والا يالغالي
 

صباحكم/مساكم الق
عذراً عن الانقطاع
من الجديد لقلوبكم







ولا يالغالي اللي كل ماشفتك يزيدالشوق
يزيدالشوق واعد القصيد بغالب اطروقه

تهيضني لحون العشق ل الابيات والطاروق
واغني لك قصيدة والقصايد فيك مسبوقه

قصيده بالغلا جاتك وجات ب اعذب المنطوق
وصايفها حلا وصفك لبس لك طوق من طوقه

تغنت بالوصوف الزاهيه لك في صباح اشروق
بعدٍ ليلٍ تحرى صبحك الفتان واشروقه

احبك كثر ماتحمل احبك واجبات احقوق
واحبك كثر م اوفي ل القصيد وتوفي احقوقه

واحبك كثر ماحسيت ب ان العهد لك موثوق
وثقت العهد وابياتي تجيب اعلوم موثوقه

مايملا عين شاعرك الوفي الا مشاهد موق
نثر دمعه على بعد الرفيق وبعد مخلوقه

ولايطرب مسامع شاعرك الا حلا منطوق
سوالفك العذوبه والعذوبه وسط منطوقه

اخايلك المطر لو كان مالك في سماي ابروق
واقول الله يجيب الخير لي في مقدم احقوقه

خلايف عزوتي برقا خلايف عزوتي من روق
سلايل من نخاويهم تفك العود من عوقه

اخايلك المطر لو كان مالك في سماي ابروق
واقول الله يجيب الخير لي في مقدم احقوقه







صح لسانك خوي رامي دائم مبدع
وكلمات هادئة وانقية بحساسها
تحياتي لك

ما شاء الله...
بوح في منتهى الروعة والرقي
لك الود اخي

الاخ الكريم رامي العتيبي

الله يحي نبا روق ويحيك يالوافي

قصيدة رائعة منك شاعرنا

دام ربيع تواصلك

تقديري

خلايف عزوتي برقا خلايف عزوتي من روق
سلايل من نخاويهم تفك العود من عوقه





الله الله..

جميل أنت شعرأ وحضوراً أخي رامي..

صح لسانك ولا هان منطوقك.

عبدالله الراسبي
هلا وغلا
شهاده اعتز فيها
لاهنت

ياهلا ياخليل
مرورك الراقي