|
وأهرب فين
وأهرب فين
(( رسالة من طفل مصرى تربى فى عهد مبارك .. ولم ينعم بالفرحة مع مرسى فقد إغتال الجبناء فرحته ولا يدرى الى متى سيظل البكاء له ملازما)) وأهرب من دموعى فين؟ واسرح فين بأحمالى لو اهرب وسط افراحى .. تعزينى لو اهرب تحت احزانى.. تضمينى اروح للعود... لصوت الناى وصوت جيتار .. يواسينى الاقى دموعى تسبقنى.. تغنينى.. ***** اروح اهرب ورا النجمة.. وتحت الكهف ف الضلمة.. وأتخفى ف ريش عصفور .. يخبينى وتحت جناح من الافراح .. يدفينى أروح لليل وأشكيله ظلام دربى الاقى وحشته القاسية تاخدنى ف حضنها الناشف لحزن طويل .. يقسينى وبرضه هناك ... تفاجئينى ***** أروح أركب سحاب هربان من البحار.. من المية.. يودينى .. لصوت الرعد .. يشجينى أروح للبحر ..يبلعنى ويحشرنى... فى بطن الحوت .. ليحمينى يشيلنى الموج على ضهره ويعمل من ضلوعى شراع ويغزل من همومى .. دراع يجدف بيا فى الاعماق هناك القاكِ يا دموعى .. تلمينى.. ***** طب اعمل أيه لو أسرح وسط أوردتى وتحت الجلد من جلدى وأصبح نقطة من دمى وحلم خجول على خدى ورسمة قلب ف كفوفى وبرضه القاقى يا دموعى.. تواسينى... ***** لو أعمل نفسى نبتايه وأغرس فى الصخور جذرى وامد فروعى ياسمينة وأطرح ورد للعاشقين أدس الشوك فى أحضانى وتصبح دمعتى ياسمين واصبح نقطة من ميه وحبة من ندى رطبه واروى البحر بدموعى واسقى الطير بوجدانى لكن القاك على خدى وجوا الحلق من بقى بتتهجى حروف اسمى.. ***** فاهرب فين؟؟ واقول يا مين؟؟ امانه مرة يا عمرى .. تودعنى وتاخد حصتك منى.. وتتركنى وقول لى بس .. اهرب فين ؟؟ وفين هما البشر عايشين ؟؟ ***** نسيت من قسوة الدنيا ودقة قبضتك فيا وزنقة قسوتك ليا نسيت انى من العايشين نسيت ان البشر ... جنسى نسيت ان الفرح .. طبعى نسيت حتى الكلام اللى.. بيوصف كلمة الافراح.. وماشى فى الحياة .. سواح.. لحد ما القى لى مهرب.. ياخدنى .. حتى من نفسى.. وأهرب ايوا.. لا .. ههرب.. وأموت حتى بدون مطلب.. منايا بس ف الدنيا.. أعيش لحظة .. يا دوب لحظة .. مع الفرحة ***** جمال نصير فى 9 اكتوبر 2013 |
احييك أخي جمال على هذا النص الصادق مشاعر الحزن والألم إلتحف بها نصّك فلامس ارواحنا.... أسأل الله أن يفرج عنكم ماأنتم فيه . تحياتي وتقديري |
اقتباس:
الأخ والشاعر المبدع الذي يعبر عن معاناتنا جميعا جمال نصير قرأت النص بلهجته الشعبية المصرية ، فراقت لنا المعاني وأبهرتنا الصور وأحسسنا بذلك الوفاء والانتماء للوطن الذي عشنا فوق ترابه ما قمت بتلوينه عبارة عن أخطاء مطبعية في بعضها وبعضها الآخر عبارة عن حروف زائدة فقط ولا يمنع من بقائها فنحن نقرأ ما في قلبك أيها الوفي لك من القلب كل التقدير بقدر ما في قلبك من نقاء ووفاء للوطن والعروبة وبقدر ذلك الولاء الذي كتبته لنا من حبر انتمائك |
ما بقتش عارف
هوه ايه يعني الألم؟؟ يعني ألب بيتكتم جوايا وفمّ كان حينطق كفايا قالوله ما تتكم يا عم وتغور ف ستين داهية أصلنا نطقنا ونطقنا حق .. وكلامك كتير وما لوش نهاية بس أنا عارف ومتأكد كمان حيجيلهم زمان ويصيرو بقايا.. محاولة بسيطة ..^^ .. كنت هنا |
*****
اروح اهرب ورا النجمة.. وتحت الكهف ف الضلمة.. وأتخفى ف ريش عصفور .. يخبينى وتحت جناح من الافراح .. يدفينى أروح لليل وأشكيله ظلام دربى الاقى وحشته القاسية تاخدنى ف حضنها الناشف لحزن طويل .. يقسينى وبرضه هناك ... تفاجئينى ***** أروح أركب سحاب هربان من البحار.. من المية.. يودينى .. لصوت الرعد .. يشجينى أروح للبحر ..يبلعنى ويحشرنى... فى بطن الحوت .. ليحمينى يشيلنى الموج على ضهره ويعمل من ضلوعى شراع ويغزل من همومى .. دراع يجدف بيا فى الاعماق هناك القاكِ يا دموعى .. تلمينى.. جماااااااااال نصير تحرك النبض داخل المتلقي، تسافر بنا حيث تشاء وتهدنا تفعيلات ننحنى لتوازنها تتمايل القلوب وتسقف الكفوف انت مبدع لك كل الاحترام |
أخي العزيز جمال نصير تسلم على هذه الكلمات المتناغمة وتخاطب القلوب بكل احساس صادق نابع من القلب...
اشكرك جزيل الشكر واتمنا لك كل التوفيق والنجاح..، |
اقتباس:
|
اقتباس:
|
اقتباس:
|
اقتباس:
|
| الساعة الآن 10:19 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir