منتديات السلطنة الأدبية

اقتباس:

المشاركة الأصلية كتبت بواسطة سيف الريسي (المشاركة 282)

وجهة أسفاري

تعال وخلنا نرسم علــــــــــــى وجه المحبه شوق
عســــى تـفــــرح لنا الدنيا ونفرح فــــــي محبتنا

تـعال بــأيدك وأنشــــل من أحداب المحاني عوق
تراه العـــــــوق مــــن ســـبة غلاك ألـــي معذبنا

سنـــــــين أتخــيل سـحابك ولكـــنه بدون بــروق
سنين ونامت عيونـــــــــي علـــــى كنا ومـــا كنا

سنين ودمعي الحارق يجرح مـــــن جفاك الموق
دخيلك هالبعد كافـــــــي عيونك حــــيل توحشنا

ترى حالي من أبعادك حبيبي صار سلعه وسوق
هنا البايــــــــــــــع هنا الشاري هـــنا يلي يجزئنا

هنا من يجني أرباحه هنا مـــــــن يشتكيله حقوق
هنا قلبــــــــي هنا شوقي هنا نســـــوق بضاعتنا

أنا والهم والغربـــــــــــــــه وليلٍ ما وراه شروق
أنا والصمت والعـــبره وذكرى الأمـــــس تتعبنا

أنا يا وجهة أسفاري ألاحــــــــظ فالوجوه فروق
وجــــــــــوه الناس فالغربه وقلبك هـــو محطتنا

أجيلك مــــــــــن عنا وقتٍ أجيلك مالوله مخنوق
وشــــــوق يدفني قربك عســــــى الأيام تجمعنا

شظايا هالأمـــــــــل مــــــــدام أن الأمل مخلوق
أشــــوفـــه فـــــــي أمانينا علـــــى حبك يعشمنا

تحاور في شراييني غـــــــلاك وقلبي المحروق
وأنا وأنته علـــــى الدنيا ضـروف الوقت تبعدنا

يضخ القلب فأنسامـه وأسمك بين نبض عروق
وصارت تنبض بأسمك عــروق القلب تسألنا

تعال بأيدك وأنشل مـــــن أحداب المحاني عوق
تراه العـــوق مــــــــــن سبة غلاك ألـــي معذبنا

سيف الريسي

صح لسانك وسلم بنانك مافيك حيله يا سيف الريسي