/29/dummy_1-173.jpg


ألا ويــنك ؟
" سؤالي " لك يشابه لي بـ فــزّاعــــة !!

و " اجاباتك " : طيورٍ !
تبتعد عن . .
حقلي النّـــامي !

.

.

[حمود المخيني]

http://byfiles.storage.live.com/y1paglV88Mzh2wx34KGQvEKedQBIVYtVKX9IQU55ERqA7nOo9F7yOUeveWzBdcODGD-94rXSkeCIQc


وينك ؟ .. البارح تأخرتي علي و ما لقيتك
كانت رجولي تحاول تسبق الوقت وتجيك !

كنت كلما قلت بتأخر ... توترت ! .. وطريتك
لين اشوف انّ الطريق يدلّني فجأة عليك !

يا حسافة ..لو دريت انّك كذا .. ما كان جيتك :(
الله يرحم قلبي اللي عاش لك ثمْ مات فيك !

الغرام \ و باقة اشعاري \ وكل اللي هديتك
احفظيه ولا تخلين الجفا يلبس يديكـ

لا تقولي لي نسيت !! .. اصلا أنا قبلك نسيتك
بسّ رجلي خانت ضلوعي .. وجرّتها اليــــك !! :(





الفراق ... صعب ... بل .. صعب جدا

[حمود المخيني]

أصحـــاب النجــــاح



مــا دريـــــت انّ النّــجــــــاح يْــــتــعّــــب اصـــــحاب الـــنّجـــــاح
غــــير يـــــوم انّـــــي وصــــــلت ابــواب أحلامـــــيْ وْ طـــرقـــت

كــنـــت اقــبـــض كـــــلّ بـــــاب وْ كــانـــت يْـديــنــي ( كـــفـــاح )
مـــــا بـــــرق نـجــمــي . . ولـكــنّــي ( تـنـجّـمــت ) وْ بـــرقـــت !

أصـغــر أحـلامــي : فــضــا \ بــــسْ أكــبــر أحــلامــي : جــنــاااح
لازم أبـــــدأ بـالـكـبـيــرة , لــجْـــلَ ( أحــلّـــق ) كـــــلّ وقــــــت !!

( قــــوة الـرغـبــة ) صــــدر ، وْ ( وْضــــوح أهــدافــي ) وشــــاح
كــم حطـبـت ( الصـعـب ) لـيـن " الـجـو " لــو يـبْـردْ ... حـرقـت !

ابــتـــديـــت وْ مــــــــا لــقـــيـــت الّا الــحَـــلـــمْ أشـــــــــرق و لآح
وْقــمــت أجــــرّ الــســاق \ لـنْــهــا يـــــوم جـرّتــنــي ، زلــقـــت !

كــنـــت ازحـــــف ، و الـرّصــيــف الـمـمـتـلـي لـــغـــوْ وْ نـــبـــاح
كـــــان يـمـنـحـنـي شـجــاعــة لـــجـــل أكـــابـــر لــــــو زهـــقـــت

ويـــــوم انّـــــي جــيـــت عــنـــد الــحــلــم ، خـــلّانـــي و رااااااااح
راح مــــن يــــدّيْ وْ نــســـى انّـــــي عــلـــى شــانـــهْ اْْنـخـلـقــت !

كــــم بـكـيــت وْ مــــا لـقــيــت الــدمـــع مـــــن هـ الـعــيــن ســــاح :
كـــانـــت جْــفــونــي تــجــفّــف دمــعــتـــي كــلمـــــــا غــــــدقــــت !

قـلـت أبغـفـى .. عــلّ لــو ( يغـفـى الـجـفـن ) ،، تـغـفـى الـجــراح !
مـــــا درت عـيــنــي بــأنـــي لــــــو أغـــمّـــض ... اسـتـضــقــت !

أســهـــر الـلـيـلــة : ( مــآتـــم حـــزْن ) وْ ( أنــفـــاس ) وْ صــيــاح
مــن كـثــر مـــا ضـــاق حـلـمـي ... ضـــاق صـــدري واختـنـقـت !

مـــــا شـهــقــت .. الّا ونـــــا بــزفـــر : تــعـــب \ أو \ ارتـــيـــاح !
عـــاد ويــــش الــلــي يــحــدّد .. كــيــف بــزفــر لــــو شـهـقــت ؟!

ومــــــا بـــديـــت الّا ونــــــا مـتـعــشّــم بْـ( ركــْـــــب الــنــجـــاح )
لا قـــدرت أبـــدى و لاْ بْـ ( ركـْــب الـنّـجـاح ) اصـــلا لـحـقــت !!

لـيــتــنــي أقـــــــدر اطـــيــــر وْ كـــانــــت يْــديــنـــي جــــنــــااااح
بــــــسّ ويــــــش الـــلـــي يــثــبّــت هــامــتــي لامــــــن نــفــقـــت

المـصـيـبـة .. مــــا عــلــى مــــن ســــار فــــي دربـــــه و طـــــاح
المصيـبـة : كــان طـحــت وْ ( مـــا بـعــد مـــا طـحــت .. فـقــت ) !

والـدّلــيــل: انّـــــي بــعـــد مـــــا اشــرقـــت شــمـــس الـصّــبــاح !
قمـــــت أدوّر لي طــــــــريق .. أسرجت له " رجــــلي " و سقت !


:rolleyes:

[حمود المخيني]

http://www.alyum7.com/imagebig/2df5ffe226bea7c5c272d463a9037d92.jpg




وكــان " العيد " ( موعد ).. فــي صباحه.. نلتقي بـ " الصّوت "
و صار " الصوت " ( موعد ).. لو سمعته.. أحتفل بـ " العيد "

[حمود المخيني]

..

..

.

صعب !... لو كنت شاعر .. بس ظروفك :
تصادر من خيــــــــالاتك " قصــــــــيدة "

..


..

.. ..

.. ... .. ...

[حمود المخيني]

.

.

أجمل شعــور تحس به و انت ضـــــــــــــايق
لمّا تحس انْ تالِي الضيق ... رااااااااااحـــة

واصعب " حقيقة " تزعجك وانت رايـــــــق :
انّ الحزن مآخذ فـ صدرك مســـااااااااحــة

.

.

[حمود المخيني]

.

.

مليت دلوي دموع و جفّت أجفاني
جفّت و لكن توضّيته و كفّـــــــاني

أذّن أذان السّهر ... واصطّفت ضلوعي
تنوي تصلي على " سجّادة أحزاني "

لكنّ اْنا وســْـــــــــوَستها لين ما خــــربت
و خااايف تكفّـــر و تقضيــــها " وقت ثاااااااااااني "\\\\\



.

[حمود المخيني]

رسالة من احد الأعزاء والرائعين
أفتخر بها كثيرا و سأظل :)


مبدع و الله يــ حمود

من أول ما قريت لك .. أبهرتني

متابع لك وفي ركنك الهادي..أقصد ركنك المزحوم بالدرر

عجيب إنته عجيب ..

لك الــود عزيزي..



أجمل من الجمال عندما تحتاج لشي ما يسعدك فتجده يأتي بفضل الشعر !!

الشعر يأكّل " سعادة " !!




شكرا ايّها الغالي

[حمود المخيني]

.

.

أفترقنا ؟ .... ماااا أظنّي .. و الدليل :
أشْكَر الله .. شوفني للحيــــــن " حي " !!!!!!!


.
.

[حمود المخيني]

مقطع اغنية :

" بـ هالسهولة .. انتهينا ؟ كلمة قالتها و راحت !
وانا ماني قادر أفهم .. شنهو يعني أنتهينا ؟ "ـــــــــــــــــــــــــــــــ




صعبة .. أعيش العمر من دون ما أشوفه .

اصلا بيبقى عمر ؟؟
لو غاب عن عيني ؟ ؟ ! !

[حمود المخيني]

.

.


ارحـل .. مصير اللي نحبّه نــفارقه !
وطبع الغرام .. يجرجر " العاشق " وراه

ارحل .. ! و شمسي لو بقت لك شارقه ؟
هذا لأن القلب ما خــــوّن وفـــاه !

اليوم : حسّيت " الرّحابة " خانقه :
طفلٍ ـ سرق منْه القدر ـ أمّــه و أباه

ودّه بـ شخص يْلملمه و يعانقه
( وش عاد ذنبه كان لو هذا جزاه ؟ )

اليوم : فارقتكـ فـ " ليلة فارقة "
قلبك : فـ مثل اليوم ذا ... همتْ ْفـ هواه !

ما عاد انتي في سموّك شاهقه
صرتي تراب و كل من يمشي وطاه

صارت " ذنوبك " في لساني عالقــه
ما غير أنفضها .. وتلفظها الشفاة !!

اليووم حسيت البرووووودة حارقه
هذا رغم : صدري و اضلاعه .. عًراة !!

وحيد .. والذكرى " كواكب " بارقه
تزيّن الحاضر .. لو اسوّدت سماه

لكن .. مصير اللي نحبّه نفارقه
داااام الغرااااااام .. يجرجر العاشق وراه

و يللي تدوّر عن " محبّة صادقة "
سمعت عن " حانة " بها " غرفة صلاة "؟؟ .

.

:o

[حمود المخيني]

أخـــاف أحبـــك .. لين ما أستنشقك ... و أزفر ( عمــــــــــــــــــــــــــــــــــر ) !!

[حمود المخيني]

.

.

.

لو كان شافت ورطتي وْ راجعتلي
ما كان جبت فْـ " اختباري " .... صفر !!

راحت و لا هي سامحت و اشفعتلي
ما دام عدّت كل ذنوووبي " كـــــفر " !

يا ليتها لو يوم بس .. اسمعتلي
على الأقل ... يمكن .. تأخر " سفر " !

.


.

.

[حمود المخيني]

بيني و بين حمود بن وهقه :D






College Of Law يا رّبي حزينـــة
عليها كلٍّ ن وْ ينفض يـــديـــــــنـــــه

دكاتـــرها و طـــــــــــــلاب و ادارة
مبانيها \ و أصوات المديــــــــنة

و طالب ما رضى بــ " علم الزراعة "
وشاركـــها مشاعرْه الدّفـــــــينــــــة

وصل . . . يحلم بـ أشيــــاءٍ كثيـــــرة
وخايف ما يعاينها بـ عينـــــــــــــــــه

يـ بن وهقه .. يـ بن وهقه !!!! تأكـــد:
College Of Law صدّقني حزيــــنة !





College Of Law = كُـلج أف لو = كلية الحقوق

[حمود المخيني]

.

.


ما عرفتيني ؟ نسيتيني بســـــــهولة ؟
للأسف ... ما عاد عندي شي اقولـه !!


ذكريـــــاتك كلّـــها تــــــــــملي عيـــوني
كيف لا وانتي معك " دور البطــــــــولة "


:rolleyes:


.

.

[حمود المخيني]

.

.





الغرام ... و دمعة المشتاق ..و الرجفة
و الظلام و أغنية " فيروز " و اللهفة

" بكتب اسمك يا حبيبي " .. كنت أسمعها
لين ما ألقى الفجر ...يجتاحني بْـ عطفــــه

كلّ هذا شوووق ؟ لا لا ! ... أو عشق ؟ يمكن !!
العشق : قلبه حجر ، ما يعرف ( الرأفـــة ) !!

كان ما خلّى البشر ... طول العمر تبكي
وكان ما خلّى الرجل يتفاخــر بـ نزفـــه !

والدليل اني قبل لا حب ْ : " رجل عادي "
ما عرفت الحبّ ، شكله \ هيئتـــهْ وْ وصفــــة !

لين شفت الشمس.. وقت الليل !! قدّاااامي !!
يوم صليت العشا ... طلـــت من الشرفــــــة !

كانت أجمل من جمال الشمس لو شرقت .
وكانت ادفى من شعاع الشمس فـ الغرفة !

ما عرفت الحب حتى شفتها و كنّـــــي
كنت أعرفه بسّ قلبي قال : ما عرْفــه !



يتّبع . . . :)


.

.

[حمود المخيني]

.
.


للأسف ... هـ الليل بحكــي و اترس اسماعك " عتب "
وآسف ان كان الحكي يجرح ... بس اتحمّل عشاااني

اعـــتذر .. حتى و لو ما للعذر أيّــــــــــــــة " سبب "
يمكن اللية تمر ... وْ ما أشــــــــوووفك يوم ثااااني

عاد ترضـــــــــاها أعيش العمْــــر في ضيق وْ تعب ؟
وانت تدري كيف هو صدري من الضيقة يعاااني !

لييييش . . . تـــتركني معلّـــق بين أوهام وْ كــــذب ؟
و الحقيقة ما تــــعدّت كونــــها " عـــــدّة أمـــاااااني "

كنت اشوفك " حلْـــــم عابر " طاف بأطراف الهدب
كنت أعيشك " حلم عااااابر "... ما تمنّـــــيته وْ جاني !

أعتذر !! .... ما كنت أبحكي .. انت أكثرت " الصخب " :
وْ في لساني ترقد أخطائـــك و تتلحّف لســـــاااااني !!


.
,

[حمود المخيني]

عندما تسمع بـ العشق ... تتمنى أن تجرّبـه ... ولكن عندما تجرّبـــه .... تتمنى أنك لم تسمع به من قبل :

و هذا يذكرني بطـــفلة صغيرة
ما تعطِيْ هْموم العمر .. اهتمام

كانت تنام .. وتحلم انها كبيرة
و صارت كبيرة .. تحلم انها تنام !!


. . . حمود المخيني


. ...........................................................................................................

[حمود المخيني]

..

..

ما أعــــــــاتب غيابك ... لو خذلني منامي
العتب .. : للدمــــــــــوع اللي تبلّ الوســــادة


الليالي تعلّمنـــــــــــــي ..أواجه ظـلامـــي
"في " طلوع الفجر " .. صورة .. " طلوع السعادة


ما صبرت فـْ غيابــــك شوفني و انهزامـــــــــي
"بسّ طيفــــك ملآنـــي " احتمال " وْ " ارادة


"العمر ... ما ترك لي .. غير " ذكر الأسامي
"مثْلما ياخٍــــذ اْلميــّت لــِ قبْره " عبـــــــــااااااادة

..

.

[حمود المخيني]

..

.

..

.


الليلَة هذي مــ اْهْـــتنت عينَيْ رْقــاد
لين انزعجتْ مْن الأرق والتناهيد

وَقلتَ لو شفت السّهر . . طال و ازداد !
والله لخلّي عْنادِيْ يْـــطول وْ يْــزيــــــــد !

الليَلة هذي تحمل أضداد و أضداد
فيها " عزا ميّــت " و فيها زغاريـــد !

الليلة هذي تحمل أضغان و أحقاد
وش عاد سوّى ( زيد ) او قالهْ " عْــبيد " !

ما دام حزني يغرس فْـ صدْرَي أوتاد
هو عاد تقدر تنزعه . . . نسمة العيد ؟

مرت " ثلاث أيام " والليل معتااااااد
ينام فيني لين تبدأ التغاريـــــــــد

ونا " ثلاث أيام " راضي و منــــقاد
عشان خاطر من فدى قلبها " الغيـد "

يكفي تغلّي يا " منىْ " وْ يكفِي عْنــــاد
أنا خطيت ان كان تبغين " تأكيد "

انتي مثل من غاب عن بيته وْ عاد .
من بعْد ما فرّق وَش البيت ؟ و البيد !!

وانا مثل " واحد " تـَــكــلْبـــشْهَ اْلْاصفــــاد
من كثْرَ حكْيْ لْسانَه . . . وْ فعــلــة الايـــــــــــد !

هذي " ثلاث أيام " يا ضيق .. وش عاد ؟
لو هي " ثلاث سْنين " وش ممكن يزيد ؟

ماريد ضيقة خاطري اليووم تنـــعاد
أنا تعبت من " التعب " و المناكيــــد !!

وينك ؟ تعالي يا منى . . . قلبـــِيْ بْــلاد
أرحب و أقرب. . . دامها بْـــلادك بـْــعييييد !

احتجت لك ... مثْـــل احتياجي لأبعــــاد :
شعرٍ كتبته دون " كلفة " و " تقليد "

تدري وش اللي يجعل الشوووق يزداد ؟
بيتٍ هديته لكْ ... وَ ردْدْهَ ترديـــــــــــد

(( ما كنت أسمع ( صوتك ) الّا فـَ اْلْاعياد
والحين كلما اسمعه . . يبتدي " عيد " !!! ))

[حمود المخيني]

..

..

مـن كثـر مــا ضــاق صــدري .. تنفّـسـت الشـعـر !
يـمـكَــنْ اْنْــفــث لـك قـصـيـدة ! .. لــجــل تـتـأمـلـي

ليـت لـو فيـنـي بــدل " ظـهـرِيْ الأعــوج " صــدر
ع الأقل .. يمكـن يخفّـف علـى " الصـدر المِلـي " !




..

..

[حمود المخيني]

أحتاج لـ قصيدة جديدة بـ أسمي

أحتاج ولكن ليس هذا بيدي
فلو كان كذلك لكتبت في كل لحظـــة قصيدة !!

فأنا لا أكتب الشعر ... ولكن " شي " ما بداخلي يكتبه !!

و هو يأبى أن يكتب !

[حمود المخيني]

بلقيس .. طفلة .. يتيمة عمرها : ستــّــة
عانت معاناة " انثى " عمرها خمسين !

كلما ارْتفع صوت " فرْض اللــــه " .. صلّــته
تقرا " الفلق " و " المسد " و " الفاتحة " و " التين " !

