منتديات السلطنة الأدبية - غدر الزمان.. "لون اخر"

السلام عليكم ورحمة الله وبركاته...
اول شي اعتذر على الغيبه،، بس هذا كله بسبب ظروف الدراسة..

حبيت اشارك معكم،، بس هالمره بلون مختلف،، الطابع السياسي هو اللي اجتثني هالمره..

قصيدة "صدام حسين" "لاتاسفن على غدر الزمان لطالما.... رقصت على جثث الاسود كلاب.."
طبعا هي قصيدة حركت المشاعر في صدر كل عربي مسلم عنده نخوه وكرامه،،، انا عن نفسي كاتبها ف موبايلي ودايما اجلس اتامل فيها..!!
يوم من الايام دقت فكره براسي على اساس اني اعيد كتابتها بس بالشعر الشعبي!!!
فكره غريبه!! بس عجبتني..

اليكم ماكتبت،،

لايحزنك غدر الزمن هذا ترى
جثة سبع م يضيرها نبح الكلاب

ل تظن هذا من تعالي او نصر
مهما حصل تبقى الذيابه هي ذياب

واليوم كلي بالشعر عاني لكم
دام الشعر للمساله ابسط جواب

شف لحيتي اعفيتها وادري بان
نور القمر لو اختفى مايستعاب

ليه اتشمت هالحمير بلحيتي
ولاتخاف من المهاوي الاقتراب

ابقى المهيب اللي على رغم الاسر
مثل الاسد لو اناسر يبقى مهاب

راجع زماني كيف كانت هيبتي
نهر المعزة في بلادي بانسياب

الكل يشهد من عرب ولا عجم
من هو لها لو اينعت بعدي رقاب.؟؟

ابقى انا في عزتي حتى ولو
بعد الزعامه عشت في هم وعذاب

هذا انا وهذي حروفي موادعه
تنسج لقصة مجدنا اقسى عتاب

اسقتني صدوف الزمن كاساتها
وارمت شموخي بين ضرس وبين ناب

كل العروبة رايحة بنفس المصير
والشمس لاحت في سماها بالغياب

واللي فتح بغدادكم ظلم وغدر
مازاد عتمة فجرها الا ضباب

استغفرا الله ربكم من كل ذنب
قبل الندامه في وعد يوم الحساب

ياللاسف ماعاد ينفعكم اسف
نامت كرامتنا على عش الغراب

مات الرجا فيكم ي قطعان العرب
سكر حضارتنا بكاس العر ذاب

بختم قصيدي مثلما في مطلعه
وارفع يدي حسره والوحها غياب

لايحزنك غدر الزمن هذا ترى
جثة شهم م يضيرها نبح الكلاب

ما كان هذا لاتعالي ولانصر
مهما حصل تبقى الذيابه هي ذياب

مع تقبل النقد..

اخوكم:: العوفي