امسك حرامي

[ياسر الششتاوي]

امسك حرامي
************
امسك حرامي
من لسانه
جمّع الناس
يعرفوا أصله
عشان تبقى الحقيقه مجلجله
خدع العيون
بشوية الحركات
وقلنا شاعر الجمهور
وصاحب منزله
أتارى مداري
لص جامد
في هدوم الحنجله
يطلع علينا
بالطهاره يدّعي
يحكي حكايات
والغلابه يصدقوا
يدهن كلامه
بالنفاق حبه
وحبه يلزمه
ينجرّ ف دور مرجله
حفظ الجميع شعره
وتاري شهرته
من سرقته
ظن الأمور
ممكن تمشّي
لجل يضحك ع الدقون
شال طبلة التمثيل
وطبلته مذهله
فجأه
يبان إنه حرامي
يخسر العشاق
ويخسر مهنة السرقه
يجوع
تنطيط على الشرفا
وجوع اللص
أكبر مشكله
امسك حرامي
من لسانه
واقطعوه
علشان يبطّل يدّعي
واوعوا
يصدق حد
صوت الطرمخه
ويكون سفير المهزله
لازم يعاقب
طهروا الساحه
من الأفاق
بلاش نبني جحور
تأوي العقارب
دا العقارب كلها
قرص الخيانه تحلله
امسك حرامي
من لسانه
قبل كدبه
ع الوضوح
ويبرطل الواد
ع الحقيقه
أو تموت المسأله

شعر : ياسر الششتاوي
21 ـ 4 ـ 2011

[محمد الشرقي]

الله الله الله يالششتاوي

ايه دا الكلام ياباشا يستهلو الحرميه البلطجيه دا الكلام

وهنمسكهم من ودانهم وهنعلأهم من نفوخهم وهنوديهم قسم شارع الهرم بالقاهره

عشان يغورو فستين دهيه

تسلم يشاعرنا ونزل كمان وكمان من الكلام ده عشان الحرميه يبطلو السرقه

فرحتنا أوي أوي بكلامك الحلو اللي كله حكمه وتسلم يبيه ولا تحرمنا من طلتك البهيه

[ياسر الششتاوي]

الله الله الله يالششتاوي

ايه دا الكلام ياباشا يستهلو الحرميه البلطجيه دا الكلام

وهنمسكهم من ودانهم وهنعلأهم من نفوخهم وهنوديهم قسم شارع الهرم بالقاهره

عشان يغورو فستين دهيه

تسلم يشاعرنا ونزل كمان وكمان من الكلام ده عشان الحرميه يبطلو السرقه

فرحتنا أوي أوي بكلامك الحلو اللي كله حكمه وتسلم يبيه ولا تحرمنا من طلتك البهيه
أشكرك أستاذ محمد والله كلامك أحلى من السكر تذوقه قلبي فطار فرحاً وما زال في السماء حتى الآن
وإلى أن يعود وبعد أن يعود لك محبتي وتقديري

[خالد الكويلي]

صح لسانك استاذي الغالي كلام جميل جدا ما قصرت

تقبل مروري