///

[حمود المخيني]

\\

\\



من كــثــْـر ما هي تستحي ، لو قلت : أحبك \ جاوبت...
وعيونها طاحت تحت : " آنا بعد ما أكرهـــك " !!


\\

\\

[حمود المخيني]

\\


\\


كثْرتْ ذُنوبي \ ربّيْ اغْفر ذنوبي
محتاااج " توبة " ..ايه محتااج تووبة !

كنّ ( الخطأ ) خلفي و يتبع دروبي
وْ في كلّ مرّةْ يْغيّــر ( ألوان ثوبه ) !

محتاج أشعل بين نفسي حروبي
عشان يدري خافقي : وش عيوبه ؟

وْ محتاج أتأمّـــل فـِ " لحْظة غروبي "
عشان " أشرق " في صفاء وْ عذوبة !

وْمحتاج أملئ بـ " السعادة " جيوبي
واتصدّق فــْ " حزني " و أملئ جيووبه !!!

حذّرت نفسي : فـ الخطأ لا تذوووبي
من ذاب فيهْ \ الناس ما يرتضوا به !

أنا عطشت ْو ليت لو كان " كوبـــي "
مملوء \ لكنْ بسّ مملوء " توووبة "

عندي كتاب وْ فيه ( فهرس عيوبي )
وَ ابحْرَق ْكْتابي بـ نااارٍ لـهـوبــه

ربّي كريم \ ان قال : يا نفس توبي
تابت ولو كانت ( كذوب وْ لعوووبة ) !!!

\\

\\
:confused:

جاءت ذات ليلة !!

[حمود المخيني]

\\

كــــش مـــلكـ


\\

[حمود المخيني]

\\

\\


اخوان ... لكن فرقتنا الظروف
اخوك أنا ياخي و انا ابن بوك !

اللي يضايق خاطري / يوم أشوف
انّه تلاقينا على " الفيس بوك " !!

\\

\\

[حمود المخيني]

\\

\\

http://www.almajara.com/photos/data/media/36/oman.gif


عمان : هي فجر العمانيّين
وْ قابوس : هو شمس العمانيّين

واللي شهد لحظة شروق الشمس،
هذا شهد " اشراقة السبعين " !!

[حمود المخيني]

//


//

http://www.hdrmut.net/vb/imgcache/2/139955alsh3er.jpg


كشْ ملك ! / ما عادت الشطرنجَ لعْبــة
كش ملك / خطوة و بيْموت الملك !

كش ملك / ما عادت الآمااااال صعبة
واييييه يا الآااااااام .. صرت اتحمّــلك !

الوطن من دون صاحب : دار غربة
وْ فارقت آنااااملي / آناااااملك !!

بس أنا ما عاد أحتاجك لـ صحبة !
لو تبي ؟ .. سااافر بعيييد ْبـأكملك

من يعاملْك بـْ كبر ... عامل بـ اْلأشبــه !
كش ملك ّ! / وآنا عرفت آعاملــــك .

الكبر ... عكّازة اللي عاش نكبه
وانت تبحث عن شعور يْــكمّلـــك !

والعظيييم اللي اذا لو طحت جنبه :
وانت خصمه ! .. يحتويك وْ يشملك !

صاحبي .. آسف / وشكرا ع المحبّــة
كان ما قصدي أعاااند و أهمـــلك

الفجر .. أذّن أذانه ْ وْ رفّ هدبــه
بسّ جفني لو غفى / ما ناااام لــك

نايــَم وْ ودي من الأحلام ... رغبة
انني أحلم بك و أتأمّـــلك !!

عااااد هي لو كااانت الشطرنج لعبة !
كش ملك ! / حااسب على راااس الملك !!


حمود

[حمود المخيني]

//

//

يقول المتشائم .. اذا اكتسب صديق جديد :

ربّـاه . . هناك شخص جديد سوف يحضر عزائي !!

//

//


تفائلوا بالخير ..تجدوه



صباح/مساء التفاؤل

[حمود المخيني]

//

http://www.wedding-groom.co.uk/images/wedding-groom.jpg

رسالة عريس: للأمــل ألــم




مرحبا ...
هذي " رسالة " . . معا حب وْ شكر
جرجري فيها عيونك
وَ لا تستعجلي !!

يا عرووسة..
أعتذر ..
لو خذلتك .. أعتذر . !
ما قدرتْ أهْديكَ " خاتم " !
وَ لبْسْكْ " الحُلي " !


يا عـــروســـة كـــان حلمــــي..أسكْــــنْــكْ الْـــقـــمر
بـــسّ أْنا عــــاجز أجيـــبك..تَـــضــــوّي منزلـــي !!

تسأليـنـي : لـيــه جـفـني غـدى " ديـمــة مـطــر "؟
دامَها يبْســـت " غُصون الأمـل " ! .. لا تـسْـألــي !

دام تــدري " راتـِبـي " ينتـَهـي ( نـصْـف الشّـهـر (
كــيــف يـمْـديـنــي أوفـّــــر لـَـجـــلْ مسْـتـقْـبـلـي !؟

وْ دام تــدري عيشـــتي من بــَــعد وجهــــك .. قبــــر
احْــــفِـــري قبْـــــري اِذا كـــــان ودّك تـــــرْحَـــــلي !

يا عـــروســـة حـــاولي تفــــهــــمي " بوح الحبر "
وان فَـــشلْـــتي حاوِلـي .. وانْ عَجزْتي حاااااوِلي !

لـيــش مـــا يـنـطـق سـكـوتـك و تحـكـيـن بْـكـبــر :
" اييييه ْأنـا أحْتـاااااج قرْبـه .. وُ هـو يحْتاااجلـي "

كــمْ قضـيـتَ آحــاول ابـنــي عـلــى شـانــك جـســر
قـلــت لـمّــا بـعـْبـره ... بـهـْـدمـه عــن عـاذلـــــي !


مـا كِسـر مجْـداف حلْمــــي سِوى ( حد الـفـقـر )
وْمـا خـَـذل أيْدي تجدّف سِوى ( عُرف الـوَلـي (

مـن كثـر مــا ضــاق صــدري .. تنفّـسـت الشـعـر !
يـمـكَــنْ اْنْــفــث لـك قـصـيـدة ! .. لــجــل تـتـأمـلي :

فــــي ثَــنــايـاها رَجـــلْ : كــمْ مَشى فـوق الجَمــر
غايـــته حلْـــمه وَ لكــــن رِجـــــع دونــــهْ خِــــلي !

ليـت لـو فيـنـي بــدل " ظـهـرِيْ الأعــوج " صــدر
ع الأقل .. يمكـن يخفّـف علـى " الصـدر المِلـي " !

كــان آخــر مــا يــأرق منـامـكْ . . . (... الهـجـر (
لـكــن اللـيـلـة بـهـااااااجــر غــصــبْ .. وتْـحـمّـلـي

مـــن بـعــد عـشــرة عـمــر .. وانـتـظـاري للـفـجـر
قـلــت يـمـكـن فـــي طـلـوعـه تـجـيــن وْ تـقْـبـلـي !

طـاحـت " أوراق الأمـانــي " عـلــى أرض الـقــدر
و الخـريـف الـلي يـعـمّ العـشـق.. مـــا ينـجـلـي ؟؟

مـاتــت أشـيــاْ .. كـــمْ تمـنـيـت .. أحـيـاهــا عــمــر
وْ ظلـت أشـيـاْ .. كــمْ تمـنّـت تشـاهـد " مقتـلـي " !!

الحزن : آآآآخر ( مَحاصيل عمْري ) . . . و الشجر :
صــار مــا يثـمـر اذا يـحْــرَثْ ارْضـــهْ مـعْـولـي !!

مــا فَـقـدتـك .. دامَ بـاقــي فـَ شـعْــري لـــكْ .. ذكــــر
يـشْـبَـهْ بْـ ْمـطْـلـع قـصـيـدة لـ " شـاعــر جـاهـلــي "

يا عــــروسة ... أ ع ـتـذ ر ... ما تحـمّلنيْ الصبر !
قمتَ أْجمّــع لكْـ مَــــهر / .و المَـهر ..جوّع هَــلي !

يا عروسة ... أ ع ت ذ ر
كان يرضيك العذر
مهـْــرَكْ اغْلى من : وُجوودي مَعك !
وْتــْــــخـيَـــلـــي !

حمود المخيني

[حمود المخيني]

\\

\\


\\



http://www.fikrweb.net/imagesnews/1302825430.jpg





حُـــســـين




لـيـش ضـايـق ؟ تكـلّـم يـــا صـديـقـي حٌـسـيـن
لو تبي ؟ خذ ( قفص صدري ) سجن للهموم !

مـــا تـعــوّدت أفــتّــش فــــي خــفــاك الـدفـيــن
ان نـشـدتـك عـلـومـك .. هـــات كـــلّ الـعـلـوم

ايـــه أدري لـسـانـك فــــي شـفـاهــك سـجـيــن
بـسّ عيـنـك تـبـوحْ انْ كــان صـوتـك كـتـوم !

يــا صديـقـي عرفـتـك مـــن سـنـيـن ْوْ سـنـيـن
تعْـبـد الله وْ تصـلّـي لــه .. تـزكّــي وْ تـصــوم

كـلْ كـلامـك سيـاسـة : بـيـن دولــة و بـيـن . .
شعبهـا / لـو ضمـى .. مـن جرّعـه بالسمـوم ؟

و " النّظـام الأساسـي " .. مـن حقـوق الجنـيـن
لـيــن حـــق الـعُـمــوم وْ واجــبــات الـعـمــوم !

يــا صديـقـي عرفـتـك ..طــول عـمـرك أمـيـن
تحـفَـظ الـديـنَ هــذا .. عــن خـصـام الخـصـوم

لكَـن اليـوم ( عينـك ) كنّـهـا أمــسَ " عـيـن " :
فجّـرتـهـا هـمـومـك ..واشْرَبـتـهـا الـكـمــوم !!

نـور وجـهـك خـفـت مــا بـيـن لحـظـة و حـيـن
كـــان نـــورك يـغـطّـي نـــور كــــل الـنـجــوم

ضـيـقـتـك لــــو سـبـبـهـا مـذهـبـيّـة و ديـــــن :
الـخَـمـر يعـصـرونـه مـــن ثـنـايــا الــكــروم !

يــــا حـسـيــنْ الْحـقـيـقـة خـافـيــة مــــا تـبـيــن
نــورهــا يــــا صـديـقــي عـتّـمـتـهْ الـغــيــوم !

المـهـم انـــتّ مـسـلـم .. خلـقـتـك مـــا و طـيــن
والـسـبّـاحـة تـخـلّــي مــــن عـرفـهــا يــعــوم !

انــتَ مـسـلـم .. لـذلــك .. انـــت جـــدا حـزيــن
مــن مـتـى والمـذاهـب .. هــي هــدف للهجــوم ؟!




حمود المخيني

[حمود المخيني]

\\

\\

أحتاج لك .. ما دام في صدري رئة
تشهق زفيرك ! حتّىْ لو ينفث " تعب " !

طبيبتي ! .. آنا بـ " حالة طارئة "
جرحي : ( غيابك يوم ) دون أيّــة سبب !

مديت لك كفّـــي ... و انتي " قارئة "
يمكن تنبأتي بــ " مستقبل صعب " !!


\\

[حمود المخيني]

الوحدة
الغربة
الليل
الظلام
البرد
و
أنا

[حمود المخيني]

مفاعيلن مفاعيلن مفاااعيلن مفاعيلن
مفاعيلن مفاعيلن مفاعيلن مفاعلين

مفاعيلن مفاعيلن مفاااعيلن مفاعيلن
مفاعيلن مفاعيلن مفاعيلن مفاعلين

مفاعيلن مفاعيلن مفاااعيلن مفاعيلن
مفاعيلن مفاعيلن مفاعيلن مفاعيلات

مفاعيلن مفاعيلن مفاااعيلن مفاعيلن
مفاعيلن مفاعيلن مفاعيلن مفاعلين




نموذج لبعض القصائد في ساحتنا - و أقول البعض - !!


بدأت أشعر بالملل من هذه التفعيلات - لا وبعد فيها كسر !!




وجهـــــــــــــــــــ نظـــــــــــــــــــــر ـــــــــة

[حمود المخيني]

\\

\\

في غيابك ما نزفت الحبـــْــر لجْــل أكتب قصيــدة
كنت أرسم ( اذنك ) و أهمس لها : طوّل غياااااابك

:(

[حمود المخيني]

\\

من أجمل ما سمعت !

\\

http://www.youtube.com/watch?v=s5InjCrWXcA



\\

الشاعر : محمد بن علي السعيد

[حمود المخيني]

\\

\\

أنا أحتاج دمعة ... من بيعطيني ؟؟
عسى انْــها تواسيني علىْ ْغيابه !

\\

\\

[حمود المخيني]

\\

\\


أعتذر .. برحل و بترك لك قصيدة
وان ذكرتي شاعرك .. اقريْ القصيدة

الفراق ْ أصلا مصيرْ لــْ كلّ كائن
دام أنّ الموت له " ساعة أكيدة " !

\\

\\

[حمود المخيني]

\\

\\

الشي الوحيد اللي دايما اتذكره ... نسيته !!

\\

\\

[حمود المخيني]

\\
\\

أمر في مرحلــة من الخمود .. والجمود . لأكتشف أكثر ... من هو " حمود " ؟

\\
\\

:rolleyes: مجرد نثر

[حمود المخيني]

\\




مليت من كثر القراءة و الأوراق
وْ مليت طول اليوم أحضن سريري ‍!!


ومليت من كثر التــسوّق فـ الأسواق !!
حتى نشف من كثرة الصرْف .. بيري !!


أحتاج " شيّ " ْيفرّ بي فوق الآفاق !
للحين ما حلّــق و لا طاار طيري !


آنا زهقت وْ خاطِريْ الْمنْجَرحْ ... ضاااااق !
شكلي بَرووح آخذْ لِيَ " BlackBerry "



\\


http://www.silaset.info/wp-content/uploads/2011/07/blackberry_curve_8900.jpg

[حمود المخيني]

هذا العيد



قمت الفجر ..
صليت ..
ورْجعْــت سلّــمت .. !


واللحين ... بحضن ايْ وساااااااادة قريييبة !


http://www.fekrh.com/vb/imgcache/2/8897www_fekrh_com.gif

[حمود المخيني]

\\

\\

http://www.jawwad.org/uploads/attachments/1278855400.jpg


آآآخ من " ايليا أبو ماضي "
عايش الحاضر و هو ماضي !

ما يُخلّــد ذكْـــر من مــــــاتوا
دام عيشتهم على الفااااضي !




\\

[حمود المخيني]

\\

\\

http://i89.servimg.com/u/f89/14/49/22/35/i_logo12.jpg


أدرس حقوق وْ ليت ما أدرس حقوق
للحيـن ما لاقيت لي حقٍ .. درسته !


الْــفجْـــر ما يصحى بلا نور و شروق
واللي حصدته لازم الأول غرسته !


أحتاج " قلب " وْ " نبض " واحتاج لـْ " عروووق "
قلبي من الأمراض " كحّيـــت " وْ عطستــــه !!!!!!!!!!!!!!


\\
\\

[حمود المخيني]

\\

http://www.omarib.com/wp-content/uploads/chess.jpg


\\

\\

أحساسيْ يوم آلاعب ( آبووي ) شطرنج
كنّـي أواجـــه ألْــف لاعب فــ لاعب !!




\\

[حمود المخيني]

\\

\\

http://baladnanews.com/photo/1261920182chess.jpg


انهزمت اليوم في أربع دقايق !
خصمي الغالب بدأ يضحك عليّه

الهزيمة تجعل الفرحان .. ضايق
وبْــصراحة كانت الغلطة غبية !

\\

[حمود المخيني]

\\

\\

http://t3.gstatic.com/images?q=tbn:ANd9GcTD5ZK3n3Oo8MTZim10qf-yY15cPWTUWg7uxHO7DgdlrIAOHqRJrQ



\\

كومارَ : هندي يبيع الخبْز ف الحارة
معاه " سيكل " وَ يعبر به علىْ الحاارة

يبني طموحه على رزقه من المخبز
وش عاد لو نصْف رزقه , رزقَ أْهْل داره ؟!

فقير , , , عابر سبيلْ , , , وْ منحني ظهره
حمّـل عليه الفقر , , , زاده و أسفاااره !

كسير , , , جسمه نحيل ْوْ ( سنبلة قمحه )
تغنيه عن سنبلات " المُـــعطِيْ الكاره " !

كومار : " هندوس " لكن في معاملته
"مسلم" يبي جنة الله ْوْ يتقي نااااره !

وجهه مُنير , , وْعيونه تمتلي طاعة
نوره يغطّي فضاء الكون و أقماره

ما ينْـقـَــصهْ غيرَ ينطق بالشهادة , , , لو
ينْطقْ بَـها كان دامت فيه أنــــــــــــــواااره

مسكين كومار يبقى من معاشه بسْ
ربْعهْ , , , ولا يشتكي للناس اقداره

مسكين يضْحكْ مَـع ْالناس ْو يسولفهم
ما يشعروا به ولا يدروا عن أسراره

كومار , , , لعبة ف يدّ ْولاد حارتنا
يرميهُم الخبْزَ لو يرموه بحْجااارة !

يؤمن بِأن الرّجل لو غاص في فقره
يمكن يجي يوم يلقى فيه محّــــااااره !

يؤمن بالأخلاق , , و الطيبة ولا يؤمن
بالغطرسة , , , و اتَباع النفْسَ اْلأْمّارة

دين الرّجل ما ينقّـص شيّ من قدره
مع البشر , , , لو نقص عنْدْ اللهَ مقْداره

كَفيل " كومار " مُسلم ملتحيْ وْ شايب
ياخذ " رُبع رزْقــَــه " وْ ما يقْبـَـل أعذاره !!



.. حمود المخيني ..

\

[حمود المخيني]

\\

\\


أحتاج انثى تقول : " ان غاب حضنك ..
برضى بـ ( حضن العنوسة ) بسْ عشانك " !!


!!



\\

\\

[حمود المخيني]

عودة


من

جديد


:)

[حمود المخيني]

\\

\\

أحتــاج قلب و نبض .. و أحتاج لْـ عروق
قلبي من الأمراض ... كحّــيت وْ لفظتــــه !



\\

\\

[حمود المخيني]

\\

\\


ثواني . . من قبل ترحل . . . ثواني
أنا محتاج من وقتك . . . . . ثوانـي

ترجّع عمري اللي لكــ صرفتـــــــــه
ابى اصرفـْه في انسان ثانــــــــي !!

\\

\\

[حمود المخيني]

\\

\\

, , موعد ، ،

وينك ؟ , , , عبرت المسافة , , , لجْل موعدنا
أشهق" صبر ", , خايف ان الأنتظار يطول !

ويييينك , ,؟ وليت الأمل لو كاااان يرشدنا
لو " ضاع " حلمي وحلمك من هو المسؤول ؟

أنا و انتي . . على الضيقة توسّدنا
واللي يواري جروحي , , شعرك المسدول

( غدْر السهر ) لو دنى من ( ظهْر مرقدنا )
ويش الغريب ان صَبح " نومي " وَهو مقتول !

للموت غيمة ، ، رعتها الريح ! ، ، ، ترعدنا
خوفي قبل شوفتك يتساقط الهملول !

هو ينتظرنا من أول يوم مولدنا
مثلي , , , و يدَي بقبضة بابك المقفول !

وْ في يوم موتك , , , أنا وانتي تشهّدنا !
ما دام قلبك بقلبي يالغلا , , موصول

أذَن " أذان المفارق" / وين مسجدنا ؟!
ابى توضى طهارة جسمك المغسول !

مع السلامة , , تباعدنا , , , تباعدنا !
ما عاد ينفع لسان الشاعر المعسول

وش ذنبنا ؟ دامها الأيااااام تجلدنا !
وش هيبة الغد؟ / غير القادم المجهول!

الموت : " فلاَح " يزرعنا و يحصدنا
والعمْر: "محصول" يقصر موعده ويطول !

موعد ! و هذي نهاية " يوم موعدنا "
موتك ، ، ، و طعنة بسيف أحزاني المسلول


\\

\\

[حمود المخيني]

الفقر و البطالة



انــــا مـحـامــي عــــن جـمـيــع الـمـسـاكـيـن
ـــــــــــــــــــــــــــــ قـضـيّـتــي ضـــــد الــفــقــر و الـبـطــالــة !

حـد ْانكسـر ظهـره كثـر مـا حمـل { ديـن )
ـــــــــــــــــــــــــــــ و حْــدن يـشـدّ لغربـتـه , , , كــلْ رحـالــه !

و حْدن كسـر حصّالتـه , , , يـآآآآآه مسكيييـن
ـــــــــــــــــــــــــــــ هــــذي حـصـيـلـة سـهــرتــه و اشـتـغـالــه !

وْحــدّ انـحـرف و اخـتـار لــه سـكـة الـشـيـن
ـــــــــــــــــــــــــــــ أصــــلا بـيـلـقـى غــيــر درب الـضـلالــة ؟!

هــذا يُقـيـم لـعــزة الـنـفـس , , ,( تـأبـيـن ) !
ـــــــــــــــــــــــــــــ لـــو كـــان يـكـسـب لقـمـتـه مـــن ســؤالــه !

أحيان ، ، أحس ّ انّ الفقر فالبشر { جيـن }
ـــــــــــــــــــــــــــــ الأبْ يعطـي { جيـن فقـره }, , , , عيـالـه !

و أحيـان , , أحسّـه , , , مثْـل كـل القوانـيـن
ـــــــــــــــــــــــــــــ تسري علينا بسْ,,,! و ( ناس ) اْستحاااااالة !

في " سوق مطرح " , , و ازدحـام الدكاكيـن
ـــــــــــــــــــــــــــــ ولــــد يـتـاجــر بـالــوفــا , , , لـلـحـثـالـة !!

رثّ الـمـلابـس , , مـظـهـره يـزعــج الـعـيـن
ـــــــــــــــــــــــــــــ حافـي و " أرض السـوق " , , كانـت نعـالـه

جيتـه , , وقلـت اعطـيـه مـنـي , , , ريالـيـن
ـــــــــــــــــــــــــــــ عـســىْ ْانّــهــا تـصـبــح امــــوره سـهـالــة

قـلـت الـســلام : و قـــال : اهـــلا و سهـلـيـن
ـــــــــــــــــــــــــــــ ونــــا سـألــتــه عـــــن عـلــومــه و حــالـــه

ثــم ابتـسـم لـــي : يـــا صـديـقـي أنـــا زيـــن
ـــــــــــــــــــــــــــــ اتــنــفّــس و أركــــــع لــــــربّ الــجــلالـــة

أبــوي نـايــم , , ! بـــسّ متـلـحّـف الـطـيـن !
ـــــــــــــــــــــــــــــ خـلاّ ( ثـلاث اشخـاص ) , , فـالـنـاس عـالـة

أمـــــي عــجـــوز تـعــيــش دار الـمـسـنـيــن
ـــــــــــــــــــــــــــــ و أخــــوي ضــايــع فــــي دروب الـجـهـالـة

و أنــا , , أدوّر عــن عـمــل لـيــن هـالـحـيـن
ـــــــــــــــــــــــــــــ عــســى أحــقــق رغـبـتــي مـــــن خــلالـــه

حـسّـيـتــه ْيــحـــاول يـبـاغـتـنٍـي ْبـلــيـــن
ـــــــــــــــــــــــــــــ وْ يمـيّـل أغـصـانـي عـلـيـه , , , استـمـالـة !

وْحـسّـيـت مـــا يسـتـاهـل أعـطـيـه ميـتـيـن !!
ـــــــــــــــــــــــــــــ مـدري , , أحـس ف نبرتـه شـيْ , , , نـذالـة

هـزّيـت راســي ، ، قـلـت لــه : ربــك يْعـيـن
ـــــــــــــــــــــــــــــ وَ رحـــــتَ مـــــا ودّي اطــــــاوع هــبــالــه

حتـىْ ْابتعـدت وْ رحـت مـدري الـى ويـن !
ـــــــــــــــــــــــــــــ وْشـفـت ( الـولـد نفـسـه ) , , وقفـلـي قـبـالـه

وَ قال : خذ , , , طاحن من ايدك رياليـن ! !!
ـــــــــــــــــــــــــــــ مــــن بــعْــد مــــا كلـمـتـنـي ف الـبَـقَـالــة !!

يـــا ربّ أبـعــد عـنـنـا الـظــن , , , آمـيـيـيـن
ـــــــــــــــــــــــــــــ الفـقـر مــا هـــو مـــن نـقــص جـيــب مـالــه

الـفـقْــر فــقــر الــــذات والـخـلــق والــديــن
ـــــــــــــــــــــــــــــ يـــا كــــمْ غــنــي مــــا ذاق لـقـمــة حــلالــه

انــــا مـحـامــي عــــن جـمـيــع الـمـسـاكـيـن
ـــــــــــــــــــــــــــــ قـضـيّـتــي ضـــــد الــفــقــر و الـبـطــالــة !

حــال الفقـيـر الـيـوم , , حـالـه مٍــن ْسنـيـن
ـــــــــــــــــــــــــــــ مــحّـــد ســعـــى حــتّـــى يـــــدوّر بـــدالـــه

ويــــش الـغـريــب انّ الـفـقــارى مُـدانـيــن ؟
ـــــــــــــــــــــــــــــ دام الـغــنــي هــانـــي بـثــوبــه و شـــالـــه !

سَـرق لَجـل يهنـأ بـ( أرض السـجـن ) ليييـيـن
ـــــــــــــــــــــــــــــ يـلـقــى وطــــن , , يــقــدر يـحـقــق مـنـالــه

والله ان الـــنــــوم جــــنــــب الـمـســاجــيــن
ـــــــــــــــــــــــــــــ افـضــل مـــن انـــه يـنــام جـنــب الـزبـالـة !



حمود المخيني

[حمود المخيني]

قالت : معي كلّ أشعارك , , و بشطبها !
ــــــــــــــــــــــــــــــ كلْها حزينة : معانـــي , , قافيـة , , صورة !

قلت الشّعر : طفلتي و الحزْن ملعــــبها !
ــــــــــــــــــــــــــــــ تـــعوّدت فــــيه تلْعـــب , , , بسّ معـــذورة

وْ قلت الشعر , , يبــــهج الروح وْ يعذّبهـــا
ــــــــــــــــــــــــــــــ الصبْح تسْعد , , و تقضي ْالليل مقــــهورة !

الشعْــــــر مــــرآآة هـ الـــروح وْ رغايبـــها
ــــــــــــــــــــــــــــــ مشاعري تنعكس في وجهها ( صــــــــورة )

انْ حسّت بْــحزن , , أكتب ما يــطــيّــبها
ــــــــــــــــــــــــــــــ وان ذاقــــــت السعْد قلت ْأبيات مــســرورة

وان حسّت بْــ ضيق ... أصنع بـ الشّعر ( طبْــها ) !!
ــــــــــــــــــــــــــــــ وان ما بقى حدّ معْهـا ... يكفِيْ حْضـــوره !

وانْ حسّت بْــذنْب , , أكتب مــا يعاتبــها
ــــــــــــــــــــــــــــــ و ان حسّـــت ْبفخر قلت أبيات مغــــــرورة !

قالت : و اذا غبت عنّـــك كيف تكتبها ؟؟
ــــــــــــــــــــــــــــــ قلتْ اعتقد بكتب الأبيات مكسوووووورة !!!!

حمود المخيني


\\

[حمود المخيني]

الأبتسامــة تــــرى راحـــة
ــــــــــــــــــــ لو تبتـــسم تشـــعر بْراحــــــة

ارسم على غيرك البسمة
ــــــــــــــــــــ و امسح حِزنهم بـ " مسّاحة " !

تخيل انك مع أحبابــــــــك
ــــــــــــــــــــ تمشي معاهم على باحـــــة

جنّة و ( أغصان مستوره ) :
ــــــــــــــــــــ بأوراق , , و ازهــــار فوّاحـــه

والشمس تغزل أشعــــتها
ــــــــــــــــــــ و " الديك " مسرور بصياحه !!

( غصن الأمل ) مثمر و مايل
ــــــــــــــــــــ وْتقطف لهم منْــه , , تفّاحــة

وْ ( باب السعادة ) على الجنة
ــــــــــــــــــــ والكــل فـْ اْيديهَ مفتاحـــــــه

تْـــخيّل و بـــعدها اضـــحك
ــــــــــــــــــــ بتحسّ بـ الروح مرتاحــــــــة

منـــــصور من واجه أعداءه
ــــــــــــــــــــ والأبتسامة هِي ْسلاحـــه !

حمود

[حمود المخيني]

آنا أبى أسهـــر . . . أبــــى أسهـــر الــــيوم
ــــــــــــــــــــــــ مدري ... أحس القلب ، هذي رَغــبْته

احتاج اســهر ، سهْـــرَة انـــسان مهـــمـوم
ــــــــــــــــــــــــ يشبه ( هدوء الليل ) صمته ، و كبــْـته

من قال ان ّ " الـ Nescafe " يبعد الــــــنوم ؟
ــــــــــــــــــــــــ اصـلا انا ما نام ... لو مــــــــــا شربتْه !!