بووووحــــي الهــــــادي [الأرشيف] - منتديات السلطنة الأدبية

احمد المعمري

18-01-2011, 04:57 PM

ما تجــــــــــود به لحظات الحزن

من هنــــــــــــــــــا

احمد المعمري

18-01-2011, 05:00 PM

يا رب ادري كم سهيت وتماديت

الذنب ما هو ذنب أحمد لحالة

الذنب ذنب اللي اذا جيت صليت

تظهر لي طيوفه واقبل خياله

احمد المعمري

18-01-2011, 05:01 PM

يمكن ابموتي يموت بداخلك ( كبر ) وتصيح

بس انا كم كنت اموت بداخلي ان شفتك بكيت!!

احمد المعمري

18-01-2011, 05:03 PM

ودي اضمك داخل القلب وارتاااااح

بس العيوووون محلفتني تشوووفك

احمد المعمري

18-01-2011, 05:04 PM

حبيبتي والسحاب اشتاق للمنفى

مطر يشتاقلك واشتاقت ربوعي

تضمك عالاقل ينقالك اوفى

من انك تقضي اسبوعك بلا اسبوعي

احمد المعمري

18-01-2011, 05:07 PM

انا والهم والدنيا وبقايا دورة الايام

جماعة ما تفرقنا سوى انتي واذا كنتي

فتاة الحلم طالبها معاية كومة الاحلام

تقاوت لجل بس تنطق تقولك حلمها انتي!

.

احمد المعمري

18-01-2011, 05:08 PM

ياهي مصيبة ان ضاق صدر وتألمت

يضيق بك هالكون كثر اتساعة

و ياهو قهر لو بان سن وتبسمت

وانته من الافراح عايش مجاعة

احمد المعمري

18-01-2011, 05:12 PM

وينك يا غايب مدام الوضع انساني

و ان كنت راعي عليّه ليش ما ترعي!!

عيّيت اشكي هموم" تنثر احزاني

ما فاد شوقي و لو هو لخاطرك يسعي

ي غايب اليوم فرحي صار يجفاني

ارجوك ارجع وجفف بالفرح دمعي

بات الحزن داخي بيّهد اركاني

ي خوفي ترجع بعد ما ينطفي شمعي

و يا خوفي ترجع ولكن كيف تلقاني!

ما غير ميت فقبري وأمي لي تدعي

احمد المعمري

18-01-2011, 05:15 PM

يا قلب كم قلنا الفرح قسمة ونصيب

وانته معاندني مع الحب يا قلب

راحوا وصوتي ما لقى ل صوته مجيب

مرن ثلاث شهور والشوق في حرب

قم شوفهم ما ينفعك ضيق النحيب

جايز تلاقيهم ولو صدفة بدرب

احمد المعمري

18-01-2011, 05:17 PM

ما عاد جرحك بهذا اليوم يألمني

نزعت قلبي وخلف الظهر حطيته

لا انته بقد المحبة ولنت سامعني

والصمت للجرح دمعة واسدلت بيته

جارح سكوتي او انك انت جارحني

م عاد تفرق مدام الجرح داويته

بيتك بلا سقف قلي كيف ساترني

يعني المطر فيه ولا دون لاقيته

لكن ولو جيت دربك شوق سامحني

الشوق اقوى ليا من شب كبريته

احمد المعمري

18-01-2011, 05:19 PM

ابيك واللهفة تسابقني اليك

يا درب روحي قبل عيني دلته

اكذب عليك ان قلت ما اكذب عليك

حتى معا طيفك غرامك لذته

اجيك والخطوة تناديلك ابيك

والشوق شمس وكل عاشق ظلته

ما عاد لي همسك ولا لمسة يديك

وانت المكان بداخلي لك جلته

خايف يخونك قلبي وازعل عليك

دامه وحيد وكل ناسه خلته

احمد المعمري

18-01-2011, 05:20 PM

كنت اعتقد انك وطن حب و وفى

الين شفت الحب متشرد معاي

ي اكذب من احساسي اذا نادى قفى

نبكي وانا ما عاد ينفعني بكاي

احمد المعمري

18-01-2011, 05:22 PM

شبيت نور الغرام وسرت في دربك

يالله عسى اوصلك وابشر ب احوالك

كشفت صدري وندهتك اشتهي ضربك

لكن تجمل ف قلبٍ تاه لوصالك

ما هو عشانه لجل استرسل فحربك

لكن عشانك سكنته ولا على بالك

.

احمد المعمري

07-02-2011, 04:10 PM

للجرح اجمل سنيني وقاسي طعونك
يعني همومي وضياعي منك عالفاضي

احمد المعمري

13-05-2011, 08:26 PM

اذا الله دعيته يهدي اوصالك ولا جابك
انا عبده ابسأل حضرتك كيف اقدر اجيبك!!

احمد المعمري

13-05-2011, 08:27 PM

حبيبتي من كثر م اسعى لمطالبها
لو تطلب الموت بتغاضى وقدمته!!

احمد المعمري

03-06-2011, 02:59 AM

محتاج للوحدة ومحتاجلك انت
مدري شسوي بين هذي و هذي !!

احمد المعمري

02-07-2011, 05:26 AM

بكير نلدغ يا عشق منك مرتين
لا صار جحرك من صنيع الغواني

رح علم اللي يخلط الزين بالشين
اباخذ بوقته شوية ثواني

ان بعد فرقاه ميتين ميتين
هذا اللي ناقص من فراقه اعاني

احمد المعمري

02-07-2011, 05:29 AM

القهر ما هو غيابي عن حروفك
ولا هي ايامي اللي ضاعت في ضروفك

القهر صرنا مثل وجهين عملة
مع بعض دايم ولا اقدر اشوفك

احمد المعمري

04-07-2011, 09:10 AM

ليتها طفلة وليت اني ابوها
لجل كل ما هي بكت جات احضنتني!!

احمد المعمري

16-07-2011, 09:46 AM

صاحبي لا تنبش القلب وجراحه
خلني ساكت وخلك مستريح

فالزمن هذا لو بتحكي الصراحه
ما يحارب غير الانسان الصريح

احمد المعمري

16-07-2011, 09:49 AM

صباح الخير يا وجه(ن) ملاه الحب والتغيير
صباح الخير يا طيف(ن) تعبني التفت صوبه

صباح الخير يا شاعر شغلة الحب والتفكير
صباح الخير ليت انها تطفي الليل وذنوبة

أمر لدارها مسرع أدوس الشوق والتبرير
وداري قالها( ميحد ) عقبهم غير مرغوبة

احمد المعمري

21-07-2011, 04:58 PM

يا رب بكيت فمولدي وهم يضحكون
ودي أموت اليا بكوا وأنا ابتسم

في يوم تظهر فيه طلابة ديون
ولا الاسم م اظن يذكر لك اسم

احمد المعمري

04-08-2011, 04:17 AM

ما مات زرعي لا جفا غصنه الري
شوف المطر له في طلوعة علامات

ولا مت من فرقى جنابه ولا شي
غطيت جرحي للملى ب ابتسامات

وان كان همه ومقصده حيلة ايدي
له بيت مني يختصر كل الابيات

شخص(ن) يموت وداخل قلوبنا حي
وشخص(ن) يعيش وداخل قلوبنا مات

احمد المعمري

08-09-2011, 04:39 PM

شافوا ابتسامه قالوا الحمد مرتاح
لا ما دروا للحزن فيني ابتسامه

احمد المعمري

08-09-2011, 04:40 PM

منت اول شخص يجرحني ويغيب
شوف كم غالي جرحني ثم غاب

يعني عادي بقتنع ب انه نصيب
بس تعال اقنع حبيبك بالغياب!!

احمد المعمري

09-09-2011, 06:59 PM

تدري....

وش يساوي الوفا في عيوني!!

اني احبك وانت اصلا لغيري

احمد المعمري

12-09-2011, 11:10 AM

دقايق...

الجرح شاغلني

بكلمه ثم راجعلك

احمد المعمري

12-09-2011, 11:12 AM

للأوطان الجريحة

هذا وطن محتاج حاكم حيادي
استوطنوه الغرب ثم لامه الشرق

كل ما يسافر في جروحه ينادي
سحقا لشعبي وسحقا لسالفة ( عرق )

احمد المعمري

12-09-2011, 11:19 AM

يا وطن خفت فغيابك لا تمر النار ريح
ما هقيتك تطعن بظهري وتزيد النار زيت

يا وطن كم لي انادي من سهم قوسك جريح
انزف جروحي قصايد ما سعفها غير بيت

لا تحسب العيب لو أحمد من بعادك يصيح
بس عيب انك تروح وشفتني لجلك بكيت

احمد المعمري

06-02-2012, 02:17 PM

أحبك والعيون ان سولفت بجنون
علي أستغفر الله كثر ما أحبك

أنا وان قلت يا خلي ترى مفتون
جنوني فيك ما عده سوى ربكـ

أنا ما أحبك إلا لك بعد مديون
تصور عاد من شوقي لك أسبك!

احمد المعمري

06-02-2012, 02:18 PM

مشغول جدا وأدور لي على حاجه
انسى بها ما مضى من عمري الماضي

الدرب موحش ولكن حيل محتاجه
والعشق دولة ولكن ما بها قاضي

فتشت أمسي عليك وقلت نتواجه
لا ـ الليل يسعف وأنا م أقبلت ب أعراضي

وأللي كسرني وهل الدمع وامواجه
صورة قديمة أفضحتني بين أغراضي

لا تستحي يا حزن خذ ملكي وتاجه
قبلك حرجني كثير وقلت أنا راضي

ويا الفرح رايح إذا تامر على حاجه
من كثر حزني أنا ما عدت لك فاضي

احمد المعمري

06-02-2012, 02:18 PM

وش له نحب ونوجع البال والراس
قليل من يصدق لجل خاطر الحب

ناس(ن) تحب بس لأنها فاقده احساس
وناس(ن) تعيش الحب للجنس واللعب

احمد المعمري

06-02-2012, 02:19 PM

من هو يلوم الحزين ان طال في نومه
لا عاش ليله فراق وهلت أحزانه

تفداه إهات وسط الصدر مكتومه
ولولاه صابر تفجر صمت بركانه

يشب سيجار همه من عنى يومه
يستعذب الحزن من تلويح دخانه

احمد المعمري

06-02-2012, 02:20 PM

البنت هذي شي اشبه بالمحال
مو كل من جا بالقصاد كتبها

اسطورة القمرة على خد الليال
تحكم قلوب ويرحم الله شعبها

احبها عمر وقبل امس وازال
احبها البارح وبكرة احبها

كريمة بعيني ولا فيها جدال
وتبخل على الساقي بحبة رطبها

اهي كذه متناقضة حد الخيال
مدري سهلها كيف يغلب صعبها

كل المشاكل لا احدثت ابسط مثال
نادوا ب اعلى الصوت هذي سببها

ما اثرت فيني سوى بنت الشمال
لا تقربوها دام قلبي خطبها

احمد المعمري

06-02-2012, 02:21 PM

يا صاحبي محتاج أفضفض لك شوي
تاعبني الحزن وتمادى عذابي

رايح أغير جو يومين ل دبي
ليت الحزن ما عاد يقرأ كتابي

الأمنيات كثار بس ما بها ضي
دام الأمل ما عاد يسعف مصابي

وانت وبني عمك على معاتب الحي
والشارع الجاف ومعاند سحابي

والمجتمع وأهلي وقصر حيلة أيديي
يا ليتكم تدرون لو جزء مابي !!

احمد المعمري

06-02-2012, 02:23 PM

الشعر اشقر والمتن يحكي سوالف الانسياب
اواااااااه لا منه تمايل واغرق البسمات شيييز

اتذكر اللي قيل عن طاري الحسن والانجذاب
على لسان كبارنا ( محلى جمال العنقريز )

احمد المعمري

06-02-2012, 02:25 PM

ما عدت اصدق كل داء له دوى
هذا انا لي جرح ماله مداويه

قويت اصون الجرح لكن ما قوى
يصبر على برد الفراق ولياليه

جينا سوى للحب ما رحنا سوى
وش ذنبه العاشق بحيلة اياديه!!

احمد المعمري

06-02-2012, 02:28 PM

تضيق فيني لاا هدى الليل واحشمك
واطلب من الله بشوفتك قبل لاا أنام

خايف قراري بحزة الضيق يظلمك
ويمكن تغير صورتك عبر الأيام

واعيش بك أحلام وان جيت أكلمك
تضيق فيني زود واعيشك أوهام

ياخي تعبت أصبر وأكابر وأعلمك
م انت بكفو واقع ولا كفو الأحلام

احمد المعمري

06-02-2012, 02:31 PM

رح للذي علمك تقسى على الناس
يعلمك وش ناتج الجرح منك

الناس يا سيدي ترى خلطة أحساس
تذوب لا من مسها جرح منك