منتديات السلطنة الأدبية

ماني بناسي وش اللي صار في ماضيك
وانته لحون القصايد ماتغنيها
فعلا غريب أمرك وكل(ن) تعشم فيك
والنفس ترجع لخالقها وباريها
الا ليا شفت منهم بالحكي توفيك
ماكن شيء(ن) حصل والنفس تشقيها
أشوفك المرهف اللي قل مانطريك
وأحيان شوفك سراب بعين ضاميها
وأشوفك القصة اللي تنقري بيديك
كود الإفادة تفيد اللي قرى فيها
وأشوفك الكلمة اللي مابعد تحكيك
والعبرة اللي تغسل جفن باكيها
ماعاد لك في حياتي موقع ويكفيك
ممشاك فالدرب رجلك لا تعنيها
ودعت قصة غريبة كنها تخفيك
والا السفينة تبا توصل مراسيها