|
أول مشاركاتي ........... ليلة موحشة
.......السلام عليكم ....... هاذي اول مشاركة لي ... اتمنى تنال اعجابكم في ليلة موحشة خذني خيالي للي ما مله ذكرت أحلى الكلام اللي يعقبه هم ومعاناتي ذكرت أنه عهد لي عهد وهو م وده يفكه ولكن القدر قاسي حرمني نوم وسباتي يقول أنه يحب وصلي يقول أني انا اهمه يقول أني اذا احتجته بشوفه في حناياتي ولكن للأسف كاذب كسر كلمة تجي ف شفه خلفها وما صدق فيها وانا والله احاتي أحاتي قلبه يهجرني احاتي غيبته وبعده وأنا اتمنى اشوفه دوم أحلي فيه بسماتي ابيه يظل لي للموت ابيه في ضيقي اضمه ابيه يحس في قلبا بكى له طول غيباتي ابيه يرد لي مشتاق ابي ازيح كل همه ابيه يكون شاغلني املي فيه ساعاتي ولكن ذا الوقت يمضي وانا خدي ع الكفة وناطر رأفة من صوبه تخفف ضيم حرقاتي وبصبر لي تتسهل أو تنهيني الغصة عساه في وقتها يدرك عذاب القلب وآهاتي تحياتي : شاعرة مبتدئه |
الأخت الطموحة شاعرة مبتدئة.. جميعنا منذ البدايات بدأنا كذلك ، مع الممارسة والتمعن بالجزيئات المفقودة بلغنا مبلغ الإجادة بارك الله فيك.. نص القصيدة بفكرته العامة متسلسل الأحداث ومترابط .. من ناحية الأوزان والقافية أختي الكريمة.. عند نظم الأبيات نعي أولا إختيار القافية الصحيح بحيث لا تختل في تتابع الأبيات فمثلاً بدأتي القصيدة في ليلة موحشة خذني خيالي للي ما مله ذكرت أحلى الكلام اللي يعقبه هم ومعاناتي ذكرت أنه عهد لي عهد وهو م وده يفكه ولكن القدر قاسي حرمني نوم وسباتي يقول أنه يحب وصلي يقول أني انا اهمه يقول أني اذا احتجته بشوفه في حناياتي يلاحظ أن رأس الشطر الأول للبيت الأول تختلف عن ما يليها من أشطر ، فعند بدايتك ما مله لا بد لرأس الأشطر التالية توحيد قافيتها على نفس الوزن ما مله على نحو مثله ، تمله ، وصله وهكذا لسلامة التركيب والترتيب. وبالنسبة لرأس الشطر الثاني قافيته مضبوطه على نحو معاناتي ، سباتي ، أحاتي.. ومن ناحية الوزن الخلل واضح في الأبيات وتحتاج إلى ضبط وهنالك طريقتين تستخدم في الوزن .. الأولى وهي الدقيقة عن طريق معرفة بحور الشعر الشعبي لقد تم توضيح ميزان القصيد وشرحها بواسطة الشاعر أ. خليل عفيفي ستجدين تلك المعرفة في هذه الزاوية يوضح الطريقة بشكل مبسط جميل.. الثانية عن طريق اللحن فبعض الشعراء يدخلون لحنا على الأبيات ويتبين من خلاله ضبط الوزن.. وإن شاء الله الأخوة الإعزاء سيوضحون لك الكثير وخاصة ذوي الأختصاص منهم .. وأتمنى لك التوفيق وننتظر الجديد منك .. |
اقتباس:
|
بالتوفيق يا أختي
|
| الساعة الآن 08:14 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir