|
يا دار
يادار
يادار وين الي ربا بحظانج !! * ** يادار وينه وين عنج مداره قفا ولا باليد حيله ومقدور *** كنه تباعد عن رضاج اعتباره يادار أهل الفكر والشور *** اشوف وجهج بالحزن له اشاره يادار والله مابدا منج قصور *** الي رحل عنج رحل من خياره مانقول يا مفارق الدار منكور *** يادار فرقا من ربابج خساره يادار من عقب الدجا شعشع النور *** ماشوف بس غير الحزن ونتشاره كني لنازم بلا حد مدثور *** وياكم واحد يشتكي فقد ياره وياكم بيتن امسا خالي ومهجور *** خالي ومضلم ماتولع انواره الله واكبر من تقاليب العصور *** غصبن دعت الانسان يترك دياره يادار من عقب الحلاوات وزهور *** تجرعت بالي ذاق طعم المراره سجيت واقف حاير الفكر محسور *** واقف بليا عقل في وسط حاره دمعي على خدي من الويل منشور *** والقلب مني ينكوي وسط ناره ياديرتي غيرج فالبلاد ماندور *** ولي دار عن غيرج ترا ما من خياره الي قفابج يمكن يكون معذور *** بيرجع عشانج بالرضى والزياره ياديرتي خلي الحزن عنج مقبور *** وهاتي رضاج ودوج روحي بشاره حبج بقلبي له تلاوين وسطور *** ماتنطفي وسط الحشى يوم ناره ياويل حال الي به القلب مسعور *** ماتنعرف ساعات ليله نهاره يبات كنه حارس القصر ناطور *** النوم غير عن نظيره مساره والختم صل الله على كامل النور *** محمد شفيع الخلق يوم احتشاره كلمات الوالد :ربي يرحمه بواسع رحماته الشاعر : مسلم ين حمد البلوشي همسة : والسموحة ان وجدت اخطاء او صعب عليكم قراتها لاني كتبتها من حفظي لها |
الأخت الفاضله وهج الروح السلام عليكم ورحمة الله وبركاته رحم الله اللوالد الشاعر : مسلم بن حمد البلوشي رحمةٍ واسعه ... ابياتك مترفه احتوت على أبيات حب للدار ومن راح عنها مع وجود بعض الكسور وهو ناجم عن النقل والحفظ شكراً لجمال النقل والتواصل هنا راق ليِ مانقلتي ... أحترامي وتقديري |
هلا فيك أختي ماشالله قصيدة جزلة غايه في الجمال أعجبتني باسلوبها العفوي السلس الله يرحمه ويدخله فسيح جناته القصيدة سليمه من لسان قائلها ولكن أتوقع النقل له دور في نقص بعض الكلمات وفقك الله ..... |
خوي سالم
وعليكم السلام ورحمة الله امين يارب ويرحم موتى المسلمين شكرا ع مرورك وبالفعل فيها كسور لاني كتبتها من حفظي لها وقريب راح امر من يديد وانقلها بدون اخطاء شكرا مرة ثانية ع تواجدك |
هلابك خوي ابو راكان
يالفعل أنا نقلتها وفيها اخطاء. صح ابدنك خوي امين يارب ويرحم موتى المسلمين شكرا ع مرورك وتواجدك هنا |
الاخت الفاضله وهج الروح رحم الله والدك الشاعر القدير مسلم بن حمد البلوشي ابيات جميله جدا ورائعه ولا اظيف على ما قاله الاخوان ودمتي بكل خير وموده وتقبلي تحياتي |
مرحبابج سوير الاخت الرائعة
تسلمين امين يارب ويرحم موتى المسلمين حبيت اشاركم بعض من قصائد ابوي ربي يرحمه بواسع رحماته شكرا لتواجدج العطر واثمن ممرورج هنا باقات ورد لروحج |
خوي عبدالله
امين يارب وتسلم والف شكر لك ع مرورك الي يعني لي الكثير باقات ورد لشخصك الكريم |
| الساعة الآن 08:25 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir