|
مجاراه بسيطة مع الشاعر القمه بدر الشحيمي
،،، الــــمــا /// ء ،،، ورّديــنـي مـورد ٍ ما يــــوردونــــه غـيـر من كـانـوا عـلى بالي..وكانـوا أغـرسيني بَـاوّل الـمـا فـي عـيـونـه أخـر الـما يشربـوه الّـلي استكانـوا ضلّـليـنـي ظـلّـلـينـي فـي غصونـه الكـرز ارهـق ركـونـه وْما تـوانــوا .. من يديـني نـبضي اتحرر سكـونـه عـاصفه تسبق عواصف من تفـانـوا أحطبـينيي بْرمش مغرور بْجفـونـه أربكـيـني وَاشْـعلـيـني لـو أدانـــوا ذوّبـيـني بْهـمسك وَصحّي طعـونه .. قـلب من ما لان يوم البعض لانـوا ... .. زيـدي لـي .. .......... امـيـاهـي .. من سُـكّـرك زيـديْـنَها اعـــذوبه في طـرفـك السّاهي .. يستـغـفـر الـمذنـب مــن اذنوبه ويـكــفّـــر الــدّاهي .. وَيـغـسّـل بْـــدمـع الـنـدم ثــوبه بـعـيـونــك الـنّــاهي .. ينـّهـي السَفـر ويـأول الـتــوبه فـي خـدّك الـبــاهي .. زهـر ٍخـلايـا النحْـل غـذّوا به والجوهـر ايضاهي .. رُمــــان ثـغـرك جوهـر حْـبـوبه والـنّحـر مـتـبــاهي .. كـأس ٍ وفـيه الـشمس مسكـوبه مــيّــــاس ٍ وْراهـي .. عــودك نــدي ٍ والـذهـب شـوبه هَالـنّـقـش مـتـماهي .. مـع نـقـش كُـلّـه سحْر وَاُعْجوَبه طـاووســك الـلاهي .. بـقـلـوب تـيّـمـهـا مـن اسلوبه .. لا يـلْـهــو ابـجـاهي .. المحـبوب يكـرم جاه محبوبه عــلّمـتـي اشـفـاهي .. تقـرا وريدي بْـلهـجة اشعوبه ... .. دثريني .. ............جيتك بْوَجْـدي بْشجـونـه عَرّي الّلي من على الوَجْـد استعانـوا أســتـثيـريـنـي بْكـنـاريـك بْلـحـونـه أفرديني اجناح عَـنْ مَن هُـمْ يعانـوا ثـمّـلـيني بْـغُـنجـك بْـخـمـرة فـنـونـه راوديـنـي بْهِـيْـنَمَــة عِــشـاق دانــوا أستـفـزّيـني بْـشـذا عـطـرك ولـونه مـُرهَـفـينـي فـي قطير ألبان زانـوا يا قـصيدة حُـلمي وفـيــروز كـونــه شَـعْـب نـيروزي لك بْـروق ٍ تسانوا أنـت ِ يَا تغريبة الـعـِشـق وْجـنـونـه أنت ِ أصدق من هَواهـم لـي أبانـوا كُـلُّ مـن في مِـعْـبد البال وْركـونـه .. راحـلـيـن .. وَكـنّـه ما فـِالـبال كانـوا " " " " " " " " " " " " " " " " بــــدر الـشـحـيـمـي .................................................................................. .................................................................................. شفت وجه الليل تجذبني عيـــــونه قلت هذا الليل فيه الناس عـــــانوا اهلنا بحر المشاعر يـقــطـعــــونه بالنجوم وبالمجرات اســتــعــــانوا يقصدون البحر في لحظة ســكـونه وان غضب موجه عليهم م ستـهـانوا لين نور الصبح يقبلهم بــــلــونــه او طيور البر فـــوق الـــجو بانـوا ما نسوا ذكر الإله اللي بـــكـــونه عانهم من بعد ما فيه اســتـعــانوا ذكــرى حبر لاهي ينسى وجع حسرات مكتوبــه في سطره الراهي يسيغ له كلمه من اعـجوبـه وبحرفه يـضــاهي شاعر فريده بصمة أسـلوبـه من علم الـــواهي يشــتـت الرحال بـــدروبــه يا نصفي الساهي علم منام الليل اكــــــذوبه م يموت متبــاهي من يحبس الأحلام في كوبه الذنب لـ الشـاهي والمغفره للي يبي التـوبه الحطب والعود تتشابه دخــــونه عمرهم في نفحهم ما قد تــدانوا انتي محراب المشاعر يـ حـنـونه بك اصلي كلما الابيات مـــــانوا غربيني في متاهات الـمـهــونه لك وهبت القلب وحساسه بيانـوا شاعرك مهما تزايد به طــعــونه ما يقول فـ غيبتك ملو وخـــانوا أحمدالمعمري فلك |
شاعرنا الجميل أحمد عبدالله المعمري السلام عليكم ورحمة الله وبركاته بأمانة لقد أستمتعت بما قرأت هنا ....فالك التوفيق صح السانك ولاهنت ... مجارة جميلة وإبداع متميز دام هذا التوهج ...يسعدني تواصلك الدائم معنا تحياتي وجل تقديري |
الشاعر الجميل
الشاعر الجميل الراقي أحمد المعمري فلك مجاراه راائعه .. وأبداع رااقي أيها السامي تحياتي لشخصك يثبت النص |
اخي العزيز والشاعر القدير احمد بن عبدالله المعمري مجاراه في غاية الابداع بينك وبين الشاعر القدير بدر بن ناصر الشحيمي ابيات رائعه جدا وصح لسانكم وما عليكم زود شعرائنا مبدعين ودمت بكل خير وموده اخي الكريم |
شاعرنا القدير أحمد المعمري تظللنا بروائع التعبير وجميل المعاني مجاراة شامخة كشموخ مكانتك في القلب أيها الأصيل صح لسانك ولسان شاعرنا بدر |
شكرا ً لحضورك هُنا شاعرنا الغالي
فلك المعمري تحية شكر وتقدير لك بو شهاب كل عام وانت بخير |
| الساعة الآن 03:06 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir