|
والا ياوجودي
والا ياوجودي وجد من هو يحث اخطاه
على الطيب واحقوق الرياجيل يوفيها والا ياوجودي وجد من كان في مبداه سلوم العرب عنده سوا واقتدى فيها رفيقي ليا منه حشمني فانا ل ارضاه اطوع له الصعبه وانا افعل واسويها ولا من تعزوا بي لقاني انا ف اعزاه وياكم رجالٍ تخذلك في هقاويها والا يارفيقي ماني ب لعبه وملهاه علومي تنومس واغلب الشك قافيها اجملك يوم العلم جا ف اوله واتلاه وانومسك واطباعي ماتخفى مواريها اذ ان السوالف مزح مزح العرب مابغاه حلوق النشاما دونها دونها ايديها انا ماخبرت اللي ادّعى تنقبل دعواه ولاني بناقص والنقاصه م ادانيها انا اوفي مع الوافي وانا ل الخوي افداه وانا ستره اليا خان وقته سواريها ترى الذيب يرعب خلق ربي قنيب اعواه وروس الفرايس وسمها في علابيها خطا والخطا بيّن وكلٍ يعرف أخطاه على الطيب واحقوق الرياجيل نوفيها |
أخي الغالي رامي العتيبي السلام عليكم ورحمة الله وبركاته صح السانك ولاهان منطوقك قصيدة جميله وأسلوب شاعر يجيد التعامل مع القافية والمفردة..... دمت بهذه العذوبة....أنتظر تواصلك الراقئ معنا تحياتي وجل تقديري |
والا يارفيقي ماني ب لعبه وملهاه علومي تنومس واغلب الشك قافيها الشاعر رامي العتيبي صح لسانك ولا هنت أيها الأصيل دمت بكل خير وموده اخي |
اقتباس:
سالم الوشاحي تحيتي وتقديري لاهنت |
يسعد مساك يا مبدع خوي رامي
قصيدة جميلة والأمانة عدة قرأتها أكثر من مرة وصح لسانك... معاني رائعة حسيت بثقة وقوة بالكلمة والحضور ومريت بين أبيات راقت لي جدا والا ياوجودي وجد من هو يحث اخطاه على الطيب واحقوق الرياجيل يوفيها والا ياوجودي وجد من كان في مبداه سلوم العرب عنده سوا واقتدى فيها مافيك حيلة |
اقتباس:
ولاهان غاليك |
رامي العتيبي أخي المبــــــــــــــــــــــــــدع شاعريتك نتوق إليها فأهلا بك شاعرا نعتز به دائما نص مميز لشاعر مميز صح لسانك |
جميييل يالعتيبي شعر جميل وكلمات تلامس اسمى معاني الرجوله ... تسلم
|
رامي العتيبي
ترى الذيب يرعب خلق ربي قنيب اعواه وروس الفرايس وسمها في علابيها خطا والخطا بيّن وكلٍ يعرف أخطاه على الطيب واحقوق الرياجيل نوفيها نص على العادات والتقاليد للفخر والمعزه لله درك يارامي.. |
العتيبي ...
نص رائع ويستاهل الوقوف عنده والتلذذ بمعانيه الجميلة صح لسانك ..وللاروع باذن الله |
| الساعة الآن 11:08 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir