جفن الوله
 

وش لي على رمضك انازع بردك الدافي ؟!
ساري ولا يفشي القمر لـ سهيل عن مسراي


فارش ظلوع الود لاهداب الذي بالنوم غافي
اسمو يقلبني الوله والشوق /اوجاعي/ هواي


باكـي الخلاء والعيس هدتها / بلادين ومنافي
على عهد الغلا والصبر وبيوت الشعر والناي


لهث بي وجد اسفار النوى .. للورد وضفافي
يصوّر للظما صوت المطر والغيم وبروقي وسماي


اجيلك صبّ يأسع هالفجاج الممحله معيان صافي
واروّح منك معطي للتعب وجهي ويتعب لي قفاي


وش اللي يجبر الخاطر ليا صار الهجر سافي ؟!
اذا بك ضاقت رياحك ولاباقي جبل حولك سواي


بوح بـ اوجاعك لأن البوح لأوجاع البشر شافي
انا يومي من الاحساس / يسمع لك إلى بكراي


خلك وفي لاضاقت الدنيا عليّ من كل اطرافي
ترى حبك مقدر لي ولا هو من صدف دنياي


أحبك كثر ما قالت جروحي للزمن . كااااافي
يا ملح ايام الهوى / سُعدي وافراحي وعناي

جميل هذا الحضور .. قصيدة بها حبكة شعرية رائعة بالرغم
من بعض التجاوزات الوزنية والموسيقية..


اتمنى ان تتنبه لمسألة الوزن اكثر في مشاركاتك القادمة..

ربي يوفقك فمثل يمتلك قلماً جميل.