( من ابراهيم يا لحمه ؟!! )
( من ابراهيم يا لحمه ؟!! ) , , بعيدة وْ وحدتي تكبر ويدفن رملها البسمة زرعتيني بأرض عطشى.. و صار الحزن بيداري يموت الموت باحظاني وما لي فيه أيْ قسمة حلمت بموتتي مرّة و صحيت بواقع اجباري هلي لا ما دروا عنّي.. ولا خالي .. ولا العمّة ولا صحبي.. ولا الأطلال لي عاشت بتذكاري أحاول أخفي اوجاعي و ادوّر للجرح حشمة وتفضحني الملامح لا انذكر إسمِك على الطاري صباحي زحمة احزان(ن) وليلي صمت(ن) وْ عتمة أقلّب دلّة الحرمان و اسكبها حطب ناري فقير (ن) ما ظفر بيْدك.. ظفر بالجرح و الصدمة و أهلي ما احظروا عرسي.. ولا ربعي.. ولا جاري أنا زفّيتها احزاني بليلة نورها ظلمة و نامت وحدتي جنبي.. و حلم(ن) راود افكاري تبي تدرين وش حلمي؟!! (جمالك يكتمل رسمه) و اجيلك طالب(ن) يدّك و عودك بالفرح ثاري و أرجع و اسئلك دايم (حياتي إبننا شـ اسْمه ؟ ) تقولي ( بنتنا شوق(ن) مثل قصّتك و خماري ) و توّي أحظن لحافك و فيني مْن الوجع زحمة أحسّ الشوق يخنقني بَـعَد ما ضاق بـي داري و احسّ اشتاقني و اسأل : ( من ابراهيم يا لحمه ؟!! ) مـ عادت بالجسد روح(ن) و صار مْن الحشا عاري غدى للموت هو قبر(ن) و قوت(ن) للحزن عظمه يعيش و يندفن موته بجوفه و العمر جاري مساء الجرح يا إسمي يقولوا انّ الصمت عصمة على حْصير العنا أمسي و شاخ العمر بجدراي يحيد النوم عن جفني و عيني ما اعرفت طعمه أبيت اطريك و اتنفّس هواك و أحزم اسفاري وحيد و للحزن شاعر لأنّي جيت من رحمه حزن حتى الحزن لمّا غيابك قطّع اوتاري أقلّب دفتر ايّامي و ارد ّ اشتاق للكلمة (حبيبي) ما غدت إلا ّ حروف و حبر باشعاري بجوف اللّيل أدعيلك و سال الدمع عـ الختمة أتمتم بالدعا لجلك و امدّ يدين للباري عساك بخير يا كلّي.. يـَ نور(ن) ما لمع نجمه خذوك بليلة(ن) ظلما.. وصار الحزن بي واري تمنّيت القضا بعدك يجي و يحبّني خشمه و يشنق رحلة الذكرى بَعَد وفّيت مشواري يكفّن دفتر اوجاعي بَعَد خانتبي القسمة بجوف البحر ربّيتك و غاب بيوم محّاري تحدّوني و إبن آدم أبد مــَ يتوب عن ظلمه عسى ربّي يجازيهم و يجعل نارهم ثاري ف امان الله يا حبّ(ن) وحلم(ن) ما اكتمل رسمه يعيش الملح بظلوعي ولا احـْد بوحدتي داري أناظر بُنصُري و ابكي عــ دهر(ن) صابني سهمه شريت الخاتم لــ عرس(ن) غدى به الـْحزن لي شاري ملامح صورتي تكبر و يدفن رملها البسمة بـعَد ما غابت بليلة وصار الجرح بيداري ’’’ |
لأبراهيم بني عرابه... شاعر ممتع
قصيده بها نفس طويل أبياتها جميله في أنتظار جديدك الأجمل بالتوفيق .. |
صح لسانك استاذي الغالي ما قصرت كلام جميل جدا ما عليك زود تقبل مروري |
بني عرابه
هلا فيك صديقي نص طويل النفس قريب من الوجدانيه به تلاحم موضوعي للرمق الاخير تشرفت بالمرور من متصفحك.................. |
اخوي ابيات جميلة
موفق بإذن الله تقبل مروري |
بني عرابه
كلمات معبرة وروعة وتصوير متقن للقصة والمعاناة أبدعت في نسج القصيدة فلله درك نتطلع للمزيد |
وحيد و للحزن شاعر لأنّي جيت من رحمه
حزن حتى الحزن لمّا غيابك قطّع اوتاري أقلّب دفتر ايّامي و ارد ّ اشتاق للكلمة (حبيبي) ما غدت إلا ّ حروف و حبر باشعاري هلا بني عرابه صدقني ان الحرف يشتاق لمن على شاكلتك فالموهوب من تاتي القصيدة اليها نبض قلم راقي لي كثيرا // دمت شاعرا جميلا // تقبل تحياتي بود // ناااصر // |
و توّي أحظن لحافك و فيني مْن الوجع زحمة أحسّ الشوق يخنقني بَـعَد ما ضاق بـي داري و احسّ اشتاقني و اسأل : ( من ابراهيم يا لحمه ؟!! ) مـ عادت بالجسد روح(ن) و صار مْن الحشا عاري أخي العزيز إبراهيم بني عرابة السلام عليكم ورحمة الله وبركاته صح السانك ولاهان منطوقك قصيدة رائعه من شاعر متألق واصل العزف أيها الأصيل فنحن ننتظر جديدك بكل شوق ..... |
اقتباس:
تركي الجميل.. شكرا لأنك أستاذي العزيز دائما ما تكون لك بصمة من نوع آخر وأنت تمر على كل نص.. أسعدك ربي دوما |
شكرا لأنك حزين هنا أكتب إلى أن نتوقف عن الحزن قليلا لنرجع إلى الصواب فربما ذاك الحزن يشعرنا بالجنون في بعض الأحيان هيثم |
الساعة الآن 05:29 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir