|
هذي قصايد من فكر كل همه يفيد البشر
السلام عليكم عساكم بأطيب حال عوده من جديد وقصيدة بسيطة عسى تروق لكم بكتب قصيدي يابشر بس منكم أبغي العذر عشان أشوف عقولنا ونفوسنا وأحوالها لا عاد تنفع قسمة(ن لحلولنا والا الجذر حتى النصيحه ما لها في هالزمن مثقالها والدنيا تظلم حولنا ما عاد ينورها البدر والحقد زايد والقلوب مقطعين وصالها نجمع دراهم همنا ننسا نجمعه الأجر ونخاف ذكر الآخر حتى ولا نسعالها مدري الزمن من قسوته أحساسنا صاير حجر والا العقول مسكره كثر الجهل أقفالها صار التفاخر همنا وأخلاقنا كذب وغدر مال ومناصب شاغله كل الفكر نرقى لها ما يهزنا ذكر الممات ولا يخوفنا القبر دايم نشوف من العبر لكن ولا نفضى لها أسألك يا ربي الثبات وأسألك كل الصبر وأدعوك ربي نجني من قيدها أغلالها هذي قصايد من فكر كل همه يفيد البشر وأرجو السموحة لو يجي بعض القصور ينالها هذي مشاعر خافقي ما نهيها لو جف الحبر هاجوس شعري لو نزل يلهم معاه خيالها وسلااامتكم منتصر النيري |
الأستاذ الكريم منتصر النيري السلام عليكم ورحمة الله وبركاته مرحباً بك وبقصائدك الطيبه ذات الفكر النير والنصح السامق ....وهكذا عندما تصداء القلوب لاينفع معها النصح والإرشاد صح لسانك ودام حـرفك نجمع دراهم همنا ننسا نجمعه الأجر ونخاف ذكر الآخر حتى ولا نسعالها أعتقد أردت أن تقول الآخرة خطاء مطبعي وقع هنا حضوري مع أعجابي هنا |
اخي العزيز منتصر النيري ابيات جميله جدا ورائعه وفي غاية الجمال والابداع تسلم على هذا الابداع الراقي والجميل ودمت بكل خير وموده اخي الكريم وتقبل تحياتي |
أخي العزيز منتصر النيري
قصيده رائعه وانتقاء أكثر من رائع راح أنتظر كل جديدك ودي لك |
رد
السلام عليكم أخي النيري أعجبني جدا هذا البيت لا عاد تنفع قسمتن لحلولنا والا الجذر حتى النصيحه ما لها في هالزمن مثقالها و أتسآئل مداعبا :هلا جربت الجمع والطرح؟ قصيد وعظي جميل تقبّل تحياتي |
هلا فيك يامنتصر كلام من ذهب وحروف غلبت عليها العاطفة الصادقة بل هي رسالة ويالها من رسالة لو كل من قرأها طبقها لما رأيت من يحيد عن الطريق ولا يجانبها حقيقة نص فاخر وراقي الى ابعد الحدود أتفق مع أستاذي سالم الوشاحي وفقك الله...... |
| الساعة الآن 12:21 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir