لو نحر صدر السّـــــــحاب الْبرق يتساقط نفاف
والنفاف اجْمل هدية لـ الــــــــــصّحاري الْقاحله

يبتسم روض الْعِشبْ مِنْ بعْد آهـــــــات الْجفاف
ويجعل الْفلاح واثق في نمو ثــــــــــــــمْرِ سْهَله

الفرح يغمر شـــعوره والفــرح ثوب الْعــــفاف
يستر احزان الخــــــــــــلايق والخــلايق تجهله

القهر لو دق باب القلب صابــه ارتــجــــــــاف
والدمع يحرج كبير الْقوم في فرقــــــــــــــا هله

قاظَت عْذوق الْمعاني وبتدا وقــت القــــــطاف
الكريم يْـكون جوده في وجوده مــــــــــــــرحله

والكرم بحْر الْكريم الْلـــــي تعـــــود ما يـخاف
يبحر بموجه ولا يعرف مــــــــــــواني ساحله

حـــدني ظرف الزمن ابقى على حد الضفاف
كاملٍ والكامل الله ما نْقصــــــتني مرجـــــــله

الطموح الْمدلهمّه في نهــــــــــــيتها انْعطاف
والعقول الْلي ملمّه تطمح لـْ شي تـــــــــوصله

ما تشـــــــــــل الرْيح معها غير اشياءٍ خفاف
والثقل نعمه عظيمه حتى لو ف الْجـــــــــاهله

حق كلمة حرف حاء وتنـــتهي بالحرف قاف
لكن المعنى كبير اكبر من اللي تحـــــــــــمله

من بيضمن لك حقوقك انت والناس الضعاف
والزمن خنـــجر سنينة تســتـــــلذ بمــــقـتـــله

الــــــــبدايه جود غيم وْ في نهايات الــمطــاف
يبقى طعم التين سكر والمريره حــــــنـــضله