منتديات السلطنة الأدبية - طــــــــعــــــــــم العـــــــيـــــــد

منتديات السلطنة الأدبية (http://www.alsultanah.com/vb/index.php)

- الشعر الشعبي (http://www.alsultanah.com/vb/forumdisplay.php?f=4)

- - طــــــــعــــــــــم العـــــــيـــــــد (http://www.alsultanah.com/vb/showthread.php?t=4567)

اقتباس:

المشاركة الأصلية كتبت بواسطة خالد الحمداني (المشاركة 52374)

نص مثقف ... بالتوفيق

شكراً أخي خالد على المرور والرد الطيب ...
لك تحياتي ..

شكرا على هذا الجمال يا ابراهيم

وشكرا على شعر مثل هذا

لك تحياتي ياصديقي

والله عليك

اقتباس:

المشاركة الأصلية كتبت بواسطة ابراهيم الفزاري (المشاركة 51911)

هلا وغلا
وكل عام وانتم بخير ،، وعساكم من عواده
اهديكم قصيدةمتواضعة عسى ان تنال على على رضاكم وترتقي لذائقتكم الرفيعة ..

يالعيد لوطليت ما أحس لك ذوق
عندي تشابه مجلساً به تعازي

أرجوك مر بعيد ما ودي أفوق
خلني غريق ف بير حزن أرتوازي

لا تزعج اللي تايه بسكة الشوق
خله يتلذذ بالوصال المجازي

مدام فاقد منهو لقلبي يروق
أشوف حزني للسعادة موازي

الغالي اللي نظرته تبري العوق
واللي عليه أوصاف سيد الجوازي

روّح ولا جابه من الشعر طاروق
ولا جابته ونة ولا فاد عــــازي

سلام له بعداد ما ناضت بروق
وعداد ما غنوا عبادي وعزازي

وألا قتيل الشوق ما جف له موق
شوفه بصف الحزن جاب أمتيازي

وشوفه بعد فرقاك ما ود مخلوق
لنك حكمته حكم قسري ونازي

ويالعيد مالك طعم لا لون لا ذوق
لو كان مملي بالرسايل جهازي

وسلامتكم ..

الله عليك

نص يحمل الإحساس عينه

صح لسانكـ

دمت سالم

اقتباس:

المشاركة الأصلية كتبت بواسطة غربة أسير (المشاركة 52424)

السلام عليكم ورحمة الله وبركاته
إبراهيم ..
تسلم على ها النص الجميل ..
فقط لدي ملاحظة بسيطة ..

وفقك الله ..

وعليكم السلام ورحمة الله وبركاته ،،
يسلم من قال أختي ..
أشكرج على المرور والرد الطيب ..
لك جزيل شكري ..

اقتباس:

المشاركة الأصلية كتبت بواسطة غصون ذابلة (المشاركة 53115)

صح لسانك اخي ابراهيم

غصون

صح بدنج اختي ,,,
شكراً لمرورك العذب ..

اقتباس:

المشاركة الأصلية كتبت بواسطة نور آل سعيد (المشاركة 53117)

ابراهيم الفزاري
نص جميل كل التوفيق لك
تحياتي

نور آل سعيد
الأعذب مرورك والأجمل ردك الطيب ...
لك خالص تحياااتي

*

أمتعتنا والنص أخي ابراهيم

شكرا لقلبك والشعر

مساؤك سكر

**

اقتباس:

المشاركة الأصلية كتبت بواسطة الحاتمي2009 (المشاركة 53327)

شكرا على هذا الجمال يا ابراهيم

وشكرا على شعر مثل هذا

لك تحياتي ياصديقي

والله عليك

الاجمل مرورك العذب وردك الطيب...
لك خالص تحياتي ...

السلام عليكم ورحمة الله وبركاته..
أخي وشاعرنا الجميل
إبراهيم الفزاري
لازالت مساحاتك عامره
بالجمال طال عمرك ولاهنت
تشرفت بها هناك،
واسجل اعجابي لها هنا
بارك الله أوقاتك وأسعدك
بأذنه،
احترامي وتقديري

اقتباس:

المشاركة الأصلية كتبت بواسطة عبدالله العمري (المشاركة 53422)

الله عليك

نص يحمل الإحساس عينه

صح لسانكـ

دمت سالم

عبدالله العمري
صح بدنك
شكرا لك على المرور والرد العذب
لك خالص تحياتي