|
الكروزر
عــنـّه الكروزر لاتـبـــــا ســــياره
قـــوّة ومتانه والفخــــامه شــــاره فــيهِ الصنــــاعه متقــنه بمهـــاره كل شـــــي فيهِ مــــــورّدٍ من داره أصــــــلي ياباني قطــــاع غيـــاره مضمون في القيمه على مدجاره صيف وشتا آمن دروب مســـاره لاتخاف لن طال المدى لحـــراره |
بو مسلم طبعا مهما كتبنا في حقك من كلمات فهي لا توفي حقك فأنت شاعر من الطراز النادر تحياتي |
اقتباس:
العزيز الغالي / محمود شكرا على مرورك الجميل ودمت بالف خير |
كود نبر
باشل ألحاني عــلى التغـــــــروده من شف خاطر لي يســلي الفوده دعجا المقل سودا الهدب مفنوده والخشم خنجر والرهاف خـدوده العنق بلّـــــــور وثلــــــج فبروده لولو ومرجان ٍ ظــــــهر فوروده هضم الكشح ريّان في معضوده كل شي أصلي مبرمج ٍ في كوده تحياتي |
ياطارشي بطل صميله وزادي ان كنت مب عايز ولا مكتادي بقص بك يده وسيوح ووادي وعلى يبالن شامخه التصعادي توصل جدى راشد نسل الاجوادي وخميس فيهم لن بداهم بادي وصلت مدافعهم وطاح الرادي وخميس ماناهب ولا مكتادي ماخذ بحق الله ومد الـــ يادي ونسف عليها غرضته وشدادي ثار حضك ياخميس سنادي خذيت ريم ن بو رقاب عنادي تكفيك عن بكسة نخل وبلادي وختمت قولي بالنبي الهادي لي يشفع الامه بجمع عبادي طاب السمر وطاب الشعر والتراث والتغاريد البدويه هذا ما نطلبه وهو تأصيل التراث في عروق ابنائنا واخواننا اللذين اصبحوا لا يكترثون لمثل هذه الفنون التقليديه واللتي لطالما عبرت عن حياة ابائنا واجدادنا فالماضي ومايتضح من خلال كلماتها من الحكمه والفطنه وتحوير المعنى وروعة التصوير وهذا ان دل على شي انما يدل على غريزتهم وقريحتهم البدويه اللتي تدفعهم لنظم الشعر والتغرود كل واحد على حده في وقته وزمانه الكلام في هذا المقام يطول ولكن اكتفي بالقليل مع تمنياتي بالتفاعل من قبل الاعضاء الكرام وكل الشكر اولا واخيرا للشاعر والزفين والعازي اخوي بومسلم السلطي فهو دائما مهتم بهذه النواحي وهذا يحتسب في حسابه بوركت وبورك مسعاكم ودمتم في حفظ الله[/u][/u][/COLOR] |
حمد شغلني يوم وصلني يوابه ظلعي وحل النايبه اتوكى به سليم تغرفق لا الحكم عايا به لو زايد مهر طاح العتب ماصابه واليوم بنرجعه الحكم مرتابه سود الهدب ياخذ قضا وحسابه اذا حكم يرى وكل من علم يدرى به وتاريخ من زمن النبي واصحابه قابوس حاكم والملوك تهابه صواريخ وجنود ن على دبابه شلي الخبر يالفاغره الدعابه وعلى سكون النجد مطري سحابه وسلمتوو من المحفوظــــــــات للعـــلم |
مرحبابك السعدي مليون ترحيبة اختياراتك موفقة في الكتابة عن التغرود هذا التراث الأصيل الذي يستحق من الجميع العناية به أشكرك وبارك الله فيك أخي العزيز |
كل الشكر لك بومسلم السيف فيدين الرجال يله تواريخ وفعال كم فارسن بالسيف جال يوم التقو لمبارزين تذكر؟؟؟ هالعازي اليكم هذه المساجله بين سالم وسالم بدون ذكر القبائل والسبب واضح من خلالها حيث انه صار بعض الالتباس فالركاب بعد العرضه هذا اخذ قعود هذا وهذا اخذ قعود هذا وباثنينهم لم يلحظو الخطا سوى احد كبار السن بعد فتره اليكم مادار بينهم قال: ياطارشي يوّد على الخواره واوصل على راشد وهات اخباره ولد الجنيبي محتكم فدياره شد الكتايب لن نويت زواره اما النسب واقع ومايباله دواره مثل الخميسي اللي تولع ناره غرب ودور للصديق عماره بتشوف ملزوم العرب واخياره الادمي يمشي ف شف وياره مايترك اليمنى ويحاوله بيساره هيش قصته سالم وهيش اخباره سمحان يبكي ودمعته غداره ولد الدويكي مات ماله ثاره هوه يعرف القرش من ديناره يالابتي كونو عرب حضاره تركو عطايا الله وسوو حماره صنعة اهاليكم ضبا وعّاره وفــ البير تلقى باقي الاشاره وادي سوي ف مضيق يتني اخباره الغلطات تستوي بين الرفيق وياره بر الوليدي نايحات اثماره محروز سالم ماتلوفه خساره الرد: البارحه حلت عليه شايه بايت افكر فالقمر وصرايه سالم يا سالم تراه مالك حايه لا تهذر اللي رافعين الرايه تروي سوالف من زمن مطرايه ياللي يهبط السوق له شرايه وبعطيك صرف وفضته ملوايه ميبور لن دارت عليه الحايه لي قنا عطايا الله خفيف السايه واسع بدنها زاهيه ودلايه والبوش ياسالم ترى مولايه مازال بوراشد مرد الحايه مرفوق مابتشلهن غزايه دونهن شواهين وعرب رمايه دنيا قصيه بالفتن محشايه لي يتابع النمام والوشايه ام القرى غرب المدينه الغايه باشوم ياسالم واباك خوايه لي يزور بيت الله ويمحي السايه يغفر ذنوبه خالقه مدعايه وسلامــــــــــــــــــــــــــــــــــــــــــــــــــــــــــــــــــــــتــcomـــــــــــــــــــــــم |
تمام السعدي ماقصرت
لك الشكر والتقدير |
الشكر موصول لك بومسلم
يطربني التغرود لذلك ترى مشاركاتي وكل يوم لك تغرود مني |
| الساعة الآن 09:06 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir