محاوره في فن من الفنون الشعبيه ( امبم )
السلام عليكم ورحمة الله وبركاته اسعد الله اوقاتكم اخواني بكل خير لقد انتهينا في الاسبوع الماضي من التحاور فيما بيننا في فن الرزحه واليوم ان شاء الله سوف نبدا في فن امبم وننتظر مشاركاتكم وابداعكم الجميل شريطة ان تكون القصيده مكونه من اربعة ابيات وفي البيت الخامس تكون الخاتمه من غير مطلع القصيده وارجوا الانتباه للوزن والقافيه وعدم الاستعجال والتدويس والمشاركه مفتوحه للجميع واتمنى لكم التوفيق قال عبدالله الراسبي ببدي بسلامي من حضر ********* كيف حالكم خوتي وهلي ********* اهل الصّياغه والتبر في شفّكم ييت وعنيت *********** اصل الكرامه والفخر تبعوا كلامي والمثل ************* م بودّي واحد ينقصر واللي ابتلي فدرب الطّرب ********* في فنّنا يكتب سطر والخاتمه صلّوا عليه *********** اللي على الشّده صبر |
قال خليل عفيفي : الود في قلبي بحر ببدا سلامـــي للـــــــربع **باعداد زخّـــات المـطر حبي لكم يا صاحبــــــي**ماجود في قلبــي انحـفر مهما تباعدنا بقـــــــــــى** حـبل الموده مـا انبتر على العهــد نبقى ســوا **اخوان عــ طول الدهــر والخاتمه صلــــوا على ** صفوتنا من دون البشر |
واصل وانا حاكم مصر @ كيف حالكم يا المطربين @ كيف حالكم بعد العصر غالين عندي من زمان @ باني لكم فلّه و قصر بشكي لكم من صاحبي @ بو يادلن لين الخصر والحب ما يبغا نزاع @ يبغا تفاكير وبصر والخاتمه مني سلام @ مخصوص حالك بو نصر |
قولك درر
اثني بتحية والشكر / / / رحّبت بك من خاطري / / / يا الراسبي قولك درر من شانكم صغت المثل / / / تستاهلوا نظم الشعر ماننقصر عنكم أبد / / / خوضوا بنا بحر ونهر بحر الهوى بحرن خطير / / / طوفان وغبيبه غزر والخاتمه ذكروا النبي / / / يشفع لنا يوم الحشر |
يالابس الثوب الخضر
شله على نغمة زمـــر ياطير خفــف ساجعــك :: ع العــود تقسيم الــوتر عــــذبتني يا بوزلــــف :: يا لابس الثوب الخـضر يا ما عطيـــتك إنتـــباه :: وانته فطريقك مستـــمر قلبي وقــــف في حبكم :: يعطي إشارات الخـــطر والخاتمه ثيبوا المحب :: فكّـوا قيوده م الأســـــر |
لفواد سويله حجر مسكين قلبه مبتلي **** والخل ماعنده خبر!! يو زارع القور بفن **** اظن زرعك ماثمر بويعتني بزرعه يلين **** ينبت رياحين وزهر مايستوي ليالك ظلام **** تزهى الليالي بالقمر والخاتمه غيم ورعد **** يحل من بعد العسر |
يقول بو ميحد : منكم السموحه جيت متاخر ما يستوي صوف وشعر : سالم بنا قصرن مكين .وانتي تبي يـــــــوب بيت مر : عنه الحشف متكافلين . حن عندنا خـــــــــــــيار التمر : هذه بسورنا ترس المساطيح .وانته معك ستـــت جفر : ثوري لرزقك م الصباح قبل. ما يشــــــــــق الفــــــير : والخاتمه عقاب السماء يحوم. هيش باتســـوي يالغبر : |
السلام عليكم ورحمة الله وبركاته اخي واستاذي الناعبي انته دوّست قافية الاستاذ الراسبي في كلمة ( الفخر ) اختي واستاذتي كامله البلوشي دوّستي قافية الاستاذ عفيفي في كلمة ( المطر ) كما دوستي قافية الاستاذ ابو مسلم في كلمة ( الخضر ) ، ، ، |
اقتباس:
عدلت الدوس هل يستوي تعديل الدوس انا عدلت |
شكــــــــــــــــــــــراً
مشكور يا المعمري على قوة الملاحظة وماعليك زود ولقد تم التعديل ومنكم نستفيد دمت بالف صحة وعافية |
اقتباس:
ولكن يوجد معك طول في هذا البيت = هذه بسورنا ترس المساطيح = وايضا الخاتمه طويله وتقبل تحياتي |
اقتباس:
|
يقول بو ميحد : النقد والملاحظات مقبوله بصدر رحب بقصد الافاده والاستفاده شهر محرم يتليه صفر : صواغ واعرف صيغتي مع الذهب مـــخلط صـــــــفر : يا قايد الطابور وقف . ما تسمع الضـــابط صـــــــفر : وسط المدا بوشن كثير . اب كلهن بوشـــن صـــفر : سمحان من اول سبوق . معروف من يوم الصــــغر : ما خذ جوايز مجزيه . ما ياله ف العرضه عـــــــــثر : والخاتمه شوف الرصيد ليكون بحســابك صـــــــــفر : |
قال عبدالله الراسبي تبارك الله ع الشّجر ******* فوق المثايل والوصوف ****** هبّي يا بت يابر عصر هيش كلّفك يالراعبي ********** تندار ما بين الصخر ما تعرفه يا صاحبي ******* محنه وتعب شوك السمر بيوصّلك قصوى البعد ****** شرقي وغرب دولة قطر والخاتمه سير ابْمهل ****** وفوق المهل خذ لك حذر |
يا لابتي فيني كدر اسمع مدافع من بعيد / / / وقصف القـنابل مستمر نيران شبّت واشعلت/ / / ومن حرّها تقذف شرر يا سالك دروب الشقاء / / / درب الشقاء كلها حفر إمشي بوهاده ولاتعيل / / / وإحسب لكل خطوة وشبر والخاتمة يا صاحبي / / / في حِسبِـتك عيد النظر |
مابين مدات وجزر لو كان ياقوت و ذهب &&&& حرير او صوف وبر لاتخلط اوراق الهوى &&&& احذر امامك منحدر بو تلدغه الحيه يتوب &&&& مايعود ثاني للجحر الا المحب دايم يعود &&&& مايخاف ذيب ولانمر والخاتمه هذا المحب &&&& غريب في سكة سفر |
قال عبدالله الراسبي محلى سويعات السّحر ******** عيبه استوت سلمى الدنى ******** فوق العجب زايد مكر هيش قصّته الصايم غفل ******** يومن فطر نص الشّهر وايب على المومن ردود *********** لوّن يبا يحصّل اجر ومن كان ناوي للزكاه ************ ياخذ من السنّه شطر والخاتمه ماشي عتب ************ كم واحدن قبله غسر |
يقول بو ميحد: بنربع الليل بمتر: ملينا من شــاهي حمــر.باكر نبــا شاهــي أزعــــتر: القــاضــــي قــبلنا بقســمتك.أقسم شفــع ولا وتــــر: شيبوب ف المركز حبيس.وسط القصر شفته عمـر : ثــــار يتــخطر ف الظــلام.عنها الخــلايج مســـتــتر: طبق عليه حكــم الشــرع.للــي ســرق لازم بــــــتـر: و تعق يــده بزيــتن يفــوح.يغــلي و يغـلي ما فـــــتر: و الــخــاتمة تم الحكي مــطلــوبنا صـاه م الــســتـر: |
اخواني الاعزاء لكم جزيل الشكر والتقدير على مشاركاتكم الجميله والرائعه تسلموا على هذه القصائد الجميله والرائعه وسوف ننتقل الى فن آخر باذن الله ولكن بعد مدة اسبوع وذلك لان اخونا العزيز صميدع قام بانزال مشاركه في فن القصافي وسوف نكون معه هذا الاسبوع وسنعاود برنامجنا ان شاء الله بعد اسبوع ونرجوا من الجميع المشاركه وتقبلوا تحياتي |
مسكين قلبي منبهر
مسكين قلبي منبهر
اصغيت سمعي من سنين. * * * *ودي اشارك بالخبر يطرب فوادي وخاطري. * * * * معكم ي رواد الشعر من صحم صغت المثل. * * * * *وأبغى السماحة والعذر والخاتمه شكرن ثمين. * * * * * مخصوص لك يا بو نصر محاوله شعرية اتمنى منكم التكرم بالمرور والتعقيب لإثرائي بإنتقادكم البناء واكرر اعتذاري لدخولي بينكم ولكني في غاية السعاده بمتابعة إبداعاتكم وما تجودون به من عذب الكلام ولكم مني ارق التحية واعذبها |
السلام عليكم و رحمة الله و بركاته أخي بن حيدر يا مرحبابك محاوله متميزه و لا غبار عليها و بما أن الخاتمه تخص عبدالله الراسبي أرجوا منك المعذره و قبول هذا الرد و اتمنى أن شاء الله بيكون من ضمن المشاركين لأنه عقيد الفن.
خوض البحر لا تندهر: كم واحدن قبلك سبح...ما خاف لجاتن خضــر امشي بتيار الهواء...تبعه شمــال و منحــــدر لا تقول ذا موجن تعيب...و خايف دقلنا ينكسر و الخاتمه بك مرحبا...بعداد من يسكن مصـر |
اخي العزيز ابو ميحد تسلم على هذا الرد الجميل والاكثر من رائع رد كافي وشافي بارك الله فيك اخي الغالي دائما مبدع وتقبل تحياتي |
بالزين مغلوب الأمر
معروفكم ما ينتسي. * * * *مذكور في غبة بحر دام المرابع مثلكم. * * * * * ما هاب لي امره عسر متوثق بحبلن متين. * * * * *م يخاف هامات الغزر والخاتمه ربي لكم. * * * * حافظ من آفات الضرر الشكر موصول لك يابو ميحد على بادرة الرد وحسن الاهتمام وهذ ليس بغريب عليكم فأنتم للذوق أهل ومنكم نقتبس شعلتنا.... لكم جميعا أبلغ التحايا وأصدقها |
اخي العزيز بن حيدر اهلا وسهلا بك في منتديات السلطنه الادبيه ونرحب بك في قسم الموروث الشعبي ووجودك بيننا تشريف ونرحب بك وبمشاركاتك الطيبه تسلم على هذا الرد الجميل والرائع واصل ابداعك وننتظر جديدك هنا بكل شوق وتقبل تحياتي |
الساعة الآن 11:34 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir