قصيدتي الحاصلة على المركز الثاني على مستوى الجيش السلطاني العماني لهذا العام
رياح الضيق يا شــــــمه عواتيها تهد بيوت وأنا بي شـــاخت العبرة ومد الحزن لي كفه مغاني واحة الفـــرقى عليهم تنتحب وتموت ضناها الهم ما باقي سوى العمدان والصفه تشــيخنا العنا عنوه يلبسنا الشقاوي بشوت نروّض صبرنا سبع السنين ونمتطي اللهفه يفك الضيم أزراره بثقله كالجبل مصفــــوت تسلطن داخل ضلوعي وهذا الحظ ع الشـــرفه ياْ شــــمه ضاقت الدنيا خواطرنا ألم مكبوت ذوى غصن الســـعادة وأعتراه البين وأختطفه تكدر جــــو حارتنا وناحت مفــرعات التوت تبدل زهوها طاحت ولا باقي ســـــوى الغفّه على نعـش الوداع دمــوع خالطها عويل وصوت وبدا طيش الســهر ليله على الخفاق يكتنفه براءة شــــــمس حارتنا تلفه عتمة التابوت ونفـــــسٍ من هجير البعد بالحرمان معترفه قلــوبٍ ضامية والحظ فيها بالرجاء موقوت وعينٍ بالبكاء تجهــش وجرحٍ طال به نزفه بكيتك لين ما جفت ســـواقي العين فات الفوت وتعصفبي رياح الوجد والعــــثرات مصطفه تلذذبي الوهن بعدك يزاحم في العــروق يفوت كــسر قفل الصدور وموجعاتٍ جامحه خلفه نزحت أبكي يا أطلال الوصال ولا هنالـــي القوت رجعت بجعبتي حسرة وعزمٍ خان به ضعفه رحلت وما رحــل عزك بقى في عهدنا منعوت ذخرته في مكاتيبي بقى الممنوع من صرفه رحلت وآه يا الحســـرة فقدنا الدر والياقوت متى مركب ســــــعادتنا يعانق مهجة الضفه ياْحادي الصمت وش باقي ألم في داخلي منحوت بكيت ســـنين وأشواق الحنين تمر بالصدفه رياح الضيق يا شـــــمه مساويها تهد بيوت وأنا قاومــــــت لكن الفــــــرح ما مدلي كفه |
قصيدة شامخة...
من شاعرٌ جزل... دار في بالي إقتباس الكثير.. ولكنني خفت من أظلم الأبيات الأخرى .. بالأجمع قصيدتك رائعة وتستاهل المركز وزود.. موفق |
هلا فيك اخي ابو راشد
قصيدة جزله تستاهل المركز وزود لك مني الف شكر على هذه الشامخه ولاهان منطوقك صح الله لسانك |
اخي ابو راشد
فعلا قصيدة تستاهل المركز الاول وفقك ربي |
براءة شــــــمس حارتنا تلفه عتمة التابوت
ونفـــــسٍ من هجير البعد بالحرمان معترفه قلــوبٍ ضامية والحظ فيها بالرجاء موقوت وعينٍ بالبكاء تجهــش وجرحٍ طال به نزفه ألف مبروووووووووووووووووووووووك.. تستاهل عزيزي وتستاهل القصيده.. موفق شاعرنا الجميل من تقدم لأخر .تثبت .. |
شاعرنا العذب أبوراشد العيسائي السلام عليكم ورحمة الله وبركاته صح منطوقك ولاهانت معانيك أبيات تتوهج عذوبه ...... لله درك أيها الأصيل مبروك المركز الثاني سجل إعجابي وتقديري. |
شكراً للجميع
والله يبارك فيكم لكم أرق واعذب تحية من القلب |
اخي العزيز ابو راشد العيسائي ابيات جميله جدا ورائعه تسلم على هذه الكلمات الرائعه والف مبروك على المركز الثاني وعقبال المركز الاول وتقبل تحياتي |
قلــوبٍ ضامية والحظ فيها بالرجاء موقوت وعينٍ بالبكاء تجهــش وجرحٍ طال به نزفه ياخو شمه ... القلوب ناحت والدموع جفت وخنجر الصرخه لازم الصدر سنين كيف لي ان اعبر عن قوة هذه الابيات !!!! متى مركب ســــــعادتنا يعانق مهجة الضفه ومتى مركب سعادتنا يلوح سلامه لو من بعيد !!! مشكور بو راشد ومبروك للفوز وعسى السعاده قريييييييييبه تحيتي |
من اجمل ما قرات اليوم قصيده روعه وتستحق المركز بجداره صح لسانك يا ابو راشد |
الساعة الآن 09:08 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir