قديم ( جونو يالحشره الكبيره )

[سليمان الرواحي]

يقول الشاعر / فيصل بن عبدالله الهادي في ( أيام إعصار جونو )

أطلب ربي و أستجيره
يغفر زلة الإنسان
رب(ن) عالم بالسريره
يعلم ما ختفى وظهر

وضربات الزمان خطيره
أرهف من حد السنان
وشربته كأس(ن) مريره
أحلك م السم و أمر

نشلتوا كلكم بنديره
ما سمعتوا البانيان
جاهم في القياده ظهيره
و صاح فيهم بالحذر

وستوى من بعد تفسيره
هذا لي صار ف عمان
مدته مده قصيره
كيف لو بعده استمر

جونو يالحشره الكبيره
لو ما رحمت الرحمان
ما تسلم و تبقى ديره
لكن الخالق ستر

أول بادي من مصيره
و عدا الأشخره و جعلان
ومن تالي حدود الصيره
يلين من مسكد ندر

يسحب ديماتن غزيره
ضاقت منها الوديان
وغرقت بلدانا كثيره
وستوت لجة بحر

مقوى ضربته وتأثيره
طيح ثابت البنيان
وخلاها الديار دثيره
ما بقى شي ينذكر

ولي ما يغتره تفكيره
كان يحاسب م الزمان
ينظر في مصيبة غيره
و ياخذ م الدنيا العبر

[أبو مسلم الصلتي]

شكرا لك أخي سليمان الرواحي على النقل واطلاعنا على هذا المقصب للشاعر فيصل الهادي .

دمتم بخير

[الفيصل]

قصيده رائعه جدآ ومشكور الهادي على إبداعه
وتشكر يالرواحي على النقل
تقبل مروري

[خليفة الصائغ]

جونو يالحشره الكبيره
لو ما رحمت الرحمان
ما تسلم و تبقـــى ديره
لكن الخـــــــــالق ستر
يااسلام ابداع ابداع

جميل هذا النص ومعبر
وعجبني المقطع اعلاه

شكرا لك وتسلم يمينك ع النقل

[سليمان الرواحي]

شكرا لك أخي سليمان الرواحي على النقل واطلاعنا على هذا المقصب للشاعر فيصل الهادي .

دمتم بخير

تسلم على المرور ابو مسلم

[سليمان الرواحي]

قصيده رائعه جدآ ومشكور الهادي على إبداعه
وتشكر يالرواحي على النقل
تقبل مروري

تسلم على المرور

[سليمان الرواحي]

جونو يالحشره الكبيره
لو ما رحمت الرحمان
ما تسلم و تبقـــى ديره
لكن الخـــــــــالق ستر
يااسلام ابداع ابداع

جميل هذا النص ومعبر
وعجبني المقطع اعلاه

شكرا لك وتسلم يمينك ع النقل

تسلم على المرور

وهذا البعض من روائع الهادي